京香餃

營業中

休息中

男朋友屋企附近開左呢間京香餃，佢話試過食物唔錯，所以就帶埋我去試下喇。呢到無華麗裝修，只係普通食店，食物以北方風味為主，但勝在價錢夠公道，岩哂D街坊落黎開餐。山東手撕雞 $38前菜叫左個手撕雞，份量都唔細架。雞肉唔鞋，而且唔會無味/有雪味，加埋爽脆青瓜，同埋個帶少少酸既醬汁，真係幾開胃。醋溜炒土豆絲 $42土豆絲切得夠幼細，但仍然保留到爽脆既口感。醋味岩岩好，唔會太淡或太酸，帶少少花椒味，雖然個人唔太喜歡，不過都可以接受。白菜鮮肉餃 併 韮菜鮮肉餃 (共10粒) $43因為我咩都食試，但又怕食唔哂，就口多多問呀姐可唔可以比我雙併，呀姐雖然有D唔願意，不過最後都比我拼，而且仲細細聲同我講，下次多人就未必可以拼架喇餃子皮比較厚，所以鎖住哂D肉汁，一咬落去，D汁真係會滴出黎﹐好好食。個人比較鍾意白菜，因為韮菜略嫌唔夠香。山東羊肉搶湯麵 $38羊肉湯麵平時比較少食到，個湯頭好似好深色，但一D都唔瀆，而且好香羊味，但又唔會好羶，麵條有少少似上海麵，食落有咬勁，羊肉好嫩滑，成碗麵都好好食。雖然坐得迫迫地，但大家都好有禮貌好禮讓，加上老闆同伙記都好殷勤，人情味係連鎖食店搵唔到架。當晚食4個菜都好高質

一個人去咗西營盤, 行過見到京香餃, 茶餐廳風格, 唔係好闊落,本來想食煎餡餅, 點知個女侍應話冇咗好耐, 佢都想食咁話, 真係風趣.我冇點到午市套餐, 好似係$37蚊, 都好多學生食, 送飲野, 都抵.  我想試下炒野, 點咗"蔥爆羊肉炒麵", $48, 好大碟呀, 嘩, 一個女子食唔晒, 好多蔥, 好香, 羊肉冇SO 味, 如果有埋白芝麻粒上碟就更加正, 因為午餐時間, 好多人喺出面等, 食完就閃喇.  

Lunch: (1) 芹菜餃 (celery and pork dumplings) - good balance of flavour from the celery so that it isn't overwhelming...; (2) 羊肉餃 (lamb dumplings) - personally would have preferred a stronger lamb/gamey flavour; (3) 韭菜餃 (pork and chives dumplings) - personal favourite...good flavour and balance of ingredients; (4) cold soy milk - meh...a bit too watery; (5) 豬手拌黃瓜 (pork knuckle w cucumber salad) - meat slices of the pork knuckles were a bit dry...cucumbers were fresh and decently seasoned. OVERALL

現代人外出食飯，已經很普遍，岀去食當然要試自己在家很少會煮到的菜式。今天選了餃子做下雨天的晚餐。進入店內，是傳統中式的裝潢。看那調味架青花瓷的器皿，愈來愈少見。看了菜牌，決定叫些少有的菜式。魚餃，羊肉餃，素餃，京葱羊肉麵，咕嚕肉，醋溜大白菜，两柸豆漿。餃子皮是新鮮手扞的，皮帶咬口，不跟隨現在一味追求薄皮的潮流。魚餃，這個真的要點評一下，饀是好大的一球碎魚肉，滑身而味帶鮮，餃內有湯汁，感覺要比一般餃子味道清淡，好吃。羊肉餃就偏向味重，而汁也很多，一不小心就很燙口。素餃子，口感豐富因爲餡料豐富，包含了五到六樣蔬菜，有我最喜歡的木耳，真的好好吃。京葱羊肉麵，湯味較濃，不是我喜歡的，麵我喜歡帶有咬口的，這裡的並不是。嗯，味道是可以的，只是太油不是我杯茶。醋溜大白菜是真正的油，帶點酸味，嗯，似乎點錯了。整體而言，有獨特外省風味，有機會我會再來試其他。

舊店在堅道因加租停做了差不多兩年, 以前每星期必定一次京燒羊肉, 素鵝, 芹菜餃, 羊肉麵, 豆漿。偶然經過水街見到重開, 立即入去品嚐我的至愛, 味道當然沒變, 老闆和事頭婆都是山東人, 可惜現沒有素鵝, 可能功夫太多, 還有可惜在舊店的店長貓年紀太大走了。

今日同朋友經過e間小店，門口有個侍應誠意權權推介d菜色比我地，因爲我地沒有特別想食的餐廳，甘我地就入左去。餐牌很簡單，價錢亦相宜。蔥爆羊肉炒麵（$48), 很大碟，用的是我喜歡的上海粗麵，上桌時香噴噴，好似系即叫即炒。羊肉都有8-10件左右，羊肉本身煮得很淋，也很入味，沒有太多蘇味，也不太鹹，好味道。上海面本身亦彈牙不湖口，另外值得稱讚的是廚師放了很多蔥，所以很香很惹味，炒得也有鑊氣，值得推薦！另外叫了涼瓜炒蛋飯 （$42），都幾大碟，舖滿成個飯。涼瓜帶甘不苦，蛋漿也煎得不錯，很香唔太嚨，有點在家食飯的感覺，喜歡食涼瓜的我覺得整得不錯，總括而言，此餐廳大碟也抵食，係一家有誠意的小店！support!

久違了的傳統自家製山東餃子及麵條又在西區重現了, 早兩天路經皇后大道西近水街口, 看見了一間 曾在中半山屹立了多年的餃子店 ‘京香餃’ 重現眼前, 速趨前觀看, 果然見到一副熟識的面孔, 老闆娘 '畢太' , 她說新舖剛開業兩天, 店舖較以前面積小, 好些熟客路過時還對該店的出品念念不忘, 令她很覺恩惠。急不及待昨晚六時正 , 第一時間與太座進入店內光顧, 點了我最喜愛吃的山東魚餃, 太太最愛的素餃, 大鹵麵及青菜, 再來一杯美味降膽固醇的山楂茶。食品果然保持水準, 老闆娘說: 雖然工序繁多及辛勞,但每天早上她與老闆 ‘畢先生’ 仍然保持自家造麵及採用新鮮材料自製餃子(包括餃子皮)。她還說: 有傳媒知道他們新舖重開後即想相約做訪問, 她說剛重開, 要一些時間適應, 因為舊舖在堅道時, 有次蔡瀾先生及電視台推出採訪後, 座無虛席整整半年有多, 慮顧客久候, 有愧於客, 故推遲了是次的採訪。店內面積不大, 但論環境尚算舒適及整潔, 餃子及麵條屬必食類別, 定價不高, 以真材實料計, 實屬超值。地點在香港大學站屈地街B出口轉右步行三分鐘便可到達。