影片
港鐵荃灣站 D 出口, 步行約4分鐘
繼續閱讀
營業時間
星期一至日
11:00 - 00:00
以上資料只供參考, 請與餐廳確認詳情
近排吃了非常多煎炸食物，熱氣至極，路過涼茶舖便點了杯廿四味清熱氣，這杯好特別，著名了無糖廿四味，以為會超苦，豈料暖暖的非常易入口，不甜又不苦，最適合不能吃苦的熱氣人。再坐在這後行飲苦茶，別具風味😂
繼續閱讀
呢排食得熱氣嘢多，食到成面暗瘡，所以就打算去食下啲涼嘢。呢間分店開係間炸雞隔離，擺明就係俾你哋食完炸嘢去隔離涼下啦。叫咗個大碗嘅龜苓膏再加隻茶葉蛋。個龜苓膏加埋蜜糖咁食好match，但係隻茶葉蛋就似乎有點兒太咸，太入味！ 碗龜苓膏好飽肚！
繼續閱讀
仁和堂最出名係龜苓膏，涼茶間中都有飲，因為識人係佢工場做，知道龜苓膏、涼茶佢哋都日日整，但湯包就未見過。今次收到幾張湯券，唔理佢生產地，純試吓好無飲。款式唔多，共十款，有四款要加錢，每款都有寫功效，先從六款中選三款試。換領時從拉櫃取出，無需冷藏，要求加熱話只需五分鐘？出到嚟真係夠熱，其他舖等十幾分鐘都無佢梗熱，熱櫃功率超強！海底椰雪梨燉豬𦟌湯，滋陽潤肺、化痰止咳，怕一開始太失望，用超淺容器裝，湯料量適中，海底椰、雪梨同豬𦟌都見到，海底椰本身唔好食，豬𦟌比較硬要花時間咬，雪梨仍好食，湯已煲得粘口，清甜，無油味。花旗參石斛田七竹絲雞湯，清熱生津、護肝明目、補氣活血，今次用一般湯兜，份量都唔失禮，花旗參、石斛，田七本身就唔洗落本多，每樣都有少少，竹絲雞量算多，而且口感仲可以，未老，湯飲到藥材味，唔會太重，雞味道反而唔強，無油味，清清地唔錯。蘋果雪梨無花果燉豬𦟌湯，清甜滋潤、止咳化痰、除煩躁、降肝火，原來加熱後可以轉碗裝，方便食飯時間飲，同第一款幾似，果肉更多，更清甜！可以做清甜糖水飯後飲，非常舒服，但果肉都多要預肚。質素比之前飲過都好，火喉好足，有湯渣之餘仲食得，營養仲有幾多唔知，但可以過足湯癮。
繼續閱讀