影片
港鐵朗屏站 D 出口, 步行約8分鐘
繼續閱讀
營業時間
星期一至日
18:00 - 02:00
以上資料只供參考, 請與餐廳確認詳情
食家推介
琴日11點收工，知呢度有消夜档，入去見到有档新開炒飯。店主推薦招牌欖菜肉崧黄金脆米炒飯，我想試黄金脆米又想食辣野就嗌左辣爆猪扒炒飯，另加黄金脆米（$8），一次满足两个愿望炒飯成日都有食，脆米有食過，两样搭配一齐真系第一次。而且巨個炒飯好高质素，配料超丰富，有红萝白、脆肉瓜、洋葱、蒜蓉、炸蒜蓉、葱花、辣椒仔完全唔似檔口仔出品。飯好香，粒粒分明，🔥气十足，加入黄金脆米後，口感好丰富好香口，原来两者好夹值得一提是巨個黄金脆米炸得好松脆，不會太硬。猪扒超惹味，眼見亮哥即炸，唔會干，夠味夠辣蜜椒🐔中翼都好有水准
繼續閱讀
回家路上經歷一程凶猛巴士🚍 返到元朗開飯🥢諗起永年附近既飲食攤又翻生, 就去試下「亮仔炒飯」😋係大陂頭徑公園側, 嘩鬼拉麵隔離既舖位, 一年前曾經燈光火著, 入面有接近10個飲食檔。今日再黎得番亮仔炒飯同另一間蛋餅開緊。夜晚7點零, 未有等候潮👋攤檔有一大塊既餐牌, 粉紅色底有少女心💗炒飯、炒河/烏冬仲有小食飲品。既然係外賣, 我就唔怕食辣爆汗🥵睇住亮哥接柯打後執料, 先炒個靚飯底, 但成場無乜油, 抽風做得唔錯✔️跟手開始爆香啲豬扒🥩啲辣椒醬爆鑊個下真係攻到不行, 已經預視到一陣既辣況🌶️比較得意係舖頭係用膠碗去裝炒飯🍚好多外賣都係用發泡膠盒裝, 炒飯既熱度令個盒有少少溶, 唔健康又核突🤮另外, 亮哥仲有係膠兜面篤穿個窿疏氣。佢都算快手, 個飯等左10分鐘唔駛就有, 細心地加埋個餐具包(有紙巾)比你帶走✔️由舖頭離開到我開飯差唔多30分鐘 (沖埋涼), 但係溫度依然。打開發現, 原來仲有包黃金脆米送埋, 炒飯加脆米真心第一次見😮數一數啲豬扒, 5小件加起黎差唔多係一塊大豬扒SIZE😮 仲要都厚身, 已經係全面覆蓋晒飯面🐷咬落去, 表面既辣滲出黎🤯 食落一啖比一啖辣, 但又唔會令你舌頭發麻。豬扒入面既肉汁係高溫炸過後依然保持到, 淨係豬扒已經好得寵✔️不停滴住汗既我🥵開始進攻飯底, 炒飯入面既碎椒令辣度升級, 而脆米將平時炒飯既黏性解決, 令本身已經收走油份既飯底更加脆香✔️食完成個飯飽到牚, 外賣都講緊係45蚊, 新張期仲送埋個脆米😋如果要加錢我都建議大家要埋🙏今晚辣完, 但係嘴唇同脷無腫無發麻, 呢隻辣非常滿足。前提係要做足抹汗措施🤣
繼續閱讀