京.花朝 (已結業)

在銅鑼灣這個高消費地區，可以以$68的價錢，品嚐一個傳統京菜套餐，真是10分超值。套餐包括冷盤前菜丶湯、主菜及一個飯面。$68。有四碟，屋村餐廳都唔得啦。我同朋友兩個人食總共就有八碟前菜我哋叫了水晶淆肉、城山素腐方，湯就叫了花朝原盅燉湯及胡同酸辣湯各一，主菜京蔥爆牛肉、乾煸四季豆，另外再叫了北京炸醬麵。某一些菜式要另外加錢例如炸醬麵要加$10 ，但是整體來說，價錢已經10分實惠了，我覺得即使要加錢也是非常合理。

今次試吓銅鑼灣嘅烤鴨食店叫咗半隻北京烤鴨、松子魚、腿蓉津白烤鴨 : 平時食開嗰啲烤鴨塊鴨皮好酥脆 , 啲肉比較嫩 , 呢間啲鴨皮有陣飲宴燒雞嘅味 , 鴨肉帶點柴 由於切出嚟嘅鴨皮仲大塊過包鴨嘅麵皮所以我哋叫個姐姐俾把刀我哋自行切細 , 姐姐話 :”吓咁都話大塊?!”其實塊鴨皮切到雞乸咁大塊 , 麵皮包都包唔住 , 加上都係我哋自己切 , 姐姐嘅對答假如收斂一下會比較好松子魚 : 炸粉過多腿蓉津白 : 腿蓉只有咸味沒有腿嘅味 , 個玻璃芡成 Pat 漿咁 , 而且唔熱 , 食起上嚟就係有啲咸粒嘅漿糊菜前兩道菜都唔係咁好食 , 所以都唔想影相嚕總結 : 食物質素及服務態度有待改善性價比 : 低

相約兩個女兒及其男朋友一齊補祝生日，因為太急，不能訂到心儀食店，進OpenRice尋找食店，見到京花朝可供預約，食評都還可以，便按下預約去試試！晚上7:30到達食店，食店是細小的，眼見只有七八張枱，全部都坐滿人，應該沒有揀錯吧！翻開餐牌選擇食物，價錢不貴不平，六個人每人選了一款心儀食物，等待食物上枱。咕嚕肉-咕嚕肉酸甜恰當，開胃片皮鴨-鴨皮片得太少，不足夠，味道還可以片皮鴨二食-蔥爆鴨身，樣子不討好，味道偏咸回鍋肉-肉少配菜多，味道不夠炒四季豆-XO醬炒肉碎及四季豆，味道稍濃和菜戴帽-其實是羅漢齋，蛋皮蓋上頂而已，味道一般椒鹽豆腐-豆腐切得太細小，味道不夠高力豆沙-這個甜品最好吃，皮薄適中，豆沙餡適中，最重要是夠熱個人評分服務C食物C（感覺不夠熱）🤔衛生C環境C抵食C加評片皮鴨收費，要4百多元只吃皮，二食加$78，加起來要500多元，在一間沒有裝潢，沒有很好服務的食店來說，收取這個價錢覺得不值，而且不是很好吃！訂位時有註明全單85折，原來又是騙人的，有細則列明每人必須惠顧$250才享此優惠，無奈！🙄相信我不會再光顧，試一次就夠

Went to lunch with friend. We ordered pinion beef, drunken chicken, fried ham cabbage, spicy and sour soup. All tasted fantastic. Portion is reasonable size. Two person lunch at $177 total. Good deal. But not enough waiter to serve. Need to wait a bit if u need help.

十二點鐘搭𨋢未見人龍，上到去做左第一枱客，清清靜靜，地方雖小但環境幾雅緻。點左兩個一人午餐：前菜：肴肉、雞絲粉皮都正常水準，份量都唔少。湯羹：燉湯稍鹹不過有金華火腿香幾好飲，酸辣湯大大碗不過比較辣老公飲唔晒。主菜：蔥爆牛肉大碟有鑊氣，唔算好油，牛肉都幾多，好味！紅燒豆腐都好味，用料足，有豆腐、毛豆、尖荀、冬菇絲、芽菜。飯、麵：我地要左飯唔駛加錢。要麵或其他可以加少少錢。我同老公（180磅）竟然食唔晒，要帶埋返屋企夜晚食！D姐姐都好nice！上菜又快！連加一人均大約$75，性價比高！奇怪食到12點半先得兩枱人，搭𨋢落到樓下，原來排緊長龍等𨋢！呢間絶對係銅鑼灣值得推介嘅京滬菜館！

好開心朋友從英國返嚟特登搵我食飯，你仲揀咗一間中式餐廳，菜式都係我喜歡食嘅北京菜。我們好早嚟到呢度，一個人都冇以為包左場，然後睇翻時間，原來而家先係6:00 ，七點嘅時候呢度已經爆曬棚。我們點左好多唔同嘅小食，而且有優惠，好似食滿500就有九折定八折嘅優惠。我哋兩個食咗咁多野其實好飽，都好抵食。呢間餐廳嘅服務員都係啲姐姐，佢哋的服務態度都唔錯。最後我哋喺度坐左差唔多三個鐘，因為環境好舒服其實可以不斷加茶，一邊飲茶一邊傾計，傾傾吓就傾左三個鐘。下次可以一家人嚟呢度食飯，我見到個北京烤鴨超想食，但係得兩個人食唔到，下次可以叫埋屋企人一齊食。

銅鑼灣有好多餐廳可以選擇，但係會番轉頭食多幾次的餐廳唔算多，但「京·花朝」係少有會再去食的餐廳。可能因為呢度的午市套餐性價比高，一如既往，午飯時間是好多人的。不過，以銅鑼灣地區來說，午餐價錢$68 （加1後，價錢為$75）有冷盤、有飯有湯，仲有京滬小菜，真係幾抵食。但因為曾經試過有一次摸門釘，所以之後我每次去食飯都會預先打去book位😂。冷盤小碟（雲耳小青瓜、蒜泥白肉）小青瓜味道正道，沒有甚麼突出的地方。而於蒜泥白肉則偏辣及偏乾，辣味搶了蒜蓉的味道，整體感覺一般般。花朝原盅燉湯應該係淮山圓肉煲雞湯，雖然細細碗，但d湯都幾濃幾入味，同埋唔會好油/ 好重味精味）京滬小菜（乾煸四季豆、菠蘿咕嚕肉）主菜有家庭小炒既感覺，份量十分足夠。兩個人叫兩個餐，真係會食到好飽😂 另外因爲咕嚕肉的汁好適合送飯，會食多左飯😛

早幾日同朋友黎試食午餐，好抵下呀，3個人食埋單240蚊左右，有前菜，主菜，湯同飯。我地分別嗌左唔同既小菜share, 咕嚕肉，蔥爆牛肉，津白味道都幾好，係個前菜蒜泥白肉hea左少少，味道單一但都幾辣.. 一人80蚊，坐得舒服，唔錯作為一個quick lunch性價比幾高！

上次和朋友們吃過午餐，品質和環境都相當不錯，所以這次跟另一群朋友臨時起意的小聚，也選擇再訪。晚上六時多到達人流不多，正好適合與友人們邊吃邊聊天。餐點叫得不多，半隻烤鴨，乾煸四季豆和上海炒年糕，價值配上環境，還是覺得很合理。其中烤鴨必須點名讚賞一下! 吃入口那濃香的鴨味，跟平常連鎖酒樓吃到的大有不同，濃烈的鴨油香和脆卜卜的鴨皮令人回味無窮。唯獨是鴨肉略為乾柴一小點，但不影響整體感覺。而四季豆和年糕味道嚐起來也頗為正宗。最後還送上甜品給我們，不是一般的糖水，而是杏仁豆腐，感覺並不多見!

自舊年同男朋友仔去完北京後一直對京菜念念不忘特別係北京烤鴨同埋對於懶人來講京菜絕對係一個好選擇因為京菜可以話係集中國菜之大成今日放工就同男朋友仔去銅鑼灣行街順路慰勞下一星期既辛苦我地就挑左一間樓上中菜館 ─ 京‧花朝餐廳就坐落係Timesquare 後面既巷仔既耀華街上到百樂中心9樓就會搵到餐廳餐廳提供比客人既菜式種類相當多但主要係京滬小菜為主我地兩個為食貓就揀左北京烤鴨 (半隻) $228餐廳既北京烤鴨相當好食 甚至可以話比我係北京或者香港某d名店更加好食可以話烤鴨既皮相當脆 同姐姐片得厚薄度剛好而且份量相當多 大約可以包到10幾件加上店家相當貼心 每個人都有個醬同一個半圓既匙方便大家將醬汁擦得均勻宋嫂魚羹 (位) $45宋嫂魚羹係杭州名菜宋嫂魚羹既感覺就好似大家平時食到既酸辣湯甘配料有蔥、薑、冬筍、冬菇絲、雞蛋、魚肉但味道就相當較清淡帶點微酸 絕對係開胃之選～北京醬蹄 $68北京醬蹄係北京人喜歡既小菜將豬蹄浸入充滿香料既醬汁熬煮而成之後煮完再將豬蹄冷涷同切片所以北京醬蹄既口感外脆內軟外圍係一層充滿膠質既豬皮而內圍就係經熬煮後軟腍既肉香酒醉雞 $78醉雞係我同男朋友仔經常去唔同餐廳

昨晚跟朋友來銅鑼灣百樂中心試這間北京菜，繁忙時段地下有很多人排隊搭電梯，如果訂了位的朋友最好提早到埗。餐廳比我想像中細，但勝在乾淨，我們點了四道菜。1，北京烤鴨（半只）不過不失，皮咬下去不脆。2，雞絲粉皮冰凍爽滑，我試不多無法評論。3，腿蓉扒津白我覺得味道好淡，如果喜歡清淡的可以選這道菜。4，糖醋魚片酸酸甜甜好開胃，洋蔥炒得好香，送飯係不錯的。服務方面很好，點菜時我們不小心打翻水，經理立刻來處理，還提供紙巾擦拭，店員也提醒小心地滑，很窩心的服務，下次我們會再來光顧

補返同母親大人既母親節飯，有心唔怕遲😬😬😬四個人叫左半隻片皮鴨都唔會話好少，皮夠脆，加埋啲醬一齊吃好好😆😆北京片皮鴨係首選金菇翡翠苗，最清淡既一道菜，有時候大魚大肉點都要叫道菜吃既最愛呢道菜，除左片皮鴨之後，眼見差不多每一台吃客都會叫既菜，可想而知有幾多味啦😋 肉夠脆 就算攤凍左啲魚肉依然咁脆卜卜，啲汁更加一流啦去，配飯一流獅子球反而麻麻地 本人覺得，有啲偏鹹上海粗炒，都唔錯架🥳🥳到最後既甜品🤩如果俾現金就會有架啦，好食，今餐真係好滿足，希望媽咪都食得開心❤️❤️❤️🥰

喺銅鑼灣嘅京。花朝主打係中國菜，兩個人黎食可以單點亦都可以嗌套餐，咁當然要套餐就相對比較抵食啦。兩個人食有兩款套餐都可以選擇，可以叫一款唔使揀，餐廳幫你安排晒兩個人$488嘅套餐，又或者可以揀每位$268嘅自選晚餐。我哋件$488嘅套餐都幾啱食，所以我哋就揀咗$488嘅二人套餐。一開始首先有一個原盅嘅燉湯，燉湯嘅份量比較細，但係味道十分之清甜，好好味。之後就有京式兩小碟，分別係雞絲粉皮同埋北京醬蹄，呢兩個小食都係我哋頭先有諗過自選晚餐會要嘅，所以都非常之啱食。至於主菜，分別有宮保蝦球，賽螃蟹，蟲草花翡翠苗同埋獅子頭。我哋覺得呢幾款主菜都好啱送飯，所以我哋另外單點左兩個白飯，賽螃蟹非常之好味，加埋少少醋簡直可以食三碗飯。至於宮保蝦球都算幾辣，但係又同蝦幾夾喎！呢個套餐其實都有煮食嘅，不過就唔係飯同面，而係北京人經常會食嘅水餃，水餃皮相對厚少少，同香港嘅風味有啲唔同。甜品整體來講，呢個套餐非常之抵食，兩個人食完真係超飽，如果兩個人要食晒呢個套餐係出邊就算茶餐廳食，四個小菜再加兩個小食，仲有埋湯，主食同甜品，呢個價錢真係未必得，而且呢度環境都幾清靜可以靜靜地傾吓計，所以都值得推介。

京.花朝是一間主打京滬菜的新派中式菜館，店面不大，像私房菜般只能容納數枱食客，但食物一樣有質素而且環境清靜得來坐得亦舒服，適合想找個地方靜靜地聚舊的朋友。＊＊＊＊＊＊＊＊＊＊＊＊＊＊＊中菜館以圓桌為主，但也有二人枱，以應付不同人數的食客。茶芥$10/位，小吃$20/碟，定價合理。餐牌有套餐也有單點，冷盤、湯羹、肉類、靶菜、海鮮、飯麵和甜品都有，大部份定價都是一百幾十。香酒醉雞($78)醉雞入口微涼，吃得出酒香味而不會過苦，雞肉不會太鞋，挺適合近日炎熱的天氣。北京醬蹄($68)豬蹄切成薄片，煮得夠腍亦入味。黃金蝦球($148)黃金蝦球先去殼才蘸炸漿炸，所以不用剝殼，食得更方便，炸漿厚薄適中，咸蛋黃味亦香濃，做得出色。除了蝦球外，中間還夾雜黃金青瓜，配搭新鮮得來又幾夾。紅燒牛肉($98)牛肉夠腍但吃得出不是鬆肉粉夾硬醃出來的，中間還有筍乾和冬菇片，醬汁濃味用來餸飯一流。招牌炒飯($108)招牌炒飯內有蝦仁、豬肉和炒蛋，炒得夠乾身又不會太多油，不過略嫌味道較為清淡，味道中規中舉。總結，冷盤和小菜質素不俗，份量適中，定價合理，食厭了連鎖茶樓絕對值得一試。

今日黎左呢間好令人滿意既餐廳食飯。佢個二人套餐真係超級飽，好抵食！😋而且質素都幾好，坐得夠哂舒服😌。餐廳環境都幾靚，好有特色。佢本身有個自選特色晚餐🥣都好抵叫，每位$268，都好多野食。點知俾我見到仲有款2人餐，$488就搞掂。仲要包二碟前菜，每人一盅燉湯，5款小菜，再有甜品食，真係成枱都係野食呀☺️好豐富。京式小碟：花雕醉雞🐓夠哂入味既花雕味，食落好香滑。雞絲粉皮😋😋好開胃既涼菜。花生醬香濃，粉皮爽滑，連埋雞絲一齊食，好好味原盅燉湯：今日靚湯係響螺准山雞湯😋好足料，好濃味既湯。要襯熱飲，夠哂鮮甜好味呀！瑤柱賽螃蟹，用黎送飯一流呀！先將蛋 攪匀好，加點醋令到食落每啖既蛋白都夠哂味道。加上一粒粒既帶子，食落爽口，口感更滋味宮保蝦球🦐大蝦🍤好大隻，食落好彈牙新鮮。食落甜甜地又辣辣地，好惹味！好開胃菜。紅燒獅子頭 呢舊獅子頭 整得好好味，肉味好重，而且好鬆軟，唔會話好實，個汁又唔會話做到好鹹，又夠哂入味。仲有啲冬菇同筍食，好爽口😋蟲草花翡翠苗，呢個配搭又幾好喎！好鐘意食呢款菜苗，好嫩好多汁。食落又有少少爽脆，配埋蟲草花既味道，更多種口味。上湯水餃🥟又係要襯熱食，夠哂正。個湯又幾濃，令到隻水餃好