仁寶小館 (已結業)

某同事生辰 BOOK了一檯九人席 賀一賀佢去到門口 訂左檯都要等他所指定既檯走左 先可有位入座是晚點左十個餸菜 有叫白飯汽水 係無茶芥,加一 但價格並不便宜食物其實OOKK.. 但沒有精彩的反而想講下所謂既 招牌'荷葉籠仔蒸飯' 飯底超淋 得果樣 既無荷葉味 蝦亦不鮮甜整體來說得個'貴'字 說不出一個'好'字~在此祝生辰既同事 生辰快樂~

星期5 晚上晏哂落去食飯行過呢間野, 見門面有好多雜誌介紹啦, 見幾吸引, 於是我同男友2個人, 就入左去食點知, 極失望叫左薑蔥龍蝦炒絲煲, 88蚊點知得果2細舊龍蝦!! 仲要有一舊呢, 係冇肉架wor! 得果一截仔! 係一關節仔既腳!!!!!!!!!!!!!!另一舊算好肉d, 其實都鮮味不過沒人expect 俾88蚊只換來果1.3 舊龍蝦肉lor!!!!!!!!!d 粉絲, ok 啦係入哂味, 但係呢, 係煮到變醬狀, 糊仔離架lor!!我本來開openrice, 只係想寫自己覺得好既鍾意既食店但係因為尋日覺得俾呢間野搵大笨, 所以真係要上離批評下!!!!!!

今天是三月八日，三八婦女節，家中有兩位婦女，我們選擇外出吃飯慶祝。在這條橫街窄巷，平日都堆了不少人在等位，但今晚卻很寂靜，因為那所獲獎米芝蓮的食肆休息，也不知是不是這原因，鄰近的食肆也要等位。來到附近的小館子，座無虛席，太座不想等位，我看見此店貼在門外的一些剪報介紹，似乎不會差到哪裏，便勸她等下去，幸好也是等了約十分鐘，與其他人搭檯也不打緊。小館的地方不大，約可坐五、六十人，牆上掛滿竹片，用來寫食品名稱及裝飾。食品種類除招牌菜外，也有魚，蝦，蟶子等海鮮。點招牌菜應該一般是較可靠的做法，本想點半隻豉油雞，但女侍說已沽清，並介紹風沙雞，如果喜歡豉油汁，可送給我，又點了馳名的士多啤梨骨，仁寶小炒皇和燒汁蜜鱔片。先來的一味是仁寶小炒皇$68，一看用料甚豐，有帶子，蝦仁，蝦乾，墨魚，珊瑚蚌，貴妃蚌，再加上腰果，蓮藕片，雜甜椒。賣相豔麗，海鮮料新鮮，腰果香口，藕片爽脆，略嫌雜甜椒凍身，似乎完全未經拖水或輕炒，雖然我也知道甜椒不可經太多火候處理，但吃著熱的小炒夾雜凍的甜椒，感覺不是味兒。燒汁蜜鱔片 $78 鱔是全家愛吃魚類之一，鱔片厚肉，醬汁除輕微甜蜜之味外，還有特別香料醃製，配合起來味道一流，小妮

呢間店係我個Friend帶我地去食, 食完驚為天人, 下次經過再去.當晚吃左:豉踧豬肉碎聖子王 - 超正 (必食之選, 聽聞以前要預訂先有, 而家吾使)風沙雞+南乳 - 好食 (諗吾到咁好食)生炒骨 - 好食(鐘意生炒骨必食)西蘭花炒吊片 - 好食辣鹽豆腐 - 炸得好好食因為我地得3個大人所以無叫荷葉籠仔蒸飯, 但見枱枱都叫, 下次人多去食一定要試下.

本來打算去阿鴻小吃，但星期一、二都休息，又泊好車，只好隨便在附近挑一間食肆，被仁寶張貼於門外雜誌的報道吸引了，便來了這裡。兩個人，點了︰魚湯瑤柱浸娃娃菜石($58) - 不只是大味的魚汁，是真正魚湯，我們喝了大半。蒜蓉腐竹蒸乳龍蝦($148) - 有一隻半龍蝦仔，蒜蓉加上青葱，伴著龍蝦一起吃，很滋味！美中不足是墊底的腐竹沒有吸收龍蝦及蒜葱的味道。鮑魚粒花膠蒸荷葉飯($118) - 很普通的一個荷葉飯，吃不出飽魚及花膠的味道。整體而言，此餐是不過不失，合格的，但價錢貴了一點。此店不收茶錢及加一。

風沙新鮮雞 -This is a Garlicky styled Fried Fresh Chicken, which is served in both 仁寶小館 and its related sibling 新和富餐廳菜館 along the same road. Read below and the reviews at the other shop - NO ONE even mentions that these two shops serve Fresh Chickens, which are either 清遠 or 龍崗雞. Why? Perhaps its because it didn't taste very good. This chicken was dryish, the skin was only ok crisp despite being overcooked or fried. The so-called fresh chicken, had virtually no chicken taste either. In

本來走到東寶小廚食,晚上十點多,點知相當多人,也出奇異常的嘈雜,是晚是星期五,好多人都飲酒和猜拳,所以特別嘈.我們問兩人要等幾來,佢話一個小時,即是趕客啦,所以我們走了.於是走返去和富道的仁寶小館.差不多十點半,店內只剩幾張枱,我們走入店,店員是呆呆的,像我們在不適當的時間入了去,我們也不管他們的態度,反正也不可能再跑到第三間呢，太晚了.我們點了湯煮娃娃菜,鬼鬼馬馬和砵酒蠔.菜來得超快,蠔的質地唔錯,只可惜不夠熱和砵酒味唔夠.菜可以而鬼鬼馬馬都ok,可惜整體感覺都唔夠熱，服務也幾差．其實當時老板應該在另一張枱食嘢飲紅酒，但也不管客人和服務，實在太差了．所以今晚的經驗是－－－差，如之前的食評所講，大不如前．

今晚好朋友番實和我一起晚餐, 正當大家為食什麼而煩惱時, 突然大家都想起不如去吃炒蟹. 但又懶搭車去灣仔我們平常去的店食, 於是到附近的餐館去. 行了幾間都是沒有肉蟹, 最後來到這店. 店員說雖是羔蟹, 但是蟹好好肉, 不是勁多羔, 好抵食的. 於是我們就諗住試一試吧.店員幫我們揀了一隻蟹, 時價$9 一兩. 我們揀了避風塘炒. 另外叫了一碟蒜蓉炒芥蘭. 我們見其他的客人都催促店員, 有些菜等了很久都未到, 心想我們的可能有排等了. 但是不到一陣, 蟹和菜同時到了.先吃蟹, 蒜蓉不夠香, 蟹炒得太乾, 蟹肉一點水份都沒有, 不知是走油過度或是炒得太久, 蟹肉一點都不夠味, 完全不好吃. 芥蘭都只是味道一般.番實和我都一致同意, 下次不要懶, 要吃美味的避風塘炒蟹, 還是去番灣仔食吧. 這店我們決定不會再來吃了.

上次帶太座去隔籬新和富，印象猶佳；今次去埋呢度，叫做可以作個比較..N年前自己跟朋友嚟過，水準不俗。今次應該都唔會太差啩...太座抱恙，唔敢叫太多煎炸嘢，"清清哋"la..先嚟蒜茸粉絲蒸扇貝，再嚟黄金老少平安，蘭度炒鱔球押尾...咁都叫做"清清哋" ? 一笑^_^扇貝夠巨，但有沙；蒸得太亁，粉絲唔多夠腍，蒜茸炸得唔夠"透"。以一間以海鮮作主打嘅菜館嚟講，唔合格...黄金老少平安即係鹹蛋黄琵琶豆腐，鹹香十足，豆腐炸得皮微脆，魚肉味足，兼且大大件。呢味就得嘞...炒鱔球，普通菜館水準，無甚特別...食得過ge，但欠缺驚喜，比以前差咗..

昨晚去o左食晚飯，三個人，叫o左：籠仔蝦蒸飯、蒜蓉粉絲蒸大聖子、豉椒炒蜆、避風塘瀨尿蝦同埋砵酒焗蠔（好鬼大食）籠仔蝦蒸飯：D飯唔靚，好淋，味道可以蒜蓉粉絲蒸大聖子：聖子好爽口，冇沙，鮮甜豉椒炒蜆：唔鍾意佢用大蜆，細細隻o個D 好食D，而且佢無里la 更加D 肉碎係個豉汁度，汁又太濕，no good ，唯一好處係冇沙避風塘瀨尿蝦：D 蒜鹹左D ，但隻大瀨尿蝦幾好，好多膏砵酒焗蠔︰蠔幾好，有惺味，但稍為唔夠乾身，冇咁香食o左咁多野，五百幾蚊，可以接受啦，你話好好又唔係，但又唔算差law~~~

星期六嗰晚同老公兩個九點幾至開始搵食，一路由天后電器道行到落去和富道都唔知食mum好，諗住去新和富點知十點都仍然係坐無虛席，唯有再行過隔離仁寶．咁啱有一枱客走，拿拿聲坐低．一坐低阿姐已經問飲咩茶，行動迅速．我老公本來話想食蟹，但係一來時價唔知收幾錢，二來第一次食唔知靠唔靠得住，於是就點咗D普通嘢先試咗先．兩個人點咗3個餸：辣酒煮大蜆－初初諗住48蚊份量唔會多得去邊，點知上枱時比佢嚇咗一跳，一大煲滿滿ge大蜆（雖然後尾至知原來煲底墊咗大量蔥同蒜）但起碼都有15,16隻．好新鮮鮮甜，只係偶爾1,2隻有沙．個湯底越食越辣，但越飲越過癮，同埋好鮮甜，原來佢哋加咗大量蝦乾同菜甫喺過湯裏面，唔怪得知．士多啤梨骨－賣相非常吸引，7大舊鮮紅欲滴ge排骨放喺一塊炸過ge錦鹵雲吞皮上面，D排骨做得好嫩，入後即化，但就真係食唔到有咩士多啤梨味，味道似京都骨多D，此為敗筆，同埋食兩舊已經幾漏，要人多至好嗌．魚湯鮮貝浸娃娃菜－鮮貝即係江瑤柱，又係大大碟，無論江瑤柱定係娃娃菜，都非常足料，湯又係好濃魚鮮味．卒之飽到食剩半碟娃娃菜要打包走．睇到差唔多枱枱都叫籠仔蒸飯同蒸扇貝（好大隻，25蚊隻），下次必定要嗌多幾個人

9/4(日) 8pmOT完,叫男友過黎北角一齊搵食.本想去新和富,但侍應話要等到8點半才有臺;唯有退而求次試試此店.價錢比新和富貴1-2成.此店亦近乎爆滿,幸好恰巧有張2人張.環境跟一般小菜館大同小異---擠迫嘈雜.我地要左星斑兩食$158---揀左碧綠炒斑球及沙鍋炆頭腩,另叫左蒸扇貝,但阿姐漏單.我地足足等左45分鐘,一催再催,果2味終於上臺!碧綠炒斑片---一般份量,菜心嫩綠,斑片相當新鮮爽口!沙鍋炆頭腩同樣做得頗出色!頭腩新鮮,燒肉,冬菇及豆卜夠入味.總算無白等!服務方面明顯人手不足,叫天不應,叫地不聞!$168埋單,食物的確出色!下次一定試埋此店既馳名籠仔飯.recommended!!

很怕星期六日出街吃晚飯, 因為到處people mountain people sea, 萬一門堪羅雀的就你食埋我份! 本來book了到銅鑼灣吃晚飯, 但反世貿示威升級, 灣仔交通癱瘓, 地鐵站的廣播又說銅鑼灣也可能會封閉, 還敢不取消嗎?唯有張就一下留在北角搵食. 記得兩三年前來過, 沒甚麼印象. 今天經過這裏剛好有位, 試試也無妨吧.本來見到每檯必叫的士多啤梨骨很想試試, 但看著看著差不多也每檯都吃剩很多, 鄰檯六個人好像每人僅咬了一兩口便棄掉, 還是不試為妙. 轉而點了鴛鴦雞、魚湯浸雜箘雜菜, 再加海參帶子鮑魚粒荷葉蒸飯. 先上桌的是雜箘雜菜, 味道算不錯但沒甚麼特別, 只是多種菇類和疏菜煮在一起. 蒸飯過百元都算貴價, 其實是先預備好飯底再配上不同食材(可選蝦、龍蝦和蟹)翻蒸. 我覺得上面的配料和下面的飯好像各不相干, 飯內有些蛋白老得可以, 荷香一點沒有, 用木桶上算係整色整水但有何作用?海參粒還算好, 蝦乾見到很多但帶子就似有還無, 鮑魚粒則吃完了也不敢肯定是真鮑魚還是鮑貝. 我不會說這飯不好吃, 但又絕不會喜歡.等了很久才見鴛鴦雞上桌, 雞分開南乳燒和西芹炒球兩種, 擺

飲食男女推荐呢度既豉油煲呔雞＄２００（普通雞就＄１６０），因為泊街位怕抄牌，情願買外賣返屋企嘆，感覺好壞參半，雞本身肥廋適中，皮夠厚，皮下脂肪又少，整豉油雞本應幾理想，可惜雞肉較「鞋」口，可能浸既時間過耐（近骨部份亦唔見紅色，明顯係過熟，唔關煲呔雞肉質事），又或者心急用猛火煲熟，所以肉質唔夠滑。浸雞既鼓油好杰身，可以原全黏上雞皮，可惜味道好淡，唔用眼睇未必知自己係食緊鼓油雞，而味道關鍵在於跟外買送個一杯鼓油汁，令味道起死回生，個汁有多種香料既濃味同甘香，唔太甜，同以前食開既鼓油雞有好大分別，感覺係特別，又唔可以話特別好食，一試亦無妨。而最奇怪既係，隻雞又唔係好肥，但係個外賣發泡膠盒底就成半吋厚黃澄澄既油，反而豉油就一滴都唔見喎？你話係咪奇景？

尋日同同事出北角食飯有幾處地方係考慮之列東寶仁寶同客家人飯莊客家人飯莊有朋友試過話佢d雞好味最緊要係用新鮮雞仲有分吸煙區同非吸煙區添但係可能客家呢兩個字唔夠吸引結果第一間被否決不過又喏既講真如果你問身邊同事或朋友客家菜係食乜我相信十個有九個半都答唔到因為東寶非常出名縱使人人都知佢近年水準有所下降待客態度又麻麻但係出名就係出名始終對佢信心係大d而且唔駛好似客家人飯莊咁要冒險但係真係人算不如天算諗住早一日B定位實冇走雞點知答案竟係全埸爆滿咁唯有…去仁寶啦仁寶自己之前都試過但印象係OK佢有d送整得好食但有d就冇咁好尤其係佢d雞今次去之前其實都有d陰影不過人生既野有好多野係估唔到叫左六個送豉踧聖子王大大隻啖啖肉一啖肯定食唔晒特別既係加入肉碎(希望冇豬縺球菌)同煮以增加口感不過都幾辣下士多啤梨骨肉排配以士多啤梨汁及其果肉味道清新我曾經食過超難食既士多啤梨骨呢間…算整得好食金鋃蛋莧菜OK啦淑盬鮮魷無乜特別配以炸蒜茸進食特別惹味南乳燒生蠔賣相奇佳用超大隻珍寶蠔連殼上鮮白色蠔殼做盛器配以炸至金黃色既珍寶蠔散發著陣陣南乳香味令人垂廷欲滴海鮮荷葉飯內有海參花膠鮑魚…粒每一粒飯都吸收了固中精華多汁唔乾身食落