今助日本料理 (已結業)

一行3人叫左一個烏冬一個飯同一個side dish,份量多，食得好飽，都係$80 each, 幾抵食。滑蛋一行3人叫左一個烏冬一個飯同一個side dish,份量多，食得好飽，都係$80 each, 幾抵食。滑蛋豬排煮($70)，可以當小食散order，吉烈豬排有汁得黎又唔會淋。但無跟飯，個汁會有d 鹹。燒牛柳粒飯($80), 牛柳大大粒，唔會韌，珍珠米唔會dry。牛肉烏冬鍋 ($70) , 好足料，好多塊牛肉，又有金菇同冬菇，烏冬好煙韌，但湯甜得黎都係偏鹹，想飲多兩啖都頂唔順。但里度d staff都好nice同好efficient，環境都好舒服，係衰在近商場門口，會有一兩隻小動物飛入黎。

星期日夜晚，要等差唔多45分鐘先有位。入座後睇menu，花多眼亂，大部份係定食，樣樣都想試，我經常諗點解日本人可以又飯又麵原本覺得烏冬份量正常，但因為麵條好粗，口感比較實，所以原來好飽肚。而炸蝦天婦羅都ok，外面脆身，入面蝦肉保持爽口彈牙。刺身就一般般，係帶子比較好。而另一份都係有烏冬，魚生飯有三款可選，都係正正常常。總括而言，食物都算可以，份量較多，環境氣氛溫馨，可能好多一家大細，可以偶爾去一次。

第一次黎, 同媽媽, 老公, 細佬 9pm到坐低。 我想點個辣味噌豆腐豬肉鍋, 店員話無豬. 咁改忌廉芝士雞肉烏冬, 又無。。。 咁大間鋪, 淨係得腐皮同牛同淨烏冬。 唔食得牛同壽司基本上無野食得。 d食物標題又唔標清楚。 老公order左個餐跟碗湯, 黎到先同我地講入面有酒精成分, order果陣提都無提, 菜單又無寫明。。。 我大住肚, 佢如果唔同我地講我又唔小心飲左真係會中晒伏。。。 送完餐又無紙巾, 其他台都有。 咁既價位, 極品一般的經驗。。。 我地4個齊齊o晒嘴。。。 呢間野絕對無下次。

今日唔知咩事特別想食日料.咁就去左荃灣揾嘢食 本來禮拜就多人 .間間鋪頭都排嗮隊 . 我都預左要等位.等左接近半小時,一直都未叫到我入座.我便問店員 是否輪到我. 原來店員一直睇漏號碼. 咁都唔嫐啦.最鼓氣就係 眼見人入去食飯. 個店員仲可以同我講 叫我再等等 . 食物就唔多講啦.服務差到一個點.

話說有次我哋一家三口行過門口睇過吓餐牌,老公見啲嘢食好似幾好咁話下次嚟食。於是29/6(星期四)夜晚大慨9:00我哋一家三口(兩大一BB)食晚飯坐收銀對面張4人枱。叫咗兩個烏冬餐,我叫果個有天婦羅+卷物寿司+牛冬。我老公叫一個有5隻䙺+菜嘅烏冬+4件寿司。重點(呢個所謂䙺烏冬餐餐牌個名係寫xx味噌xx烏冬咁嘅,我老公見係味噌湯底先叫呢個,點知出到嚟係清酒湯底)老公開頭以為剩係啲䙺有少少清酒味,點知啲清酒味越嚟越勁,我咪試吓個湯底,完全唔係味噌湯底囉😤後尾我叫個樓面俾個餐牌我睇,我問個樓面呢個餐個烏冬係咩湯底,竟然唔知囉。噤啱就有個疑似經理嘅物體行過聽到,答我味噌湯底,我就開始燥底同個經理講呢碗烏冬湯底完全唔係味噌湯底囉,清酒勁到呢,我見佢聽完都走去同個疑似廚房師父嘅物體講,見佢哋講完我見個經理想行過嚟但又好似諗緊點同我哋講嘅樣,最後行過嚟竟然同我哋講唔好意思,新人重手咗囉,呢啲咁答案我都識答#膚淺到呢#。問我老公洗唔洗換過個？換咩吖,我都係做日餐㗎,我都識分味噌湯底同清酒湯底係點嘅味㗎囉,成肚氣乜都飽哂啦。最好笑個經理講完行走咗好似唔當係回事咁樹咗出去出面,到我叫埋單,等找埋錢走出咗個

麗都坐低一打開餐牌，第一個感覺就係花多眼亂！因為有好多唔同嘅set，set入面又有烏冬、又有壽司鍋物等等，所以有好多選擇呀！我地揀嘅set有牛肉烏冬、炸蝦天婦羅、刺身。另外散叫左個壽司盤，都算新鮮。燒牛柳粒飯就有啲失色啦，牛柳粒好硬，醬汁好鹹。

之前係沙田新城市廣場幫襯過幾次，但自從執左就有一段時間冇食過喇～～今次黎到愉景新城，本身諗住食鳥山名，但無意中見到今助，決定轉軚哈哈～～今助的定食十分豐富，一次過可以滿足想食多種日本料理的要求。壽司，烏冬，壽喜鍋，炸豬扒或魚生飯都有。今次order 完先上餐飲等了20 mins 才上菜，我覺得算等得耐，我見隔離枱都有催單，既然我地今日唔趕時間就無所謂，反正味道好才是重點！讚岐冷烏冬自選彩花魚生飯（$85）偏幼身的冷烏冬夠爽口彈牙，配合沾冷烏冬的柚子醬汁，清清地好開胃好適合夏天享用彩花魚生飯雖細，但魚生料豐富，絕對滿足，至於味道則還可以吧！牛肉烏冬鍋加壽司定食（$90）帶子，三文魚及吞拿魚壽司各二，壽司味道一般，不算太鮮美，而牛肉鍋頗大，而牛肉份量亦多，幸好有男友share 否則我一個真係食唔曬～但略嫌湯底偏咸多味精，食完超口乾。鍋物的粗烏冬我覺得一般，如果轉幼身烏冬會更好更入味，哈哈兩人午餐連加一$200 有找算抵食，但食物質素及服務效率有待提升。

之前食過一次，ok.今次再食，好似冇之前咁好⋯但係等嘅人一樣係咁多⋯炸蝦单点-細隻左，冇以前咁大隻牛扒（冷食）-ok , 但係好重黑椒味，冇乜牛味…炸豬排set - 樣👌🏻但係 豬排唔夠鬆軟…鳗鱼飯- 等左40分鐘，話係即叫即燒⋯呢個係幾好味！

半年前，因於取票安排入座的問題上，向餐廳經理提出投訴，經理亦承諾會改善的。昨晚，去開愉景新城，便打算再去用膳，當時是下午約七時左右，餐廳已爆滿，我便站在餐廳取票podium的正前方，跟podium只有一吋距離，但當時沒有職員在場，我只好禮貌的等候，突然間，有另一女士走進餐廳內，向服務員說：「四位」，服務員便行返去podium位置，將74號票交給該女士，跟住我就問服務員係唔係喺度拎票，佢就問我拎咗票未，我話未，五位吖唔該，接著我就同服務員講：「頭先個女人打我尖，我企喺度咁耐，你哋無人行出嚟派飛，咁整個podium做咩呢？」佢就回應：「平時咁多人喺外面，我點知邊個係要拎飛。」我就回應：「你哋咁多職員喺入面，我點知拎飛揾邊個呢？」佢就回應：「你五位，佢四位，佢都未必打到你尖嘅」。從事飲食行業，爆滿拎飛只是平常事，如果無人企喺podium派飛，都請俾清晰指示客人，喺邊度排隊，如果今助要選擇用呢種混亂無制度的方式去取票的話，我只會選擇放棄，不會再去了，客人的意見是給予餐廳改善的機會，唔好怪罪返客人。

之前食過都冇問題. 直到今日叫左個餐. 等左好耐之餘, 黎到塊牛扒真係剩係得個面象徵式熟, 入面係全生而且係冰凍的. 我叫佢煮熟"少少" (係人都知太熟唔好食", 個店員同我講話煮熟會好硬, 我夠知啦, 所以咪叫你"熟少少" 囉, 起碼唔好咁凍冰冰, 佢話一係就呢個樣, 一係就全熟硬晒 (附圖係煮左之後個樣), 我話有冇第二個同我傾, 個廚點會咁渣架, 佢話佢係副組長 (如果有公司管理人見到唔該check 下 2017年3月27號晚邊個係副組長), 佢話佢係最高級, 冇正組長. 咁冰凍牛扒我點食, 焗住叫佢煮... 以後唔幫襯.

D嘢勁難食不在講，服務態度極差，埋單連多謝都冇聲，服務員冇禮貌，冇文化。真係唔好去，唔係你絕對後悔，使貴錢同時受氣。等咗成粒鐘先有位，結果換來的只有一肚氣，劣評如潮啊⋯⋯

Open rice 食評一般，但次次路過都好多人等，今晚就立心去試下。Order 左個 御丼，有四個mini 合成，牛😋😋鯖魚，一般魚生，正常炸天婦羅，勝在新鲜味道係幾好，算扺食！

大年初二吃御膳 @今助日本料理 * * * * * * * * * *新年伊始，大年初二跟隨家人出外走一趟，到了荃灣的D．PARK，已N年沒有踏足這地，商場翻身成為兒童專區，內裡有專賣小朋友和年青人商品的商舖、小型電動私家車、中庭空間設遊樂區「中央公園」和「鯨魚花園」等都充滿歡樂氣氛，真的很適合家長們帶小朋友來"放電"呀。 進座後店員很快就為我們擺放好餐具、熱茶及餐牌說明是大年初二，各處食店當然是繼續休息，未有營業啦，難得D．PARK內有數個選擇，不外出"冒險"了，最終決定在今助落腳，晚上8時需要取票輪候呀~ 大約15分鐘後我們進座，同行家人喜歡烏冬鍋物，尤其冬天食用最佳。 顧客大多是情侶、夫婦或年青家庭 和紙燈飾和日系格局，舒服又光猛 單點食物，冷熱烏冬和烏冬鍋 御膳款式多而精彩 愛肉食者有日式炸豬扒、滑蛋豬扒或赤味噌豬扒， 右手邊更有鍋物御膳，家人很感興趣，可惜年初二那天暫停售賣呀 四款熱辣辣的烏冬鍋膳配天婦羅、刺身或壽司，真的好適合寒溫下享用 切合商場以兒童為主題，這裡有兩款Kid's menu 刺身、丼和壽司，以這個定價，筆者會光顧另外的魚生專門店 望著餐

今晚和家人吃了一頓十分美味的晚餐，先來一鍋熱騰騰的彈牛肉牙烏冬，美味的配料和湯底也濃郁，天婦羅鬆脆，刺身份量少但很鮮味，但就等了很久，令大家有點不耐煩，但整體也是不錯的

今日係2017年嘅第一日，我們約咗表姐同表姐夫一齊去咗荃灣愉景新城嘅「今助日本料理」食新一年嘅第一餐晚飯！我們叫咗牛肉溫泉蛋烏冬天婦羅壽司御膳嘅烏冬都幾彈牙，牛肉嘅肉味都幾濃郁，由於天婦羅係即炸，所以相當香脆！今助松花堂牛柳弁當嘅牛柳肉質好鬆軟，醬汁嘅味道唔會好鹹，鹽燒三文魚煎到過熟，而且表面有啲燶同肉質相當硬實！特選蒲燒鰻魚三重飯御膳嘅鰻魚肉質唔算好厚身，但都幾軟滑，蒸蛋有啲啲過火，唔算好滑溜！讚岐風素食冷烏冬迷你蒲燒鰻魚飯御膳嘅冷烏冬始終都係凍食比較煙韌彈牙，沾上加咗芝麻同橘子皮嘅麵汁，感覺非常清新，麵豉湯嘅味道唔會好鹹！今助日式炸豬扒御膳嘅豬扒炸得好金黃酥脆，但炸粉就厚身咗啲，而肉質都幾鬆化！韃靻牛柳祇係燒咗牛柳嘅表面，入面仲係鮮紅色，但食落唔會覺得好生，祇會覺得肉質非常鮮嫩！跟餐嘅刺身就唔係好新鮮！