京城

營業中

休息中

這一區的餐廳現在已越來越貴了，以前在這區工作還有很多平民價的食店，但現在很多都升了檔次；這間是價錢較為合理的，也是這區甚少有的餃子店。這裡的食物也可以，只是對店員的態度我就有點不快。才剛坐下不久，餐牌才剛揭開，店員便走過來想點餐了，而吃完飯後店員亦飛快把碗碟收走，可真有效率，但令我感覺似乎是想盡快趕走我們好讓他們做下一輪生意，但其實店內也不是很滿吧。先送上擔擔麵，但食物到了，餐具卻未有，需我們再示意店員才記得。麵條很多，湯底的花生味濃，但不夠辣。餃子本身有點乾和黏起來，幸好另有一碗餃子湯。餡料的白菜很碎，亦可以加多些，帶少量肉汁，為餃子添了不少味道～

同同事兩人寫左兩份水餃，一份小食，一杯熱菊花茶，一開始上小食阿姐已經好大力放碟牛腱係枱面，醬汁飛到成枱，水餃上埋之後食到一半見野飲未到，我地就同阿姐講差杯熱菊花茶，點知佢話冇熱菊花茶 點解一開始落單又唔講，不過都冇咩所謂啦，我地就要左杯凍菊花茶繼續食到差不多食完時阿姐為左趕下一枱就催我地埋單，甘我地都識做即刻食埋枱面既牛腱同水餃，點知唔夠一分鐘阿姐就係後面大大聲同佢既同事投訴 "粒水餃一直放係匙羹到都唔食想點姐?" 我地果下仲食緊碟牛腱，聽到都唔識比反應  我都明白午市要做多幾轉，但我同同事兩個人加左小食同野飲埋單都一百四十蚊，坐左25分鐘就比人後面大大聲投訴食得慢都真係幾無奈...  聽到佢甘講我地唯有塞哂D野入口走人唔講服務，食物都唔錯，水餃有好多種口味同埋餡都好多，不過甘既服務加上價錢同附近鋪比又唔係便宜，短期都唔會再幫襯了

個人比較中意食餃子，所以會try下唔同的餃子店。不過今次呢間餃子店就幾普普通通，我嗌左個羊肉餃，我本來對羊騷味係唔反感，而呢款餃都有少少騷，怕騒味就唔建議你食。佢呢個餃唔算多汁，亦唔係特別香，而且個皮都幾厚，咬落去都feel到d粉的厚度，所以個餃子就一般般，真係唔算得上系靚餃。而酸辣湯面就唔夠辣，比一般酸辣湯面偏酸，但不過d料都幾足，個面都系爽的，搭配餃子食，系幾唔錯的選擇。價錢就一一般般啦，唔算好抵食。

收咗工人又攰😥，忽然想食啲味濃嘅食物，所以就諗到食餃子啦~由於我住那區沒有餃子檔，及我男友大大力推💁，所以專程去試食。店舖小小的，最多坐30人，我眼見很快滿坐的喔。我們原本想要羊肉餃的，可惜8時多已經賣完了，所以我們點了一碗淨韭菜餃(10粒)+酸辣湯底，另一碗莞茜鮮肉和南瓜鮮肉(各5粒)+酸辣湯底。☘莞茜餃食落清甜的，🎃南瓜比較甜，韭菜餃味濃濃的，主打餃果然好味🖒酸辣湯比想像中出色，湯底唔會變稀已經係食巿場上買少見小了，給我很用心整作的感覺，如果要找喳的話只能說是猪紅和荀少了點啊😘我下次要去試羊肉餃的，到時再給大大家報個告吧～😋

想食正宗北方水餃，睇哩間評論唔錯，又近返工地點，下午茶時間就來試試。入去得一台客，睇下餐牌，價錢唔平。我叫左粟米豬肉餃子，46蚊，轉煎餃仲要加錢，好似係8蚊，唔知係乜道理，但想食香口嘢都係照俾喇，配凍豆漿。成五十幾蚊，得10粒😤老實講，賣相唔錯，煎得皮脆。咬開發現餡料好足，好多粟米。但最大的問題係，食落好淡，無餃子香，豬肉都無味，咸味都無，唔知點解⋯⋯最終我都要點好多辣椒醬先食得落⋯⋯餡料雖足，但味道唔得，都係失望而回⋯⋯同樣的價錢以後都係選擇其他好過。

附近都有水餃店，但都係呢間好。食過好多次，要讚下。雖然好似轉左人做，鋪位較幾年前細左，冇影響質，多年來都保持水準。今晚又例牌：炸醬麵，加埋醋，係我至愛。（好味，差點忘記左映相添，已撈成一片）多款水餃選擇，專一地，韭菜餃。皮薄餡夠汁。素菜餃麵都好清新爽口。一點都唔油膩。服務水平就一般啦。一班善良的嬸嬸。嬸嬸温馨提醒，素餃麵係用豬骨湯，冇問題嘛？(恐防係素食者就麻煩了。)地方淺窄少少。淨水餃48文十隻。抵唔抵，就見人見智。我就覺得好味。

鰂魚涌人每逢飯市都有一個大疑難就係去邊道食飯食肆雖多，但人流更多今日同3位猛男同事去京城食因為要堂食要等位，排咗大概十分鐘就有裡面就比較坐得逼，所以我平時都係外賣多我叫咗西洋菜豬肉餃併京蔥羊肉餃湯底轉酸辣湯同行猛男分別叫咗清湯剩餃，清湯餃面同酸辣湯餃面嘅組合如果好羊嘅朋友一家要食呢道嘅京蔥羊肉餃羊肉口感非常好，原因係佢唔會將肉打到好爛京蔥份量剛好，之前係第二道食過京蔥太多嘅餃，令到羊肉變羶酸辣湯簡直我至愛，唔會太偏頗酸同辣，充分提升餃子嘅食味不過......由於店長太想做多轉，所以用光速叫我哋埋單

本身已經好鍾意食餃子！以前中學係呢頭附近，所以常常會幫襯！我就算畢左業之後，一有機會來鰂魚涌這邊都會去幫襯這間。印象中店門口會擺一塊手寫的菜單牌，啲字係老闆手寫，超靚！前幾年來過一次，以為佢執左好唔開心，點知最近發現佢開返，仲好似裝修左添！不過塊牌就唔見左了一直以來最鍾意食嘅就係粟米餃！唔多餃子店有的。我喜歡餃子的皮稍厚一點，這款正合我胃口。裡面的餡料非常足夠，一咬開，粒粒飽滿的粟米就幾乎跌出來，正！勁有口感咁多年水準都保持得很好！至於第一次試冬菇馬蹄鮮肉餃，都OK，吃得到有馬蹄，但冬菇就只係食到聞味。都係鍾意粟米餃多啲

京城店鋪好細間，坐得唔係咁舒服。我地更被安排坐門口隔離既位置，逼之餘又好凍。本人一向都好鐘意食餃子，特別係煎餃。所以叫左一碟煎餃，酸辣湯面同雞絲粉皮。雞絲粉皮個醬汁好好食，份量亦唔少，可惜粉面太厚，比較鞋口。酸辣湯面出奇地好味，辣同酸既比例調較得岩岩好，唔會遮掩到對方既味道面條口感亦很好，唔會太淋。好味過好多出名既店鋪。煎餃先係主角，有羊肉餃同三鮮餃。餃子煎得好金黃，好香口。餃皮厚左少少，有啲唔熟。2種餃既餡料都好惹味，不過味道有啲相似。店員無同我地講邊隻係邊款餃子，外表又分唔到，搞到成日食唔到另一款

一向支持小店亦明白小店經營不易，但對客人也需專重。今天一個人想食簡單的晚餐，被安排坐門口走廊位也無所謂。點知食到一半時店主硬要安排3個人合坐一張小枱，要抱著大包小包快食，那跟要你快走有咩分別！不要去不專重食客的店！

很久沒吃水餃，經過就來試一下。一看餐牌，除了水餃之外的很多其它菜式都很吸引！於是點了很多菜大飽口福三鮮水餃一份十隻。中有大顆的完整的鮮蝦，只是偏咸，再沾下店中提供的辣醬，更咸。辣醬不辣，只是咸。回鍋肉飯很不錯！雖不算正宗四川回鍋肉那般香，但也做出中式家常菜和感覺襄陽豆腐（？不確定是否叫此名）大塊豆腐先炸後燒，香嫩入味。土豆絲很清爽。總之，滿意的一餐，想吃中式家常菜會再來

我懷疑, 每一區都有一家北京小, 賣餃子, 賣麵食。小小的不很大, 但客人是絡繹不絕。是晚有事要一會T先生, 便來到鰂魚涌吃晚餐。據T先生所說, 他OT的時候一般都是吃那幾款東西, Pret的沙律, 韓式小店的韓妹...所賣的食品, 台灣麵店, 或是餃子。聽得多了, 也心思思想試一下他所吃過的東西。第一間試的, 是京城。雖然T先生說餃子好吃, 但當我看到麵食的時候, 又忍不住想點。京蔥羊肉, 不常見的麵食, 自然不可以錯過。羊肉麵來說, 這一碗算是不油膩的了。羊肉切成薄片, 略略煮得太熟, 有點乾。味道不太騷, 只能給個ok。湯底雖然很濃味, 卻不覺得有太重的香料味。只怕是有一點真功夫在裡麵哩? 白白的上海拉麵和京蔥都吸飽了湯料的味道, 非常的好吃呢。真的沒騙人, 本人真的很愛吃南瓜。連自己都覺得打文章的時候, 「南瓜」一詞也出現得太密了一點。以南瓜包餃子, 老實說我還是第一次吃。感覺有點怪怪的, 但不失有趣。冬菇馬蹄算是普遍一點, 咬到小粒馬蹄時口感爽爽的, 很不錯呢。最重要的是水餃皮。這裡的水餃皮厚薄適中, 有咬口、微微有點彈性。絕不是廣東式的吹彈可破。很合我的胃口。若說風味, 還

在鰂魚涌想以便宜的價錢吃一頓簡單午餐並非易事，而京城是不錯選擇。要了一份牛腱麵和一杯秘制菊花茶。牛腱非常入味，加了麻油，未入口先來一陣濃濃的麻油香，要學台灣人說一句「這麻油味太犯規了！」，雖然麻油香味濃得蓋過其他味道，但我卻沒法抗拒這濃濃的麻香，甚至用來拌麵⋯⋯而麵身和湯頭沒有特別，湯頭只是較濃味，這種配搭上亦有濃味的用途。最驚喜的是熱菊花茶，用上了菊花，蜜糖（應該有）及杞子，香氣撲鼻，喝下感覺頗為正氣（姑勿論何為正氣，只是突然有這感覺）。真材實料！

如果你黎呢度係為左煎餃,那就恭喜你,水準一定好,薄得夠脆,入面勁多汁,食落就是好味道,加點豆瓣醬更惹味但如果叫煎餃以外就是有風險,今次試左蒜泥白肉,白肉超乾和瘦,調味就是甜豉油加生蒜,略為單調.所以唔好貪心,食煎餃吧

The food here is expensive but unfortunately the food doesn't match up to it.Tried the lamb and leek which was mega disappointing because the leeks were old and stringy and the lamb was tasteless.I was expecting some bold spices and herbs but it was just leeks and onions.The rice beneath is was too soft and oily.