佐賀山田‧燒肉

營業中

休息中

趁連假3日嘅前夕，同朋友黎到係屯市新開嘅佐賀山田食烤肉！依間佐賀山田係烤肉放題，總共有4款類別俾客人揀，包括53、96、127同埋166品，限時100分鐘。今次我地揀咗96品嘅竹放題。 一埋位好快就上咗盤肉，原來係送俾客人嘅嚐味燒肉盛，入面係比較高級嘅肉，包括牛肋條、牛肋肉、牛小排、一口牛。 至於其他就要掃QR code黎落單，竹放題已經包咗好多款肉，例如和牛牛肩脊肉、牛板腱、牛胸腩、牛舌、黑豚肉眼、豚肉燒等等，每款肉大概都有幾種嘅醃製方法，有原味、燒肉汁、塩醬、味噌、辛味醬汁、日式竹炭燒汁味，塩醬同竹炭燒汁都係第一次聽炸，一定要試下。 華味鳥雞肉丸都幾搞笑，好少食用雞肉打嘅丸，口感淋淋地。 熟食方面，山田紫菜玉子飯真心唔錯，隻蛋係自己打落去添，仲有芝士年糕、海苔魷魚天婦羅等等，烤緊肉嘅時候就唔怕會肚餓！ 自助區有生菜、沙律、中華沙律，豆腐依啲前菜任食，另外仲有飲品甜品同埋雪糕雪條添！ 

💖 佐賀山田‧燒肉 (屯門)✨屯門屯隆街2號屯門時代廣場北翼3樓40號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢幾日成日落大雨，我都唔係咁想出街食飯所以就約咗男朋友喺附近食🥵好耐已經冇行過市中心發現我開咗好多唔同嘅新餐廳🤣最吸引到我嘅就係呢間燒肉店🤭-竹🎋 $328/120mins呢一個價錢已經包咗9️⃣3️⃣樣唔同嘅嘢嘢食🤤，一坐低就送咗頭盤俾我哋💁🏻‍♀️首先就係要用佢嗰舊和牛嘅油脂開爐🔥，咁就冇咁容易燒燶晒啲嘢食。自選區就有雪糕雪條、飲品、小食同埋前菜可以拎😍雪糕方面仲有我最鍾意食嘅荔枝味😚飲品一樣有我最鍾意嘅荔枝茶❤️其他主要嘅食物都係喺QR code度落單，每一個樂嘅部位都有幾款唔同嘅醬料醃製，我自己就最鍾意係佢哋嘅竹炭醬料，好容易認黑蚊蚊嗰個就係佢啦🖤我覺得佢哋嘅牛肉味都幾香濃，唔會話出晒血水，有浸冰鮮嘅雪味👍🏻食落口油脂滿滿😻除咗肉類之外仲有其他小食食㗎，我見好多人都叫咗嗰個和風紫菜飯🍙，不過我哋兩個係食肉獸所以今次就專點肉類😈呢度有93樣食物大家可以慢慢選擇慢慢食🙌🏻

屯門市廣場越嚟越多唔同類型食肆進駐，今次呢間佐賀山田‧燒肉，之前喺青衣城分店食過佢哋嘅火鍋放題，印象非常唔錯🤪今次喺屯門分店食燒肉，唔知感覺會係點呢?呢一個set係【竹放題】嚴選美國和牛放題，坐低之後店員就會送上幾款精選肉品，可以俾客人先品嚐幾款頂級部位🤤分別有美國SRF安格斯牛肋條，美國特選和牛一口牛、骨付牛肋肉、美國上級牛肋肉、美國牛小排！質素相當唔錯，好滿足😋食完第一輪之後唔夠喉，再繼續嗌多幾Round😝比較推薦係牛舌、和牛牛肩脊肉🤩爐頭size合理，太大嘅話反而容易分心而燒燶咗🤣除咗牛肉之外，仲有其他唔同嘢可以order😃山田紫菜飯，可以自己叫多隻玉子，撈埋啲蛋黃就更加美味😀出面嘅自助區，可以自己攞啲菜類🤪飲品區，選擇幾豐富😬最後唔少得甜品雪糕🍧

今日放假特登約朋友去屯門行街睇戲,而家搭西鐵入屯門真係好方便,睇完戲喺附近搵啲嘢食,朋友帶咗我去一間日式烤肉放題。佐賀山田燒肉,餐廳位置喺屯門時代廣場,上到去餐廳地方非常闊落,裝修得好整潔。飲品仲有好多選擇，甘炎熱嘅天氣飲品都非常重要今晚我哋選擇咗268蚊,嚴選美國和牛100分鐘放題,牛肉款式有五種選擇,最好食就係美國特選和牛牛肩脊肉,牛肉味道香濃肉質嫩滑加上脂肪分佈均勻,牛肉帶點油花,食落口牛肉味特別香濃有入口即溶嘅感覺。燒牛舌,口感爽脆肉質嫩滑,牛肉香味重。另外奉送嚐味燒肉盛,安格斯牛肋條,和牛一口牛,上級牛肋肉,美國牛小排,骨付牛肋肉。海鮮有青口,青魚,多春魚,墨魚仔,青魚燒到皮香肉嫩,入口魚味香濃加少少鹽調出鮮味。另外雞肉,豚肉,蔬菜,小食都有好多選擇。值得一提厚切日本黑豚腩肉,肥瘦均勻,入口滿滿油花香味,又香又爽口,肉質非常嫩滑, 加埋餐廳提供嘅醬汁更加好燒蔬菜係我嘅至愛,燒菠蘿,燒出嚟嘅菠蘿特別香甜,入口又juicy又好味,牛油金菇,翠玉瓜,茄子,秋葵,呢幾樣都係必食嘅推介，食多啲蔬菜更加健康100分鐘夠晒時間食，食完飽飽咁離開💕

屯門市廣場近期開左幾間燒肉店，價錢有貴有平，今次我地揀左間相對平價既燒肉放題試下，尼間放題推出左不少優惠比客人，例如學生優惠、快閃優惠、屯門店限定優惠等，所以去到都見不少人等位。尼間燒肉最平$208 100分鐘任食，而我地揀咗$268 竹放題（嚴選美國和牛）100分鐘，牛肉款式雖然唔算多，但配合埋豚肉、雞肉、海鮮和小食都算多既。一坐底店員就會放一盤嚐味燒肉盛，之後我地再用QR code 落單，而出面既自助吧有飲品、甜品、沙侓、生菜和前菜小食提供。🐮嚐味燒肉盛望落不錯，相比QR code 落單既牛係靚D，不足既點係和牛一口牛好似未完全溶哂雪其他肉類都ok，不過食落肉味都唔差，夠重牛味。為左解油膩我地嗌左不少蔬菜食🌽🥬，仲嗌左🥚🍚紫菜溫泉蛋飯餸燒肉，個飯都幾大碗😂我地都係share 先食得哂，如果細食既朋友唔建議自己一碗，因為你食唔到燒肉就蝕左啦🤣如果豚同雞比較，我會覺得雞肉類比較好食，有肉汁而且唔會乾，我地試左豬頸肉同豚肉眼都係比較韌和乾身🥲最後緊係要食埋甜品先走，多款雪條雪糕甜品比客人選擇。而新開既燒肉店黎講，環境都算乾淨寬敞，價錢又唔算太貴，如果口痕耐無食燒肉，又想平食可以一試的，值

What a surprisingly nice and worth-trying Japanese bbq restaurant in Tuen Mun which offers good food😍 I enjoy the dinner so much !!! We ate for 2 hrs… so jeng 😍 The wine so nice. Worth to give it a try. 👍🏻任食Once I get in, I saw variety of desserts 🍨 so nice !!! Different taste 👅 of ice cream !!! I like the coconut 🥥 one & the caramel one 👍🏻 yummy !We ordered the $268 set!!! You can enjoy 100 mins free flow of the meat !First comes to this high-quality meat. Beef 🥩 We also ordered some vegetable

揀左嚴選美國和牛燒肉100分鐘放題～～每款肉都寫左牛既部位，而且都是鮮甜的😋食完頭盤，可以任點其他牛、豬、雞，同埋海鮮、蔬菜，十分豐富！除了著名的牛牛之外，特別推薦既仲有：1️⃣芝士雞腿，滿滿的芝士慢燒，超美味！2️⃣墨魚🦑，超新鮮爽口！自助飲品區、甜品區同前菜區也算幾多選擇，雪條味道幾特別，試左海鹽荔枝同藍莓乳酪🧀️😍😍整體來講，性價比十分高，而且豐富滿足既！店內環境夠大，唔洗點等位，一個人大概$300😊

屯門區想食燒肉通常選擇唔多同埋亦都要等好耐呢間新餐廳係一個好選擇————————————今次就叫咗松放題100分鐘每人328再加一 $400都唔使一係就上左A4和牛和牛只有一碟 油花好靚 入口即溶燒肉係用一個細細地嘅爐每次燒嘅份量都唔可以好多亦都要留意 因為好容易就熟一個唔留神就會燒得太熟呢條腸入邊包住舊雞骨 都幾得意青瓜開胃一流等緊燒緊嘅時候 可以食住小食先炸池魚 紫菜魷魚鬚 炸帶子 炸章魚燒全部都好有特色又好味除咗燒肉海鮮都係唔錯嘅選擇有沙白 帶子 蠔 青口 多春魚全部都好好食 特別鍾意食蠔👍🏻SRF牛肉油花雖然冇和牛咁多但勝在牛味好重 啖啖肉之選食咗咁多肉 梗係要食菜可以食椰菜芝麻醬總共食咗兩碟 夠晒健康———————-食咗咁多嘢仲食埋杯雪糕下次想食燒肉都可以再嚟

佐賀山田旗下有唔同類型嘅食肆，例如涮涮鍋，今次試嘅係位於屯門嘅燒肉，放題都有好幾款不同價錢，俾貴啲食材更加高級更多選擇。今次選擇左中價嘅餐，但係已經非常好味！餐廳嘅牛肩胛同埋黑毛和牛非常多油又嫩滑，一燒出晒牛油超香牛味。每款牛都有五至六款不同嘅調味，例如係味噌、醬油、原味、辛辣等等，梗有一款調味啱你心水～呢個餐最正係除咗牛同豚肉之外，仲有唔少海鮮嘅選擇，有大海蝦、帶子同埋大蜆等等，又大隻又鮮甜，燒嚟食真係一流！除左燒野之外，仲可以叫溫泉蛋，蛋白滑嘟嘟食到停唔到口～總括而言，餐廳嘅肉同埋海鮮都好高水準，種類包羅萬有，我個人就非常鍾意燒金菇同埋茄子等等，而且餐廳嘅服務值得一讚，店員好勤力過嚟換燒網，避免食物太多燻黑，非常貼心～

收工同同事嚟到屯市新燒肉店，滿足佢要大食一餐嘅願望。點咗「竹」收題，全96品，可以不停encore 美國和牛。款式到唔可以詳述。一黎就牛拼盤，試下唔同部位，再選擇自己所愛嘅。有厚切美國SRF 安格斯、美國牛小排、 上級牛肋肉、骨付牛肋肉。厚切美國SRF 安格斯好淋嫩，有豐富肉汁。牛小排帶有牛油脂味，肥美適中。除咗牛，仲有雞、豬、羊，每一款肉類都十分新鮮，加上細心燒烤後略微焦香，真係令人回味。最後，一定要提及舖頭嘅甜品，好可惜已經飽飽，冇食到自家製蛋糕仔，只係食雪條。雪條採用Meji，有保證亦有特色。媡奶紅豆同藍莓乳酪之間，我選擇咗後者，好濃藍莓味。

呢日去咗屯門時代廣場嘅一間新開嘅和牛任食到飽餐廳😋😋，真係好正呀！最抵食嘅當然係佢嘅美國SRF安格斯和牛放題啦，好抵食又好正😋雜錦燒肉盛冰盒，有好多唔同嘅部位可以揀🥩，包括日本佐賀A4和牛肩胛、日本佐賀A4牛肋肉、日本佐賀黑毛和牛、美國SRF安格斯一口和牛粒同埋厚燒牛舌🥩特別想推介下佢嘅日本佐賀A4和牛，每片都呈現美麗嘅油花，輕輕一燒，油脂就會滲出，再蘸上佢地嘅燒肉汁或者岩鹽食，入口即融，真係好好味呀！試完之後，仲可以用QR code自己揀想食嘅部位，真係好方便😍想推介下厚燒牛舌真係好正呀！每一片牛舌都好嫩好滑，輕輕一咬就會散發出濃郁嘅牛肉味，真係好好味啊😋再煮熟之後就好易入口，好似融化咗咁，同埋佢地嘅燒肉汁真係好配呀！蘸上去之後更加提升咗牛肉嘅味道，一試難忘😋！熟食同炸物都好好味，尤其係佢嘅流心芝士雞肉漢堡同埋厚玉子燒，真係好正呀！仲有海苔魷魚天婦羅、章魚燒、芝士年糕、牛油本菇同埋金茹等等，真係一試難忘😋枱上仲有好多汁加，真係好貼心呀😋！可以根據自己嘅口味自由配搭。我都好鍾意咁樣，可以自己調整味道，食得更加開心滿足！😋😋另外，佢地都有半自助區，可以自取前菜、沙律同埋甜品，一定要試下佢

佐賀山田‧燒肉地址: 屯門屯隆街2號屯門時代廣場北翼3樓40號舖呢間佐賀開左係屯門時代廣場冇耐屯門又多一間燒肉選擇 今日同朋友尼食佢地做緊既優惠都幾吸引 訂座8折 2 人行一人半價有100 分鐘以及120分鐘選擇地方大 坐得舒服 燒得爽飲品選擇多 解茶 涼茶 汽水，梳打 應有盡有加$40左右就有啤酒放題本土滋味雪糕，日本樂天雪條 甜點🍮 慢慢嘆坐低手機QR code落單食level 3 --------美國SRF安格斯和牛 一尼就送左個燒肉盛日本佐賀和牛牛肩胛 日本佐賀和牛牛肋肉 日本佐賀和牛美國特選和牛一口牛 厚切牛舌海鮮 蔬菜，豚肉，牛肉，雞肉 小食 六大種類自己間特別推介美國SRF安格斯和牛牛板腱 肩脊肉 車海老一和牛 牛油帶子 雞腿肉都正食食下甘就食左兩粒鐘 勁飽 haha

今次叫咗松放題，即係主打美國SRF安格斯和牛嗰款，每枱會先上一份盛合，係有再高一級嘅日本佐賀A4和牛牛肩胛、牛肋肉等等，日本和牛嘅油脂真係好豐富，厚切牛舌都好爽口～牛肉方面比較喜歡牛板腱同牛肩脊肉，牛味同油脂比較適中👌雞腿肉頗有驚喜，芝士雞腿肉用錫紙兜裝住，可以安心放喺爐度慢慢煮，而且雞腿肉都好少會有過嚡嘅問題🐓幾款用牛油調味嘅食材亦係我地有encore嘅，好似係帶子、蜆、露筍苗，皆因牛油畀得足夠，整出嚟晒香噴噴🧈小食試咗啲燒肉放題比較少見嘅唐揚池魚仔、海苔魷魚天婦羅等等，炸物唔會過火，水準唔錯🍤飲品、前菜、甜品都係自助嘅，少少一份可以試多幾款🧃依度亦都有一啲闊落嘅卡位，就算人多都唔洗分枱坐～

係屯門睇完戲之後就揾晚飯食見到呢間燒肉好似幾正等左一陣間就有位入得我地揀左松放題 美國SRF安格斯和牛燒肉食100分鐘放題勁多野食揀頭盤就送咗一個嚐味燒肉盛有美國特選和牛一口牛、厚切牛舌、日本佐賀嘅黑毛和牛、A4牛肋肉、A4牛肩胛 同大啡菇和牛肉質軟嫩 燒完口感都多汁肉質肥瘦相間 牛味細膩醇厚油脂分布均勻 入口肥而不膩味付牛舌 口感非常有嚼勁 帶有一種獨特的牛油香味美國特選和牛牛肩胛肉同美國牛板腱有好多唔同口味揀有原味、燒肉汁、塩醬、日式竹炭燒汁味海鮮都有得燒牛油帶子非常鮮味我地仲encore 左雞肉芝士漢堡喺鐵網上面慢慢燒切開中間啲芝士流心入口帶有濃厚嘅芝士味亦都有雞肉嘅味道燒菠蘿非常之多汁同好甜翠玉瓜都好爽豚肉燒肉質都非常juicy 薄切好快就燒好有得食珍寶炸帶子同海苔魷魚天婦羅炸皮薄 入口隨得你又有鮮味嚟返碗山田紫菜玉子飯冇得輪燒完肉嚟返轉甜品食完仲有雪條同雪糕杯食呢一餐非常之滿足、性價比好高

屯門時代廣場千色店附近新開好多特色餐廳，呢間和牛任食到飽，平日星期一至四，OPENRICE有8折優惠卷抵買😎推介🤩必點美國SRF安格斯和牛放題HKD$328/位 (全日時段優惠價$262) 😋我朋友唔食牛都仲有好多款豚肉、雞肉同海鮮選擇😉 第一轉先上雜錦燒肉盛冰盒，有標籤標明不同部位比你揀，當然有日本佐賀A4和牛肩胛、日本佐賀A4牛肋肉、日本佐賀黑毛和牛、美國SRF安格斯一口和牛粒和厚燒牛舌🥩每片佐賀牛，呈現美麗的油花，輕輕一燒油脂滲出，蘸燒肉汁/岩鹽食，入口即融，令人再三回味😆 試完之後，再用QR code點自己仲想食嘅部位來食😍另外，仲有好多不同燒物熟食炸物任叫，好似必試流心芝士雞肉漢堡、厚玉子燒🍳、海苔魷魚天婦羅、章魚燒、芝士年糕、牛油本菇/金茹等!!其他韓式飲品、前菜、沙律同甜品都可以去半自助區自取，最後甜品吧都唔好錯過! Meiji冰條有很多種口味，荔枝海鹽、煉乳紅豆、藍莓乳酪😝