京都抹茶屋 (已結業)

之後試過這裏的甜品，而家就試下呢度的午餐定食常盤餃子湯烏冬 $58 (7/10)餃子依舊出色！皮脆而內裏又充滿肉汁！配合餃子醬汁一起食用，味道更好湯烏冬則正常表現，又夠熱，沒有什麼可以挑剔唯獨是跟餐的凍檸茶水準欠佳，無乜茶味朋友所點的 吉列海老湯烏冬 $58 (8/10)朋友跟我交換了一隻炸蝦，吉列炸蝦味道比餃子更好，沒有太厚的炸漿，蝦身亦十分彈牙果然是隔離飯係香啲嘅蕃茄湯底也十分濃郁！京都滑蛋炸蝦丼 $68(5/10)炸蝦確是不錯，但隻滑蛋煮得過老，整碗飯也是平平無奇京都滑蛋雞扒丼 $70 (5/10)朋友說這個雞扒飯是overpriced, 沒有特別好味的地方，性價比低又是最期待的甜品環節凡顧買午餐，均可以用優惠價購買甜品首先要評論抹茶芝士餅(+$12)抹茶跟芝士味配合得好，只要餅底略嫌較硬。亮點卻是伴碟類似抹茶奶凍的甜品，十分好吃，抹茶味出眾，質地細滑！後面的是十勝抹茶乳酪甜點(忘記要加幾多錢)表現尚可，抹茶乳酪較酸，幸好紅豆夠甜，互補不足！

同朋友仔放學黎到京都抹茶屋到邊食邊傾Project!黑色小碗的抹茶乳酪是抹茶館所贈的，十分驚喜店員也十分細心，給了我們兩杯清水 前：宇治抹茶十勝窩夫 (8/10)後：草莓冰淇淋窩夫 (7/10)先說說宇治抹茶十勝窩夫，這裏的窩夫層於軟糯質感的窩夫，口感煙韌，窩夫有抹茶味，富蛋香，只是不夠熱。抹茶雪糕質地細滑，抹茶味適中，不帶回甘的味道 當然未能跟城中另一抹茶雪糕相比，但京都抹茶屋的抹茶雪糕仍值得一試。紅豆甜糯，也夠粉，好吃草莓冰淇淋窩夫也挺好吃，草莓味雪糕冇藥水味，伴碟的草莓也挺新鮮另外點了小食煎餃子～雖然放凍了，但煎餃子皮仍保持香口，也有肉汁，不錯。飲品表現未夠出眾。但甜品表現出色！值得一試

上次同同事到過鄰店意大利餐廳, 驚喜地發現這間主打抺茶甜品既餐廳, 再睇睇店名"京都抹茶屋", 櫥窗擺滿了京都的抹茶葉, 抹茶粉, 甜點........睇睇餐牌, 有好多日式定食, 還有日式丸子甜點及綠茶雪糕飲品, 甜品凍櫃還有幾款綠茶甜品: 綠茶紅豆慕絲杯 / 綠茶芝士蛋糕 / 綠茶卷蛋 ..........大家好興奮地話下星期要來食lunch.  但我已等待不及, 即刻外賣2件甜品回公司試試: 綠茶紅豆慕絲杯 / 綠茶芝士蛋糕 (忘記了影相), 賣相好不錯, 顏色好深綠, 看來不錯, 滿懷期待的一試..........噢!! 咁少綠茶味既........綠茶慕絲杯都有少少, 但芝士蛋糕既勁黏口又無綠茶味道, 餅面既raspberry又出水唔新鮮.  反而伴在旁既正方型綠茶凍既綠茶味較出, 但都不致於叫濃.  即刻上網睇這店資料才知是鴻星集團, 心想做開中式酒樓突然開間日式店都未必正宗. 但見網評綠茶雪糕最好食, 我們都決定來一試.我們12點便到達沒有客人, 餐牌主要食自組套餐, 揀一款定食飯或麵, 再加不同價錢配甜品或飲品, 選擇都頗多, 每個餐都大約70幾80元都不便宜, 再加上

星期六瞓醒都點幾鐘喇，因為四點喺數碼港睇電影，所以決去南區搵地方食個 late lunch。 搵嘢食緊係要search openrice啦。揀呢間食店主要1) 抹茶係我至愛唔可以錯過，2) 黃竹坑香葉道印象中係工廠大厦林立嘅區域，乜有嘢食咖咩？ 一於去八卦吓先！  近年黃竹坑都翻天覆地為的喺要開拓地下鐵服務至南區，以後唔怕繁忙時間隧道塞車喇，十分期待。此店位於頗新的商業大厦地舖，面對露天球場，旁邊有幾間食店和便利店，雖然位並非位於大街也沒有公共交通工具，但這一帶人流不了喎。由於到達差不多三點午飯時間已過，只有兩枱食客。店員指示先購票付款，然後店員會把弄好嘅食物送上。主食主要係日式湯麵和飯類，蕃茄係抹茶以外我喜愛的食物，二話不說點選蕃茄湯烏冬和蕃茄焗海鮮飯，而補多$10-20就可以叫埋特色飲料和甜品，好抵喎。吉列豬扒蕃茄湯烏冬色彩鮮艷，豬扒即炸非常燙囗size 都唔細，而蕃茄湯好濃仲有好多蕃茄粒，連烏冬食好夾呀，仲差D飲光D湯呀。Order焗蕃茄海鮮飯時要求多汁，好怕乾蚊蚊唔夠汁嘅焗飯，嚟到果然好多汁呀證明係即做，呢個汁超多蕃茄蓉加少少Tobasco仲好惹味，多汁嘅情況下好似西班牙海鮮湯

久違了的運動日。同朋友運動完就去抹茶屋補充一下體力，一入鋪頭/口\會不會太多人了吧...可能撞正附近放LUNCH。全場滿座，企滿了等位的人，太誇張了。樓面只見有２個ＳＴＡＦＦ在高速移動，唯有等一陣啦。呼～終於有位了，侍應好快就幫我們清潔了台面，還打了聲招呼，想不到如此的繁忙環境還能保持笑容，實在難得。由於招牌豬扒很快便搶購一空，於是店員向我們推界了，鰻魚丼＄９８見佢咁有誠意，我們便點了一個鰻魚丼＄９８　加＄１０霜淇淋宇冶抹茶咖哩雞扒飯＄６８。自取飲品後，坐低等店員送上食物。估唔到出餐時間也很快，等了１０分鐘左右。這個鰻魚飯實在不是騙錢，很大的一條。味道尚可，這個價錢十分合理，朋友的雞扒飯，聽他說，雞扒十分皮脆肉嫩，值得一讚。估唔到半年後再光顧，各項質素都保持得好好。 

人均消費：HKD$50抹茶對好多人黎講都係一種唔太甜但又好香既甜品。又有d抹茶係苦，最苦也是甜味。呢個Level 唔係人人都接受到。香港仔區係一個大型社區，但要數得出好味既甜品少之又少。呢間京都抹茶屋位於黃竹坑 One Island South，Target Customers 都係黃竹坑區上班一族。好少人會特登走去食。我無理由放棄呢個機會試下。正常既甜品鋪開門時間都係夜等d人食完個晚飯先再去決戰甜品，但呢間野就背道而馳，夜晚7點就收工喇。如果你想搵間Coffee Shop hea 一個下晝，呢度絕對係好地方，一間鋪有5個 staff，Staff 仲多過客。個環境仲要唔錯，Green Chair。今次推介食物 ─ 抹茶雪糕呢間野係要先俾錢買野然後個staff 就會拎黎，都係咁講，間野Staff 仲多過客，所以佢唔俾個牌你，佢都會知係你叫左野食。木制餐具，盆+匙都係木制。讚！今次我叫左個香蕉抹茶慕絲芭菲，佢慕絲整法整實佢，等你食得既時侯就唔覺得好膩，但就令到個芭菲唔夠甜同唔夠濃。呢個都係敗北之處，都係可以唔食。。你叫我再幫襯，我都只會去食佢個雪糕。抹茶雪糕，佢係自制，都尚算香同濃，即食雪

今日跟同事前去運動場邊的抹茶屋，一進餐廳內便令人驚訝，餐廳內裝潢都挺有生氣，綠草如茵的感覺，位子不多，卻引來不少食客站在一旁等候位子。第一次來也照跟著同事走上前去看牆上的螢幕餐牌。同事點了:日式咖哩吉列豬扒飯而我點了:菠菜汁帆立貝意粉+$10換 紅豆宇治抹茶牛乳第一次喝也推薦這個，抹茶牛奶味道沒假，所用的紅豆也并不一般，以$10價錢的紅豆抹茶(原價$38)來說，質量是實過其名了，看來餐廳也挺大方啦哈哈我點的菠菜意粉，good，全綠色的看上去挺健康的，吃起來味道也清新，帆立貝呢給的也不小家5大顆哪同事說在這一區，這裡已經算不錯了， 最起碼可以安心地舒舒服服吃個飯下次再來，還有很多很多很想試一試

黃竹坑就如同觀塘區那般正由工廠區逐漸發展成揉合工商業的社區One Island South這幢商廈也是這區的新產物地面的幾個舖位容納了便利店及食肆京都抹茶屋就是其一一踏入店舖感覺已很Relax沒有太多的噪音也許是沒有太多的顧客這是一個可以慢慢用膳的好地方可惜用膳之餘 使用智能手機上上網也是需要即使坐於餐廳的中央部份電話接收3G是奇差店方有Wifi cover可惜不是供客人使用實在令人沮喪！宇治抹茶芝士餅(單點$28)味道濃郁有紅梅作陪襯宇治抹茶十勝窩夫(單點$35)兩片少少的窩夫加上一球抹茶雪糕令人費解的是雪糕雪得太過份嘗不到很多的抹茶味道咬下去裡面更有少許冰粒紅豆宇治抹茶巧克力牛乳抹茶(各$38)最令人失望的就是這兩杯抹茶！紅豆及巧克力的份量都少得驚人！喝下去只有抹茶的味道！完全喝不到有紅豆般！若果不是環境優雅這樣的價錢實在不用選擇來這裡的...

因為曾經去過台北阪急的抹茶專賣店，當知道本地某大飲食集團新開了同名的品牌店在黃竹坑，因為誤會是台北店的同級，於是第一時間專程來到這工場區內的豪華寫字樓大廈One Island South，下午6:00點多來到想吃個下午茶。這間抹茶屋只用一個飾櫃就集中了抹茶概念店的主題，放了些零碎的裝飾想簡單的交差。拉開趟門見店長在用筆記電腦，只有我一個客人，聽到的第一句不是預期的日式歡迎語而是「我們7點鐘關門」????? 我只有說「我吃完就走啦……」。坐低後發現環境倒還不差。先送來的是凍檸茶，冇茶味冇檸檬味，用來裝糖水的壺似是工廠食堂所用的器皿。原來期望的抹茶系列欠奉；細小的餐牌看起來並無多的選擇，又不好意思阻住人地收工，一場來到只有草草叫一個「燒雞扒湯烏冬」選蕃茄湯底配凍檸茶（凍飲不另加收費）。櫃面先付款後，服務員會送餐上客人的桌子。整體上這「燒雞扒湯烏冬」只是個工場食堂的套餐水平。雞扒是中式醃製的味道，配些疏落碎椰菜絲伴日式沙律醬。先試湯頭不對勁，有可能是用日式濃縮豬骨湯汁開水再加上蕃茄湯淡淡的。烏冬煮得好有嚼口，但可惜湯不行。我走出門口的時候才6時44分，極不暢快有被人「老點」的感覺，不會再來。

今個星期放假，一早搵左新地方同女朋友去試食一下因為我地都好鍾意食綠茶架食品，所以住九龍區都想入去試一試。入去之前打左電話問實今日係開門先上巴士入去，費事去到無開門。4:00去到得我地一檯客，因為地點唔方便同應該係做寫字樓客架關係，入面地方都幾大，好多位。食左兩樣野，叫左一柸野飲，睇下幾時再入嚟試其他野啦!