人間世茶會館 (已結業)

會館環境舒適、恬靜！悠閒好去處！點了沙律、主菜及甜品，沙律菜新鮮，意粉及飯味道亦不錯，沒有吃完口渴的感覺，至於甜品，賣相非常吸引，但可惜朱古力味不夠濃，亦不夠滑，整體來說不錯！

朋友生日，見到觀塘呢間會館唔錯就去試下啦去到環境好舒服，其他食客都好斯文，冇吵鬧聲，如果鍾意寧靜環境三五好友咁傾計，呢度就岩哂啦餐牌設計都好優雅我地5個人叫左4個主菜，兩壺花茶鰻魚飯👍🏼野菌黑松露意粉👍🏼👍🏼原本我係唔鍾意食火箭菜，但佢既火箭菜有淡淡既芝麻香，令我對火箭菜改觀紅菜頭煙三文魚意粉😋😋 呢個真係大推薦呀！佢唔係用紅菜頭煮個汁淋面，佢條條麵外面裡面都係咁既色，本身唔好紅菜頭既我都鍾意食，而且佢個汁既味道恰到好處，唔會太濃太淡廣島蠔Risotto👍🏼👍🏼都係大推薦呀廣島蠔超正！佢先煎香再用汁煮，然後配個cream 既risotto，連墊底既瓜都係爽口既，值得一試 兩壺花茶，一壺係蘋果花，一壺係玫瑰花個人就比較喜歡玫瑰花茶蘋果花茶唔係想像中既蘋果味，反而係有啲甘甘地，所以我都係鍾意玫瑰花茶多啲佢餐牌上仲有好多唔同既茶選擇，去到可以慢慢揀

和朋友想揾個地方坐吓傾吓計，之前朋友介紹過，就來試試，一入門口就見到大大個reception 同一個大水壼另一邊就有好多個架，上面有各種各樣嘅茶壺，我仲以為去錯地方再行入少少就見到一排排嘅枱椅，好日式，要除鞋先可以上去坐枱上面已經放都了沖茶嘅工具，窗邊仲有個電磁爐方便煲水沖茶餐牌上有各式各樣嘅茶葉可供選擇，由於我和朋友對品茶都毫無認識，所以最後都只選擇了一壼壼的花果茶餐牌的最後有以下字句，大家要留意，同時亦證明這是一個品茶的地方，亦可確保清靜十分優雅嘅setting，當日天氣很好，坐在窗邊，有少少陽光，十分舒服由於是下午茶嘅關係，選擇不多，我哋叫咗藜麥紫薯餅同特濃巧克力茶壼藜麥紫薯餅（$68）紫薯茸外面上滿藜麥，再煎香，真係外脆内軟真係用料十足，百分百紫薯，仲好甜添特濃巧克力茶壺（$45）完全被個名吸引到，見到真身，好精緻，好有心思亦好考技巧切開裏面呢仲有兩層，下層係sponge cake ，上面係mousse cake，好重朱古力味呢到好舒服，又有嘢食，又有嘢飲，好適合三五知己聚舊，當然如果有朋友懂得沖茶就更好

早前知道觀塘工業區開了間茶館, 就選了個平日的下午跟佛友相會; 準時到達, 茶館內只有我們一枱客人, 也好可以讓大家靜靜的享受一下場內地方很大,用餐位置主要在近窗邊的矮木椅桌, 上座需要換上他們準備的拖鞋, 很有日本風味, 像是坐下來, 就要將外邊的煩憂放下, 好好享受接下來的寧靜; 場內有很多不同的茶藝用品以及茶葉, 相信是店主的搜羅, 部份亦可供購買, 佈置很帶幝的味道, 一些清雅的擺設與簡單的植物, 整個茶館的氣氛, 叫坐下來的客人都不自覺的心平氣和, 還沒有用餐, 心已經平伏下來了, 窗外的繁亂, 跟茶館裡截然兩個世界與友人點了一些輕食, 雖然這裡是茶館, 場內的氣氛亦不似食肆  (除了見到廚房門的出入位, 完全聽不到, 看不見也聞不到任何烹煮的聲音或氣味) 可是食物質素一點不馬夫 ; 我們的野菌黑松露意粉, 海鮮焗大菇, 豆腐沙律全部都是水準之作, 尤其焗大菇的濃郁; 還有飯後甜品特濃巧克力茶壺, 再加一壺清茶, 這頓飯不單餵飽了飢餓也慰藉了心靈

朋友喜愛品茶, 週末在觀塘吃過午餐, 又想閒談一翻, 觀塘有好多隱世Cafe及茶居, 醒起曾介紹這間有質素的簡樸有品味茶居- 人間世茶會館 , 入到茶館, 已有一種好寧靜的感覺, 週圍放置珍貴茶壺供購買, 地方好大, 好空曠, 窗邊座位係以日本和式般, 給人舒適悠閒, 無驅無束既感覺。 尤其搭上雅座, 更要除鞋搭上和式般的座位, 腳可垂下放, 不置要盤膝般, 坐好後, 當然要點茗茶, Menu好多選擇, 有較普遍的普洱,烏龍茶, 也有啲未見過的巖茶及單欉, 雖然不懂, 但都叫了一個中等價錢的Chaozhou Dan Cong 蜜蘭香$160/份, 以一盒包裝奉上, 店員細心教導如何泡茶, 一步一步, 先煲水, 大約到100度, 之後將一盞茶葉放入傳統的茶杯壺內, 就咁聞以感受到茶既清香撲鼻, 先沖兩次水, 才泡出茶香, 倒入另一壺內再倒在茶杯上, 見到似是紅茶系列, 好醇香,  飲到口喉嚨帶輕微清甜茶香味, 色澤清切。一盞可泡多壺, 兩人飲用也可。 談天說地後, 都想食件CAKE作茶點, 店員介紹今天有豆腐Mousse 茶餅 $45, 較特別, 所以叫了一件, 好滑,不會太濃味, 淡淡

即係咁，我住又住觀塘，返工又返觀塘，都深明觀塘係一個人多車多塵多既地方，但唔好以為響呢區搵食就一定逼逼狹狹有氣無椗透，只要你識搵，一樣可以搵到世外桃源！ 講緊既係位於觀塘工業區，駿業街既「人間世茶會館」，呢度係一間茶館，但都一樣有飯食。食飯價錢唔平 (食素約$138，食葷約$158)，而且唔包飲品，但餐廳可以俾你一個好靜局既環境，舒舒服服咁嘆足一個下午，都算物有所值。(記住，12歲以下小童恕不招待。) 茶館地方頗大，有用餐既地方之餘，更有出售茶具既位置；裝修好有京都風格，枱面上更放置左綠色植物，優雅寧謐。 廣島蠔意大利飯 ($158)廣島蠔脹卜卜，夠creamy，外層煎得香口；意大利飯奶味濃郁，軟硬適中，唔錯。 冬蔭公大蝦意粉 ($158)一上枱已經聞到大蝦既獨有香氣，燒得好香，蝦肉鮮甜彈牙；意粉用泰式冬蔭公cross over西式忌廉汁，酸辣中帶奶香，水準之作。 台灣果茶 ($50)餐廳有offer免費水，但既然黎到茶館，又點可以唔試下飲茶？點左呢款台灣果茶，用乾果沖泡而成，酸咪咪，好開胃，食完飯消滯最啱。

知道「好雪片片」老闆在觀塘開了新店，當然要抽空去試試味道，看看環境及水準如何。地方比太子大上兩倍以上，老闆更能發揮他的藝術細胞，將他的至愛如茶葉、茶具、鐵壺、雕塑等陳列於館內；供各知音者欣賞或選購。餐牌的食物類形和風格跟好雪片片相若，多以西式為主，奉行多菜少肉的原則，肉的話以海鮮為主；走的是健康清新的路缐。不要聽到「健康」這兩個字就以為味道一般般喔，水準其實是蠻不錯的！看過餐牌後，選了以下的食物：蘋果菠菜沙律 ～ 蘋果香脆，爽甜，BB菠菜分量也真不少，兩個人食剛剛好，配上微微偏酸的沙律醬汁也真能開胃；但菠菜有一大特色，它含有菸鹼酸，如大量進食，口腔便會產生一陣陣澀味，如可加入一些其他配搭，中和了這個味覺上的特性，相信會更為討喜。黑松露磨菇忌廉湯 ～ 這湯煮得濃稠，磨菇味本已十分香濃，加上黑松露更是香氣四溢！最喜歡的是食材並非全部攪拌成溶，小部分磨菇仍保留了粒狀，照顧到味道之餘也不失囗感！南瓜意大利飯 ～ 配料有西蘭花、紅椒和露筍；這個是名符其實的南瓜飯；因南瓜味很濃郁呀。飯芯仍保留了一小點硬度，頗為正宗，對腸胃不大好的朋友就未必適合；但對喜歡食硬飯的我就真的吃到一粒不剩！蒜片炒青口意粉