影片
開飯介紹
佐賀燒肉谷主打日本九州佐賀縣農場空運直送的佐賀和牛，提供無限量的肉類和海鮮放題，讓您慢慢享受100分鐘的滋味。餐牌上有超過140多種菜色可供品嚐，味蕾會忍不住隨著菜式的變化而起舞。
繼續閱讀
營業時間
今日營業
11:30 - 23:00
星期一至日
11:30 - 23:00
*截單時間: 22:30
以上資料只供參考, 請與餐廳確認詳情
有關獎賞計劃
相關文章
每次喺旺角雅蘭中心對面等過馬路，抬頭各上望都會見到呢間🔥🥓「佐賀燒肉谷」；佢有不同Level嘅燒肉放題選擇，同朋友揀咗食120分鐘Level 3澳洲和牛海鮮放題（$448），呢個Level已經有好多野食選擇😋，基本上係多到唔會全部試得哂～·一開始會先上頭盤，有齊澳洲和牛上級牛胸腹肉🐃、澳洲和牛特上牛肋肉🐂、美國牛胸腹肉🐮、牛肩里肌肉、厚切牛舌等，每款牛肉各具不同口感及肉味，尤以澳洲和牛嘅肉味最為濃厚👍🏻。而頭盤亦包括海鮮拼盤，包括 原隻鮑魚、帆立貝、半殼青口、大海老🦐、法國黃金螺🐚等，睇見已經好吸睛😻!! 個人私心推介仲必點燒日本原隻生蠔🦪、蒲燒鰻魚🐠，而店員更十分貼心教我地燒生蠔嘅技巧，估唔到佢地咁專業😉。·店家近日更推出水果夏祭🍊🍎🍐🍉，有多款好適合夏天口味⛱嘅特色食物，包括 雜果醬封門柳壺漬、雜果醬梅花壺漬、雜果醬醃𠝹花魷魚🦑、呂宋芒雜果沙律🥭、椰青糯米糍、朱古力棉花糖香蕉船🍌、榴槤炸彈、日本和牛炒麵等等，大部分皆以酸甜清爽的水果醬醃製；個人偏愛雜果醬封門柳壺🤤，封門柳味道帶有雜果醬的香甜，咸甜相交令味道更豐富；另外，食Level 3以上仲每人可以order一件貓山王榴槤刈包， 貓山王榴槤果肉勁香😍，口感綿密軟滑，大滿足！·值得一提，店家為慶祝香港運動員喺奧運奪得金牌yeah🥇🏅！凡惠顧主放題Level 3或以上，即可獲贈A4日本和牛嫩肌壽喜燒🥩(100g)1份，和牛壽喜燒超級好食，同日本食到嘅一樣正😋!!·📍佐賀燒肉谷旺角彌敦道625 & 639號雅蘭中心地下及1樓116號舖
繼續閱讀
瘋狂shopping後，就覺得非常肚餓。閨蜜提議去食燒肉，估唔到朗豪坊附近呢間燒肉超級好食😍😍，而且仲做緊GUU 水果祭令人十分驚喜。✨ Lv 3澳洲和牛海鮮放題✨一坐下，店員就送上滿滿的牛肉階梯及海鮮拼盤，非常吸睛🤩。牛肉階梯包含了美國牛空腹，特選牛小排，牛舌、澳洲和牛-上級牛胸肉等數個款式，食啱再諗吓encore邊樣，呢個安排係幾唔錯。我哋覺得以下幾款幾好味🔸澳洲和牛肉眼芯（醬醃）🔸霜降一口牛🔸澳洲和牛-上級牛胸肉🔸澳洲和牛-特上牛肋肉🔸美國和牛肩胛肉眼牛肉的確非常新鮮，呈鮮嫩紅色，牛肉肉味濃，非常高質。（爆推🌟🌟🌟🌟🌟) 🔸 煙燻壺漬封門柳（醬油味）🔸水果醬封門柳壺漬🔸水果醬梅花壺漬必推‼️超級好食，牛柳成條超長😍 肉質軟身嫩滑，還有專人協助烤肉，剛好五成熟❤️口感好食到不得之了。水果祭限定，以酸甜果實醃肉，食肆有陣陣水果香，更加香甜誘人❤️❤️。海鮮拼盤內有大蝦、帆立貝、鮑魚、大螺、青口等，件件新鮮大件，真心好正。另外還點了🔸清酒煮蜆🔸原條魷魚筒原條魷魚筒超級大條，燒完都成個爐頭咁大。香噴噴，爽口又彈牙，超級好食。還點了醬燒赤雞雞腿肉及柚子風味赤雞雞爽肉，肉質結實，酸酸甜甜，非常開胃。期間限定🔸水果醬醃𠝹花魷魚以鮮甜清新的果物製成醬汁生醃魷魚，意想不到地超夾，彈牙有口感，大家不要錯過！🔸貓山王榴槤刈包 呢個組合都幾創新，滿滿嘅榴槤蓉，灑上彩色脆糖，配合淡淡的刈包，口感非常多元化。🔸呂宋芒雜果沙律 芒果新鮮香甜🥭，作為頭盤的確不錯。🔸榴槤炸彈金黃香脆的外皮內包含住香甜嫩滑的榴槤果肉，一口下去，超香兼爆餡，榴槤粉絲不要錯過。店內睇到原來他們岀名用從佐賀空運原隻牛到港，再分切不同部位，確保牛肉新鮮，難怪質素如此之高。👍🏻👍🏻想睇更多介紹，馬上Follow我啦😁。#big_big_foodie #big_big_foodie食勻旺角 #big_big_foodie食勻香港
繼續閱讀
呢晚到左旺角雅蘭中心的【佐賀燒肉谷日式燒烤放題專門店】食燒肉放題，食物高質又豐富，120分鐘任飲任食輕輕鬆鬆唔洗趕～ 餐廳地方寬敞，有大量卡位，坐得舒服～餐廳呢度有4種價錢嘅套餐可以選擇，我地揀左Lv3 澳洲和牛海鮮放題，有超過128款美食，以及自助專區40種美食，好多選擇喔！仲可以免費暢飲啤酒或清酒啊！一開始會上頭盤澳洲和牛海鮮盤，好吸睛，打卡啱晒！肉類包括：澳洲和牛上級牛胸肉油膩分佈均勻，入口又香又滑、牛舌亦有水準，好咬口，仲有和牛肉眼芯、和牛特上牛肋肉、特選牛小排、美國牛胸腹肉等都好高質，海鮮有法國黃金螺、原隻鮑魚燒、帆立貝、青口和大海老～ 等我地可以先試左牛嘅不同部位和精選嘅海鮮，之後按喜好encore喜歡嘅款式～煙燻壺漬封門柳，肉味香濃而且好夠淋，醃得好入味，完全唔需要沾鹽花都已經好好味了！霜降一口牛，一粒一口好滋味～ 必食燒日本原隻生蠔，大大隻肉厚好香滑～適逢奧運港隊攞到金牌，餐廳當日仲另外送左日本和牛嫩肌壽喜燒俾我地食Lv3或Lv4套餐嘅客人，好有驚喜！一片片雪花嘅日本和牛，油脂分佈均勻，入口即溶，沾上蛋汁份外細嫩幼滑！呢排除左有燒肉放題套餐外，仲做緊期間限定水果祭，可以享用以酸甜果實製作嘅各種菜式，開胃又好味，非常啱夏天食，水果醬醃𠝹花魷魚味道好清新！貓山王榴槤刈包和榴槤炸彈都十分香甜幼滑，齒頰留香！如果個胃仲有少少位，不妨到自助區試吓大福和銅鑼燒等甜品喔！呢餐實在太豐富，啱晒牛魔王和榴槤控！
繼續閱讀
最近去咗旺角雅蘭中心嘅佐賀燒肉谷，呢間燒肉放題真係超適合鍾意食肉同海鮮嘅朋友！🔥 Lv.3套餐 $488（需加一），包埋120分鐘無限追加多款和牛、海鮮同甜品，仲有清酒同Sapporo生啤可以任飲，CP值真係高到爆！😋⭐️ 肉類推介呢度嘅和牛真係質素唔錯，油花分佈靚得嚟又唔會太膩，推介以下兩款必試： ✨美國和牛肩胛肉眼👍🏻👍🏻👍🏻👍🏻👍🏻肉質嫩滑，牛味濃郁，燒完香氣十足，配鹽或者燒汁都好正！ ✨澳洲和牛上級牛腹肉👍🏻👍🏻👍🏻👍🏻👍🏻呢款油脂較少，入口更有嚼勁，啱晒鐘意食瘦啲牛肉嘅人！ ✨招牌煙燻壺漬封門柳👍🏻👍🏻👍🏻👍🏻👍🏻⭐️一定唔可以錯過！😍呢款肉經過煙燻調味，帶有獨特嘅香氣，肉質鮮嫩，口感豐富，係整場最驚喜嘅選擇！✨牛舌👍🏻👍🏻👍🏻👍🏻都值得一試，薄薄地，咬落爽脆又有肉汁，簡單燒香已經好好味～👅 👍🏻海鮮推介🦑海鮮全部都夠新鮮，鮑魚、帶子、生蠔任你叫！推介幾款必試： ✨日本原隻生蠔🦪👍🏻👍🏻👍🏻👍🏻👍🏻個頭夠大，入口Creamy，鮮味濃而唔腥，食足幾隻都唔夠喉！ ✨燒白鱔👍🏻👍🏻👍🏻👍🏻（額外送嘅）✨原條魷魚筒🦑 👍🏻👍🏻👍🏻✨大海老🍤 👍🏻👍🏻👍🏻✨燒鰻魚 👍🏻👍🏻👍🏻⭐ 甜品推介🍨食完咁多肉同海鮮，一定要留肚試埋佢哋嘅特濃朱古力抹茶雪糕！😍 ✨朱古力雪糕🍫 👍🏻👍🏻👍🏻👍🏻👍🏻帶有微苦嘅濃郁可可味，口感綿密，唔會太甜～ ✨抹茶雪糕🍵 👍🏻👍🏻👍🏻👍🏻抹茶味道香濃，帶少少甜味，兩款加埋一齊食，味道剛剛好，完美收尾！✨朱古力大福👍🏻👍🏻👍🏻👍🏻⭐️額外亮點餐廳仲提供天梯形頭盤，先試晒唔同部位嘅牛肉，逐樣試完再落單追加，夠晒貼心！另外，自助區仲有炸物、蔬菜、甜品同無酒精飲品，選擇好多，快啲嚟食餐飽！😋 👍🏻👍🏻👍🏻👍🏻👍🏻（最推薦）- 👎🏻（可以唔使試）
繼續閱讀
天氣開始轉涼，燒肉放題係相約朋友晚餐嘅好選擇，今晚揀左【佐賀燒肉谷】，放題有幾個套餐選擇，自助區亦幾多野食，包括飲品、甜品、蔬菜、前菜，熟食同埋燒肉必備-紫菜飯😍Level 3套餐配上免費的清酒與Sapporo生啤，食燒肉可以無限量飲酒實在太令人非常滿足牛肉天梯形拼盤+煙燻壺漬封門柳牛肉天梯形拼盤的視覺效果非常吸引😍層層堆疊的牛肉種類豐富，包括澳洲和牛、美國牛胸腹、牛肩里肌肉、牛舌、牛小排及和牛肩🐮澳洲和牛油花分佈均勻，入口即化，牛肩里肌肉肉香濃郁但不油膩，而牛舌帶有彈性，燒熟後散發微微焦香特別推薦煙燻壺漬封門柳，封門柳醃製得入味，燒後外脆內嫩，肉汁鎖得非常好海鮮盛宴Level3套餐包括白鱔配鰻魚汁和檸檬鹽醬，燒至微焦後肉質細膩，爽口彈牙日本原隻生蠔鮮甜滑溜，入口帶海水的鹹香味，質感飽滿，大海老肉質鮮嫩，燒熟後仍然彈牙，清酒煮蜆則加入了酒香，蜆肉鮮甜而多汁，鹽燒廣島蠔口感厚實，鮑魚亦鮮味十足，整體海鮮質素約高肉類特選香草羊架經過預先醃製，冇羊騷味，外層微焦帶香草清香，內裏保持軟嫩赤雞雞爽肉咬感十足，雞味濃郁，帶一點炭燒香，白豚梅花肉脂肪分佈均勻，燒後油脂滲出，令肉質更加滑嫩，蔬菜燒烤蔬菜選擇亦不馬虎，牛油雜菇吸收了牛油的香氣，翠肉瓜切片後燒至微焦，保留清甜多汁，秋葵燒後外表微微焦脆，內裏滑溜，味道清新，紫薯仔香甜粉糯，車厘茄則酸酸甜甜
繼續閱讀