京城

營業中

休息中

小店搵食難，但其實打工仔都辛苦，食lunch係我地輕鬆減壓時間，偏偏香港有個不成文規定：食食下都要你調位！仲係迫你調個隻！就算走西餐中高格調都唔例外．係內地或任何其他地方都無咁GE規矩．話說幾個月前食晏，二人坐四人桌，已經醒水坐埋一邊，讓了對面兩人位比佢做生意，但都未夠，剛剛想食，即比個老闆娘喝住，叫我地坐係走廊臨時加的摺桌食，原因係有四人係外面等緊，而唔知點解呢四個遲來的客人係唔可以分開坐食飯ｇe。咁老闆娘就過來問我地可唔可以調，我話：唔可以得唔得?野食都到晒了．結果梗係唔得啦，佢仲想叫我等另一張二人位再調過去添呀！你估真係遊樂場玩轉轉茶杯呀！！另外，佢地自己職員都係不停咁換位做嘢，又周圍都係雜物。呢度食物一般，平時都係貪好坐至來呢度，經過呢次後，已經blacklist。

係附近返工聽講lee間餃子店好好味雖然坐得5舒服又迫但見佢感出名特登同一班同事午餐黎試！一行7個人最好就係可以叫5同味ge餃子但等位時覺得有d亂因為我地多人一直等好耐至可以有檯坐大家趕時間食飯要考慮下超多口味啊d餃子！我地最欣賞西洋菜餃子！！好好味！出面真係好少食到！反而南瓜餃子怪怪地5太夾～湯底其實冇咩特別就係普通清湯我地仲叫左蒜泥白肉同雞絲粉皮！好好味！如果要食真係要早少少去排隊但留意要齊人至可以入坐！！

公司附近有間 #餃子店「京城水餃」，每到食飯嘅時候，門口總係堆滿一班食客，小店埋面迫得水洩不通，人氣之高就連 #Boss 間唔中都會話我知一陣去食 #dumplings 🥟 好唔好食真係 #見仁見智，不過勝在款式多，單係 #餃子 已經有12款以上不同嘅 #餡料，豬羊素食... 樣樣有齊😉 呢日 #小秘書 叫咗碗 #芹菜鮮肉餃麵 配 #酸辣湯底，外觀睇嚟都幾豐富嘅，不過湯底啲 #漿粉 似乎未完未溶解，變成 #浮遊物... 唔靚仔😏 而且 #湯底 真係咸咗啲，掩蓋咗 #餃子🥟 裡面 #芹菜x豬肉 原有嘅鮮味😌 所以下次都係唔貪心，要清湯就算喇！仲有食嘢慢吞吞嘅你，最好考慮買外賣🥢 呢度啲 #阿姐 眼明手快，會不停喺你身邊抹枱收碗，務求廿分鐘之內做多轉生意... 想坐多陣等埋隔離嗰個都真係有啲壓力㗎😅

有兩三年無見了，見你連鋪位都轉咗（好似），但我唔會忘記是你教識我食芹菜餃的！水準依舊，皮薄又滑，唔多肥肉加上肉鮮，芹菜又帶少少爽口，食第一粒的第一啖已經知你依舊迷人！然後先記得影相… 不再於QB返工所以好難再同你經常性相遇，但你的生餃子是可以解決一時之急的。要再見！買返屋企食所以張相求其啲，一碗淨餃十粒，我唔係太夠飽，作為晚餐建議加多個小食。同佢會有期間限定餃子，要留意牆上面貼的餐牌！

餃餃餃，全部都是餃餃陣云耳腐皮卷，內有麻油，所以香甜豆漿凍冰冰，鮮甜。西洋菜餃子麵，皮厚一點，但是肉和西洋菜餡料好多煎薄脆,只是淡了一點味道，但是幾好食很脆。蒜泥白肉，汁料好好味，不錯。見週圍的男仕也叫二大碟餃子,共二十隻😬🥶🥶😅😅勁

餃子🥟店成行成市，各個地方都有水餃🥟，其實最重要都係合自己口味，多選擇京城賣既水餃唔算平，50蚊10隻，但每隻都用料十足，皮也不會過厚，仲要每隻水餃都好夠肉汁，所以算係物有所值，外賣也沒有加1餃子都有成12款選擇，今次揀左大愛的香茜豬肉餃，每隻餃都充滿香菜，正！外賣時餃和同湯會分開上，確保湯不會浸糊餃皮，但有點內疚浪費多了膠盒.......其實店內除左餃都仲有其他京菜可選，一個人就食餃為主了如果將來可以有下午茶特惠餐就更好了😛

午飯時間不夠人手，所以不提供熱水。那我們就點一杯豆漿吧。看到餐牌上的包鴨好想吃，但只有晚上才供應，那我們吃餃子吧。羊肉餃拼西洋菜餃，湯底沒味道，只有一點蔥香。皮厚薄適中，不錯。羊肉餃肉不夠羶香，西洋菜就很香。兩個的肉都不會太碎散，帶點口感，這不錯。醋香骨，酸酸甜甜的，味道夠，也好吃。肉質就乾柴一點。滷水雞翼，沒嚐到滷水香，但吃到沙薑，一開始還在猜是不是胡椒粉，太奇怪了吧。滷蛋也是同一樣的沙薑味，而且一點也不入味，就一顆白煮蛋，這更奇怪。

有時唔想食太飽 就會選擇去食餃子但專門食餃子而又好味嘅餐廳唔多鰂魚涌就有一間唔錯嘅！每逢中午時段都要等五至十分鐘！入面坐得係唔算太舒服嘅 可以仲有少少逼佢有好多款餃子俾你揀 亦可以雙拼拼上海麵都得！今次我就試左雙拼 有白菜豬肉同韮菜豬肉都尚算足料 但我唔係好識分邊款係白菜邊款係韮菜 好似差唔多咁可以一試！

鰂魚涌海光街可謂食街，但係要喺海光街站得住腳一點也不容易，因為每隔一段時間，又會有一間新食店。在短短的午飯時間，可以吸引打工仔入去食午餐當然要有一定實力。京城餃子屬打工仔快，靚，正，經濟之選。一到午餐時間立即去搵位。五香牛展（小）$38滷得非常入味，牛展富肉香，不會一味死咸，咸度適中。牛展的厚薄剛剛好，有嚼勁。三鮮餃 （淨餃$60/10隻）樸實的北方餃子真係好吸引。餃子皮厚薄適中，餡料飽滿紮實。蝦仁肉質彈牙。京蔥羊肉餃 （淨餃$60/10隻）京蔥香氣配羊羶味，雖然唔係個個都鍾意，但我就覺得夠濃味。

行到邊食到邊～鰂魚涌～京城-我最鍾意食🥟，無論煎或放🥣我也愛好。-HK$45芫茜水餃拉麵水餃有五隻，一咬落去已經食到爆香芫茜味🤩食完個口好有芫茜味🤣真正皮薄饀正😋-HK$45韮菜🥟拉麵水餃有五隻，菜多肉少，味道冇乜特別。-HK$20酸辣🥣個🥣好杰，飲多二啖，發覺芡未溶，透明一舊舊🤦🏼‍♀️-減肥中所以冇試到煎🥟。眼見隔離檯叫煎🥟香噴噴，脆卜卜的樣子，好像非常美味，真是有點後悔沒有order 😣。中午每人最低消費HK$45,因檯不是太多，外面有客等，所以食完便行人☺️店員是比較急速説話，沒有尾音，動作快，但多訂單會有甩單情況。廚房只有一人負責，所以需要耐心等候。-🍽：京城📮：鰂魚涌海光街4A-6號地下

某一年要前往北京出差, 每天不是吃餃子就是吃生煎包... 很久沒吃過了, 剛好這天來到 「京城」，讓我好好回味北方餃子的情懷~餃子總類多達12款, 原本想吃韭菜鮮肉餃, 店員卻說已賣光... 那好吧, 我要一客西洋菜鮮肉餃!中午時分來吃的人很多, 我點了外賣, 可以回到自己崗位再慢慢品嚐! 一盒十件西洋菜鮮肉餃, 並配有熱騰騰上湯, 還有醋及豆瓣醬!京城每粒餃子均是滿滿餡料, 而且西洋菜跟肉的比例是7:3, 我十分欣賞多菜少肉哩!而且餃子皮厚薄度適中, 餡料的新鮮以及調味亦非常好! 下次要再來, 品嚐其他餃子!

我都明白lunch係繁忙時間，但從無遇過態度咁差既趕客方式！食完個餃子仲飲緊豆漿，侍應無啦啦走埋黎拎我地張單叫我地埋單，咪埋囉。埋完即刻將我地仲有3份1杯既豆漿收走…咩態度？等個客飲埋杯豆漿要幾耐？憑咩咁樣趕客走？我地並沒有坐好耐，只係正常速度都係諗住食完飲埋杯野就走。佢餐廳的位又逼又唔好坐，我地都唔會想坐多陣啦，咁樣趕客既行為絕對無良可恥！餃子味道普通，正正常常，但服務絕對唔正常，以後不會光顧，亦會話比同事知千其唔好去呢間野。

明白中午是繁忙時間，昨天我和朋友吃了大概半個鐘，名女員工突然衝出來瞪大眼趕我們走，說外面很多人在排隊！第一，我朋友還未吃完，其實我也未吃完，只是食物一般所以沒有吃完，你們也就收了我的碗；第二，你突然這樣對我們無理，其他客人會怎樣想，五十元一碗陽春麵餐沒包飲品，怕我們吃不起嗎？第三，餐廳小，客人聲浪極大，就算想聊天都聊不到，我們還想早點走！你們憑什麼趕我們走？連我的斯文朋友都忍不住問你們為什麼態度可以這麼差，店員都無法為你解釋！！香港無良店，絕不推薦！！！！！

京城一向是我午飯的外賣首選。由於午飯人龍很長，所以每次都叫外賣，堂食卻是第一次。舊同事提早排隊等位，所以很快被安排入座，內裡裝潢簡潔，座位還算舒適不窄。我們照舊每人一碗餃子，我選了粟米淨餃加酸辣湯底我的最愛粟米配豬肉餡，厚實又多肉汁，加上爽甜的粟米，口感很棒，很難形容的一份滿足加$10可轉酸辣湯底，湯料豐富，肉絲冬菇絲三絲，酸辣度適中，味道夠濃郁，湯底不會太結或太稀，不用吃麵也飽肚。之後同事叫了小食一起吃，這碟海蜇不太懂欣賞，不記得價錢，好像$6x，性價比低。海蜇厚身但味道淡，就算點了醬，味道也不吸引，可不試滷水雞翼滷水算入味，雞翼滷得夠軟身，易入口，但味道沒有特別。京城的招牌還是餃子，小食的水準不高，味道普通可入口，但不用特別去試，特別推薦餃子🥟，各種口味都不錯，絕對值得一試

試過無數間餃子店, 京城始終都係我心目中嘅No. 1作為佢嘅忠實食客, 我已經唔記得自己嚟過幾多次, 只知道佢所有口味嘅餃子我都試過曬好食嘅餃子一定係餡靚, 但就唔一定皮薄啦, 北方水餃本來就係皮厚, 而呢度嘅餃子最吸引我之處, 正正就係佢紮實嘅水餃皮!!! 佢地嘅水餃皮厚度適中, 煮透後軟滑同時帶點韌性, 將餡料同肉汁完完全全鎖喺餃子内。各款餃子之中, 最得我歡心嘅係三鮮餃 & 粟米鮮肉餃。三鮮餃內餡相當飽滿, 有原隻蝦仁, 豬肉同韭菜。 蝦仁爽口彈牙, 豬肉肥瘦適中, 夾埋韭菜, 簡直係絕配。餃子內充滿肉汁, 鮮甜味美粟米餃係我最愛之中嘅最愛, 相對三鮮餃, 粟米餃食落就清甜一啲, 一口咬落去, 爽甜多汁嘅粟米粒喺口中爆開, 混合湯汁同嫩滑豬肉餡, 口感就是不一樣!!!!