人和荳品廠

營業中

休息中

發覺係旺角要食栥飯真係唔容易，獨市生意，就只有人和買到。但係...獨市生意唔代表可以求求其其栥飯10蚊個已經唔平，但係冇得揀啦，貴過出面仲要特別細過人!栥飯好細，好少飯，真係唔係幾夠飽。油炸鬼好濕唔新鮮 冇乜肉鬆，炸菜都唔多，真係唔明點解要收我10蚊!D飯真係好栥!! 係太栥!! 太濕啦....講真真係唔好食，又貴，以後想食栥飯就算得佢一間都唔會買!!

講到環境，呢度同其他「人和」的店舖一樣，永遠都係不及格的，地方逼狹，雜亂，沒有空調，也給人一個不夠乾淨的感覺。講到服務，呢度同其他「人和」的店舖一樣，真係一般過一般。唔單止咁，呢間「人和」第八分店仲要係開喺旺角道最旺最多人流的地方，在大熱天時來呢度食嘢真係有一種貼錢買難受的感覺。但係人和有兩樣食品總係令自己耐不耐就會心思思想去幫襯。1）「煎釀豆腐」：雖然喺一d老字號舊式豆腐舖裡面，好多都有賣呢味「煎釀豆腐」，不過呢間舖頭勝在就腳，所以最多幫襯就係呢度。「煎釀豆腐」雖然好似無乜特別，但係剛剛煎起的豆腐，滾熱辣的，外皮脆內裡軟，加上薄薄的所謂「魚肉」，再淋上適當份量的豉油上面夾在口中吃，可真是既美味又富營養呢！2）「韭菜豬紅腸」：不同「煎釀豆腐」，呢一味可算係「人和」的獨家出品，加了大量胡椒粉辟味的湯，加上韭菜、豬紅和豬腸三樣廉價的食品，再在上面洒上一些炸過的蒜粒，竟可產生奇妙的化學作用，使人好像上了毒癮一樣，耐不耐就想來幫襯，真是奇怪！每次來這裡，只要叫這兩寶，加多一杯「薑汁豆漿」添，就已經係一餐平價美食了。

因為家姐係外國返來~好多野都想食xdd'所以去左掃街~~食食下就食到來人和荳品廠我自己好鐘意食豆腐架~~大飽既緣故~~~~無叫到豆腐花~~整係試左煎釀豆腐!!!味道一般~但夠滑lo!!!唔好期待太大~只會失望愈大~~service...一定無!!!因為兩個人去食一牒野~~會比人白眼-.-明明個時仲有好多位~~~~但算啦~~最終都覺唔好意思~~食完快d走~~"滕"空d位出來比其他會食多d野既人坐吧!!!

同媽媽去旺角見到有間 [ 人和豆品廠 ],就好期待甘入去食啦 (因為我地以為係好出名個間人和荳品廠,點知原來佢係'豆', not '荳' .... oh~我地蠢左啦)再睇下發現個餐牌都唔同叫左2個凍豆腐花同一碟煎釀豆腐 凍豆腐花------ 完全唔滑,又無豆腐味....好失望煎釀豆腐------依個就好少少~不過d魚肉咸左d !!!@@下次都係睇清楚d 未同menu 先入去食

想坐低休息下，就去左呢間人和。叫左杯凍豆漿+煎九菜餃。凍豆漿，豆味香濃，唔太凍。煎九菜餃，上枱賣相好靚，入口香脆，九菜味濃，入邊好似冇咩肉。外皮唔厚，煎得好好味。好想食煎豆腐。仲有豬腸，都係留返下次來吧。埋單$16。

這店鋪位於人流眾多位置﹐如堂食滿座﹐有很多顧客都是外賣﹐來得快﹐去得快。所以好像豆腐在炎熱天氣下這類特別容易變壞的食物都吃不到少許酸味。是晚要了熱豆腐花及魚肉碗仔翅。熱豆腐花 - 豆腐花很滑﹐入口後由如液體﹐一啖一啖吞下。不錯不錯魚肉碗仔翅 - 自在口痕才叫﹐質素不過不失﹐魚肉是一條條﹐不是那種淨用麵粉的貨式。環境不太好﹐徐了旁邊那長期開著煎餃及糕點的油煙味外﹐最難聞是那大陣處理豬腸的“壓”味。

炎熱天氣下又走去花墟買花, 想吃的都人滿之患, 肚子已經咕嚕咕嚕響了,見到這裡竟然有吉桌2張,不管那麼多就坐下了!!蘿蔔豬腸($18) , 熱乎乎即剪一碗到來!蘿蔔煮得偏淋了一點,非常輕易地咬開, 煮得夠時間絕無疑問,煮得入味的蘿蔔也嚐到有甜味,甜得比較自然不太過份,算是好吃的蘿蔔; 豬腸份量不少,有嚼頭但又不會韌,很適中的軟硬度;中間帶有一點點肥膏,吃來油香四溢,而且仍保持點點豬腸味,這才像是豬腸應有的食味嘛! 那一把炸蒜粒令有胡椒粉味道的湯頭更為香口,只是味道咸了一點,配麵就應該會較好。而且胡椒湯底沒以前的有香味,現在真的只有胡椒粉味道,有點退步了!!凍豆漿($6)在這炎熱天氣下又流量快的情況下已算夠凍, 豆味還可不太薄弱,甜度不會太高,濃稠度也剛好,吃完豬腸來一杯更覺好飲。地方迫狹而熱氣從外面透入,快快吃完快快走,不宜久留!!

夜晚口痕, 又唔想食得太飽, 結果就同男朋友嚟咗呢度成日等小巴都見到呢間嘢, 但食就係第一次叫咗九菜餃同雞翼尖, 雞翼尖麻麻地抵食啫, 因為份量唔多佢話係"老"水, 但唔知點解啲雞翼尖會有啲類似洋蔥o既物體痴住但個味係ok o既九菜餃$10四隻, 皮有啲厚, 不過都幾香o既夜媽媽過吓口癮差唔多啦

今日咁啱心血來潮想食粢飯,見到好耐都無試過人和荳品,所以決定買個粢飯食!點知發現佢D飯仲係D半生熟既米來既!!有無搞錯!!!!!真係難食到,我只係食左半個就丟左,因為真係頂唔順,D料已經係無乜味我都算,最離譜真係D飯,生到真係再食唔落.唔怪之得呢間人和荳品好似比以前少左好多間,原來係因為咁!

中國曆法，不由得你不佩服，預測天氣的能力大概比李本澄要準上百倍…5月21日，小滿日，「小滿梅雨在本島，種植花本皆成寶」，好日子啊！但同時是梅雨之夕…星期六，雨下過沒完沒了…縱然天氣如此不濟，積壓了一星期的怨氣，倒要有個釋放空間，甫下班即走到旺角去…旺角不愁沒得吃，肚子餓了，這裏也是個「飯堂」，近來愛上煎釀豆腐，想也沒想就鑽進人和荳品廠…牆上的餐牌羅列出部份食物，煎炸、鹵水、甜品，樣樣皆有，甫坐下即點了煎釀豆腐、煎蘿蔔糕和炒米粉…店舖不大，環境整潔，門口放著爐具，豆腐、餃子、蘿蔔糕一同被煎得「啪啪」作響，室內有一個「L」型的圍欄，負責炒粉炒麵，牆上的架子擺放著一樽樽的腐乳…算我在內，店內只有三四枱客，點的東西各有異同，但殊途同歸，都是為了一碟煎釀豆腐而來…過了片刻，熱辣辣的煎豆腐跟蘿蔔糕送到，不沾甚麼醬油，已吃到一股豆香，蘿蔔糕則煎得乾了點，但亦可吃出蘿蔔的甜味…炒米粉隨後送到，足味爽口，是好吃的，但材料少，$10似乎不值…荳品廠眾多，但只比較公和和人和，我還是喜歡人和了…至少，我可以吃到剛煎好的豆腐，豆腐不熱？哪會好吃？

自細就已經好鐘意食豆腐花,好多時經過呢間轉角位荳品店都會坐低食少少嘢!冬天必食既係熱豆腐花,唔會加糖水,只加入少許黃糖就足夠,真係暖笠笠,滑到不得了夏天就食凍豆腐花,就加入許糖水,當外面烈日當空時,特別感覺身心冰涼呀肚餓時再加碟煎羅白糕,雖然係油啲肥啲,又或者係薄咗,但呢碟真係我既至愛!走既時候會再叫杯凍豆漿,味道清甜,好解渴

有時唔怕遠．係mk食完飯我都會過來的佢既豆品真係好吃!!! (同大角咀間公和有得比)豆腐花、豆漿、豆腐等等都好出名個人最喜歡豆腐花．仲有朱古力味tim!suma的時候食個凍豆花．成個人涼哂 而且只係8元．抵呀!

喔呵呵,同自已講聲生日快樂同家姐行完街原本無諗過食野行過見到又口痕咁岩有位 都係入左去食先叫了一杯豆漿$7☺☺很甜 很普通煎豆腐$10/4☺☺很普通 沒什麼味道煎羅蔔糕$10/4☺☺☺很普通 不過比煎豆腐好之前吃過公和的所以對人和有很大期望所以走的時候有點失望

不嬲都有食開佢地出既豆花，我就多數食鮮奶豆花，好滑好香，男友就飲豆漿第一次o係哩度食大腸，其實都係駁一駁架咋，好多大腸都會有臭味架麻，咁我地就叫左碗豬紅大腸，本來無咩期望，但一入口：好食呀！！好入味又無臭味，正到痺！！一食完就叫多一碗爭大腸了，無得頂係環境惡劣左dd.....

其實是上星期五的事情了因為要早上去旺角做身體檢查,檢查完畢後.找一間食早餐吧,來到這裏,沒有客人,坐下看看有什麼東西好食,價錢也比較貴~最後叫煎菜肉餃,炒麵和豆漿,先說煎菜肉餃,皮很厚,底部不是脆,而是硬的~十蚊不值得炒麵,比較乾~加了少許醬,比較易入口~豆醬反而比較好~比較有豆味~不怕飲~坐下十數分鐘,因為要趕返公司~27元,可以找到好食的早餐~