今助日本料理 (已結業)

點2個餐，一個蜆鍋，一個生蠔鍋，湯底一樣咁鹹，野食唔新鮮，生豪一上枱已經有啲腥，預得有鍋放不過張枱比較細，其中一個餐盆會突出枱面，2人枱唔多，通常佢地會比晒啲枱一家大細入哂先，等位比較耐，不過啲野真係好唔掂。。。冇下次

【2016 年 10 月 22 日】 在愉景新城逛街時，已經被這個日式便當的 display 吸引著 所以這晚的晚餐唔需諗當然就嚟這兒 餐牌有很多套餐，全部都好想食 ... 我的選擇困難症又發作喇 !!! 想食鰻魚所以點了客 ... 讚岐風素食冷烏冬迷你蒲燒鰻魚飯御膳 HK$140 好豐富呢 !!! 有刺身、味噌湯、蒸蛋、冷烏冬、迷你蒲燒鰻魚飯 蒲燒鰻魚飯 ... 鰻魚不太厚身但扎實飽滿，預先切件方便進食 飯粒混入了鮮甜的醬汁，光是飯粒也好好味 冷烏冬 ... 很鍾意配上橘子皮和芝麻的麵汁，食起來很清新，烏冬又夠煙韌彈牙 囡囡的牛肉烏冬鍋天婦羅壽司併盤御膳 HK$150 同樣是豐富的日式料理，有牛肉烏冬鍋、蝦和冬菇天婦羅和什錦壽司 牛肉烏冬鍋鋪滿牛肉，Sukiyaki 湯較甜和濃郁，光喝湯就嫌太甜太濃，配烏冬味道就啱啱好 ** 以上分享是以我的口味、喜好和情況作出分享及感受，一試 / 合用與否請自行決定

俾佢個門面坤咗, 等位等咗半粒鐘(其實入面好多位), 等野食又再等多45分鐘 ! 都算!頂 ! D野食難食到冇朋友, 果碗唔知咩Q野湯, 魚無魚味, 湯冇湯味 ! 叫咗一個湯烏冬定食, 同一個冷烏冬定食, 兩個烏冬黎到都係暖嘅 !仲有一個什麼靖魚定食, 條魚老過我阿爺, UN 過牛肉干, 乾過我荷包 !個吉列豬扒定食, 仲勁……等咗45分鐘, 催問D侍應姐姐果陣佢話D炸野即炸, 要等耐D (心諗 : 炸咩Q野要45分鐘??)! 點知黎到 ~~ 嘩!咩事水汪汪 …. 原來個鐵盤唔夠熱, 隻蛋打上去唔熟 ! 頂 ! 果件豬扒, 又話即炸,但食落去好似炸完7 7 49日咁,  D 炸粉仲厚過我塊面皮. 仲有碟小小魚生, 隻蝦好似巳經死咗9年, 三文魚我估計坐咗一個禮拜船黎香港, 巳冇任何魚味, 亦無鮮味 ! 呢餐飯, 4 個定食, 盛惠HK$ 610.50. 性價比係……零 !!!! 永不錄用 !

同老公搵地方食飯，老公話未食過咪試下。叫左個牛肉定食，份量夠，老公話牛肉比想像中的好味，個人喜歡個蒸蛋，滑滑😋😋，喜歡食肥仔米朋友不會失望，因為踠飯系全珍珠米👍。 個豬肉煲不外如是，但d烏冬好彈牙，應該是手作。👍👍。overall ok, 可惜食完口渴。

一入到去坐喺度成15鐘都冇人理我叫完嘢半個鐘都未到係咁吹佢都唔知佢做乜春嘅 好啦等到啲野食嚟啦 叫咗個生蠔雜咁烏冬鍋 啲生蠔出曬水梅曬我心諗你咁貴嗰餐唔係畀啲咁嘅野人食呀 都算啦嗰個咁嘅湯 真係難飲到爆 奇奇怪怪苦苦澀澀 啲烏冬仲衰過喺街市買嗰啲 我心諗唔係呀嘛 中咗服自己都唔知 算啦第一次係咁叫個天婦羅等咗成九個字出到嚟竟然係凍嘅真係畀間野吹脹啲人衰到茶都唔會斟 睇到評論嘅人千祈唔好去呢間咁嘅垃圾食店食野 差到冇得再差 嘢食差服務差 諗住開開心心食餐飯點知搞成咁 不知幾想到曬佢啲嘢落才抬之後走人

呢日忙咗一日諗住食好啲獎下自己 , 點知感覺上咗賊船咁.....食物係非常一般 , 牛就直頭用差來形容 , 而最差係服務 , 叫來叫去都冇人理, 行到埋來黑面到好似欠咗佢咁....我都有留意侍應對其他客人係未一樣, 原來黑面係呢間店的風格......

畀佢外觀吸引左，所以話，食物質素點差都好，包裝真係好緊要。我未食過咁既價錢，而咁難食既嘢，壽司黎講，食爭鮮都冇咁嬲，個烏冬同平價烏冬冇分別，連岀面平民餐廳都好過佢，刺身更加吾洗講，就連最基本既燉蛋都強差人意，真係冇樣嘢好食呢間嘢，真係冇諗過客人會返轉頭，試一次就夠。咁既價錢，冇必要食呢間，大把選擇。呢間餐廳，冇得罪我，只係真係好難食，仲要吾值，我先忍吾住為左呢間嘢，第一次寫食評。

一間虛有其表嘅餐廳， 起初見到餐廳外表好靚，食物賣相好吸引 ， 諗住會好好食 ，點知食物吾好食，嘢食都唔係太新鮮， 價錢又貴 ，服務態度都唔太好 唔會再食， 咁嘅質素對比番價錢實在太貴

因為諗住去玩具反斗城所以決定係愉景新城食姪女生日想食日本嘢所以揀左呢間六個人 攞位好快 五分鐘唔洗已經比我地入座但係分開兩張枱坐住先隔左大概兩三張枱嘅距離首先我地分開坐各自睇餐牌揀嘢食然後我去左主枱諗坐落定單先落左六個餐 然後侍應問左我一句「六個餐 呢張四人枱放唔哂 可唔可以分開放 其中兩個餐放另一張枱？」我：「但我地六個人 無理由分開擺架喎。」侍：「我知 等隔離張二人枱買左單就會拍返張枱過黎。」我：「咁我兩個餐分開放 轉頭食食下又要拎返過黎？」侍：「我地會幫你拎返過黎 咁因為依家唔夠放 都要分開擺」呢個時候佢已經黑黑地面我：「咁我都無得揀 你鐘意啦咁」我態度都好差下跟手佢蔑咀咁走左其實佢同我講等齊枱先出嘢食咪得囉佢由頭到尾淨係話比我知要分開放問我好唔好 我話唔好佢又話無其他方法你無六人枱就唔好比我入黎先啦從來都無試過話啲嘢食分開放分開食到有枱先拍返埋一齊我唔介意等一張六人枱但介意間公司咁嘅處事方式囉然後都算啦 啲嘢食未到 張二人枱已經買左單我地六個人坐齊啲嘢食先到媽咪叫嘅 蠔嘅套餐 我無食 但男友食左一隻蠔 話又腥又臭接近一百蚊嘅魚生飯 男友食嘅 魚生唔新鮮 啲飯凍冰冰鰻魚卷蛋咁嘅嘢

份量大，賣相好，味道有待進步。這次點了一份吉烈豬扒定食。作為主角的吉烈豬扒炸得很酥脆，但只是微暖，味道偏淡，肉質說得上是鬆化。三文魚魚生不太新鮮，沒有鮮甜味。烏冬不是稻庭烏冬，口感都尚算彈牙。唯一欣賞的是蒸蛋，質感很滑，味道不錯，中間混和了魚仔，所以都算野味的。

今日有機會嚟到愉景新城, 為咗玩要極速食個晏, 就揀咗呢間金助日本料理!見佢有拉麵烏冬又有壽司, 就入去坐低食喇!店內環境幾好, 坐得幾舒服!我叫咗一份窩燒牛肉烏冬定食 $90, 價錢嚟講都還可以, 而且仲超快上菜! 簡直係「速食」烏冬個樣麻麻地, 好似好多油咁! 有隻溫泉蛋, 但係流超多汁, 我覺得似打隻蛋落去煮兩煮就算牛肉都係正常質素! 有隻浸到淋哂既冬菇, 同埋金菇烏冬OK, 有o趙口, 煙煙韌韌! 但又有D覺得Over咗! 有種未熟感覺呢個定食跟咗六件壽司, 三文魚、帶子、吞拿魚各兩件同相一樣完全冇光澤, 好似擺咗好耐咁! 食落「鞋拾拾」, 飯唔新鮮!!!老實講D壽司真係爭鮮都靚過佢, 烏冬吉野家都好食過佢! 如果佢個餐係$45我會覺得合理D

經過荃灣愉景新城想食日本野, 見到呢間餐廳好似有齊一個套餐咁, 就決定試下啦叫左個全餐, 又有烏冬, 又有壽師, 仲有刺身烏冬唔會太軟太淋, 同埋牛肉湯底都好入味, 蝦天婦羅都好正, 有一半浸住湯, 又淋又脆刺身同壽司都好正常, 新鮮精緻 三文魚唔會太薄

間野門面幾靚, 門口放左好多食物display,個餐牌又靚, 咁就入左去.地方OK舒服, 叫左個三文魚+三文魚子飯,侍應有提醒碗飯SIZE好細, 我話OK, 唔夠再叫.大約3分鐘後黎到, 真係幾細下, 細過吉野X下午茶size. 細唔緊要, 好食就OK.D魚生正正常常無咩問題, 有4-5片細細塊三文魚, 仲有D三文魚子跟住食啖飯喇, 小喇叭, D飯硬既, 又凍, 好似放過落雪櫃咁, 真係未食過一間咁難食!成碗飯都係又硬又凍!諗住倒D鼓油, 個鼓油入面得好小, 接近無既.如果收我幾十蚊我都算, 碗野要120蚊, 再加一, 即係$132. 又細又唔好食!碗野既質素我諗同爭X凍櫃入面D魚生飯咁上下質素.

今日同老公諗住去荃灣行山, 經過愉景新城決定食D野先起步; 新裝修後商場多左好多新既食店, 經過一輪選擇後, 決定去呢間食評不錯既日式餐廳。 今日撞岩有間韓國連鎖店開張, 所以吸引左好多人黎愉景新城, 間間餐廳都要等枱, 我地大約係呢度等左20-25分鐘度就有枱了。打開MENU, 全部都係SET黎既, 比較失望係唔可以額外加小食, 只有刺生可以添加; 最終就叫左牛肉烏冬鍋配六件壽司定食同金助日式炸豬扒定食;首先上菜係牛肉烏冬鍋配六件壽司定食 ($90), 由於小妹太肚餓既關係, 即時就食左壽司醫肚先 (壽司普通, 無咩特別), 跟住先輪到主菜牛肉鍋烏冬, 以小妹喜愛烏冬既情度黎講, 呢度既烏冬真係唔錯, 尚算爽滑彈牙; 而且湯底唔會太鹹, 牛肉亦唔會太老 老公就揀左金助日式炸豬扒定食 ($100), 豬扒炸得香脆, 入口唔會太油 (同隔離個間黑XX相比, 呢間真係好食好多); 呢個定食有好多配菜, 小妹就鍾意食蒸蛋, 老公就喜歡刺身, 大家可以各取所需 餐廳職員服務幾好, 不過比較差少少係要客人提醒先會加茶;  可能太多人等位既關係, 所以埋單速度都幾快; 整體感覺很好, 下次一定會再

第一次寫評竟然系差同老公帶住兩歲多既大仔抱住拿拿聲食完行下愉景啦，始終裝修左都無再去過，而且前一日同朋友帶住細仔行過覺得好岩帶大仔黎玩咁去到一入門口就已經有枱，可能都夜啦，成9點左右，幫我地拎左張枱，重好快手換埋bb high chair俾我大仔啦，幫大仔叫左個滑蛋吉列豬扒飯($80左右)，個飯好一般，5值$80囉，我自己煮都無咁炆憎啊，我同老公就share個辣味噌豆腐鍋set(個名大概咁樣，就$150左右)，個鍋就跟飯同烏冬，好"流"，系好假個"流"，完全5覺得值$150囉。我地都比較喜歡試新野既，咁試下啦，個鍋我見到最多系韮菜同椰菜，豆腐得兩細舊，同一般既擦紙膠差不多大，叫咩豆腐鍋？個刻已經覺得系伏，佢都重有4薄片豬肉，總括5飽囉，兩公婆食埋大仔既手尾都5飽，d服務好差，叫5該叫兩三次先有人應，連老公都話：叫set重平，都5知咩日本料理平時老公都無咩所謂，但去親邊都會照嗌野飲，今餐竟然無叫總結：貴格唔飽，埋單重要3百幾:第一次食日本料理唔激死我，又5抵食，一次好啊，5會再有下次