仙桃居

營業中

休息中

每次去這家小店, 都會點冬菇豆腐米線, 朱古力厚吐司, 拼珍珠奶茶, 小珍珠少甜少冰, 本人做健身, 盡量少甜. 是下午茶之選, 所以米線是細碗點, 因為大碗食唔曬, 細碗剛好的。喜歡朱古力吐司上烘脆了朱古力醬再拼以厚身吐司, 味道可口. 米線裡的冬菇香甜, 豆腐香口的, 可以落他家的辣椒油調味. 如果你食得辣就落啦, 米線香很多的。

以前讀中學嘅時候成日都去食嘅餐廳，而家搬咗出去好少可以食到今日專登返屯門食，依然專一咁嗌串燒雞柳肉操飯，必定要多肉燥多沙嗲醬！肉燥撈飯真係好正！重點一定要有沙嗲醬點串燒雞柳，咁多年嘅沙嗲醬依然咁好味有三串串燒真係好抵食。加埋杯朱古力珍珠簡直Perfect

又到晚餐時間了，由街頭行到街尾，選擇困難症😀就這間吧 「仙桃居」台式餐廳，小小店舖，坐位不多，估計有10個位吧，一般裝潢，👌 套餐奉送冷熱飲品，可轉配米線、米通、公仔麵另外，仍有油菜、小食、等等可供選擇健康啲啲... 清淡 .... 素冬菇 豆腐米線（走青）大大碗，米線份量多，爽滑 大冬菇， 三塊豆腐冇咪精 湯酥炸魷魚鬚$48薄薄粉漿，炸得剛剛好香脆可口，加少少鹽，更加惹味😋餐飲： 柑桔汁酸酸甜甜🤗醒神開胃食飽啦⋯⋯下次再嚟

朋友話想食肉燥飯，就黎呢間試下，朋友叫咗雞扒肉燥飯，佢話好食，不過食到最後就好滯食唔落哈哈哈，我就叫咗碗雞扒米線，雞扒好香好滑嫩，米線湯底亦唔錯，另外仲有配埋嘢飲，抵食既

平日黎到龍門居食lunch我地十一點九黎到，可以直入，之後已經要等位店舖好細，位大約得10 個到兩個人叫左一個米線，兩個小菜，一杯野飲share依度出名蕃茄底梗係要試下個湯底唔算好重蕃茄味，應該無落茄汁茄膏依d 去調味，純粹用鮮茄做底所以陣蕃茄味比較清新d, 豬扒份量都大塊，而且都算淋，夠味米線口感正常，而且份量好多，最後係食唔哂凡惠顧就可以加$10 有豆腐，六件大大件，好抵食係個汁略鹹左d, 炸得算外脆內軟，豆味都有，只係淡左dd菜就普通，略略有苦味，無咩調味係靠個汁朱古力雪香又係加幾蚊就有得轉，朱古力味略淡，雪香口感都ok, 有d 野𡁻下整體算平民街坊夠抵食，份量都偏多架我地食到十二點三到都係keep 住爆場，要等位想食真係要早d 到

忠實粉絲兼Bff黎食飯，一試我由細食到大嘅台式飯堂。以台灣嘢食，呢間性價比幾好。我都好耐冇食，嚟到先知佢新推出左新嘢，例如紅豆冰。最後點左糧尾餐，串燒雞柳肉操飯呢度嘅台式咖啡比珍奶更出色，因為珍奶較少茶味。但費事瞓唔着，所以都係叫返珍奶。肉操足料，有大量豬肉碎，仲有洋蔥同冬菇。味道偏重口味，同多油，撈飯食先中和到。串燒雞柳由細食到大，最鐘意佢個秘製沙嗲醬，有濃濃嘅花生醬，仲有少少花生粒。可惜今日雞柳都偏鹹同乾身，失水準。回憶中嘅味道好味啲，希望今次只係偶爾失誤。

好耐無食台灣嘢，就去左呢間價錢親民又地道既台式小店，雖然環境窄左啲，不過呢到都係主打做街坊生意，所以都有唔少人叫外賣仲成日都要排隊～叫左個豬頸肉肉燥飯，比左好多汁，超好用黎送飯，本身自己都鐘意用超多汁送飯，出面好多餐廳都比得個少少肉燥，但呢間餐廳就真係超闊綽咁比好多汁！所以我都好難得咁食晒成碗飯！仲飲埋杯珍珠奶茶，係超滿足既一餐💛💛

超鍾意超鍾意超鍾意仙桃居！介紹過佢哋好多好多次，今次試呢個樣衰但好食嘅糧尾餐！記住嚟到仙桃居一定要食米線，因為好環保♻️（可以洗少對筷子） 😋 糧尾餐：鮮茄肉燥撈米通+珍珠奶茶 $45 靚仔靚女一定鍾意食呢個餐（包括小編），平時因為樣靚而得到好多待遇，食返個樣衰嘅餐先平衡到。肉燥勁好食！食到一粒粒肉粒，仲有冬菇同蔥。蕃茄好鮮甜，估唔到蕃茄同肉燥都可以咁夾😆 不過可以外賣焗住，米通焗到淋咗少少，都係堂食好食啲。不過抗疫要緊，沒有堂食只有外賣！ 

仙桃居其實係一間偏向台式料理嘅餐廳～食物款式好獨特，例如米通，即係一款味道同質感似米線，但同通粉一樣中空嘅粉條，所以食嘅時候可以飲埋湯😋~ 餐飲亦都以台式飲品為主，例如蜂蜜綠茶、珍珠奶茶，可以揀甜度，凍飲仲唔使加錢🥳•🥢 馳名豬扒米通 配朱古力吐司 $45(早餐)馳名豬扒係比較薄身，口感唔韌，而且醃得好入味😋 有時朝早晏左去就會賣晒食唔到😫 米通軟硬適中，好吸湯~呢到嘅朱古力吐司同出面食嘅又係唔同～搽到滿晒嘅朱古力醬，烘完之後變左朱古力脆脆嘅口感，而且朱古力味好濃🤩 如果吐司嘅另一面都烘得燶少少就perfect喇😆 因為我平時多數都外賣，返到屋企都會再烘脆啲先食🤤•🥢 真正鮮茄雞扒米通 配奶油吐司 $50(早餐)「真正鮮茄」並唔係普通嘅用茄膏煮成茄湯，而係用新鮮蕃茄煮淋🍅，蕃茄味唔算好濃，但加埋雞扒同米通食就啱啱好～有個小缺點係雞扒有少少「鞋」😣奶油吐司就唔係烘完包再搽醬，而係搽完再烘到少少脆身～食落第一啖就係牛油嘅鹹味，然後就會食到牛奶嘅香味😋 •以一份早餐黎講，雖然價錢少少貴，但食物份量好大，通常11點食完都可以飽到夜晚🤣另外，店入面有好多老闆/店員自製嘅有趣notice同埋貼滿m

早排行過龍門居諗住食一間意粉店(下次有機會的話再介紹)，點知摸左門丁，所以就轉左過黎呢間台式食店。每次經過都見到好多人排隊，定有他獨有的吸引力，今次終於有機會試一試。咁我今次我就叫左個招牌豬扒肉燥飯，包一杯台式飲品，而且冷熱同價，盛惠$55。呢個價錢食到個台式飯餐真係唔錯，屯門的食咨店真係平出面九龍個D一大段。豬扒醃得幾香，所以食落唔會無咩名，而且煎得岩岩好，食落唔會太干身。肉燥就比較失望，因為佢隻味唔算太惹味個種，但勝在份量都好多下，食完真係夠曬飽 !同埋要讚一讚個店員服務水平真係好好! 個哥哥仔真係勁有禮貌，老細見到呢個post真係要加下佢人工!

有無住屯門嘅朋友仔👋🏻✋🏻今日介紹一間我由學生妹食到而大既小店仙桃居🍑-依間小店位於屯門龍門居係一間專食台式飯麵嘅小店小妹當年讀中六 中七嘅時候已經成日食🙈時間飛逝 而家咁大個人都仲會去食食嘅仲有一份回憶🤣-（5粒⭐️為滿分)1.串燒豬頸肉肉燥飯 $55 ⭐️⭐️⭐️⭐️豬頸肉以串燒形式上 上面仲有佢地特製嘅醬汁 撈埋d飯到好好食㗎😋飯嘅份量好多 包你一定夠飽2.豬扒肉燥飯 ⭐️⭐️⭐️⭐️豬扒好香 雞皮脆脆的肉燥同飯嘅比例 啱啱好飯量好多 真係好飽😋-兩個飯都跟飲品 台式飲品選擇都好多但我唔記得影🥺 我最愛依然係珍珠奶茶😋-📍 仙桃居 (屯門)屯門龍門居商場地下105號🚦屯門西鐵站再搭506巴士可到達

由細細個食到依家 食左廿幾年都係咁既味道 好好食佢地個雞扒飯真係食左咁多年一樣咁好味 次次黎到都會叫炸豆腐堂食跟餐只加$10幾蚊唔錯！！A菜堅正！佢地d醬汁同d菜真係好夾！好好食吐司我都係會推介吐司我今日我就叫朱古力吐司D醬係好好味同埋好香 未食落去聞到陣味已經好香所以黎龍門居真係非常推介多年小店不過真係可惜既係地方位置真係比較細坐唔到好多人 如果堂食既話要等一陣如果大家真係好肚餓既話等唔到就買外賣外賣就比較快

我消費。我選擇。支持小店。喺兆麟行到過黎龍門居幫襯。早餐鮮茄雞扒米通配奶油吐司熱咖啡碗米通勁大碗，勁多。下次會叫小啲。雞扒又厚又大塊，我覺得好似雞脾咁大。蕃茄有3大舊，又唔酸，好新鮮咁。我用我隻手做咗個比較。食咗3分2已經好飽，堅持到最後，食哂整碗。望住奶油吐司，叫自己繼續好不努力食埋佢，勁厚。OMG。抬頭望到前面寫住“ 價錢貼地 街坊口味 糧尾打救你 low price your flavour save 9 u before u end“😂 我就明白了一切。50蚊，飽到你死。

呢度嘅早餐好抵食！又有厚多士、又有粉麵，次次都食到勁飽～ 多士有好多口味揀，試過花生、奶油同蒜蓉，全部都好正！真係不分高下😂最特別係秘製奶油多，塊多士成寸厚，聞落超香流口水😻咬落表面勁脆，咔嚓一聲啲麵包碎飛晒出嚟，入面仲好鬆軟，撕開食麵包組織仍然綿密！鹹鹹甜甜真係好香😋👍🏻.蕃茄湯超濃，成個蕃茄劏開擺落去煮，每啖湯都有茄香！最怕酸菜有陣奇怪鹹味，呢度嘅酸菜係爽甜㗎，勁正！金鏄豆腐外脆內嫩，深藏不露～.

今日男朋友帶我遊屯門，其中一站嚟到龍門居！睇網上介紹，嚟到呢間叫「仙桃居」嘅台式餐廳食晚飯！餐廳雖然鋪面細細，但睇得出店主勁有態度，有得免費叉電，入面仲有好多搞鬼嘅poster，睇到都真係忍唔住笑！🤣🤣🤣我揀咗呢個「雞扒蕃茄米線」：睇返餐牌介紹，餐廳唔用茄膏但用鮮茄，所以個湯底比較清淡，但夾埋舊雞扒鹹鹹哋就啱啱好，同埋不得不提，個份量真係超級超級多！絕對對得起個價錢！嘢飲我就揀咗「珍珠奶茶」，茶味香濃！啲珍珠都好有咬口！