人和荳品廠

營業中

休息中

大約夜晚10點係太子揾野食，見佢個多叫豆品廠，仲係第8間分店，應該有傳統嘅中式食物水準。而且見佢芒果豆腐花張圖好靚，就想食下。雖然店舖前面同左面都向住大街，店舖又吾似有冷氣，但因為夜晚，同埋通風，所以坐得都ok。如果夏天，就可能會熱。我叫左豆卜炒面、芒果豆腐花（凍）。店員都有D口音，應該吾係純香港人，但都算熱情，吾會冷漠。等野食途中，見住店員煎魚肉豆腐（吾記得正確名稱），煎到好香，同大陸做法差吾多（我食過幾次，吾錯架），我估應該都好味。再望下周圍，都有8成客。芒果豆腐花（$22）先到，我就食住先。雖然叫左凍，但碗野涼涼地，吾會太cold,温度ok。芒果多汁、果味濃郁。豆腐花起先食落無咩特別，D糖水好清甜。芒果同豆腐味味道好夾。豆卜炒面（$16）個碟好細，D面好易跌出。因為我吾鐘意炒面乾身，所以今次有少少硬嘅炒面，我吾鐘意。反而得4〜5小塊嘅豆卜俾到驚喜我。豆卜望落有D乾，又好細塊，但食落有濃郁黃豆味，仲越咬越有腐竹味。豆卜質地比平時食嘅彈少少，吾錯。炒面份量中等，我食完大約6成飽。想再食甜品：P見餐牌，豆腐花$10，吾算平。頭先食嘅芒果豆腐花要$22，頓時覺得好吾抵。相差$12先有芒果

旺角永遠係二十四小時不眠之城，無論幾點來到這裡，都一定會吃得飽。這晚吃完雞粥後，便來到了對面的豆漿鋪買豆漿飲。我喜歡飲豆漿的原因是因為對比其他飲品來說都來得健康，而且有益。有名的豆漿店多的是，公利是其中一個好選擇，在旺角來說就是這間人和了。十三蚊一支，對比近期熱爆的觀塘豆漿王，這裡價格算平了，不過相對豆漿不夠滑，而且也不算甜，解渴是可以的，但老實不算太好，公利當然贏幾條街，元朗大埔那些大名自然也不在話下。但當然在旺角來說你在7仔買枝無益的飲品也是差不多十多元，那麼這間也算有名的豆漿雖然普通但仍是一個好的選擇。

在旺角食完晚飯，又想吃些甜品，就在附近的人和荳品廠簡簡單單的食碗豆腐花。在人和食豆腐花，無論是凍定熱，都是10元一碗，以呢個價錢食到咁好味的豆腐花是相當超值，而且人和的豆製品，向來都是信心保證。天氣炎熱便來碗凍的豆腐花，表面看來是滑嫩非常的，再加上了糖水，吃了一口是相當滑，而且軟綿綿，口感相當唔錯，重豆味加上糖，是完美的組合，凍食也非常之香滑。在炎炎夏日，食一碗凍而且嫩滑的豆腐花，的確是飯後甜品的一個好選擇。

因為唔係好肚餓，於是求其揀左入黎食，叫左煎豆腐同煎餃，豆腐最好食，夠夠滑熱，魚肉彈牙，配豆瓣醬好香，煎餃好厚皮，但料都多，不過食都最後個隻食到有骨，油渣面最難食，又喊，味精又重，又唔夠熱，好後悔叫左佢，仲有cp值唔高，下次應該唔會再食！

在荳品廠吃車仔麵，我承認我不太正常，但這裡的車仔麵真是令人絕望湯圓妹的車仔麵：粗面，豬大腸，生菜，墨魚丸，雞翼湯圓媽的車仔麵：粗面，豬紅，豬皮，牛丸，牛腩我們還點了一碟煎釀豆腐煎釀豆腐立即到，豆腐煎的很硬很焦，雖然裡面還是嫩嫩的，不過偏油又無味，第一印象分大減特減先上的是湯圓媽的，粗面好像沒煮熟，硬邦邦；豬紅偏腥；豬皮牛腩完全沒味道；牛丸不過不失...簡直無語上菜速度慢得要命，湯圓媽吃完她的那碗麵，我的都還沒上等等等...過了有大概15分鐘後，我的車仔麵終於到了，粗面底同樣硬邦邦，豬大腸白色無味；生菜正常；墨魚丸是酸的；雞翼淌血...恐怖怕怕了；不會再來了

不知多久没吃過「人和」的「韭菜豬紅腸」了，這天路過這間「人和」，決定入內當做午餐。原來在不經不覺之間已經加價到$20一碗的「韭菜豬紅腸」仍能保持一貫的水準，韭菜爽，豬紅腍，豬腸滑，帶來三種不同的口感。雖然韭菜、豬紅、豬腸三者都没甚味道，但加上辛辣的胡椒湯後，還算可以，再加上一杯「凍豆漿」，才花費二十七塊錢，便成了這天自己的午餐。

太太在花園街，我一丁人在旺角街頭，不想逛街，沒錢買野。有閒餘的錢，我覺得最實際的活動，都是食，本來真的想去喝喝糖水，但剛才的臘味飯已把我塞個半飽，要來多一碗乜乜沙也覺得過份了一點。一路行，一路行，收到太太的再次來電說她在花園街，那我就直接的去到花園街的街口等。等等等，總要找地方坐一坐；找找找，就簡簡單單的來人和坐低，食碗豆腐花。無論冷定熱，這兒的豆腐花都是10元一碗，而人和的豆製品，向來都是有保證的一員。只是因為食野既環境較為惡劣及是連鎖店的關係，我是很少去的。而且我也好耐冇入過豆腐舖食豆腐啦。一碗凍的豆腐花，看得出是滑嫩非常的。沒有薑汁味也有沒有薑汁味的食法，加了一點黃糖，與豆腐花配合起來，有一種好特別的香味，豆味加上糖，是近乎奶油香的豆花香，凍食也非常之香滑。滑滑豆花，香濃豆味，豆兒沒法擋。

i tried warm bean curd $10 which is smooth and light in texture . sugar had to be added by yourself . i like that since i did like over-sweetened taste!my friend tried red bean bean curd $16 .he said it was fresh but a bit too sweet its not cheap frankly speaking , as i can buy plain bean curd with $5 - $6 everywhere . but the quality is worth it here!it got a lot of combination of different toppings with bean curd , like red bean / red rice/ aloe etc . i would like to try them next time

上學途中，心血來潮跑去買瓶熱豆漿，用來暖胃、上堂解悶...怎知換來一肚怒氣！眼看店員先倒入三分一瓶糖水才加入豆漿，卻未能及時阻止，實在氣憤難平！即使豆漿本身多豆味濃郁，在如此多糖水灌充之下，實在有失豆漿之義！喝進去，滿口甜味，實在無法忍受！荳品廠揚言真材實料，也不過是虛言，本人失望致極！

一直經過都無試..今日第1次食...要左車仔麵...油麵..牛腩...豬腸...整體賣相ok..份量送料適中...牛腩夠大件..味同咬口都接受到夠標準..而豬腸屬白黃色(類似茶樓連湯個隻)..都幾入味同算乾淨..比起好多最近家附近既好好多...所以要比笑口了.但送/麵要7$款...初一total仲要+2$

一個$32蚊既星期日的下午茶叫左兩碗凍豆腐花, 無加額多既黃糖同糖水, 清清地就咁食都好好味再叫左一碟煎菜肉餃, 涵就一般, 仲有D唔熱, 皮都好脆地方雖然迫D, 不過平平地食個清清地豆腐花都係一個唔錯既選擇

為左食完燒賣有野飲,快捷方便唔洗等…就過左去公和度買一枝熱呼呼豆漿E間豆腐出左名…自己親手整又白又滑*而且健康優盛夠味… 仲以為係熱爐拎比我…係即時整架bo!!!!不過都算快..而且好夠熱支豆漿都好夠味…微甜…..我諗阿姐都係就住來落糖而且無渣…夠滑漏,不錯不錯但唔係咁明白佢地講咩….10蚊….外賣拎走~~環境服務都變得不再重要

路過該店鋪，老公話好耐未吃過韭菜豬紅大腸，其實我也頗喜歡吃這小食，只是該店鋪位子坐得迫狹時，環境衞生真係麻麻地，尤其看見地上分佈食客用完的紙巾，有點倒胃口豆品店有腐乳製品售賣豆品店當然試下豆腐花(10元)：豆腐花入口好滑，但美中不足，豆味欠奉凍豆漿(6元)：比起豆腐花稍有豆味，夠凍亦不太甜，豆味雖不很濃，但尚可接受。煎釀豆腐(12元)四件：試了以上豆製品(豆腐花和豆漿)，在沒有期望下，這碟釀豆腐反而很不錯，那塊薄薄魚滑只是點綴，入口味道普普通通，而豆腐外皮煎得香脆，內裏卻柔軟嫩滑，豆味十足，很好吃韭菜餃(12元)四隻：雖然煎得較油膩，但餃子入口有麵粉香，而內裏的饀料味道調製不錯，韭菜粒青綠、韭菜味又夠香濃，幾好味韭菜豬紅大腸(20元)：湯底飲到有濃濃白胡椒粒味，很開胃，大腸煮得夠腍身，腸內肥油不算多，入口也不會有異味，喜歡大腸味道的會覺得不錯，配上滑溜的豬紅和香濃的韭菜，是很不錯的小食

發覺係旺角要食栥飯真係唔容易，獨市生意，就只有人和買到。但係...獨市生意唔代表可以求求其其栥飯10蚊個已經唔平，但係冇得揀啦，貴過出面仲要特別細過人!栥飯好細，好少飯，真係唔係幾夠飽。油炸鬼好濕唔新鮮 冇乜肉鬆，炸菜都唔多，真係唔明點解要收我10蚊!D飯真係好栥!! 係太栥!! 太濕啦....講真真係唔好食，又貴，以後想食栥飯就算得佢一間都唔會買!!

講到環境，呢度同其他「人和」的店舖一樣，永遠都係不及格的，地方逼狹，雜亂，沒有空調，也給人一個不夠乾淨的感覺。講到服務，呢度同其他「人和」的店舖一樣，真係一般過一般。唔單止咁，呢間「人和」第八分店仲要係開喺旺角道最旺最多人流的地方，在大熱天時來呢度食嘢真係有一種貼錢買難受的感覺。但係人和有兩樣食品總係令自己耐不耐就會心思思想去幫襯。1）「煎釀豆腐」：雖然喺一d老字號舊式豆腐舖裡面，好多都有賣呢味「煎釀豆腐」，不過呢間舖頭勝在就腳，所以最多幫襯就係呢度。「煎釀豆腐」雖然好似無乜特別，但係剛剛煎起的豆腐，滾熱辣的，外皮脆內裡軟，加上薄薄的所謂「魚肉」，再淋上適當份量的豉油上面夾在口中吃，可真是既美味又富營養呢！2）「韭菜豬紅腸」：不同「煎釀豆腐」，呢一味可算係「人和」的獨家出品，加了大量胡椒粉辟味的湯，加上韭菜、豬紅和豬腸三樣廉價的食品，再在上面洒上一些炸過的蒜粒，竟可產生奇妙的化學作用，使人好像上了毒癮一樣，耐不耐就想來幫襯，真是奇怪！每次來這裡，只要叫這兩寶，加多一杯「薑汁豆漿」添，就已經係一餐平價美食了。