京味居 (已結業)

琴晚約左人8點係中環傾野,於是醒起之前舉行過食家聚會既京味居,同bf黎試一試入到去坐底睇埋佢個餐牌,令我問想番讀書時去北京讀左1個月普通話既回憶,因為佢d格局同餐牌供應既食物同我係北京食既餐廳一樣.....我同bf叫左羊肉水餃$25(10隻):好味呀,同我係北京食既都一樣,d皮係厚架,北京水餃麻....羊肉餡都唔錯排骨粗面$28:呢個普通d啦,無咩特別山東手撕雞$20(細size):佢仲有中同大架,價錢梗係貴d啦,雖然係細size,底下又好多瓜,不過食食下d雞肉都唔算太少,d味都幾濃,肉質都ok....不過我覺得北京酒樓既山東手撕雞正好多......埋單$73,係食晚飯喎,抵啦,我同bf都好飽...唔好睇少d水餃呀,10隻好多架啦

2人午餐(散叫)鮮肉翠玉瓜水餃小龍包大鹵麵豆沙窩餅共80元好味，飽飽。^.^

因由同事話事，來度原來係京味居，都好，上次食家聚會來唔到，今次就試下先。叫左翠瓜餃子，小蘢包同埋大鹵麵。一碟十隻的翠瓜餃子，好大份，皮比平時食開的厚,餡都夠肉味，而且我見佢真係即叫即煮，$25一碟好抵，仲好夠飽肚。小籠包一上，隻隻都脹卜卜，唔似平時食的會塌下，咬落口原來皮都算厚，唔怪得之唔塌啦，味道就普通啦。至於個大鹵麵幾多料，個湯底幾杰，但好彩唔係好油，但如果D麵可以煮耐多少少就更好喇。埋單六十幾蚊，OK，好飽，下次再去試下D客飯先!!

一星期都有一兩天到京味居lunch, 今日(24/8)趕layout晚了, 差不多三點才獨個去, 仍有兩位食客, 客飯20分鐘食畢, 食客亦走剩我一個,扲本書出黎打下釘唔返工司住...不到10分鐘...頭上既燈都熄了!!! 見老板從小房走出來, 偷望我一眼, 隨即背著坐到廚房門邊, 我未敢肯定.. 亦只好識趣到櫃檯俾錢, 忍不住問: (確定一下)佢竟然話 (老板廣東話明顯流利了)佢找錢, 冇答我...真係既嬲且失望, 食物確不賴, 但京味居今日流失左一位小食客

假日到了中環，沒有了心愛的川淮居，又見大家的好評，抽了時間去試試。白切肉粉皮- 白切肉肥肉頗多，但也爽口，但粉皮太易碎，醬汁不足，味道淡。京燒羊肉- 很快便送到桌上，可以清楚看到一層層的羊皮、羊脂和羊肉，和鹿鳴春的有分別，鹿嗚春的較像一塊羊扒。羊肉沒有臊味，總覺得有點缺失。羊肉餃子- 菜雖多，但肉仍多汁，有羊臊味，但不及王府。大鹵麵- 濃湯做湯底，味到不錯，但料不多，多給幾塊錢，在北京樓吃的料很多。麵粗，有點像上海麵。小籠包- 這是有菜的小籠包，像吃餃子一樣，只是樣子不同…豌頭黃- 這個大失所望了，豌豆黃加了大菜糕，質感怪怪的，半沙半爽之間…王府、北京樓的好吃多了豆漿- 太甜，不覺有很濃的豆味山楂茶- 幾好，不過略嫌淡了一點老實說，甚麼「Ａ貨Ｃ價」，大陸感十足。Ａ價有Ａ價的道理，貨的質素，環境、服務也要算在內的。

見到kc個食評後，專程與同事去食lunch，佢o地仲問我係咪o黎食過，我話係openrice一個食家介紹gar。好彩早d到，遲o左就好多人要等位。我以為凈係食餃子，原來都唔少選擇，見到隔離台食芝麻蝦、大千雞同炸銀絲卷，佢o地贊話好食，仲推介我o地食。除了叫以上三類外，仲有擔擔麵、白菜豬肉餃同油菜一碟。先o黎擔擔麵，我嫌湯底唔夠辣，但麵質唔錯；跟住係大千雞，有少少辣好野味，雞肉好似有少少炸過，口感似咕嚕肉多過似雞肉；白菜餃雖然皮較厚，但料一流多菜少肉，點埋d醋仲正!芝麻蝦好香口，不過蝦肉好少，麵包糠多，不過都唔錯。仲好平tim，4個女仔食o左咁多野，都只係140蚊。如果下次gathering真係決定o黎食，都唔錯，不過地方環境就係麻麻地啦!

要探路問菜單，所以要來一來，亦順手吃一吃看看水準如何。呢度縮在卑利中間，在權記粉麵隔離，個位係以前海港酒家的，結業後在這個位置的食店都做不長，可能是位置關係吧！是間小店，佈置簡單，就似環頭環尾的酒家，即大圓檯果種，但亦算整潔。近兩點，客人也陸續的在埋單，很容易就找到位。叫了個鮮肉翠玉瓜餃，不放湯，用碗放了辣醬及醋點來吃。原本也想吃其他回點心，但聽到餃子一客十隻後便打住了，還是食完再算。餃子上檯果然是份量十足，大大隻，份屬北方餃子，是厚皮的一種，吃完想唔飽都幾難。瓜是小胡瓜粒而非冬瓜，加埋鮮肉餡味道不錯，好在肉汁不多，唔係都幾漏。可能我們南方人不慣全程食餃，所以餃子味道雖然不錯，但食左六隻就有點停停地，食晒十隻都幾係，所以都係建議同朋友分吃較好。埋單25蚊，以份量及味道計是食得過。又老細拿了一張本地某名食家寫的菜譜，大家在這裡寫菜時，可作參考：1. 四冷盤：拍小黃瓜、醃青蘿蔔、滷驢肉、白切肉2. 芫爆散旦﹝老細話係羊肚，唔係度度有得食，佢話好好食的！﹞3. 糟溜桂魚片4. 醋椒魚湯5. 冬瓜羊肉水餃6. 京燒羊肉7. 榨菜肉未+叉子燒餅8. 現拉條兩款：肉丁炸醬、大滷9. 高力豆沙十二人

食過羊肉、麵、包點、甜點，唔多掂

下午食晏時間勁多人,我試左d水餃同餡餅,2樣都唔錯,價值又平,不過真係人多0左d,而且地下唔太乾淨囉...真係美中不足