亞龍咖喱

營業中

休息中

成日聽到亞龍咖喱，終於有機會食到佢唔同平時食到用現成咖喱粉（黃色）加椰奶開，亦到唔用平時出街係餐廳食到果ｄ水水的咖喱汁佢ｄ咖喱汁係深啡色，內有洋蔥絲，咖喱上飄著一層紅油我食的是小辣的咖喱牛肉，比紅油呃左，其實唔係好辣對於我黎講岩岩好，我好怕會辣到係咁飲水，飲到食肚水個口又淨係得火熱ｇｅ感覺，根本食唔到食物的味道第一次食這種咖喱，覺得可以接受，而且咖喱很香，而牛肉應該是用滑牛（？），牛肉很滑，入口很嫩而且軟，咬開還有少許粉紅色不過我食開咖喱都鐘意有薯仔，我成日覺得薯仔同咖喱先係天生一對，如果佢有埋薯仔就好啦，或者中東咖喱的特色就係無薯仔（？）但今次的咖喱亦令我好滿意我是order外賣的，外賣送到來，很乾淨整潔，送漏了亦都很快搵人送番野黎ps 有段野唔出得,無啦啦比openrice當我係寫手,火都黎

很久以前來過一次，當時還在舊舖位，那次第一次食印象難忘，非常的辣但大量洋蔥碎又來的香。隔左咁耐，耐唔耐都會來一次，同樣的叫了咖哩牛腩，再要了咖哩牛肉，2樣都係少辣因為就算呢個程度對我來講都係非常要命。牛肉比牛腩還要貴~意想不到，一客要飯一客要餅，2客牛先上，還是一樣的香 不同的是飯好似少左@_@"" 應該要多飯，洋蔥碎跟以往一樣的多，一樣的香，但還是超級的辣雙眼噴火，面上冒汗像下雨般 。鹹餅用來送咖哩乃不錯選擇 包起肉+汁一起倍感好味 牛腩帶少少肥很惹味，相反牛肉就失色了感覺就像普通牛肉加了食粉以致嫩滑的感覺，相信下次不會叫這。店員好像在落order跟單方面比較甩漏希望下次會有所改善吧~始終這裡的咖哩我很喜歡呢

平時好少踏足佐敦區, 一來廟街一帶遊客為主而呢 d 遊客區, 有兩個共通特點1) 人山人海, 人頭湧湧2) 價錢係"遊客價"朋友提議不如去"阿龍咖哩"啦, 又好, 好耐未食野食到出晒汗 !!其實我次次去到都唔記得邊間係元祖店, 邊間係後加店朋友有個自家(唔可靠)方法, 就係邊間企人出來派傳單果間, 話自己係正宗果間, 就係....後來者不過我認為, 邊間先邊間後, 並非最重要因為一間店好食, 合你口味就得啦, 那需要盲目崇尚明牌 ?最後, 我憑感覺入左"亞龍咖喱 Ah Lung Pakistan Halal Food" (我係餐牌對左一次, 應該無錯)同朋友一人叫一個 share 食, 因為樣樣都好想食, 望到隔離位果碟就流口水 咖哩牛腩配薄餅 咖哩雞配飯唔,,,,憑感覺食一啖先, 係啦, 係呢種感覺啦適中既咖哩辣香 + 煮"林"左既洋蔥碎, 好正 !! 係呢間啦 !!溫馨提示 : 1) 此店位置前後的其他食店, 多左好多國內遊客在門口等位或抽煙唔受得煙攻既朋友要小心, 2) 另外, 由於一帶既樓宇係比較舊, 冷氣機滴水既問題比其他區嚴重由地鐵站/ 小巴站 行到此店, 或多或少

本人已光顧此店多年, 由舊店到新店, 最少也光顧不下於二三十次。一向也甚為欣賞其咖哩的獨特味道。但今次之後, 我保證唔會再光顧。話說我和友人去食, 而友人是不愛食洋蔥既。 我地叫左咖哩牛肉同咖哩牛脷, 我食既牛脷要求「多洋蔥」, 係d洋蔥碎。 佢地幫我落左「加洋蔥」, 係成個洋蔥, 盛惠 +12蚊 一客。 我不虞有詐, 上菜時洋蔥又浸在汁內, 根本就睇唔到個洋蔥。淨係錢都算, 問題係:1.個洋蔥未煮熟既, 又難食, 又破壞左本身既味道。2.佢一次過就加晒落兩客, 唔出聲, 加收足我廿四蚊。3.我找數時同佢講, 我只係叫左在牛脷嗰客, 下面樓主圖入面金髮嗰個老闆娘(我認得佢), 仲聲大夾惡話: 「咩呀, 食完唔俾錢呀而家」。收完錢後, 現實加虛偽既佢先扮晒野, 粗聲粗氣咁講聲唔好意思呀!但係, 我保證佢地最少已流失了一個幫襯左超過十年既客人, 同埋推動到我第一次留評, 就係要公告天下~!!!

去亞龍咖哩都食了很多年，一直都喜歡個種特別香濃的咖哩味道，所以有空時除了會去一些印度人開的咖哩店外，亞龍咖哩都是不二之選。亞龍咖哩就在吳松街和寧波街的附近，周圍都有很多的食店，想選擇食其他的東西非常容易，但來到附近點都會去亞龍咖哩食的，不過這店就比以前搬過了隔離的這一間，現舊址也開了一間的咖哩店，又出現什麼,正宗和不正宗的問題，可能我個人都是喜歡一直食開的味道，所以都會去新開的店來”懷舊”一下。去到當日非常早只是五時多一些，店內只有一個客人，店員也在進食晚飯中，不過都有少少肚餓，都行了入去選了一個位坐下了，店內的格局非常簡單，全部都是長方型的枱排了三排在店內，店內也沒有什麼的特別的裝修。亞龍咖哩的餐牌最重要當然是咖哩類的食物，其實還有蕃茄和一些青瓜配的食物，不過來到亞龍咖哩唔食咖哩好像有點要那個，所以就叫了兩個少辣的咖哩牛腩和咖哩魷魚。咖哩牛腩($44)來到的時候仍然都是這種懷舊的味道，濃濃的咖哩味伴上了少少的香料味，和去印度餐館這些濃濃的香料味又是不同的風格，但反面顯示出這些有香港特色的咖哩，而咖哩汁底也不會好像香港普通茶餐廳做得這樣杰，面上還有少少的辣油，兩者非常配合，汁中有帶在大

上次年初二我去了間冒牌貨「阿龍咖喱」食, 不料一吃就覺得很難食, 問題在於咖喱味很表面, 只在洋蔥等配料上, 汁除了有辣味就沒有其他味, 蘸上薄餅就更覺難食, 因為薄餅只能沾上咖喱表面的一層油, 又沒有咖喱味, 簡直是難食~今次我終於有機會到正版的「亞龍咖喱」吃, 雖然我知道港式化的食物並非小弟的那杯茶, 最愛的還是正宗的印度咖喱, 既然我想試菜, 就盡量公平一點去評論一下.既然打正旗號是「港式巴基斯坦咖喱」, 那麼我選擇了港式的牛腩配上白飯, 就試試有什麼因素可以令香港人歡迎呢?一上菜就嗅到香濃的咖喱味, 於是我第一口吃下牛腩, 結果令我頗滿意, 牛腩不韌之餘又入到咖喱味, 無論食什麼式的咖喱也好, 總之食咖喱配菜入味是必然的, 否則吃了一個汁還汁, 配菜還配菜味道的咖喱, 那麼就不好吃了. 汁的味道也討好, 應有的香味亦好, 配上大量的洋蔥碎吸收咖喱汁的精華, 也是一個很不錯的做法. 配白飯可以盡吃咖喱的濃香味道, 很夾.之後我點了一個鹹薄餅, 這個薄餅質素真的很不錯, 我可以講這絕不差於正宗印度薄餅, 上碟的時候夠熱又夠脆口. 上次去「阿龍」的時候, 點了一個很難吃的薄餅, 上碟

好幾年無食過阿龍咖喱，一直都好掛住好想食，呢日去完天際１００，落來佐敦搵食撞啱見到，所以入咗來食。男友鍾意食雞，所以叫咗咖喱雞配飯，啲雞好鞋，唔好食。我叫咗咖喱牛什配餅，牛什有牛腩、牛脷、牛筋＆牛肉，全部好淋，可惜牛脷得一兩舊，多啲會好啲，啲汁um餅食好味，可惜餅太少唔夠。感覺上味道都唔唔錯0既，不過同記憶中差啲，而且男友話唔鍾意呢陣咖喱味，又唔鍾意個餅0既味道，所以都影響咗我。整體上都ｏｋ0既。

自從"阿龍咖喱"搬了新鋪位後一直沒有再去幫襯,今曰因要到九龍修理 iphone的關係,所以順路去食吓亞龍咖喱,但佐敦"阿龍咖喱"鬧了雙胞,一間招牌寫著"正宗亞龍咖喱",另一間就沒有"正宗"的字眼,但我看見門口有個牌,當中有一中年男子的相片-他就這我以前見過的"亞龍咖喱"的老闆於之當然去食正宗亞龍咖喱個間店啦今曰order了一個中辣咖喱牛肉及一個小辣咖喱牛脷,兩個都跟白飯,基本上牛肉和牛脷都煮得十分之鬆軟嫩滑但是咖喱飯是否好味就是要睇吓個咖喱汁煮成點了,今次再食亞龍咖喱發覺佢的咖喱汁比以前落多了蕃茄做配料,我認為這樣令咖喱汁的味道更加特出又更好味呢

一直食開, 唔會去錯既, 咖哩雞, 中辣, 咖哩牛腩, 少辣, 一個要飯, 一個要簿餅, 再加一枝大啤, 牛腩十分淋, 咖哩味香, 可惜是少辣, 唔合我胃口, 朋友一個人清晒, 佢話好好味, 有些少甜添, 咁味有些少似日本咖哩? 我喜歡中辣的咖哩雞, 雖然雞肉有些少實, 相信都是雪雞, 但咖哩實在很香, 成碗飯比我食晒, 下次再嚟試一試大辣

自佐敦"阿龍咖喱"鬧雙胞之後，一直也沒有來過。是日下午路過佐敦，忽然想吃咖喱，於是走入吳松街，到來吃一碟咖喱飯才能滿足....記得從前常來幫襯，一個月也有一兩次。總有點懷念吃完後整個口腔都是洋葱味，痛快....有好多生客仍然將兩間"阿龍"混淆。請記着，帶着眼鏡個子不高，經常穿着牛記笠記短打一度的一個中年男子，就是正統的"阿龍"了....店子用了新裝修，確是乾淨企理了不少。老闆依舊穿梭於廚房及用餐地方之間，努力地幹活....一個咖喱膽配上不同的配料，就是這裡餐牌的所有了。最近為了照顧素食者的需要，也在menu上加了多些菜蔬。不過小弟每次一枝公來之時，都只是食一碟咖喱雞或牛腩飯便算 (它的naan做得不太對版，故此很少叫).....今天吃的是牛腩。先說那個久違的咖喱汁，洋葱及蕃茄依然成為主角，入口既香又惹味。吃得出下了不少香料進去，稠度及辣度皆適中。水準依然別來無恙....不過那牛腩就是失敗之作 ---- 完全不淰身，尤如在吃鞋底一般，牙力強勁如我都受不了要吐出來.....下次再來，還是要吃雞或魚比較穩妥....四十多大洋一碟，說貴不貴，仍是可接受的....

行過廟街，下午4點先食lunch，無乜可以揀，見到個大召牌亞龍咖哩，印象有人提過，所以試試.因為我地由街尾問始行，差d入左阿龍巴基斯垣咖哩，咁男友拉一拉我，話隔黎又有一間，我心諗又有翻版，睇下邊間多人食就人邊間，跟住四眼佬老板，就話，唔好俾人昆，你差d入錯喇，咁我地就入左佢個間，因為有4檯食緊，隔黎就一個人都無餐牌得約十種材料，應該係同一種咖哩，揀左雞同牛利。巴籍咖哩好唔同，口感特別有咬口，因為當中應該加入左大量洋蔥同番茄。牛利炆得好‘淋’，我個人口味黎講，我鍾意，但係個雞就有d老。佢可以俾我地跟飯或薄餅。其實我食親curry都好多時為左食薄餅去食，我男朋友end up 要左一餅一飯，我問點解唔叫兩個餅，佢話餅唔係間間好食，飯穩陣d.最後佢個鹹餅真係幾唔好食，我唔信其他口味都咁差，再加$12要份油餅，點知都後麻麻...失望，男友俾個飯我食，佢食餅..hahah..不過，佢話好彩我食得少，佢先夠飽，如果一個人黎嗌一個餐，佢話佢應該唔夠，所以佢話都唔算平，不過原來已經出名，價錢尚算ok la總括黎講，都唔錯啦

過左午市時間去唔駛等位...辣度黎講, 試左小辣同中辣, 小辣再辣少少就剛剛好, 中辣就真係辣得滯, 要不停飲冰水...咖哩牛腩 + 雞 + 魚 + 蝦 - 一致認為牛腩最好食, 雞正常, 蝦都好食, 不過份量較少, 魚就好腥薄餅 - 新鮮做熱辣辣點咖哩索晒d汁食,絕配

近日因工作而常到尖沙咀.所以近返老友.不需他們老遠入荃灣.通知所有老友.在尖沙咀可找我一齊食飯呀今日好友夫婦相約收工食飯(是食宵夜才真.因本人收工時間是十一點呀).好友夫婦又不計意.收工後好友夫婦帶我到佐敦阿龍食咖喱.廟街附近好多食市都試過.阿龍今次首次來食.(因一向都覺得不是我杯茶)今次老友帶來.一定要試試啦(我一向都喜歡食咖喱).老友來拍板 咖喱牛脷 $40 一般咖喱羊肉 $68 幾好味咖喱什菜$36(老實講.叫由菜便可.因己有好多咖喱汁了)咖喱牛尾$60 淋少少仲好食完我就確定它不是我杯茶.但好友夫婦就好喜歡食.我就鍾情印尼咖喱.次為泰式下次會試蕃茄菜式

天氣凍左.....就諗起食呀龍咖喱...真係多人左.....個收銀姐姐好快手...一入到去就問我地幾多位...好快坐抵左....!!!我地一共四個人...是日無晒茄魚.......朋友問可唔可以要茄雞..!!!但係好快就俾组姐話唔得...!!!哈哈.....唯有叫左咖喱雞..!!!!!小辣一個..中辣兩個...茄牛一個~~得我一個要薄餅~~~!!!最後佢黎左所有都係飯...我想搵個人收左我個飯去都無...!!!!就只係聽到收銀個個姐姐係咁叫人入黎食...又係咁ORDER...我係咁叫佢佢應左就算但係又唔會幫我;收左個飯去架喎~~~!!好辛苦先有人肯收番個飯...但係我個薄餅呢????等左真係好鬼死耐....好似D薄餅整唔切...!!!!我D 朋友個個都食到一半L:AW!!但係我仲味開始食LAW!!!咁無理由要我自己唔夾餅只飲佢D咖喱汁架???!!!!之後見到佢出薄餅...但係佢俾左D遲過我落ORDER既人先....!!!係咁同收銀姐姐講....我個薄餅呢?????......去到最後我D 朋友食晒我先開始有得食.....!!!有D唔開心...但係佢D咖喱汁真係幾好味...!!!!不過茄

放工去佐敦拎信用咭禮物之後特登去亞龍食咖哩我同女友分別叫咖哩牛腩, 咖哩牛筋, 兩個都係中辣另外加多個薄餅食左咁多年, d咖哩始終都係咁好味! 可惜今日d 牛腩有少少硬牛筋一樣好好味, 好辣, 好正咖哩撈白飯/薄餅無得頂!