享丼丼 (已結業)

門口見到呢間新開無耐嘅享丼丼，大大個招牌+$59任食刺身，我就被吸引左入去喇！星期六嘅晚上6點，暫時得一桌食客。店面就唔算大，被安排到嘅座位都闊落！要選$80以上嘅套餐或定食先可以加$59 刺身任食。原來$59 嘅價錢已經包埋任飲，都有12款。芝麻醬豆腐沙律滑豆腐加上麻醬外，仲加左少少飯素都幾開胃。和風香煎雞扒比我預期嘅份量多左四倍，多到呢！外皮煎得好香脆，肉滑juicy!刺身方面：都有12款刺身供應。最驚喜係鮮甜肥美嘅赤蝦！另外赤貝、帶子、北寄貝都幾鮮味！黑椒厚燒牛肉飯厚度感覺似牛扒多點，舖滿整個丼飯。黑椒調味都幾香，肉質有嚼口但唔韌。超值自選套餐 $99前菜+ 小食 + 主食鰻魚汁玉子豬扒飯定食$89（配鯛魚薄切小卷、花枝丸、餃子、吉列蠔）鰻魚汁加上滑蛋令飯粒有濕潤感，豬扒同樣大排，口感唔會太乾，味道正常！丼飯加刺身任食體驗都幾特別，重點埋單都係$306 咋，抵放題好多。

係女人街兩旁好多間餐廳！見呢間日本餐廳好似新開又幾大間！俾佢門口既海報吸引左！晚市定食$80以上可用$1蚊追加刺身！加$59任食刺身！餐廳個唔需要加一！又幾抵食喎！見都好多選擇！就揀呢間啦！餐廳環境舒適，都是卡位形式，坐得舒服闊落！一坐低員工就為我們介紹晚餐定食套餐等，好夠選擇。最後決定叫兩個晚餐定食，再加$59任食刺身飲品湯！好似比較抵食！刺身都有好多款揀！有成12款。先來一盤刺身拼盤！賣相又幾好！食落都新鮮夠大塊！質素唔會差。尤其赤蝦 刺身 大大隻，好鮮甜🍣三文魚厚切肥美。左口裙邊 仲燒一燒過黎，暖暖地。晚餐定食都包埋一款前菜：鯛魚薄切小卷。賣相精緻，包住d菜，一啖放入口又幾清新喎！五款小食：炸生蠔，炸餃子，炸雞件，胡麻醬豆腐 同 中華沙律 。仲送埋碗 味噌湯☕好豐富！😍😍定食叫左：鰻魚汁玉子豬扒飯 🍛大大碗！香脆金黃色炸豬扒，加上滑溜的玉子同鰻魚汁。夠哂惹味！仲有茄子同螺肉食添。另外一個係：香煎銀雪魚定食 🐟銀雪魚都好大塊。煎到好香魚味，魚肉好嫩滑，魚皮煎到好香脆。唔錯！個餐真係太多野食，食到大家都好飽！😁

再一次享丼丼時間，去左咁多次..今次發現有WiFi有進步.（留意下個飲品羹好精美吉檸檬都酸D）而食物依然價廉物美.一板海膽加碗飯約$150抵到呢三文魚刺身飯肥美到好似五花腩咁。超美味七味炸雞件無咩特別(可能未食到有七種味，只能說是炸雞)，食依個餐當然係為左食刺身，一蚊多三件三文刺身(想瘋狂食刺身時可以加59$仼食)今日已好滿足！

星期六去左屋企樓下新開嘅日本餐廳食午飯，享丼丼位於旺角通菜街，地點非常方便。食物選擇都幾多元化，刺身、熱食、丼飯任君選擇，價格相宜，$80左右便有豐富定食套餐點左兩個定食再另加刺身任食。先黎既係定食本身有既鯛魚薄切小卷即係鯛魚薄切包裹著沙律菜，都幾清新同新鮮小食類另加$15點左個芝士春卷好似手指咁粗既春卷內裏包着原條芝士，充滿芝士香，好味道哦惠顧$80以上嘅定食就可以優惠價$59享用埋刺身任食，每樣都點左黎試下，三文魚都幾厚切，鮮甜肥美！赤蝦大大隻，好厚肉！呢個價錢有咁嘅質素好抵食蒲燒珍寶鰻魚定食果然係珍寶鰻魚，又長又大塊，燒得金黃端好，肥美又厚肉啊！珍珠米煙韌有嚼勁，配上鰻魚燒汁食更加美味！而定食本身係跟小食五點，即係中華沙律、芝麻醬豆腐、炸雞、同埋炸餃子，炸物係一早炸好的，質素正常。咖喱香煎雞扒飯定食咖喱汁貼心的另外呈上雞扒竟然有三大塊由於係就咁生煎的，所以油膩左少少，但係塊雞扒好厚肉而且幾嫩滑！再要一讚嘅係佢啲珍珠米真係好好食，有米香，而且好有咬口！

旺角太多食市，花多眼亂唔知食乜好，途經登打士街，比享丼丼門口嘅海服吸引，見選擇咁多，就入去試一試。餐廳入面既座位都幾闊落，坐得幾舒服，店內亦有唔少我喜歡的貓貓圖案裝飾我和好友選擇了超值自選晚餐，ABC各選一款，已ABC裏的選擇都有很多，實有款啱食。每位加$59就可以任食刺身和飲品任飲，咁掋當然要試A我們選擇了芝麻醬豆腐沙律和加州卷(4件)，豆腐本身味道淡口，配上芝麻醬真係好香好好味。已加州卷既飯好軟熟，飯食到有壽司醋味，好食B選擇日本山葵醬炸蝦，炸蝦即叫即炸，所以仲熱辣辣，皮炸到外脆內軟，有水準B令外選擇係鐵板燒鯖魚，平時係出面食嘅鯖魚比較腥，昵條鯖魚唔腥不特止，魚肉仲好嫩滑c選擇野菜稻庭烏冬，如果扁身烏冬再煙靭啲就仲正。C令一選擇黑椒厚燒牛肉飯，牛肉嫩，黑椒分量啱啱好，唔會搶左牛肉味，加上焼汁，好食任食刺身，賣相好靚，三文魚好厚，刺身蝦仲好大隻，每人加$59係好掋食😁大家不妨去試一試。

開心星期五，週末前當然要同老友聚會，揾地方食飯傾計次次都係我，有時真係覺得攰！但冇辦法，邊個叫我食嘢腌尖😛😛😛 今晚同朋友去旺角女人街行下，行到登打士街時俾呢間叫*享丼丼*嘅餐牌吸引住！$99嘅晚餐已經有好多選擇，又可以加錢食刺身或壽司，最最重要係行到又攰又肚餓之時又唔使等位，當然係即刻入去坐低啦⋯⋯😅 間鋪全部都係卡位，個老細見我同朋友都攞住大袋細袋，好細心地安排我哋坐四人卡位，呢種服務態度嗨旺角真係好少機會遇到👍🏻加州卷，算係我嘅餐前小食，細細舊，咬落去啲蟹籽脆卜卜，同沙律醬Mix埋好好味，一下就俾我食咗三件😂跟住就係日本生葵醬炸蝦，咬左啖，新鮮滾熱辣，差啲辣親，粉唔會太厚，而且食落去一啲都唔油，呢D質素嗨集團式嘅日式放題都未必做到，正😋😋😋朋友點嘅鐵板燒鯖魚一樣有驚喜，皮脆肉入味，加埋新鮮檸檬汁，蘿蔔蓉一齊食，只會講"好味"😉今晚嘅主角係黑椒厚燒牛肉飯，汁唔會太甜，熟度啱啱好。最後朋友話要加錢任食刺身，飲品任飲，一個人都只係$59，咁超值我當然唔會反對！舒適嘅環境，好嘅食物質素加服務，值得我同朋友再去食😊

喺門口見到佢Menu幾多款揀，就入去試試，套餐組合好多，我就揀左鰻魚飯+吉列蠔+芝麻醬豆腐，仲+$59任食刺身。鰻魚飯都唔錯嘅，有好多汁，份量都夠，吉列蠔略為多炸粉，隻蠔細粒左啲，不過咁嘅價錢算係咁啦。任食刺身會先上一份乜都有嘅拼盤，之後就可以隨自己喜好叫，都不過不失，都係物有所值

享丼丼 - 旺角店<定食丼飯加59 蚊刺身任食🍱 正😈>享丼丼 個名幾得意 坐位雖少但都算舒服 有唔同既日本野點 最吸引係 若點80 蚊以上既定食 or丼飯 再加59 蚊 就刺身任點 🦐🐟 野飲任飲 正😈任食既刺身 有甜蝦 🦐赤蝦 北寄貝 赤貝🐚 蟹柳🦀 三文魚 🐟墨魚 刺身蝦 等等 每一樣野都好新鮮 雖然話加59 蚊但一 d都唔 hea 💪🏻 尤係係赤貝大件爽滑 赤蝦啖啖肉鮮甜 北寄貝係甜 正😄定食 側邊有好多小食送 包括中華沙律 冷食 凍芝麻醬豆腐 彈牙炸雞🐤 香脆炸蠔同餃子🥟 仲有另上既 鯛魚薄切小卷🐟 以餐前小食黎講都唔錯 😃而且佢仲有個落足料既味噌湯 幾咸香 好啱食定食飯 😄🍴香煎銀鱈魚定食 119 蚊🐟🍚白飯同魚係分開上既 白飯係比較軟身熱辣辣 🙂 鱈魚夠軟熟 出面既魚片 煎得香脆 再加上沙律醬 十分唔錯🙂🍴鰻魚汁玉子豬扒飯 89 蚊🍚🐷大大碗豬扒飯 上面鋪滿住滑蛋仲有鰻魚汁令到蛋更加香濃🥚 豬扒大件皮又夠香脆 🐷 入面既豬肉味香濃煙靭 撈埋底下軟身又熱辣辣既白飯 正🍚💪🏻Score 平均分 <7.8/10>Taste 味道：👍🏻👍🏻👍

今天約了朋友放工後到旺角看戲，我們看8點半場，因此要早點吃晚飯。路徑登打士街，看到這家享丼丼有加59元任食刺身，同時又有熟食的日式料理，決定一試！果然有驚喜！有別於一般日式餐廳，享丼丼內沒有浮誇的日式裝潢，以可愛的招財貓和貓頭鷹作為佈置，格調colourful 之餘，也比較像一間家庭式飯堂，暖意窩心。兩個人每人叫了一個set dinner，也外加了59元任食刺身。Set dinner 盛惠$99元，提供一道前菜、一道主食、一道日式料理、還有飲品，份量多之餘，食物選擇也挺多的。前菜芝麻醬豆腐沙律豆腐充滿大豆味，配合芝麻醬，口淡淡的豆腐也有芝麻的香。加洲反卷卷是普通的青瓜壽司，青瓜爽脆，上面鋪滿了沙律醬，吃下去味覺酸酸甜甜，很開胃，下面的壽司飯和青瓜則剛好幫忙解膩，所以成舊沙律醬入口，也不會覺得太鹹或太濟。料理燒鯖魚燒到外脆內嫩，熟度控制剛好，魚油被燒至滲出，既有魚香，又有魚油味。燒三文魚這個我會覺得有少許乾，但整體味道可以，附上沙律醬和檸檬，蘸住醬和汁來吃，味道會比較豐富。主食雜錦角切鰻魚飯除了鰻魚，也有茄子、螺肉等，鰻魚燒得很香，略嫌茄子不夠爽口，勝在有咬口的螺肉搭夠。看得出整個飯的選

其實呢一間餐廳已經唔係第一次幫襯，呢一間餐廳嘅優點係佢任食刺身或者食其他日式料理都比較平。雖然旺角都有好多間食日本料理但係呢一間以價錢同埋份量來講就算超值。佢任食刺身嘅條件係首先每一個人要叫$80以上嘅定食或者晚餐，然後可以選擇任飲任食嘅刺身或者壽司刺身，分別係要夾$59同$79。普通嘢飲雖然選擇唔多但可以任飲例如檸檬茶、奶茶、低糖綠茶。上一次我就食咗呢個角切魚生飯，今次就試一試佢嗰個珍寶鰻魚丼（$99）同埋呢個三文魚海膽帶子魚生飯（$98），其實我粗略估計只要叫兩輪刺身就已經可以回本。刺身種類有大概10款：有三文魚、赤蝦、甜蝦、泰式生蝦、北寄貝、墨魚、玉子、左口魚裙邊、赤貝，希靈魚而我就會推介：三文魚同埋赤蝦三文魚：厚切多油10分好味赤蝦：夠大隻新鮮

冇乜特別 但d飯真係好硬 硬過石頭刺身以呢個價黎講正常$99個dinner set因爲飯太硬所以勁飽建議都係唔好加錢任食刺身，因為你唔會食到好多唔後悔黎左不過唔會再黎😂

上次食完幾好，今次帶同朋友一齊黎食，佢地望一望餐牌，選左自選晚餐$99，有ABC選擇，好豐盛。一個就叫左加州卷加雞件加厚燒牛肉飯，加州卷不過不失，炸雞件好咸，又淋唔脆，個牛肉飯又鞋又乾,又無汁(牛肉乾配飯，勁dry)另一個叫左個沙律加咩炒肥牛加雜錦壽司，沙律普通，個炒肥牛好似一堆炒肥油，得個肥字，完全無牛味，好多筋，完全咬唔開(可能食開吉野x，食唔慣)，壽司唔錯，值得一讚件海胆壽司唔腥好甜!!我選左曼魚粒飯，一般般，因有點腥，而個麵鼓湯就麻麻地因為偏酸。最後當然加59蚊食刺身，依然新鮮，特別甜蝦赤蝦，好鮮甜，三文魚肥美。整體晚餐食品質素有待改善！（刺身方面唔錯，而熟食就真的仍需努力）其實可以更好的

下午去食飯，本來諗住佢都只係港式日本野 我無諗過咁求其。雖然下午$49蚊係旺角區黎講算便宜，但唔好咁求其好無。叫左個魚生飯同雜炊饅魚飯。黎到個鰻魚飯真係嚇親我。點解啲螺肉會擺上去個飯度，仲有兩舊茄子。即時諗老細有無食過日本野架，咁都諗得出。個魚生飯勁少 ，數埋啲魚生得4粒，最失望個飯好硬，一啲都唔好食，完全唔夾又唔係珍珠米。個餐包湯，最正常係個湯，仲有送左個低糖綠茶都比較正常。我覺得浪費左個場，雖然由之處焗野餐廳頂包黎做,但感覺好求其，其實唔洗送咁多野集中資源做好食物中心己經會好好，而家反而又唔夠日式又唔夠港式。而家普遍香港人都去過日本對日本野既要求都好高。所以咁既質素係唔會吸引到客反轉頭。仲要係旺角呢啲後生仔女既地方。

行到攰攰地，去女人街再試下呢間享丼丼！上次午市試過，已經覺得好抵食，今日試晩市，試左個海膽赤蝦丼😍好食、新鮮、抵食！海膽有鮮味，赤蝦勁大隻，所以值得介紹一下👍上次午市試過套餐，只需$69，有3款食物選擇！我揀了刺身沙冿+炸蝦+三文魚刺身飯，新鮮抵食，仲有麵味噌湯+飲品！上次試完都係覺得抵，但今次再試，覺得以$159有一板海膽+4隻大赤蝦+飲品，仲可以加$1選擇了三件北寄貝刺身！初初仲諗住咁嘅價錢，食物質素咁上下，但非也！海膽比起聯營的夀司鋪新鮮，好味！值得再試

旺角女人街，豉油街，諗到食魚蛋燒賣，雞蛋仔，而我今日發現係排檔內有一間新的餐廳(可能平時行過無留意)試下先，見佢餐牌好多野食，有刺身飯，牛肉飯，仲有跟餐小食，加州卷，味咐螺肉，，等等，睇到好亂。到最後選擇左兩個刺身飯，講真其實個餐牌都幾混亂，會唔會中伏首先個雜錦飯，有好幾種魚生，而最正係有3種蝦類係入面，而另一個飯三文魚相當肥美個壽司飯幾好味（可能係飯素關係）整體刺身方面其實幾出色，好鮮味，尤其肥美三文魚，鮮甜北寄貝。下次我要試下鰻魚飯，我見格離枱食，好巨型