今助日本料理 (已結業)

愉景新城食店太散開，見哩間門面唔錯，夠大夠乾淨 ，餐牌幾好 ，所以就選擇食哩間。6：30尚早，所以無咩人食，唔需要排隊。一入到去三位服務員，你眼望我眼，等左一陣先有一個行出黎問幾位。到點餐時，我望住一個侍應叫唔該，佢想郁又唔郁咁望住令一個，個令一位侍應就行過黎。比人感覺做野好懶散，個個都唔想郁。再加上食物唔好味，所以對哩間餐廳好失望 ，唔會再光顧。

愉景新城算是魚子醬一家常到的地方，無他，我們在屯門尾站上車，愉景又是荃灣，前後只需15分鐘，快過區內穿梭，早前的聖誕市集也非常成功，方便到達又多攤檔。這商場平日都是死場，但每到周末又會回復生氣，來金助也是取其方便，就在商場入口處。食肆分佈太廣，好難等幾間，而金助算係多人等，日本料理仍然很受歡喜，價錢中規中矩。滑蛋豬扒飯的定食還有一個小烏冬，雖然份量多得吃不完，但最適合三心兩意的人豬扒炸得金黃酥脆、油脂部份比重剛好到位，略嫌飯底多汁過龍，整體合格有餘。反而大家有驚喜的是隨上的烏冬，彈牙非常。兒童餐印象中都要七八十元，份量頗多，也有幾款選擇，本想時運高你睇我唔到，點知等緊位ge時候，坐門口位的小妹妹係成個大籃到揀玩具，最後都難逃命運。一份很傳統的兒童餐，到最後可以吃到唧了忌廉的布甸杯。兒童餐的質素跟大人餐點相約，不過CP值始終較低，但小朋友話要叫，都係要叫ga la~

聖誕節一早就比阿媽拉左入荃灣. 到Lunch time都唔知食咩好. 係愉景新城逛黎逛去. 最後行到尾就決定黎今助. 好彩兩個人好快就有位, 唔駛企好耐. 係等位時間立馬望下有咩食先. 由於今日係龍曆十五, 阿媽居然話食素... 所以佢叫左個腐皮烏冬.. (無影相)一黎到阿媽就話"個碗要唔要咁大", 不過到食完個下佢話"點解好似食極都唔完". 所以份量係ok的. 而且烏冬好彈牙, 阿媽話應該係手打, 因為每條烏冬都唔同闊度. 重有佢話個湯底好濃. 但係食完後有少少口渴.而我就要左個昆布烏冬壽司定食. 除左有壽司, 烏冬, 重有個蒸蛋.烏冬同樣好大碗. 雖然個昆布一pat咁, 撈埋入碗烏冬都唔知自己食唔食到. 但因為湯底好濃, 所以烏冬唔會無味. 學阿媽話齋真係幾彈牙. 望下又真係每條都唔同size. 個set有飯卷四粒同三粒壽司. 飯卷細細粒, 一口就食完. 而且好似每款都唔同味, 但我講唔出有咩至於個壽司就有饅魚, 三文魚同埋我最愛的凡立貝. 都好ok. 至少夠飽.最後就食個蒸蛋.食落去第一啖係好濃味, 什至覺得有點咸. 不過材料有雞肉同蝦. 如果唔好咁重味就更好. 值得一讚係服務唔

同朋友燒烤完出返荃灣join大人食飯，唔知食咩好不如食湯麵，行到去愉景新城就試下今助。等咗差唔多十分鐘就有位。我叫咗碗腐皮烏冬，湯底唔算特別，正常麵豉湯味，烏冬彈牙，腐皮好入味。大人叫咗碗飯，唔記得咗個名，飯有點軟，如果硬身番少少會好啲。帶子鮮甜。煎魚，肉質鮮美多汁，都幾好食。

放假去了愉景新城行街街，行到有點肚餓又想食鰻魚飯，所以就揀去今助，去到門口已有幾個人等緊位，唯有等一陣啦～等左十分鐘左右終於都有得入坐囉！點了鰻魚定食，又有烏冬又有飯，實好夠飽啦！鰻魚飯汁多，好食，烏冬煙韌有彈性豬扒好鬆軟，整得好好味，食完個飯都好夠飽，烏冬都食唔曬咁滯食到好飽咁走人，價錢有點貴，但可以接受，服務都OK既

見佢D display咁靚，一於入去試試。去到有BB HIGH CHAIR，好似都唔錯, 而且整個愉景新城都係想family-friendly。所以有bb high chair係意料之內。環境都唔錯, 又唔洗等位。畢竟愉景新城太少choices, 我都係抱住一試0既心態。入到去見到餐牌咁多嘢食樣樣都好吸引, 但好可惜，黎到果陣，個烏冬好似煮過龍果種口感已經唔想食😑仲要一D彈牙嘅感覺都無～再食埋個鰻魚飯，個鰻魚好多細骨，而且份量都相對少，碗飯似係用爐蒸住、一早一碗碗整好晒，有人黎就成碗拎出黎比人食，個飯好似焗左好耐咁。佢杯綠茶都唔係太好味，似水。如果以咁嘅價錢，我真係希望佢可以做好少少。都好想荃灣美食多d選擇！

咁啱見到新野就入去try try. 等位嘅時間約10~15分鐘， 都可以接受。我地叫左一個兒童餐加一個魚生飯定食，牛肉烏冬，我第一次叫兒童餐有玩具送😄，個服務員姐姐仲好nice. 個魚生飯就唔算好新鮮，有點乾身而且味道一般，烏冬好滑，但湯底有點太甜，不過食物份量好足夠，最好係蒸蛋，滑得似豆腐花~ 值得可以再去~

呢一日，愛麗絲同媽咪去左今助食晚飯。媽咪點左個山海烏冬鍋 (山海烏冬會有蝦天婦羅同帆立貝)，而愛麗絲就點左牛肉烏冬鍋。特別推介呢到既烏冬鍋👍🏻 因為個湯好正，帶少許甜味，亦會有一隻溫泉蛋伴湯，而烏冬都好彈牙，呢到既烏冬較厚同長，愛麗絲一向中意夾起一兩條烏冬落湯匙，然後連埋湯，一次過食落肚😋其實今助都有啲定食餐，例如一個烏冬配壽司丶親子三文魚飯等，不過就會貴啲，可能約$140一個定食，而單叫飯或者烏冬就約$80，同坊間日本餐廳差唔多，大家都可以去試下呀😉

愉景新城搞緊大裝修，餐廳選擇唔多，7點幾間間餐廳都排長龍，見到今助日本料理比較少人等，第二張飛就到我地喇，於是就決定食依間。餐廳環境不錯，待應生都是穿上和服的。山海烏冬鍋天婦羅壽司御膳（$155）定食份量十足，有五件壽司，分別是鰻魚、三文魚、帶子、油甘魚和吞拿魚，壽司飯不夠堅實，一夾起做散開了，壽司的刺身還算可以，但不是特別新鮮。另外有一個肥牛海鮮烏冬鍋，烏冬鍋配料有肥牛，金菇，帆立貝，蜆，溫泉蛋，冬菇和天婦羅蝦等等。烏冬鍋的湯底味道不錯，烏冬也很煙韌，整體不錯。除壽司和烏冬外，還配有五件天婦羅，天婦羅的外層太厚，又不夠脆，都是淋的，而且天婦羅不夠熱。讚歧風素食冷烏冬迷你浦燒鰻魚飯御膳（$140）定食配有一個迷你鰻魚飯，一碟冷烏冬，五件刺身，一個蒸蛋，一碗麵豉湯。鰻魚飯的鰻魚都幾新鮮，唔會好腥，配以浦燒鰻魚汁，和珍珠米，味道不錯。另外，冷烏冬口感煙韌，配以烏冬汁，冰涼清爽，是夏天一個不錯的選擇！

是夜特意衝著pizzahut 來到愉景新城，怎料到pizzahut 裝修中，害我和男友超級無敵失望 見時間亦不早，不想再行去另一間分店，便在這裡找了一間新食店一試！餐牌上選擇甚多，娜娜一邊等位一邊揀，好不容易才選出一個餐 - 牛肉烏冬鍋天婦羅壽司併盤御膳！天婦羅不錯喔，炸漿不會太厚，而且仍能保留食物的味道，炸蝦尤其好吃牛肉鳥冬的湯底偏甜，不是娜娜愛的味道但客觀來說是不錯的。牛肉是肥牛來的，份量OK但好像肥了一點啦～而壽司併盤就中規中距吧！男友左揀右揀，可能是因為吃不到pizza 太失落的關係，揀極也沒有岩心水，娜娜便幫他選了這個赤味噌豬扒煮御膳。有豬扒、刺身、蒸蛋、白飯和湯，十分豐富！娜娜各樣也淺嚐了一點，特別欣賞那個蒸蛋，十分滑，內有冬菇粒、肉粒和蝦仁；而湯的味道有點特別，帶少許酒味。豬扒炸得有點太乾和硬，而醬汁稍為濃味，配飯吃應該十分合適！整體來說，每個餐都十分大份和豐富，但看看價錢其實也不便宜啊，所以這個size 合理吧！味道大致上沒什麼問題，但娜娜回到家後整晚都十分口渴，可能味精也下了不少喔！

1.職員寫錯非，結果等左成粒鐘，走去問先知過左。。無癮食啦2.周圍嘈到拆天，拍得住酒樓3.叫左個味噌鍋，個職員將個鍋扮正我前面幾cm，想燒死我？？4.等左十分鐘左右，野食到： 1.燒牛柳粒飯（$80）：聞落去幾香，食落去有D失望，牛柳燒過籠，又老又淡味，好在同D飯都幾match。 2.燒鰻魚飯（$80左右掛。。唔記得）： 魚煎到好淋，腥味勁重，但個飯落左幾多豉油，所以都叫左姐到D腥味啦。 3.廣島蠔味噌鍋（$160）：蠔超腥超“鞋”超唔fresh，個鍋裏面D雜菜叫做食得落肚啦，鳥冬咸到接近食唔到，套餐有碗熱飯同三塊魚生，D魚生又係勁腥，“錄”熟左梨食就ok食到既，我將碗熱飯同蠔食，難食7.7。結論：衛生ok，服務差，難食，貴，腥腥腥

好耐都入黎愉景新城喇，因為商場大裝修(其實依家都仲整緊)星期六就3大1小入黎行下，行到6點零鐘肚餓又見到呢度有兒童餐就入咗去喇兒童餐有兩款我家小孩揀咗呢款😊另外我哋3個大人就叫咗兩個set share,好味👍🏻，份量亦好足夠，因為我哋share都夠飽👍🏻👏🏻兒童餐附送的禮物，工作人員拎住個籃比小朋友自己揀😊😊

今日放工同朋友去左荃灣搵食，行下行下見到愉景新城有間日本料理，門口d食物模型好似好吸引，所以就試左。坐底之後睇menu, 嘩！好多唔同組合嘅定食，花多眼亂，揀左好耐終於叫左一個 "山海烏冬鍋天婦羅壽司御膳" 同 "昆布烏冬鰻魚蛋卷燒鯖魚御膳"本來仲想話叫d特色飲品，點知竟然係無架，只有普通汽水之類。所以無叫了。食物黎到，噢。。。同menu入面嘅相片有點差距喎，賣相唔係幾掂，還好味道係OK ga.而且份量係好足夠，食晒一個定食真係飽死嗱～～

星期五晚到處都是人，位於裝修過後的愉景新城裡的日本餐廳卻格外顯眼。與朋友大概等了半小時左右便入座，店­面是半開放式的，門外擺放了很多款食物的擺設，既可吸引客人，也可以讓客人先在等位時想好要點的食品。和朋友各自點了一個套餐，款式大致相同，有一個海鮮/三文魚鍋烏冬，另外亦有魚生，再有壽司/魚生飯，價錢­約$160左右，我認為很合理。魚生非常新鮮，而且鮮味十足，鍋裡的烏冬是較粗身的款式，配搭著濃湯的味道很好，極­為入味。朋友點的魚生飯原來也用白飯伴了小魚乾，此小心思讓人感覺良好。而且服務很好，店員有禮，環境亦很舒服，Happy Friday night!

以前係依個商場食開"銀座藏人"..結業後轉左"今助日本料理"依日終於又去試試!!"壽司併盤松竹弁當御膳"($165)天婦羅炸得薄脆~食材新鮮..蝦好彈牙刺身壽司及小卷又係好新鮮~飯握得好實..有好香醋味"辣味噌豆腐豬肉鍋御膳"($140)自家製豆腐~口感似硬豆腐..較結實~豆味唔算好濃鍋底以菇..蔬菜為主~有幾片豬腩片..口感爽+肉味濃滾起後~湯底唔辣..味濃而且較鹹跟上一份刺身, 白飯及烏冬~刺身食材同樣新鮮烏冬煙韌有彈性~整體食物及服務都ok