京林屋 (已搬遷) 新店位置

經過上一次到「京林屋」的初體驗已經被深深吸引著，短短兩個月我已成為一個「抹茶控」。今晚相約愛好抹茶的朋友到來品嚐「茶」之樂趣。 店內裝潢仍舊走日系風格，簡約的木系桌椅，令人舒適。門面更展示出不同的甜品款式，目不睱給真的花多瞭亂。星期五的關係，人流不斷沒能安排半開放的屏風座位；只能在長方形的木桌用膳。 安座後翻開餐牌，抹茶的種類多不勝數。甜食有布丁、甜湯、芭菲、雪糕、蕨餅、蛋糕。鹹食有冷式熱的抹茶蕎麥麵及各式的茶類飲品。在麵食的出現，證明餐廳能夠滿足食客正餐的需要。 日本對品茶甚為講究，對茶具的賣相都相對有要求。每道的茶品都配有一套別緻的茶具，放邊更有一張泡茶說明書列明過程及時間，更附上一個小沙漏作計時之用，可見安排得細心。從來我對果茶都情有獨鍾，玫瑰蘋果煎茶及桃味焙茶是我不二之選。 玫瑰蘋果煎茶，花香與蘋果的完全得宜。味道帶點甘香，清香亦帶點細味。 桃味焙茶 從來桃味都心得心，這個也不例外。香甜的桃味，完全是我杯茶。愈飲愈感受出它的細緻美。 抹茶蕎麥麵 $78 上次吃過抺茶冷麵，今次改為熱食。旁邊仍舊設有酸蘿白令人胃口大開。蕎麥麵幼身不過抹茶味道不算強烈，旁邊添加了本菇增添口感。 讚歧

知道希慎最近有一間好出名只係專食綠茶而製造的甜品店，所以特意來試。林屋抺茶雪山：$108份量十分之巨大，用上一大舊冰造成的刨冰，內含綠茶和紅豆，所以食落有著很濃烈的綠茶味，加上紅豆十分之軟滑，絕對係同綠茶絕配。法式聖馬克綠茶蛋糕：$108蛋糕用上了綠茶製作，每一層蛋糕都散發出綠茶的甘香，而且綠茶味由淡到濃，有層次地在口中散發，絕對係口感一新的蛋糕。蕨餅三種盛：$88用上綠茶製作的蕨餅，軟軟勒勒，由於整塊都用上了綠茶，所以似依糯米磁一樣，加上綠茶雪糕，一冷一熱絕對係口腔都同綠茶合而為一。總括來說，這店絕對係綠茶愛好者的必到之店，即使不喜歡綠茶的朋友，亦會俾這裡全綠茶食品吸引。

難得嘅假日，又去港島區搵食喇，朋友係抹茶控，所以我就捨命陪君子，一齊去食抹茶甜品，抹茶都係一直嘅大熱，似乎大家對抹茶嘅喜愛都仲未有減退嘅跡象，因為去到餐廳門口時都有唔少人排隊，由於我遲到嘅關係，朋友已經拎咗位同點咗野喇，我就只需要等食就得啦~除咗抹茶整嘅甜品之外，都有少量嘅鹹食，以抹茶入饌都幾特別，而且我仲好肚餓，所以就追加多呢個抹茶蒿麥麵，青綠色嘅幼冷麵，顏色有啲似係芥辣，表面再放上一小撮紫菜，隔間仲有一啲嘅拌菜，細細粒嘅菇同蘿白條，另外有少量蘿白蓉同青芥辣，將蘿白蓉同青芥辣倒入冷麵醬汁到攪勻，再將麵條沾落醬汁到，青芥辣可以刺激味蕾，不過味道比較清淡，而且抹茶都唔出眾，同一般蒿麥麵好似得顏色上嘅唔同鹹點過後就到甜品喇，我一直到好想食呢個抹茶卷蛋嫁，因為中間滿滿嘅綠色忌廉睇落好吸引，令到我流曬口水~ 除咗卷蛋之外，仲有抹茶雪糕、紅豆同白玉伴碟，望落真係好日式，一啖卷蛋一啖雪糕真係超正，回甘嘅抹茶味佔據咗我個口，卷蛋質感唔錯，唔會過實或者過軟，而抹茶忌廉餡都可食到抹茶嘅甘香，真係唔錯抹茶卷蛋仲可以跟餐配特別嘅茶，朋友就要咗玫瑰蘋果煎茶，餐廳仲好貼心咁整咗張教學俾客人睇，只要跟住簡單步驟，

朋友同我都係甜品控同埋綠茶控,尼到銅鑼灣,唔係唔去京林屋呀嘛!7點鐘到達,時間尚早唔洗等有位! 叫左烏冬同3款甜品!稻庭烏冬-好滑溜有咬口, 加上醬油湯底,味道剛好!清清地又唔會太淡,加上有脆米,紫菜同魚腐,令到碗烏東錦上添花。食完好暖粒粒,同時開左個胃迎接甜品!!!綠茶芭菲(香港限定)-本身想試培茶,但呢度主打綠茶,仲要香港限定!就試你啦!芭菲好高好足料!!賣相已經100分,有綠茶雪糕,白玉,蛋糕,蕨餅,紅豆,草莓,忌廉!全部都係我至愛!! 個雪糕超軟滑,綠茶味好濃!加埋D 配料,我比200分!抺茶蕨餅-煙煙韌韌，配埋黑蜜既甜，好夾,口感一流。法式聖馬克抹茶蛋糕-賣相超精美,個蛋糕一層一層,好鬼靚,蛋糕好鬆軟,有層cream,奶香好重好滑,口感唔錯。 總而言之,同上次係京都食到既感覺完全一樣,完全唔會因為係香港而走樣,除左價錢,所有野有99%相似,甜品控,綠茶控真係唔好錯過呢間正野!

行街行到餓又唔想食太濃味既野黎左依度食有冷麵之餘，重點其實想食甜品左邊大大杯「香港限家芭菲」價錢同中村藤吉差唔多成杯都滿滿既抹茶雪糕雪糕好濃好滑入面有好似寒天既透明啫喱、抹茶蕨餅、小丸子、紅豆特製林屋抹茶餡蜜 其中一d 蕨餅加左抹茶粉變得好香抹茶味其他都好有口感抹茶雪糕同樣好濃好滑嫌整體唔夠甜可以加埋蜜糖食 法式聖馬克抹茶蛋糕 配自選茶 好似話呢款蛋糕係限定三層蛋糕分別係帶蜜糖甜既蛋糕、奶油同抹茶mousse、抹茶蛋糕整件蛋糕好實淨自選茶選左葡萄煎茶好香葡萄味，清清地，第一次飲感覺得好晚餐始終有啲澱粉質落肚好啲所以最尾點左 抹茶蕎麥麵

成日想去食呢間，但次次晚飯完時間都要等位所以放棄。見今日行完街都係7點未使等位所以即刻入去。環境似淺色木系設計，感覺好溫和舒適，燈光亦足夠，影相都靚d~2個人點左4樣野食好瘋狂，因為我地當埋晚飯，哈哈～秘製抹茶蕨餅 $88聽個名以為係乾餅，反而其實係十分軟熟、煙煙韌韌帶有口感既綠的味甜點。隨碟附上有蜜糖同綠茶粉，將蜜糖淋喺抹茶蕨餅上再灑上抹茶粉食味道更佳！滿口抹茶味好滿足～抹茶紅豆湯甜湯年糕 $68 （熱）一打開碗蓋就有好香濃抹茶既味道，入面有3大粒微煎過既年糕，同埋紅豆。將佢地拌勻食更好味。年糕外脆內軟，煙煙韌韌。蕨餅三種盛配自選茶 $981）日本丸子+紅豆：煙韌彈牙，甜度適中～2）抹茶雪糕：濃抹茶味且香滑～3）抹茶蕨餅：同樣濃抹茶味，但唔點蜜糖會比較單調淡口。自選茶：葡萄煎茶第一杯已沖好，一set可沖3次。每沖一次就用漏斗計時，幾得意。好香葡萄味，清清地，第一次飲感覺得好。抹茶芝士蛋糕set 配自選茶 $1081）日本丸子+紅豆：煙韌彈牙，甜度適中～2）抹茶雪糕：濃抹茶味且香滑～3）抹茶芝士蛋糕：抹茶香比芝士味濃，微甜，唔會溜。自選茶：桃味焙茶 - 桃味都香，不過本人比較喜歡葡萄煎

位於銅鑼灣附近的，是一間以抹茶為主的餐廳軒尼詩道500號希慎廣場6樓603-604號舖抹茶控第二次來了，再來的原因，因為還有很多抹茶食物未吃過呢熱抹茶蕎麥麵 $78上次吃冷的，今次吃熱的。抹茶蕎麥麵抹茶香不會太濃烈，淡淡的味道令人吃後清新蕎麥面彈牙實淨，配上本菇和紫菜，感覺健康無負擔法式聖馬克抹茶蛋糕$108套餐包飲品，點選桃茶。桃香甜蜜香氣撲鼻，飲下清新聖馬克抹茶蛋糕外表像拿破崙，但無脆皮囗感，是屬於軟綿綿的慕斯蛋糕上層帶甜的白糖，內裡有忌廉和抹茶慕斯，吃下入囗即溶，囗感輕盈特製京林屋抹茶餡蜜$98以 抹茶啫喱，啫喱，丸子，紅豆，抹茶雪糕，和岀名厥餠而成的餡蜜十分豐富。厥餠是當中抹茶味最為濃郁，煙靭而帶沙沙囗感沾上黑蜜，抹茶味更甘甜特岀香港限定芭菲$98有限定兩個字的芭菲實在令人忍不住又吃一點。抹茶雪糕滑溜甘香，內裡有不少抹茶啫喱，丸子，蛋糕士多啤梨，土多啤梨醬組合而食。一人一個必定滿足

4個抹茶控嚟開餐～～我同男人2個人食左幾樣野其餘就朋友食既～好想食呢間好耐，今日終於嚟左，排左5分鐘就有位（有加一）：法式聖馬克抹茶蛋糕 配自選茶 （$108）嘩，呢款蛋糕係限定，最上層係帶蜜糖甜既蛋糕，中間夾左奶油同抹茶mousse,底部係抹茶蛋糕。整件蛋糕好實淨，落足料。自選茶叫左桃味焙茶 - 可以沖3次，有人話茶葉可以食埋但我唔記得左試。特製林屋抹茶餡蜜 （$98）有好似寒天既透明啫喱、抹茶蕨餅、小丸子、紅豆同抹茶雪糕。其中一d 蕨餅加左抹茶粉變得好香抹茶味，其他都好有口感，抹茶雪糕同樣好濃好滑。嫌整體唔夠甜可以加埋蜜糖食。香港限定芭菲 （$98）呢款其實材料同其他既差不多，只係多左士多啤梨喺最底部增加fresh感，同埋抹茶雪糕分量多d. 抹茶蕨餅 （$88）呢款有得玩，可以先加蜜糖然後灑上抹茶粉先食，味道甜甜再加上彈牙口感幾好味。

想食呢間抹茶甜品好耐 menu 選擇都多不過無乜鹹野 心大心細 最後揀香港限定芭菲 話明香港限定 係日本都未必有呱 賣相靚味道正 抹茶軟雪糕白丸子蕨餅紅豆同透明既果凍 一層層唔同質感 另外叫左蕨餅+ 黑糖醬+ 抹茶粉 口感不是我所想 都係較淋不過唔太甜 朋友選左培茶雪山 賣相已滿足 份量足夠兩個人食 清清地 cheese cake更加我首推 香滑味道平衡cheese 無搶抹茶味

今次試抹茶軟雪糕筒，一食落去茶味超濃，同尋日剛剛食完嘅via Tokyo 相比，真係高下立見。via Tokyo 嘅雪糕比較挺身，入口冇咁滑，而且茶味亦唔夠京林屋嘅突出，不過價錢就京林屋貴d。但係quota有限，就梗係食好d啦

閒日午餐時段路過hysan，見冇乜人，於是試下有冇傳說中咁好味先。首先叫左個法式抹茶蛋糕set。件蛋糕味道不錯，蛋糕面有類似焦糖的物體，脆脆地，夾埋下層軟綿綿嘅抹茶mousse 食起上黎幾特別。至於雪糕，口感綿密，茶味恰到好處，但係以咁嘅價錢，相比其他同類型店鋪嘅出品，唔算特別突出。食完意猶未盡，於是追加一客抹茶布丁。唔知係唔係太飽嘅關係，一d都唔覺得好食，只係覺得好溜餐廳環境不錯，閒日冇乜客，可以坐好耐，但係確實唔係好抵食

我很喜歡綠茶, 所以很喜歡京林屋. 己去過多次了, 我們星期四的晚上8:00 來到, 剛好不須排隊, 可直接入內. 堂食限時60分鐘. 見約8:45 己經全滿要等位了. 店子樓底高, 空間感足, 淺色木材, 和風味濃.抹茶蕎麥麵(冷), $78冷麵的抹茶味不算濃郁, 是鹹點與抹茶中帶點平衡. 麵質沒有以前般彈牙, 但口感還算ok. 冷麵汁的鰹魚昆布醬汁鹹中有鮮. 再把羅白蓉和小香菇放於冷麵汁內, 菇味很香, 很和風. 讚岐烏冬(熱), $68烏冬上有兩塊炸魚餅, 魚餅鹹香有魚和肉味, 增色不少. 烏冬十分煙韌彈牙, 什至比起主打的抹茶蕎麥麵更好吃. 湯面碎碎浮起的是炸粒粒, 像天婦羅炸粉. 香港限定芭菲, $98這個香港限定林屋抹茶芭菲什麼都有,抹茶雪糕, 蕨餅, 白玉和忌廉放於最頂層, 雪糕抹茶味濃夠軟滑, 看相片己經想一啖咬落肚. 白玉甜度剛好, 和抹茶雪糕很夾味. 蕨餅煙韌, 底層的忌廉較甜, 還有抹茶啫喱和寒天等, 整體味道不太甜特濃培茶雪山, $98有驚喜. 還以為培茶會比主打的抹茶失色, 原來培茶的味道極有茶香, 是酒樓飲茶都飲不到的茶香. 把培茶倒上刨冰上, 那陣

好鍾意京林屋既和座, 雖然限時1個鐘, 但俾人一種置身日本既感覺, 絕對系令我再嚟既原因!星期日既中午嚟, 好好彩和座又有位! 一坐底就叫左1款熱烏冬同3款甜品!烏冬熱呼呼, 滑溜溜, 吸左微甜既甜醬油湯底, 可以再煙韌啲, 天婦羅脆米同紫菜增添左唔少香氣, 而魚腐鮮味彈牙, 都唔錯, 食完之後正好暖肚, 迎接之後既甜品。香港限定芭菲望落好靚, 1層層層次分明, 有軟雪糕、蛋糕、蕨餅、紅豆、白玉、寒天、草莓醬、忌廉等! 先入口既系抹茶軟雪糕, 軟滑細膩, 茶味清香, 但唔夠濃郁冇回甘感, 雪糕下面系好一般既蛋糕, 蕨餅同白玉唔夠煙韌, 而結尾以頗酸既草莓醬作結, 帶嚟味覺上既衝擊。各方面都略有不足, 未系1杯完美既芭菲。要抹茶同芝士完美地平衡絕對唔易, 呢度既抹茶芝士蛋糕芝士成為主角, 芝士味完全蓋過茶味, 淡淡既茶味滿足唔到抹茶愛好啫。抹茶雪糕軟滑, 茶味比軟雪糕再淡啲, 仲配有粒粒香甜既紅豆。特製林屋抹茶餡蜜其實材料同芭菲差唔多, 只不過用碗上, 而軟雪糕轉左做雪糕, 仲配有黑蜜隨意添加, 加左黑蜜既蕨餅同雪糕多左種黑蜜香甜, 又系另一番感覺。系和座裏面享受一頓茶宴, 幾時都系一件

今次係第二次幫襯啦，今日8號風球唔駛返工，睇完戲同埋個朋友仔黎，我同佢推介麵食，佢又話飽，但係食甜品又有胃喎。 朋友叫左抺茶蕨餅 同埋抺茶芝士蛋糕set 我今次就試抺茶蕎麥麵加個迷李抺茶芭菲杯set 蕨餅有啲似啫哩，但厚身少少，有啲咬口，自己加綠茶粉同糖，濃味淡味自己話事啦。 蛋糕set 有4份1件綠茶芝士蛋糕，唔會太咸，因為芝士味唔太濃，但有好甘的綠茶香味，亦唔會太甜，伴碟仲有啲白玉同日本紅豆，再加球綠茶雪糕。一set 可以試到咁多唔同口味甜品，正呀。而且仲有一杯野飲可以揀，熱茶沖法都好講究，有晒instruction , 有圖有字包無搞錯。 抺茶蕎麥麵，係冷麵食法，蕎麥麵有淡淡的綠茶味，撈埋上面啲紫菜再點啲冷麵豉油同食。女仔食，一份已經好夠飽。上次黎食湯麵已經覺得有水準，今次再試埋呢個，覺得冷麵仲好味過湯麵好多。 迷李抺茶芭菲杯其實同我朋友叫個份甜品set 差不多，一樣都係有雪糕、紅豆同蕨餅。熱茶又係可以自己泡，又好玩又好食。

熟識筆者的朋友都知，我絕對不是個抹茶控，所以當早前得知來自日本京都、擁有二百多年歷史嘅過江龍抹茶甜食店《京林屋》登陸香港後，也沒特意前去拜訪。不過後來獲吃過的朋友告知，店裡的抹茶甜品，不但甜美可口、嗒落亦不會過於苦澀，反而帶點淡雅清新，應該會幾適合我；既然友人推介，就找個週末來試試看。店子座落於銅鑼灣希慎廣場 6 樓，內裡面積不大，約有四、五十個座位，環境以柔和的淺木色為主調，看起來既簡潔又舒服，配上店內兩個靠牆的特設和式茶座和入面的仿榻榻米座椅，裝潢甚具東瀛風味。見來到時，時間尚早，店裡食客不多，所以請服務員為我們安排較清靜的仿茶室和坐。安頓後，先翻閱餐牌，原來餐廳設最低消費，每位客人最少要惠顧一杯飲品或一客食品。至於抹茶甜食，選擇都幾豐富，而且全部分門別類，有甜點、雪糕、雪山、芭菲、蛋糕套餐等，甚至連麵食都有得供應，而且每款食物均圖文並茂，一於坐低逐頁揭、慢慢揀。由於連午飯也還沒吃，所以決定先點客麵食打底，原來選擇都唔算太少，有抹茶蕎麥麵、讚岐烏冬及稻亭麵，而且仲可以揀冷吃或熱食，就一於在蕎麥麵和烏冬內，各選一客試試。先吃熱讚岐烏冬 ($68)，粗圓的烏冬以熱湯浸著，配料唔算豐富，