京林屋 (明宮閣) (已結業)

頗多女友人都是綠茶控，只要餐牌上的甜品有綠茶成份，她們都必點。周末與她們聚會，我便投其所好選擇了京林屋。由於我不是綠茶愛好者，所以我點了一份金目鯛定食。金目鯛非常軟滑、油脂含量適中，近邊的部分更是甘香。醬汁帶甜，濃味之選。米飯是略為長身而頭尾渾圓，經調味後光吃飯也不會太淡口。稻庭麵 - 友人點的套餐，我吃了幾口，麵身幼滑，麵上鋪鋪一粒粒像米的東西腍腍地，魚餅也不錯。酸蘿蔔用來清新味蕾，以迎接我們點的甜品。櫻花抹茶卷蛋女生大愛的粉紅色卷蛋有淡淡櫻花味，抺茶味比明顯。卷蛋口感實在，不是空氣甜品。最後把綠茶雪糕與紅豆同吃，以美味作結。

喺太古城探完朋友，睇完剛滿月既小B，懷住開心既心情尋覓吓晚餐既地方。行吓行吓原來呢度都開左京林屋喎! 入面和式既裝修，以淺色木材,簡潔既線條為主調，好舒適既感覺，二話不說就入左去啦！我地坐梳化位置，睇睇menu,就比鰻魚飯吸引住。京式鰻魚飯厚厚既鰻魚，肉質有彈性，好有咬口，有一層幼幼既蛋絲遮蓋住焙茶飯，珍珠米粒粒分明，相當滋味。我有個怪癖，遇上好味的，餸會留一半最後食。今次又係咁先一小口鰻魚伴飯慢慢品嚐。定食配有麵豉湯，不過咸左少少~林屋和食料理賣相精緻,四小格,分別有八爪魚沙律,蛋圈,木耳絲帆立貝小女子,魚餅,仲有主角鯖魚,魚都煎得好香吖甜品時間啦!呢樣又想食,果樣又好靚咁,諗左一輪最後揀左 香港限定芭菲每次見到芭菲杯都特別興奮，同長匙羹慢慢食到落底，好滿足！先嚐抹茶雪糕, 好幼滑,抹茶味香,又不失奶味，分量都幾多食極都有咁。下面一層一層~有脆米通,白玉丸子，蕨餅，寒天，仲有紅豆蓉唔甜，唔會遮左抹茶香味焙茶芝士蛋糕焙茶雪糕球味道清新溫和, cheesecake 有輕輕來自芝士既咸味,略帶茶香,好有層次～最後點了玉露玉艷,清一清味蕾～店員送上一盤茶具, 仲教我地如何品嚐。先將熱水倒仕進

約朋友在太古食飯，去了食日式料理。餐廳主打甜品，我亦覺得甜品較為吸引。鰻魚飯的鰻魚比想像中的多，反而飯的份量可以多少少。鰻魚都幾香口，軟軟的。烏冬煙煙韌韌，但唔知點解食食下有點米通，感覺有點怪。跟餐的茶還好，沖左好多次水都仲有味，仲有淡淡的香氣。芭菲賣相唔錯，食落有層層唔同口感，雪糕香滑，丸子煙韌，米通脆口。不過以日式餐廳來講，衛生同服務可以再好點，個碗明明有污漬，但換完之後同一位置都仲有漬，好失望，無用到。

同舊同事相聚，簡簡單單食左個晚餐🥣食物方面：湯底好好飲，個面都唔錯，但menu 略嫌有啲少選擇，食完一碗面覺得未係好滿足，叫埋抺茶同培茶甜品。本身中意食抺茶的我反而覺得培茶好食啲。

臨近情人節，度度都爆場。今晚提早慶祝，於是去左京林屋，成日排晒長龍，刻意等到8:30先去，雖然唔使等位，但人客都係幾爆場。裝修予人感覺好舒適，好有日本感，岩晒傾計。首先醫肚先，叫左京式鰻魚飯，成條鰻魚對切，鋪滿成碗，加上密集雞蛋絲，視覺效果好滿足。唔同於出面既白飯，呢度飯係啡啡地色，調好左味，配上肥美香甜既燒鰻魚，啖啖鰻魚肉冇得頂。新出雞扒飯都想試，雞扒有兩塊，都算幾大，雞肉嫩滑無比。不過飯量唔算多，估計為甜品留肚而設計。講起甜品，實在係每個女大至愛，選擇太多，但胃得一個。幾經割捨之下，點左秘制抹茶蕨餅，講起蕨餅自上年日本試過之後一直念念不忘，今日終於可以再試。而且仲要係我中二既綠茶味，點可以錯過。一上台已經感受到蕨餅既軟，加上黑蜜過味，點上抹茶黃豆粉，難以形容既好味。首先係淡淡抹茶味充斥成個口腔，甜甜既蜜香，一咬便係煙韌鬆軟可口既蕨餅，好滿足，而且冇抹茶既澀味。令人停唔到口，一塊接一塊甘食。香港限定芭菲都唔可以錯過，好多層唔同野食填滿成個芭菲。最上面既綠茶雪糕好細滿軟綿，雪糕入口即溶，但抹茶味好濃，所以口中滿滿綠茶香。Q彈丸仔加上脆米，形成強烈對比，口感唔錯。飽滿日本紅豆，又淋又多肉

早排去左京都旅行，返到嚟香港仲掛住抹茶嗰種味道所以今日經開太古做嘢就去咗京林屋食咗個lunch啦止癢啦！ 一入到去餐廳就覺得自己好似去左日本咁，有種寜靜嘅感覺食都食得舒服啲啦餐牌都幾多選擇架首先叫咗個 玫瑰蘋果煎茶！為繁忙的一天作個心靈休息時間！飲杯煎茶都特別講究！先俾個計時漏斗你，計準咩時間飲呢杯茶係最好的！淡淡蘋果玫瑰香我最愛！到主菜喇。我個人貪心啲叫咗個林屋和食料理，因為有多款菜式在內～～有芝士魚餅八爪魚沙律、鯖魚、木耳絲、魚仔亁、玉子、元貝，米飯都係用培茶整嘅， 好好食又健康呀！食埋個甜品就滿足啦我叫咗抹茶芝士蛋糕 配抹茶雪糕紅豆小丸子芝士味濃，抹茶味香，再配抹茶雪糕，滿口滿足感超飽的我真係好大食呀

今日突然好想食鰻魚飯，但食晏時段要在鰂魚涌或太古搵食都唔容易😕太多人等位了! 而剛好路過京林屋有位又見到餐牌寫上有鰻魚飯就入去試一試☺️ 單點價錢是$98 如選擇跟茶價錢就是$118，結果我就選擇了桃味的掊茶! 鰻魚飯的鰻魚是原條所以分量十足，魚沒有腥味😋飯就有淡淡的醬油但我覺得飯不太夠熱🤣可能是鰻魚太熱既關係有比較，飯上有黃色的蛋絲，另外掊茶就一般或者下次要試抹茶！甜品要下次試因為食完飯已經太飽😆

最鍾意食嘅甜品中心有靚嘢食好味，最緊要真係似日本嘅風味。讚岐烏冬冷麵：白白的冰凍冷麵好清爽和滑溜溜的烏冬，加上鰹魚清湯，好好味。雞扒飯：甜甜日本焼汁加在嫰滑的雞扒上，好味。玫瑰蘋果煎茶：玫瑰花加上濃濃的蘋果香煎茶，按照店內提供的步驟指示，先冲入滾水，用沙漏時間計，時間到了，冲出幽香的茶，十分有特色的熱飲。抺茶芝士蛋糕：濃郁的芝士混合綠茶製造出來的雪糕，非常好味又不會太甜，兩粒的糯米糍加上綠茶雪糕，味道恰恰好。抺茶卷蛋糕：抹茶卷蛋蛋糕，兩粒的糯米糍加上綠茶雪糕，好好味，不會太甜，味道剛剛好，綠茶蛋糕，鬆軟的綠茶蛋糕非常好味讚岐烏冬冷麵：白白的冰凍冷麵好清爽和滑溜溜的烏冬，加上鰹魚清湯，好好味。

京林屋係京都有名嘅抹茶老店之一, 擁有超過二百年歷史, 今日就嚟朝聖一下。餐廳除咗著名甜點之外亦有供應熟食。我同朋友一人叫咗個京式鰻魚飯 。原條鰻魚伴鮮黃色蛋絲, 一上枱已經相當奪目, 鰻魚肉厚, 油脂唔係非常多, 但咬落富彈性, 配上蒲燒汁, 拌飯一流。玉露玉艷玉露係綠茶之中嘅極品, 不能抵受高溫, 用攝氏50度嘅溫水泡一兩分鐘就啱啱好。呢個份量嘅茶葉只供沖泡3小杯。飲落茶味香醇不澀。淨返嘅茶葉加入柚子醬油,重可以當成小食, 茶葉食落鮮嫩幼細, 沒有一絲苦澀味。香港限定巴菲層次分明, 一次過食盡, 抹茶軟雪糕、抹茶蕨餅、白玉丸子、紅豆、 草莓醬 、寒天....每層都有驚喜! 主角抹茶軟雪糕質感幼滑, 茶味香濃入口回甘, 抹茶控必點!焙茶巴菲雪糕冰感較強, 散發淡淡烘焙香, 層次無抹茶巴菲咁豐富, 整體甜度較低, 不嗜甜都啱食。

今日去太古做完野,收工搵野食,見到京林屋原來太古有分店就去左,好耐冇黎京林屋,menu好似多左好多款,而且今日勁肚餓,我要試下咸食先,無錯係咸食,以前去銅鑼灣都係甜品傾下計家咋~~先來一個漫魚飯定食,好好味呀~~漫魚好香,酒份夠又彈牙,醬汁調配到岩岩好,唔會太甜,而且那彈漫魚香....嗯~再配一啖飯...好正呀~~真係想沖多碗!叫左個漫魚飯set係配茶的,的一見到有桃味既茶就即刻諗都唔諗就叫左桃味培茶,一加水唔洗3秒 桃既香味就散發出黎,而且最鐘意呢種飲落口唔會有桃味,唔係會甜既個種好假的味,係天然純正的茶,淡淡桃既清香配上茶香,再加上今日客人不多,有一種令人好寧靜的感覺👼👼黎到京林屋真係無可能唔叫個飯後甜品,呢個特製林屋抹茶餡密,之前睇過日劇甜食甘太狼呢套日劇有介紹過相近野甜食,令我諗返起好爆笑的場景😂😂呢個甜品果然係至專,有齊曬我所喜愛的雪糕,丸子,蕨餅,紅豆真係見到就心心眼了,抹茶味好香濃,連抹茶啫哩都做得很富有抹茶香,每一淡配上紅豆,簡直是絕配,可惜就覺得紅豆既份量有少少唔夠的每啖都配埋一齊食,不過可就是少吃多滋味~~~今日好滿足,開心~~~

▶️本身自己偏愛吃綠茶的我....下班後和男朋友約在太古吃飯...就食京林屋啦😍😍▶️一入門口見到日本傳統地道風...仿佛身處日本京都茶店內寧靜休閑生活..非常正啊..🤣▶️餐廳開係屋苑樓下地面..人群或放午餐時間來食呢..👆🏻不過餐廳內部裝潢用了柔和燈光加上木材...感覺非常舒服不過了..😌▶️餐牌上有列中英文字加日文字....放便睇點餐遊客或人們呢...非常好有心思👍🏻👍🏻▶️林屋和食料理..有四款餸菜(鯖魚.八爪魚沙律.芝士魚餅.魚仔乾.木耳..等等..賣相精緻定食套餐..還可以試到咁多食物...這個必點的👻▶️京式鰻魚飯..是本店人氣第一選擇🤣..自己最愛食鰻魚架啦..😍帶有甜甜鰻魚汁..而且份量豐富啊..食到都好飽㗎👍🏻▶️抹茶牛奶..加了日本3.6牛奶和抹茶..又不會太過甜..剛剛好啊..這個都是必點的😛▶️特製林屋抹茶餡蜜..裹面有抹茶雪糕.啫哩.蕨餅.白玉...食落蕨餅去煙韌加雪糕..視覺上一流啊..每次去食第一時間一定點啊🤩▶️這個焙茶蛋糕有濃厚培茶味道..旁邊有焙茶雪糕加小丸子..底下甜甜的紅豆..非常正！😆

夜晚約ot嘅朋友食京林屋，係門口等咗佢一陣入到去好快決定咗揀呢兩個定食，落完單之後我哋就係度吹水，嘢食都好快上呢度嘅飯好特別係深色嘅，有淡淡嘅茶味，同平時食慣嘅香甜白米飯好唔同，呢隻飯反而帶一點甘香呢個金目鯛定食係我揀嘅，果然係嚴格嘅和食餐廳，擺盤好嚴謹，幾乎每個叫呢個set嘅都一模一樣，好似copy and paste出嚟咁金目鯛係我最喜歡嘅日式魚類之一，用燒汁烤過嘅金目鯛好靚，油份充足魚肉面向上，清楚睇到魚嘅紋理，食落肉質細嫩，配飯一流朋友叫咗林屋和食料理，有四個相連嘅小碟好豐富，燒鯖魚，沙律，芝士魚糕，帆立貝，魚乾，玉子同一些漬醃咩都有都試下，都幾好食食完飯覺得質素幾好，就加蛋叫咗個茶同兩個甜品，再繼續傾偈個玫瑰蘋果煎茶有淡淡嘅花香同果香，店員拎嚟嘅時候會好細心咁介紹點飲，每一次沖水之後都要用個迷你漏斗計30秒，之後先倒出嚟飲日本餐廳嘅講究又係呢度體現到加單嘅時候會再出過張單焙茶cheesecake幾surprised質感較軟，有啲似食緊mousse，茶味比芝士濃，配埋焙茶雪糕，紅豆同白玉，整個甜品帶微甜，味道好balanced抹茶cheesecake就好正常，個cake質感較結

同日本同事黎下午茶一番, 揀返個日式抹茶甜品舖～ 雖然日本都有, 不過貪佢休閒. 可以一邊傾計一邊嘆茶！呢間分店空間感大～ 難得下午茶時間冇咩人. 可以慢慢嘆～同買呢款 一次可以完成三個願望既sweet set！有蛋糕 茶 同埋雪糕！抹茶蛋糕 抹茶雪糕 同埋一杯蜜桃味既茶！簡直相當math！ 蜜桃味既茶 好香～沖了第三次, 果香依然係度！加埋個蛋糕～  好鬼寫意！ 

偏愛茶系雪糕既小妹，久不久就會約朋友黎呢度食下甜品呢日放假就同好姊妹黎到太古分店，好姊妹話好肚餓要嗌個鰻魚飯食左先個日唔想飲凍野~跟姊妹個鰻魚飯配左個“桃味焙茶”原條鰻魚係吸引既，好姊妹分左啲俾我食，飯粒分明而鰻魚燒得肥嫩我既桃味焙茶都黎到，店員會好細心咁解釋沖泡既程序個桃味焙茶啲桃味慢慢滲出嚟，一啲都唔假，飲落好清香而中愛焙茶既既好姊妹就另外叫左杯“焙茶沙冰雪糕”HKd$58+10%食完個鰻魚飯就可以揀甜品啦個日係星期五，好姊妹就梗係唔會放過只喺係星期五、六同日先會供應既“焙茶啫喱雪糕”HKd$58+10%啦個軟雪糕香滑就係意料之中，而個啫喱都出色，好夠焙茶香而我就一早mark住左呢位分店限定既白玉金磚，朋友唔食抹茶，所以就揀左“牛乳紅豆白玉金磚”HKd$88+10%金磚其實係塗上蜂蜜再加以烘焗既丹麥麵包，包控表示淨食經已好正，配上香醇既牛乳雪糕同紅豆白玉一齊食，呢個配搭簡直係一絕下次再黎一定要食埋佢地個抹茶味~~~其實依家諗返起都想食

^京林屋 抹茶控的最愛 ~ 今次黎到太古店~環境有日本風的感覺 急不及待睇下食咩先! 我地叫左京式鰻魚飯同熱抹茶蒿麥麵 ~ -京式鰻魚飯睇圖片已經好吸引 因為寫是原條上有得食啦 ! 鰻魚真係原條上的 鰻魚配了蛋碎絲鰻魚肉很嫩 不會乾乾的 配上鰻魚汁 好美味飯一粒粒的 還有滲透鰻魚汁 很香 ~ 麵豉湯一點都不咸 剛剛好! -抹茶蒿麥麵熱熱的 帶點少少抹茶的味道麵質好軟 雖然不知湯底是什麼 但好好味喔 !食完正餐當然要食甜品~ XD叫左兩個不同的芭菲-香港限定芭菲 是配了抹茶軟雪糕,  丸子, 抹茶啫喱, 紅豆 仲有士多啤梨 . . .. .-林屋抹茶芭菲 是配了抹茶冰淇淋,  丸子, 抹茶啫喱, 紅豆 仲有 . . .. .兩款都好好食, 抹茶味很濃滑 真係一定要試喔 ~我地仲叫左杯抹茶軟雪沙冰　～抹茶控一定要試喔 ~ 超棒的