影片
以上資料只供參考, 請與餐廳確認詳情
食家推介
今日行過佐敦，見呢間餐廳就睇下有咩食啦。發現午餐真係好抵食，係50-70蚊左右包飲品、小食、湯、白飯、烤餅同主食，真係冇見過咁平嘅印度菜。所以就試下。一入去唔知係咪好少員工，個店面全完冇員工，所以坐底等左差唔多5min之後終於有人啦就叫左個午餐c（$5x）。因為唔係好餓怕食唔曬，就話唔洗要白飯。個姐姐好好人問我，咁轉曬烤餅，定只係要一份烤餅首先黎左個湯同可樂，個湯睇落好浠，但都夠味，但個可樂就完全唔凍同無氣之後黎左個主菜同烤餅烤餅有少少乾，但都幾好食個主菜就比我想像中多好多，之前食過Ｄ印度餐廳Ｄ午餐咖哩係好少肉。所以呢間真係好抵食，同味道不錯btw佢好似唔記得左個小食，但我都好飽就無問佢。
繼續閱讀
Jordan curry houses is a fantastic curry place to share a nice meal with your beloved one. Specially when it served with Chapati, it just makes ur day. As the chapati is freshly made when u order. Which makes it creepy outside but soft inside, but chewy, keeps you addicted to it. The Curry was perfectly cooked. Personally, I prefer it goes with beef than lamb, as beef is more tender. But it was quite pricey, that we ordered one set for two, 2 beers and ended up for 300 sth. But Quality wasn’t that good when comparing to few years ago, but food is still good tho.
繼續閱讀
夜晚同屋企人嚟食，我第一次嚟食，睇落都幾正宗。係印度人開、廚師都係印度人，識講廣東話。除咗牆上嘅嘢食之外，仲要套餐。我地四個大人嗌咗個3-4人B餐餐前小食，脆片唔算好熱氣，唔辣唔咸，點埋個醬真係好好食!!有4杯餐飲，有一碟烤雞。鐵板上，熱辣辣，睇落以為啲雞肉會好鞋好硬，結果係相反，啲雞好嫩滑唔鞋唔硬。蒜蓉烤餅，一啲都唔油!! 之前食過好多間都油得好緊要，蒜蓉味唔係好濃，點啲咖哩仲好食。套餐可以揀咖哩羊肉、雞肉、牛肉、牛腩、牛脷揀。我哋揀左羊肉、雞肉同牛腩。全部肉質都好嫩滑，羊肉味好香，必食!! 辣度方面都有得揀，我地揀左小辣。咖哩炒雜菜，辣味比上面三碟稍為辣啲。乜都有啲，有啲粟米、青豆、蘿蔔、椰菜、青椒、蘑菇等。炒飯，飯一粒粒好乾爽，唔油。
繼續閱讀
店名冇改錯 唔係印度咖哩 係佐敦咖啡係我太天真 以為有正宗咖哩食 叫左羊肉咖哩 羊肉冇羊肉味 咖哩冇咖哩味 好明顯羊肉同咖哩係分開煮再後加汁浸住唔熱又唔入味個湯 你幻想味道同一罐金寶湯加十碗水開出黎一樣就啱奶茶呢 唔係港式 唔係印式 味道就係茶記嗰杯冇味茶加奶水 有圖你睇 牆上餐牌午餐貼出黎係話不設小費 但其實佢薄入係收加一 要小心
繼續閱讀
昨晚要晚上7點去佐敦考試，大約6點10分到考場附近，想吃咖哩，於是在附近見到這家咖哩屋，決定入去一試，一坐下看餐牌，好像有點偏貴基本入這店預期是吃個跟大家樂差不多的咖哩牛腩飯就走人，但見到有羊肉，想吃羊肉，看到羊膝，既然吃羊，就是好一點吧，就叫了個咖哩羊膝，下單位，等了十分鐘，后我入來點餐的人，他們的餐都到了，再等了十分鐘，還沒見我的餐，心想不會忘了我餐吧，再等了五分鐘，我餐終於到了餐一出來，我直接嚇一跳，超巨型，基本是兩個人吃的份量吧，照片拍得不大，但看跟餐具比例就知道，這兩羊膝很巨型的，超多肉，八成八的肉都很嫩，咖哩很惹味是預料內，但這巨型羊膝卻很驚喜，肉質嫩滑又爽，啖啖肉很充實，非常值得一試，可惜有點趕時間，幸好我平時吃飯吃得快，一般一個餐我5分鐘就吃完，這我得用了十五分鐘才吃完趕到去考場
繼續閱讀