佐敦咖哩屋 (已結業)

夜晚同屋企人嚟食，我第一次嚟食，睇落都幾正宗。係印度人開、廚師都係印度人，識講廣東話。除咗牆上嘅嘢食之外，仲要套餐。我地四個大人嗌咗個3-4人B餐餐前小食，脆片唔算好熱氣，唔辣唔咸，點埋個醬真係好好食!!有4杯餐飲，有一碟烤雞。鐵板上，熱辣辣，睇落以為啲雞肉會好鞋好硬，結果係相反，啲雞好嫩滑唔鞋唔硬。蒜蓉烤餅，一啲都唔油!! 之前食過好多間都油得好緊要，蒜蓉味唔係好濃，點啲咖哩仲好食。套餐可以揀咖哩羊肉、雞肉、牛肉、牛腩、牛脷揀。我哋揀左羊肉、雞肉同牛腩。全部肉質都好嫩滑，羊肉味好香，必食!! 辣度方面都有得揀，我地揀左小辣。咖哩炒雜菜，辣味比上面三碟稍為辣啲。乜都有啲，有啲粟米、青豆、蘿蔔、椰菜、青椒、蘑菇等。炒飯，飯一粒粒好乾爽，唔油。