佐賀燒肉谷 (大鴻輝(荃灣)中心) (已結業)

星期一又約左班朋友去食飯，為左近佢地 去左好多人等𨋢嘅大鴻輝中心 其實我真係好唔鍾意呢個地方 因為次次都排好耐先上到去。放工去到大鴻輝中心，今日食日式燒肉，佐賀燒肉谷，原來係2/F 扶手電梯一上就到，唔洗打蛇餅等𨋢，心情即刻好左。門口都靚仔，揀左食lv3 特上牛品海鮮放題。一入到去見到個大雪櫃 包羅萬有，好多飲品都有，熱辣辣整罐凍頂烏龍茶解下熱先啦。之後前菜有好多種 食左自製沙律同麻醬豆腐 都幾開胃。未order肉類前 會先黎各種唔同牛肉，其中推介封門柳真係好好食 又香又嫩，我未係其他燒肉店食過呢款牛肉，其他牛肉都水準不錯。之後試左麵豉湯同紫菜飯，都係水準以上，紫菜飯配生雞蛋連牛舌係好好味。之後試海鮮同菜，青口 金姑都無令人失望。另外仲有炸物，炸雞係有好多種味，我特別推介芝士炸雞，食完之後都好飽 就食甜品 我揀左朱古力雪糕配棉花糖 再自製多一杯熱朱古力飲品，食完成個口都甜哂。最後埋單$400左右 價錢都合理 而家仲送多30分鐘任食 抵到爛。

荃灣大鴻輝中心不嬲多嘢食，好耐冇食燒肉，就揀咗佐賀燒肉谷試試佢😋我同男朋友今次揀咗100分鐘level 4極上和牛海鮮放題，一早訂定枱就順便入座喇😎💕煙燻壺漬封門柳首先上枱嘅喺封門柳，一條長約30厘米嘅封門柳，味道超濃郁，肉質鮮嫩，一試就愛上🤤推介👍🏻💕牛肉頭盤頭盤包括咗極上牛小排、安格斯牛小排、嚴選牛肩里肌肉、太切SRF和牛三叉肉等，大部份肉質都鬆軟，有濃厚牛肉味，再配燒肉醬效果更佳😚薄身嘅牛肉唔小心燒耐咗會變牛肉脆片，但好好食，大家都可以試下🤣可惜肩胛翼板肉偏韌，就有小小失望🥹💕豚肉雞肉類雞肉豚肉都好滑，尤其雞腎燒完後好香好食好脆，所以我胃細都要encore了🫶🏻💕海鮮類海鮮俾到我超大驚喜，廣島蠔好鮮好好食😋鯖魚搭配燒肉醬一流，十分之嫩🥳清酒煮蜆估唔到好鮮味，可惜一盤得3粒，推介大家黎到要叫夠兩三盤🤣💕甜品類雪櫃嘅甜品有奶凍、紅豆粿子、芝士蛋糕，味道一般，失色咗小小，不過雪糕機好驚喜，乳酪雪糕配任加棉花糖朱古力，唔會死甜，好fresh👏🏻旁邊仲有豆腐花，不過我胃仔細，食唔落喇，下次再試🤓⭐️⭐️⭐️總結黎講，抵食，食材質素好，服務周到，㩒個制就可以要求換燒烤網，環境闊落好坐又整潔，唔會好

今日星期日，一於食餐好嘅叉叉電。幾日前喺網上預約咗荃灣大鴻輝嘅佐賀燒肉，試佢嘅LV4 極上和牛海鮮放題。小弟唔係燒肉迷，一嚟食量唔多，二嚟好怕食完一身燒肉味，但係今晚食完，我覺得啦呢間食得過，過一排我都會返去幫襯！(以下評價以5⭐️最高)環境 ⭐️⭐️⭐️⭐️⭐️舖面同座位都好乾淨，我同女朋友被安排坐卡位，夠晒寬敞。間舖冷氣好夠，大熱天時玩室內燒烤都食得好舒服。爐邊抽風系統做得幾好，雖然係燒肉店，但食完都無成身燒肉味。服務 ⭐️⭐️⭐️⭐️待應帶我哋入座會邊行邊介紹邊喥係自助飲料同沙律吧。叫嘢食落單好方便，都係scan QR code睇電子餐單。落完單大約幾分鐘就到，上菜速度都幾快。燒到咁上下會有待應主動幫手換燒網。飲品 ⭐️⭐️⭐️⭐️自助飲品區有多款罐裝汽水及茶任均選擇。雪櫃好夠凍，最怕係餐廳有雪櫃但嘢飲唔凍。另外嘅飲品數量都好充足，不時有人補充。如果想飲酒嘅都可以叫待應額外落單，但今晚就因為揸車所以無叫。食物 ⭐️⭐️⭐️⭐️所有食材都好新鮮，醬料有三款：日式燒肉汁，鹽醬同埋辣醬。大部份嘅生肉都預先醃咗，燒完唔沾汁都夠味。一起爐即刻送上嘅有招牌煙薰壼漬封門柳同埋牛肉九宮格。九宮格嘅賣相好靚，打卡一流！而燒起上嚟每款

呢幾個月一路都好想食燒肉， 終於食到啦！ 果然無失望！ 由於太耐無食燒肉， 所以決定豪一豪佢！就揀咗個 Level 4 －126品 極上和牛海鮮放題餐 。一來坐低就有個來咗頭盤， 嘩嘩嘩 睇下d 和牛！ 睇下d 油花！mm7每件都係 bite size ， 厚薄均勻， 非常容易燒。 重要入口即溶！尤其是個 極上牛小排 同大切SRF極黑和牛三叉肉薄切燒， 真係翻卓 推介！ 仲有個煙燻壺漬封門柳，加埋D乾冰效果 有白煙飄出 ，賣相真係頂瓜瓜 ，打卡一流。 佢係厚切所以以為要燒耐少少， 點知真係失手 燒耐咗。。。 但係 真係有驚喜！ 燒到全熟 到依然唔會柴皮喎， 入口軟腍， 重牛味 又唔騷，調味啱啱好 唔洗再點燒肉醬。  同台有朋友係唔食牛， 所以一開始都有少少驚唔知佢會唔會無嘢食。 但係， d 豚肉同和牛一樣超高水準！一來係燒嘅我技術高超， 同埋一口熊本縣豚角燒唔洗好似平時豬腩肉咁自己用鉸剪剪開， 方便好多！同埋唔會好似d 劣質急凍肉會有肉嘅蛋白質流出來。其他小食都唔錯， 炸物feel 到係即叫即炸， 上台都係熱辣辣。雞軟骨皮薄又有啲肉， 唔會好似出面其他鋪頭咁得層皮入面咩都冇。最後仲叫咗

尋晚朋友生日🎂 一行4人去左荃灣大鴻輝 1樓 叫佐賀燒肉谷既燒肉到慶祝 一泥就食左個封門柳先 肉汁豐富 牛味又重 推介推介 另外一款大切極黑和牛三叉肉薄燒 真係好味到不得了 肥而不膩 入口好香牛油味 仲有一樣不得不提就係紫菜飯 以後唔使特登去牛x到食啦 呢到都好好味 我食左兩碗😋而飲品呢 都非常多選擇 其他朋友飲啤酒 服務員好好 一見到我地酒杯清左就主動過泥幫我地Refill 唔使舉手 舉到攰都冇人認機 整體環境 食物 服務都好好 我比80分呀😁

寻晚约埋老友去食烧肉,心谂间间都差唔多, 噉就去返几个月前去过一次嘅荃湾佐賀谷。感觉同上次好唔同, 啲伙计招呼好周到,如果你係生手仲帮你烧埋, 饮品种类丰富👍, 我啲朋友饮酒嘅, 当然少不了冰冻生啤.D食材比上次更加好, 锺意食牛嘅朋友,推介封门柳,肉質鬆化, 好夠牛味, 不可不提佢嘅3义肉薄烧, 唔使点汁, 烧一边半熟就已经足够, 非常juicy够味道.大家都知道大鸿輝一向排lift有排等, 不过呢家左賀系扶手电梯一上就係,加分!

星期二放工，約朋友係荃灣食晚飯去到大鴻輝揾野食，行經佐賀燒肉谷環境同menu好似幾吸引因為對我黎講食飯傾偈環境同食物都好重要7點半入座，侍應俾左卡位我地，都幾闊落解釋完個menu, 揀左Level 4極上和牛海鮮放題頭盤一到就少不免相機食先，有主打煙燻壺漬封門柳，侍應哥哥幫我地燒，入味多汁，所以之後我地都encore左兩次九宮格嘅肉我地逐樣燒逐樣試，最鍾意就係安格斯牛小排同牛頸脊，肉質軟腍腍~有時去其他燒肉店好驚d牛肉質鞋口，但哩九款都屬於中上，最最最鍾意，就係我至愛嘅牛舌，爽口之餘仲勁有牛香，一d都唔韌，encore左超多次其次海鮮我地叫左蝦、蠔、蜆，特別推介個蝦，大大隻蝦啖啖肉好正~最好笑係我地叫左好多野食，當侍應放低個舊白色野，硬硬地，仲諗緊我地有叫咩？原來係年糕，燒起上黎外脆內軟，口感好得意，好似唔係好多地方有得食整體上黎講我覺得幾好，野食同環境都幾滿意，值得一讚係d侍應，好有禮貌，見親我地清一碟就會幫我地執乾淨，唔錯！

最近最鍾意既燒肉放題店呢間烤肉放題係我最近發現既，都幾鍾意食，推薦大家試下。放題我比較鍾意中午時段食，有多啲時間消化又平啲，今次第二次食嫁啦，唔記得影多啲相，上次就簡C既今次佢有平日優惠就簡左D。我地今次係咁叫壺漬封門柳，叫左八次，因為啖啖肉，口感又鬆軟，有牛味，真係好鍾意食，其他烤肉都好靚好好食，今次雖然有海鮮🦞但就主攻肉類。佢雪糕機大家可以試下拉唔拉到六圈半。

➖ SRF極黑和牛小排· 澳洲和牛原塊板腱·牛肋骨肉·牛舌· 極上牛小排·嚴選牛頸脊·牛肩胛肉·煙燻壺漬牛肋條·虎蝦·青口·墨魚仔·帶子(牛油)主打食牛既餐佢都交到功課，每款牛都唔錯或正常發揮，突出啲既我鍾意個牛小排同牛壺漬牛肋條姐係黑色果壺，牛小排薄薄一塊燒兩燒5成熟最好食，長長既牛肋條用醬油漬過入哂味， 食落啖啖肉仲好夠淋。其他海鮮類就麻麻地尤其隻虎蝦係梅既➖ 羊架·雞腿肉·鹽味雞腎·霜降豬頸肉·汁燒豚大腸·白豚梅花肉除左主打既牛我覺得呢到其他肉類都唔差，羊架同雞腿肉好嫩同埋佢醃得好味，雞腎爽脆不過就較薄片，豬肉類除左豬腸突出啲其他都正常，豬腸燒到脆脆地幾正而且幾肥美同埋唔韌➖ 半殼扇貝·清酒煮蜆·帆立貝(牛油)·牛油燒廣島蠔正如上面所講呢到啲海鮮類麻麻地，不過用牛油整既都可以食下落返小小鹽去燒就掂，但就唔好預有鮮甜味果啲🪧 呢度有五個餐揀我地要左個咩都包哂既，係得呢個餐包埋啤酒同sake不過就得Asahi同男山。任食燒肉都預左佢唔係樣樣野都好食不過我覺得有野好食同大部份正常都夠

昨晚一班朋友去試下呢間燒肉放題呀，食物質素好，啤酒清酒任飲，而且雪糕都好食，最驚喜係服務質素，表揚Vincy服務員，令我哋好開心咁樣大食一餐，thank you 晒😋😋

第一輪上果d肉叫ok，同出面食200幾一位果d差唔多，跟住上果d肉俾埋d邊頭邊未，衰過198任食果d，飲品種類少，甜品又得泡芙，熟食仲衰，得d炒飯同牛肉蘿蔔春捲，d春捲仲要淋曬。

無食過一間咁難食既燒肉！係真心好難食 每一款牛都好似擦子膠...比400幾蚊位食擦子膠！全部都係冇味，咁難先做到冇味真心唔知點先做到出黎個蜆肉同帶子先精彩，兩款野食都係用錫紙兜裝住一pang水同食物係裡面，燒完之後唔知點解好神奇地都係冇味然後當雞翼放係枱既時候，我明白到點解食過既野都係冇味，我order胡椒雞翼，佢放落枱果陣我呆左兩秒，因為隻雞翼係無醃過，好似係餐廳叫碟頭飯咁求其pet小小汁落隻雞翼面度啲侍應行過5次都唔拎走啲吉碟，係忍唔住開口問聲佢先黑臉拎野，咁樣既質素仲可以收人頭4百幾蚊？

第一次惠顧此店，慶祝三日假期圓滿結束，我最近食燒肉或者放題都係揀有分店同集團的，諗住質素應該有保證，點知相反。。。7:00時落單app上已經有部份菜式寫住售罄，而且肉類要一片一片在app order，每次送單最多10片，極其麻煩。牛肉落單半個鐘後都未到，三番四次追侍應才回應出緊，此情況不只我們這一枱，也聽到隔籬枱客人也在追上菜。小菜鍋物更加一個鐘後才來到，例如蜆肉味噌湯、豆腐鍋，味道真係好差，只係有味嘅水溝埋一齊。雪濃鍋的湯亦見不到圖片的奶白色，全部魔物好似煮完菜剩低嘅水咁。味噌湯來到已經見到味噌同水係分開咗兩層，蜆肉得一隻，當然個湯係冇蜆味。雖然菜單上仲有其他鍋物，但我已經冇信心食。自助吧的甜品亦只有幾款，完全唔吸引，以後唔會再食呢間。我因為鍾意食海鮮，所以揀咗有海鮮的套餐，全部價錢$318起，但青口燒完縮水到完全冇味，墨魚仔燒完之後係硬的，只有幾款選擇。價錢方面，$318-$4xx起覺得小貴，也不像日式放題一樣$2xx就包清酒，對此店已經完全失望，希望其他食客小心選擇。

等多過食我地兩個人食食C餐7：30入場9：10要走基本要送嘅牛肉消失左第一張單35 分落要8：10 到第二張單要出聲先到跟住都要咁做先有得食8：38 就係我地last call頭尾浪費45 分鐘last就最快個班人好似唔想做咁係問口姐姐服務最好盡快想人入場開飯食物質素只可以講想收銅鑼灣嘅價錢但只想比荃灣學校（ 自己估）嘅質素真係一次夠銅鑼灣時代b1 好好多

今晚想食燒肉，由於等唔到牛角，所以揀左大鴻輝其中一間燒肉放題，係食日式燒肉，網燒正過韓式鐵板。有5款放題套餐選擇，價錢 $268-458。我地揀左中價 $368 的極上牛小排海鮮放題，100分鐘任飲任食。賣相精緻美觀，肉質都靚仔，之後再點會用大碟上，份量會感覺多d，所以都好滿足，唔怕上唔切d肉。牛翼板超嫩腍，脂肪較少，肉質細嫩。牛小排脂肪分佈平均，牛味濃郁有牛脂香。牛肩肉，牛味濃郁又有咬口；牛舌爽彈；白豚梅花肉帶少少肥肉，嫩彈微爽，配辣醬夾生菜食好正。煙燻壺漬牛肋條，醃得入味，又香口惹味，仲好軟腍多肉汁，必食推介。香草蝦好爽好重香草味；牛油帶子柔軟嫩滑；帆立貝彈牙又香；清酒煮蜆無沙乾淨且帶酒香，海鮮都調味好，微咸重牛油香，超正。牛油金菇同蘆筍都好正，爽脆口感又多汁，咬落無渣夠細嫩。甜品款唔多，但有原味同朱古力味乳酪雪糕，like ig/fb仲有明治雪糕。飲品款反而幾多，但都係大路野，汽水、茶、果汁......唔算特別，都夠凍好解熱。