享丼丼 (已結業)

享丼丼係一間幾有特色既日式餐廳。你問我，我會覺得佢係一間日式茶餐廳，不過佢地既食物質素都唔差，價錢非常化算。魚生刺生質素呢個地段呢個價錢呢個份量算係十分好。午餐小食就奇怪左少少，有啲印度風。。。午巿係比較多優惠。我估佢意思係買三送一，四一同行一人免費。午巿有呢個自選，令我諗起車仔麵。所以先話似日式茶餐廳。呢個超值午餐係完全唔合乎邏輯地抵食。大食既朋友，一定要㨂呢個，真心無得輸。唔知佢點賺錢番黎。。。總結：午巿好選擇，一個人都唔驚，四個人黎更好，記得㨂自選，食到你反肚。

聽到呢間餐廳個名咁響當當，喺門口睇完餐牌覺得幾啱食，就入去試下。餐廳主要以卡位為主，坐得好舒適。隨即叫番幾杯野飲，鹹檸檬雪碧係我至愛，可以爽一爽喉嚨。朋友都叫咗一杯好濃郁嘅朱古力暖一暖個胃。除咗厚厚嘅餐牌之外，仲有啲特別優惠餐牌，最優惠嘅係凡惠顧套餐或定食滿$80以上，就可以加$1換購刺身或者壽司，好抵食呀！我哋都唔執輸，+$1 要甜蝦刺身。甜蝦都好大隻，口感爽口彈牙，新鮮美味。女士們最鍾意食豆腐，可以養顏，隨即叫咗一份芝麻醬冷豆腐，芝麻醬鋪滿晒喺豆腐面頭，食落去質感好滑溜。仲有韓風炸雞翼，雞翼好大隻，食落去外皮香脆，入面嘅雞肉肉質鮮嫩。另外日本山葵醬炸蝦都同樣滋味。除此之外仲叫咗啲壽司，包括火炙三文魚、鰻魚同埋我最鍾意嘅火炙左口魚邊壽司，食落去簡直有入口即溶嘅口感。重頭戲一板海膽，海膽呈現鮮橙黃色，食落去全部都係鮮甜無比，根本唔需要點豉油Wasabi，已經好好食了。

去個活動之前醫下肚仔，入去旺角通菜街一間日本菜餐廳食晚餐。餐廳招牌以紅色為主，門面非常當眼，所以好容易搵到餐牌種類多款選擇，而且有晚市套餐提供，一個套餐包含多款食物都只係$100有找。超值自選晚餐$99，A、B、C食物各選一款，當中包括前菜、小食同埋主菜，套餐中附送四款茶類飲品，如果唔啱飲，仲可以加錢換購其他特色飲品。我就揀選左雜錦刺身五片，當中嘅三文魚條紋平均，食落去有口感之餘，味道新鮮。小食日本山葵醬炸蝦🍤，吉列外皮炸得香脆可口。主菜就是牛肉稻庭湯烏冬，食完已經好飽肚。朋友就叫其他食物，包括散叫同埋套餐類別，四個人連埋食一板海膽價錢都只係$600有找，感覺性價比高，而且食物質素有保證，值得一試。

十月時間秋風起，又到食飯時間。過開旺角當然要從回舊地。（因為食過所以再食）今次叫左一個牛肉飯餐，一個七味海鮮餐，個牛肉飯(個牛肉好得)而海鮮餐都唔錯，美中不足係個冷烏東上的茄子（個🍆樣子不太好，而味道就）一如既往食個餐加任食刺身壽司個刺身依然新鮮美味，今次多左壽司任食，發現一點小驚喜。就係火炙三文魚同左口魚。一上枱飄出陣陣香味個左口魚仲要入口即溶（係我食過最好食的燒壽司）。食完依餐，感覺係香港的日式快餐，快正抵。正正就係吸引我的地方，平凡中的不平凡。

因為想食拉麵和日式食物, 所以就幫襯下依間。原本期望唔高, 不過食落其實都唔差。( 其實附近有太多食肆, 依區競爭非常大。)下午茶時段唔需要等位, 而且比較寧靜。<日式咖哩炸雞飯 + 味噌湯>日式咖哩好美又惹味; 炸雞炸得脆, 又唔會太乾有肉汁, 時間啱啱好。<加州卷 + 炸餃子野菜湯拉麵>加州卷出奇地美味, 完全冇「揸流灘」。 炸餃子譯係出色, 唔似一般雪藏貨。拉麵睇落普通, 但其實都做得好唔錯。<凍奶茶>唔差<柚子蜜>好飲依度嘅下午茶時段, 係一個幾好 hea 嘅地方。

媽媽發現旺角一間專食丼專門店，丼set價錢$99，另加$79任食刺身壽司，最啱大胃王。由魚生丼到牛肉丼都有，平平地食個丼又得，大胃王加$79食盡刺身壽司又得，平均$170有刺身任食，性價十分高丼set可以A、B、C各選一款，奉送餐茶還有素食料理晚餐想輕食可以$1，有碟刺身另加$79任食刺身壽司，種類頗多任食刺身拼盤 （另加$79）6款魚生款款鮮甜，沒有腥味，有三文魚、甜蝦、大赤蝦、刺身蝦、北寄貝、三文魚壽司、花之戀、火炙左口魚壽司A: 豆腐沙律豆腐幾滑，加上胡麻醬幾開胃B: 吉列日本蠔外層炸得金黃酥脆，日本蠔鮮甜蠔味重C: 雜錦角切鰻魚飯蒲燒鰻魚放珍珠米，旁邊放有茄子、螺肉，鰻魚juicy 沒有鯹味，配上飽滿珍珠米，非常美味C: 野菜稻庭烏冬稻庭烏冬纖巧細緻，口感柔滑，簡單用鰹魚湯煮熟，加上紅蘿白、白菜、冬菇，簡單美味

風暴前夕雖然都要返陣夜的確係頹啲😢但無阻我同朋友返工前開大餐既好心情😆是日俾朋友帶住去覓食最後黎左間嘆下日本野😆！享丼丼位於旺角通菜街喺旺角站或者油麻地站過黎都十分方便😆呢度環境裝修簡約但周圍掛滿唔同日式風味既擺設同埋布簾😆而卡位座位設計有空間感坐得幾舒服☺️十足居酒屋風格😆🇯🇵除左一般午市定食仲有另一份特別定食餐牌選擇而且加$79仲有刺身壽司任食🍣🤩夠哂吸引之餘又抵食😝☺️定食主食前會先送上鯛魚薄切小卷🐟小卷鯛魚夠鮮甜之餘😋食落肉質一啲都唔鞋😆🐟配合埋沙律菜包住一齊食🥗以及灑上一點芝麻粒🤤口感爽脆之餘亦夠Fresh😆配合特製醬油亦帶出魚既鮮味☺️而定食亦有附上五款小食同埋麵豉湯😋十分豐富😆🙌🏻🍱小食包括唐揚炸雞、炸餃子、炸蠔、麻醬嫩豆腐同埋中華沙律😋麵豉湯內亦有椰菜絲等蔬菜配料😝足料之餘亦絕不馬虎☺️蒲燒珍寶鰻魚飯鰻魚果然夠哂珍寶🐟🙊大大塊厚肉之餘肉質亦好嫩滑肥美😋配合埋鰻魚燒汁一流🤤另外茄子亦煮得夠軟身😆食落入味好Juicy🍆😋咖哩香煎雞排飯店員會另上咖哩汁俾客人自行控制份量😆避免影響口感之餘亦顯細心體貼☺️有四塊雞排份量都幾多夠哂足料😋🐔而雞排配合醃料煎得夠香之餘😝肉質亦夠嫩滑而且食落唔會

如果好想盡情狂吃刺身壽司，但又不想花幾百元吃放題的話，這間新開餐廳會是個經濟之選，價錢平民之餘，質素還比一般放題更佳，令人喜出望外。餐廳的定食選擇頗多，隨餐還附送麵豉湯、飲品、前菜、小食五點，相當豐富。前菜是鯛魚薄切小卷，厚嫩的魚生包著小青菜，味道清新，好開胃。小食五點款款都出奇地好吃，尤其吉列蠔香脆多汁，餃子皮脆餡滿，胡麻豆腐滑溜惹味！和風西冷牛肉飯醬汁調得美味，牛肉份量多，肉質嫩口，好有肉味。另一定食是七味海鮮盛合配冷稻庭烏冬，炸魚炸得金黃，恰到好處，魚肉嫩滑，充滿油香。吉列蝦同樣香脆，不會好油，蝦肉彈牙。冷烏冬麵質煙韌富彈性，配上厚切茄子意外的夾。任食刺身及壽司的選擇比想像中多，本以為如此便宜又任食下質素可能很一般，誰知大有驚喜。刺身壽司賣相俱佳，絕不馬虎，而且件件都好新鮮，質素令人十分滿意，完全不比一般壽司店的遜色。也想不到即使再encore數次都仍能保持水準。三文魚色澤靚又夠肥美，脂肪均勻。最驚喜是赤蝦超大隻好厚肉，肉質非常彈牙爽口，鮮味十足。就連少有的左口魚裙邊都好出色，嫩滑無比，魚油豐滿。壽司都不能錯過，全部均是即叫即製。火炙三文魚壽司肉質好嫩滑，滲出啖啖魚油，非常美味。

旺角登打士街唔太顯眼既兩旁, 其實有唔少食肆小店, 價錢相比集團式食肆便宜一點。經過見到呢間日本菜餐廳, 門外展示了不少優惠menu, 望入餐廳格局不是貴價那種, 於是同朋友就入去諗住食個平平地既dinner。見到其中一張menu非常吸引, 食滿HK$80定食套餐, 每位再加HK$79, 更可以無限時任飲任食壽司、刺身!對於放題達人既我地, 絕對唔會錯過!我就ORDER左個定食【咖哩香煎雞扒飯定食】HK$89定食配有味噌湯、一隻煎餃子、一粒炸雞件、一隻吉列蠔, 同埋一碟沙律~重點放於主菜既定食, 咖哩汁分開上, 雞扒雖不是香口, 但肉質確實很滑, 肉汁豐富, 點上沙律醬, 更加正!個人亦很喜歡個咖哩汁, 咖哩夠香, 而且甜甜的, 撈飯食簡直一流!朋友就叫左個【鰻魚汁玉子豬扒飯定食】HK$89豬扒好香脆而juicy. 加左鰻魚汁令飯不單調, 鹹鹹地, 仲有螺肉食tim~壽司、刺身任食有以下選擇, 雖然刺身質素不是高質, 對於$79任食黎講, 選擇多, 而且可以食到盡, 絕對抵食! 三文魚沒有明顯既魚油, 質感偏林赤貝 薄切, 但口感略爽赤蝦 大大隻, 可惜有一兩隻帶少少腥希靈魚 質素最好

到旺角買東西，剛好晚飯時間，經過這間應該是新開張不久的享丼丼，便決定試試。餐廳座位寬敞，充滿著日本風的佈置擺設，而且乾淨企理，讓人感覺舒服。晚餐有不少套餐和定食的選擇，讓人的選擇困難症又發作了。如果惠顧$80或以上的套餐或定食，還可加$59任食刺身，加$79更任食刺身及壽司。若食量沒那麼大的話，也可加$1點3款指定刺身或花之戀一件。因為我們食量不算很大，所以點了2個$99套餐，另再散點了一些食物，沒加錢任食刺身壽司。芝麻醬豆腐沙律加了飯素，味道更豐富；金菇牛肉卷的牛肉夠軟稔，醬汁的味道亦調得恰到好處；壽司上的刺身整體合格，入口不會太冰凍，亦沒有腥味，特別海膽更是鮮甜，飯握得夠實，不會太軟太硬，醋酸味剛好。燒鯖魚沒有燒到太老太乾，保持肉質濕潤軟滑；加州卷不會一咬即變鬆散，材料和飯的比例適當；鰻魚飯竟有螺肉，有點意外，而鰻魚肉屬厚身，口感有彈性，醬汁不會太甜，可惜有我最討厭的茄子。1蚊加點的北寄貝刺身和花之戀質素也不差，北寄貝不腥，三文魚亦算肥厚。芝士春卷 $29薄脆的春卷內包著軟心芝士，芝士味濃。山葵沙律醬炸蝦 $32炸到金黃鬆脆，炸漿厚度亦可接受，且沒有很油，內裡的蝦生熟度剛剛好，口感

女兒又發現美食，旺角的享丼丼，食滿80元以上套餐或定食，就可以加$79刺身壽司任食，飲品任飲。我們放工後行左一陣女人街就前往享丼丼，餐廳地方整潔，座位多數是卡位，坐得舒適。首先要選80元以上的定食或套餐，我們選了定食，再加錢任飲任食刺身壽司。定食奉送的有：小食5點（吉列炸蠔、炸餃子、炸雞、芝麻醬豆腐沙律、中華沙律）和鯛魚薄切小卷。味道清新，還有味噌湯。鰻魚汁玉子豬扒飯：份量都不少，豬扒厚切，炸至金黃色，外脆肉嫩，還有辣味螺肉和茄子，加上特製滑蛋鰻魚汁，好美味！蒲燒珍寶鰻魚定食：鰻魚厚肉又大塊，燒至金黃色，加上特製鰻魚燒汁，彈牙又惹味！任食刺身和飲品都有多款選擇。第一碟刺身是由廚師發辦，差不多有齊紙上的刺身，各款刺身新鮮，擺設精美。我們特別喜歡肥美的三文魚，爽口的赤貝和刺身蝦，鮮甜的大赤蝦和有頭甜蝦。今晚任食我們主攻刺身，已經夠飽，壽司要留待下次再來試。

係旺角行行下街，見到呢間餐廳做定食+59蚊可以任食刺身，勁抵喎，即刻入去試下啦。餐廳地方唔算大，但環境舒適，台與台之間唔會太逼，空間感十足。食物種類非常多，原來除左刺身任食，連飲品都係任飲架。估唔到連麵豉湯都有得飲，正！海膽帶子蟹子魷魚丼一上台已經嘩左聲，係成板海膽架，海膽好鮮甜，絕對係新鮮貨，一啖海膽一啖刺身一啖飯，超滿足！鰻魚汁玉子豬扒飯定食豬扒即叫即炸，熱辣辣，厚切多汁，配合埋個鰻魚汁，會不自覺地食左勁多飯。任食刺身淨係蝦都有三款選擇，推介赤蝦，超大隻，超肥美。赤貝都好鮮甜，全部刺身都好新鮮，絕對唔係將貨就價。我地試左一轉之後，就主攻赤蝦甜蝦同赤貝。飲品叫左低糖綠茶同麵豉湯麵豉湯有驚喜，好好飲，唔係一般餐廳求其開水沖果d，有誠意。任飲任食埋單都係3佰幾，好抵食，鐘意食刺身既一定要試。

今日放假同老公去旺角搵食，行過見到尼間新開嘅食店有任食刺身，只係79蚊，好吸引，就入去開餐啦！店內環境尚算整潔寧靜，店員安排我地坐四人卡位，幾舒服原來刺身壽司任飲任食係要惠顧80蚊以上嘅套餐或定食再加79蚊享用的，所以我地先選擇兩個定食先，選擇好多，花多眼亂，為左一陣可以食多d刺身，我決定叫d無咁易飽嘅食物我揀左尼個健康素食料理套餐，有青瓜小卷，炒野菜同茄子冷烏冬，青瓜小卷味道不錯，正正常常，炒野菜炒得幾香，茄子冷烏冬，烏冬爽口彈牙，茄子酸酸地好入味，再撈埋個酸辣醬非常開胃惹味老公叫左個超值自選套餐，好豐富，芝麻醬豆腐沙律做得非常出色，豆腐好滑，個汁調得好好味炸蝦🍤非常新鮮甜美，炸得好脆，不錯黑椒厚燒牛肉飯，牛肉好林而且無筋，有牛味，醬汁亦非常惹味食完套餐，主角出場，刺身拼盤，單睇賣相已值回票價，每款刺身都有齊比你試試，食過好味再無限encore我鍾意尼種感覺，哈哈哈......刺身質素仲要非常好，新鮮甜美食完可以tick紙再encore呀！不過我地已經飽飽地Encore左好小，唔制呀！最後飲埋杯茶，捧住個肚走人大胃王一定要來試試，埋單350，平過一般日式放題一大截，值得推薦比各位試試

上星期出旺角行街 行到餓餓地就去醫肚 收到傳單望落唔貴就入咗去🤣 餐廳應該係新開 望落幾企理同新淨 地方都算大 大部分都以卡位為主 所以都坐得好舒服 而且有唔少貓貓既畫 令人覺得好可愛🐱重點哩到提供free Wifi 岩哂遊客或者好似我地成日機不離手既人 😬餐牌既選擇都唔少 我地就簡咗兩個定食 另外仲加咗$59 嘆刺身任食🤤除咗任食 仲可以任飲 岩哂我地✌🏻 選擇都唔少 有冷有熱選擇 低糖都有 夠哂貼心 連味噌湯都可以任飲 我朋友都飲左3大碗 不過我就鐘情人手沖製既凍檸茶😆 不得不讚 凍檸茶沖得相當好飲 有茶味🍵 茶底唔係太濃亦唔會太苦澀 檸檬🍋香 加堆糖水份量得宜 成功做咗一杯稱職既檸茶每款定食都包幾款前菜 包括 鯛魚薄切小卷 味道正常 新鮮惹味 中華沙律🥗 豆腐配芝麻醬 炸雞塊🍗 炸餃子🥟同炸吉列蠔 鯛魚刺身切得薄薄 包住新鮮既沙律菜 點上沙律醋 好開胃 🤤整體都唔錯 炸物夠熱夠脆 唔會話凍冰冰❄我所點既係蒲燒珍寶鰻魚定食 鰻魚大大片 肉厚配上濃味既鰻魚汁 撈埋飯食岩岩好💕醬汁香甜 油膩感唔算大 鰻魚魚皮有燒過 有小骨 但肉質係幾肥美 就價錢而然 性價比算高👍🏻而朋友點既係七味海

今日去完旺角買嘢， 途經廣華醫院對面， 好多小食嗰條旺角登打士街街， 地鋪有間新開嘅日式料理店。 我哋見到門口大大個招牌有許多新開優惠。 加79蚊仲可以追加任食刺身壽司同飲品。 唔使諗即刻入去坐低嘆下冷氣先。有好多定食套餐，特惠晚餐。 自選套餐超過$80 便可加$79任食壽司刺身和飲品， 計落條數幾抵， 仲好似冇限時坐幾耐。選了兩個套餐都超過$80 前菜係鯛魚沙律。 用鯛魚刺身包醬沙律菜， 淋上和風沙律汁， 清新開胃。和風西冷牛肉飯 $89牛肉飯好惹味， 個汁加埋紅洋蔥煮到好香。 小食四點: 海帶絲好爽好乾身。 吉列炸蠔 雖然細隻但熱辣辣， 麻醬豆腐， 味道調配得唔錯， 豆腐唔會出水。 炸餃子估唔到都幾好食， 個皮仲脆。 仲有件炸雞底下都有沙律醬調味， 炸得幾鬆脆，雞肉嫩滑juicy. 珍寶鰻魚定食 $99好厚好大塊嘅鰻魚差啲睇唔到碗飯。 鰻魚汁唔會太鹹， 鰻魚肉質肥美， 加上稍為剪煎香了一下， 令鰻魚唔會太過腍身， 送飯一流!刺身壽司任食，飲品任飲(每位加$79)任食部分都係用剔紙仔估唔到飲品 会包括茶餐廳嘅凍檸樂(仲有檸底)，凍奶茶，凍檸茶..唔係淨係得罐裝汽水。 刺身