住家菜 (柯士甸道)

營業中

休息中

今天難得與爺爺嫲嫲一起到佐敦品嚐住家菜，畢竟是與老人家一起吃晚飯，所以選擇咗家常便飯有老火湯嘅住家菜，每一碟餸都標榜不含味精，確實吃得出食材嘅新鮮和更健康。每一碟餸都十分好味，當中鎮江小排骨酸酸甜甜十分開胃，令我和家人讚不絕口。

同中五既老師同學約聚會，由於有位老師食素既關係，是次飯聚揾左呢間食住家飯既一試💁🏻‍♀️ 打黎 bk 位果陣佢問要唔要留定一隻雞，咁我咪話留囉🙈 一食，唔怪之得要留，充滿豉油雞既甜香，又嫩滑😋 鴛鴦焗飯兩邊都好食，蕃茄少醒好醒胃😍琵琶豆腐無炸到乾爭爭，外脆內軟，趁熱食真係正🉐醬爆百靈菇少少辣好惹味，送飯一流👍🏻 沙嗲肥牛煲好足料，每次夾都夾到好大塊牛肉，我想剩食粉絲都唔得😂 翠肉瓜炒雜菇金銀蛋白菜仔乳香粗齋菜煲都係好食既🤤 海鮮豆腐羹都好飲，清得黎食到材料味~如果無住家飯食真係要黎食下住家菜💯

相識多時，也闊別多時，現正旅居日本的友人回港小歇。有心的她相約一眾老朋友見面聚舊，當然欣然赴會。友人離港多時，吃的多是日本菜，特別掛念住家的味道，想吃些家常菜式，一位識飲識食的朋友建議來這間以「住家菜」為名的中菜館子，眾人一致贊成，並無異議，擇定日子，馬上成事。 這菜館我還是第一次來，店內部分檯與檯之間的空間雖然稍覺逼狹，環境尚佳，企理乾淨。先後點了多道大家都喜歡的菜式：「菜甫肉鬆煎蛋角」（$78）、「鹹魚茸煎肉餅」（$85）、「蟹籽黃金蝦」（$108）、「果皮蒸多寶魚」（$118）、「金銀蛋時蔬」（$75）、「脆香琵琶豆腐」（$75）、「蜆介鯪魚球」（$85），再加「原煲老火例湯」（$55）與這兒的特色「鮑魚雞粒竹筒飯」（$85），豐富，也好味。當中尤以香口惹味的「蟹籽黃金蝦」、熱燙彈牙的「蜆介鯪魚球」和入味可口的「鮑魚雞粒竹筒飯」最得我的歡心。雖然這店子的招牌菜「阿嫲雞」已被預訂一空，因而未能吃到，也心滿意足了。 友人這夜帶來多瓶已絕版或是特別版的日本威士忌佐餐，有「白州」，有「山崎」，我不懂酒，但從識酒的友人口中，也知道所喝的，隨時是喝一瓶少一瓶的矜貴絕版貨，

由樓上鋪主打外賣午飯, 做到能在銅鑼灣和佐敦都有地鋪, 這小店可算是成功經營. 叫得做住家菜, 無非也想給食客有家的感覺, 而在家食飯的其中一個重要考慮, 當然是價錢, 這裡菜式相宜的價錢也能達到這個考慮.雖說是住家菜, 這𥚃食物的賣相一點也不馬虎! 像是用竹筒裝住的鮑汁炒飯, 當然沒有寧香味, 但外觀比用碟裝的更有清幽的感覺, 鮑汁雖濃但不過咸, 重要的是如此黏的鮑汁, 也不會令炒飯變得糊爛, 依然能保持乾爽, 飯粒分明.脆香琵琶豆腐是傳統琵琶豆腐的強化版, 將琵琶豆腐炸香不但令其更香口, 其內裡的軟糯也得以維持, 真正能做到外脆內軟的口感, 當然做法上比一般炸豆腐更複雜.阿嫲雞是這裡的必叫菜式, 用上新鮮雞製作, 在肉質和雞味上已冇得輸, 雖說是沙薑雞, 但加上秘製醬汁令其除了咸味外, 更加了一些清甜的味道, 不再只是死咸. 結果是看上來價錢很”住家”的菜式, 製作上並沒有在家吃的馬虎之感.

吃了住家菜七八年，是我最喜歡的一家餐廳。最愛的是老火湯和我比較熟悉的朋友都知道這一家，因為他家菜裡沒有放味精，湯也做的很用心。每次我喝完這裡的湯，都覺得自己的皮膚和精神狀態會好幾天，不知是不是心裡作用🤣🤣

好快過年，約上三五知己 去食住家菜， 標榜自家老火湯係冇味精嘅 ，門面同酒樓型式差唔多， 八個人坐12個人嘅枱， 坐得好舒服 ， 服務好 ，上菜快， 標榜住家老火湯係冇味精嘅老火湯 真係好值得推介。住家老火湯， 標榜是無味精的湯， 材料有紅蘿蔔海底椰 ，雪耳， 豬骨 ，蜜棗 煲老火湯 青得嚟有少少甜 ，直得 推介 阿麻雞， 嫩滑 有雞味，對於我來講有少少 鹹。好值得推介嘅 鹹魚 雞粒豆腐煲，滑溜溜嘅豆腐 好餸飯金菇肉鬆燒伊麵，不錯。 蜜糖豬扒 好重嘅蜜糖味 ，對於我嚟講少甜少鹽嘅人係甜咗少少。蟹子黃金蝦， 內軟外香， 黐住少少嘅鹹蛋黃 好嘢味， 好值得推介。普通嘅金銀蛋時蔬。瑤柱蛋白肉鬆竹筒飯， 飯炒得好乾身嘅，不過同其他酒樓嘅炒飯冇乜特別 ， 特別就係碟和竹筒分別。

友人生日，大家都因爲工作好少食屋企飯。藉友人生日一齊去食食住家菜。小菜餐廳有海量，為何會選擇呢間住家菜呢？都是聽同事講，去過食ok所以試試佢。事前提早一天打去訂位，而亞嫲雞是唯一要預訂的。於是我們訂位時順便留了半隻雖然半隻，都幾大碟，雞皮幾香，雞肉帶點麻油+醬油嘅醬汁味上菜是微暖，不是熱辣辣那種，可能是亞嫲雞的特式？欖菜肉鬆炒四季豆都幾多，成餐飯主要食佢，夠香夠欖菜味牛柳粒西蘭花牛柳偏咸，略帶黑椒味，肉質唔算un，但就冇咩獲氣，唔似炒過嘅感覺。西蘭花只是伴碟同涼左，同牛柳好似分開，唔屬於同一碟餸咁不過$6x一碟餸，價錢唔算貴，但普通，可能平時茶餐廳仲有獲氣同好味過佢。只是又真係有同事推薦，只能說人人口味不同不過另外最好笑嘅係⋯因為得兩個朋友食蛋糕，所以我只買了兩件cake，去到時收銀姐姐睇過只係小cake，好好人話唔收切餅費，我就連盒同立燭俾佢幫我雪起。食到尾聲另一位侍應姐姐黎收走食物，同時冇先兆直接拎左盒「蛋糕連立燭」（蛋糕照喺盒內，立燭照喺盒外⋯同時大聲話「你地都食得蛋糕架啦？」就放低走左⋯全枱O咀⋯本來係俾壽星一個小驚喜完全係失敗左⋯仲要講完走左⋯完全冇俾火機我地，要再問佢拎如果

今晚同朋友慶祝生日，佢話想食清淡無味精既家常菜，所以就去左依間標榜無用味精既餐館。我地三人叫左三杯雞，脆香琵琶豆腐，柱貝魚湯雜菜煲&柱貝旦白肉鬆竹筒飯。三杯雞：食得到有雞味(唔係費話,唔係所有香港雞都有雞味),而且肉質好嫩滑，份量都唔算少。脆香琵琶豆腐：脆香琵琶豆腐個賣相十分靚。佢個表皮炸得相當脆，而入邊個豆腐又好軟滑，所以個口感好正。如果怕表皮太乾，可以點D汁就唔會乾。柱貝魚湯雜菜煲：個柱貝魚湯雜菜煲上有蝦乾，有菇，有雜菜同埋有粉絲。佢個湯係魚湯，D材料吸收左個魚湯既鮮味後，十分好食。個湯好值得飲下，飲完唔會口乾，無味精。柱貝旦白肉鬆竹筒飯：依個竹筒飯，雖然外表用竹筒裝出黎，但食落完全無竹香味，好明顯竹筒只係裝飾。但個飯炒得ok.

有兩個男職員係好無禮貌，自己同事之間無溝通，就屈我哋話我們攔位坐，仲要講埋啲有骨說話，佢哋指到我哋陀陀擰，一陣叫我哋坐呢張枱，一陣又話坐另一張枱，其實都無所謂，大家將就吓。一陣又叫我哋等呢張枱，跟住另一個又走過來話你們自己諗啦，搭枱就快啲，仲要係度攔位。有無搞錯？係你哋啲人叫我哋等邊張邊張枱，無啦啦俾你咁屈，聽埋啲咁既說話，真係火都嚟！平時都覺得你哋幾好，今日係咪痴咗線？！

作為上班狗既我，成日都要面對OT既挑戰，有幾何可以食下煮家飯😭今日，超級想食煮家飯既我就拉埋女朋友陪我食👫女朋友話呢個月都無滴湯水落過肚，咁就叫咗碗老火湯啦🍵當晚既老火湯係西洋菜煲豬骨湯，飲落真係無味精味，湯水好甜，而且一碗嘅份量都幾多，夠晒兩個人share飲👍🏻食落好有屋企既味道阿👍🏻👍🏻牛柳粒都炒得好軟身，不過西蘭花就有少少乾身，如果可以索到啲牛肉汁嘅話會更加好食。另外，琵琶豆腐嘅味道比起外面嘅餐廳較為淡啲，相對都健康d，可能餐廳係主打健康嘅關係啦，小油少鹽，所以味道方面一定冇外面嘅咁滋味。總括嚟講，都好滿意今餐嘅，至少健康d👍🏻👍🏻

食中菜要限時一個半鐘已經係好奇怪，食物份量細，座位10分狹窄，一張元枱仲要大家坐完櫈先夠位坐，想加單個店員竟然同我地講你地就嚟夠鐘仲加單，後面嗰枱客已經到左，跟手將我哋我張揼咗，我們表示不滿，他就敷衍我們話給我們食多15分鐘，我哋又唔係食完坐喺度唔走加單都唔得，我哋加單嗰陣時還未夠鐘，我地覺得好唔憤氣， 所以就冇在加單，整體來說店員冇禮貌，限時一個半鐘頭時間太短，佢出菜都要時間啦！又唔係一坐低即刻有得食，以後都不會去仲會同朋友說不要去這間店鋪，10分掃興

今日一行五人黎到呢間的主打健康，無味精兼清淡少油既”住家菜”食晚飯。 我地總共叫左三餸一湯一飯。 佢呢到煲既湯日日都唔同嫁～！今日既住家老火湯係粉葛赤扁豆湯，祛濕湯黎～岩哂宜家呢個天氣～！ 阿嫲雞我早就係BOOK位既時候留定半隻，唔預留係好大機會會無得食嫁～ 雞肉嫩滑～碟雞好快就比人清左～ 脆香琵琶豆腐， 感覺伴碟既汁有點多。 蜜糖豬扒，豬扒送黎既時候熱辣辣，睇樣已覺得好惹味，豬扒唔韌，豬扒大小剛好～ 鮑魚雞粒竹筒飯， 飯既軟硬度剛好，味道唔錯～今晚糖水係紫米露，紫米露唔會好甜，好吃！

午餐去食一個健康好味, 低鹽、低糖、冇味精 - 住家菜。中式湯水 - <羅漢果菜乾湯>好正呀！ 啱曬啲上班一族, 冇時間、冇機會飲湯水嘅人。<紅燒斑腩> 班腩魚肉ok, 都唔錯。脆漿炸得好脆, 好新鮮。個紅燒汁煮得好好味, 唔會太「傑」、亦唔會太稀。好多冬菇絲及蒜粒, 惹味!<菠蘿豬扒>豬扒肉厚, 不過梗咗少少。個菠蘿蕃茄汁都ok, 甜酸度適中。甜品 - <渣泎>都可以啦。依度白飯任裝的! 而且啲飯煮得軟硬適中。價錢大眾化。食得西餐多, 有時都食下中式小菜客飯都唔錯。

嚟到住家菜食住家菜，又點可以唔整返碗湯飲，咁先似係屋企食飯㗎嗎😂唔記得叫咩湯，其實我都唔知係乜湯，因為係朋友叫，但飲落的確幾好飲，飲得出係冇味精，有d似阿媽煲既感覺，但當然仲差d啦，而且佢d味比較淡。清清地暖下胃先。阿嫲雞唔熱唔凍，似係煮完攤到室溫先上菜，但雞肉幾嫩唔嚡，但食唔出係乜味😂中式牛柳，牛柳唔嚡唔韌，菜甫肉鬆煎蛋角，咬開入面仲有小小蛋汁😋蜜糖豬扒，蜜糖味欠奉，但豬扒軟淋仲有西蘭花斑片，魚香茄子，兩樣都正常。整體d小菜都唔錯，有小小家的味道。另外一提，服務幾好，會幫你分湯，會不時過嚟幫你換碟，問佢有冇wifi仲會同你講用iphone要連4次先得，又真係第4次先連到😂

食中餐都唔一定凈係第一時間諗起酒樓或者大排檔，呢間打著以住家菜為旗號既小菜館，都係一個唔錯既好選擇。呢度既菜式種類煮法多元之餘，最緊要就係大碟夾抵食，仲要係免收加一服務費。有時兩口子放左工唔想煮飯又想嘆幾味小菜同飲啖湯，都會黎幫襯下，勝在食幾次都未試勻晒，唔會黎黎去灼去果幾味!!!對上幾次太晏黎到想叫阿嫲雞都無緣沽清，今次早點來就叫到了。半隻雞既份量足夠3-4人食用，食落去味道有D似沙薑雞既風味，雞肉鮮嫩白滑幾入味，而且雞皮又唔會帶有一層厚厚既油脂，可以一試。點左兩款重口味既小菜，要叫返個不太膩既菜送飯，呢個蚧肉桂花炒素翅都可以試試。賣相同口感個人認為略似賽螃蟹，蛋白素翅蟹肉一齊炒，香滑清淡蚧子黃金蝦，呢個菜式製作既步驟都好多功夫，師傅第一步先把蝦腸清除，然後再加入咸蛋黃蓉炸香上碟，大大隻既蝦炸到金黃色超香脆，乾身之餘蝦穀仲包滿一層蛋黃既粒粒，雖然好邪惡但係就超惹味，勁正是日例湯係鯊魚骨响螺湯，人多既可以叫一煲SHARE，人少就可以叫一碗。雖然話就係一碗但實際分出黎有4飯碗既份量，真材實料兼無味精夠火喉，放工攰攰地飲返個滋補既湯人都精神D飯後仲免費送糖水俾你滋潤下，每次既款式都有機會唔