佳佳甜品 (已搬遷) 新店位置

食完譚仔已經好飽,但天氣凍咗真係想食番碗糖水潤下,呢個時候中式糖水絕對是首選,見佳佳是主打中式糖水,而且每張枱坐無虛席,老板娘做到密密冇停手,相信也有一定水準,而且價錢實惠由$12-$14,於是我便買了外賣芝麻糊($12)+湯圓($4 / 3粒) 返屋企慢慢嘆,番到屋企芝麻糊已經不太熱,但食得出很滑和不太甜,味道剛好,只是略為不夠香,至於芝麻湯圓有濃郁芝麻味,湯圓的size不算大,正好一啖一粒,呢度絕對有下次來試埋其他糖水,不過下次絕對要堂食,另外不得不提老板很有笑容,給人一種很warm的感覺

有時食吓舊式嘢都幾好.麻蓉湯丸---一啖一粒唔會過甜,係唔錯!木瓜燉雪耳---就争Ｄ!因為兩樣都仲有Ｄ硬!腐竹白菓---有好多粒白菓!腐竹亦都未煲到溶晒仲有Ｄ嘢咬吓,好足料!

很舊的糖水店, 但質數不差, 叫了碗杏仁合桃糊, $14不算貴, 上枱時熱辣辣, 幾杰下, 夠香濃, 而且食落有些渣, 應是自家磨的, 真是好好味.

再完成多一個目標，之後來了這裡食碗綠豆沙清涼一下：　百合綠豆沙($12)-棄用海帶改用百合，加上綠豆均經去皮處理，剩下黃色豆芯，吃來特別多沙，感覺有點似紅豆沙，頗特別。　其實好飽又好滯，不過都加了湯圓($4-3粒)-軟軟的湯圓皮欠了韌度，不夠彈牙，但勝在芝麻奇香。相信此店芝麻糊一定不俗，後來果然見到很多人柯打呢，有機會真該試試。　雖然食物算不上驚艷出色，但這間沒有裝修、較為殘舊的糖水店，給我熟悉的親切感，很喜歡，有機會可以重來~

收工回家會行開經過, 心血來潮會買走2碗糖水回家.款式不多, 都係比較欣賞佢既糊類...好香但又不太甜, 雜誌介紹過話人手磨的...最不欣賞係湯圓-超市急凍貨色.是日買左芝麻糊&紅豆沙. 其實食糖水都係堂食比較滋味. 拎到回家會冇咁熱.

好耐無同大家分享食既心得,昨天吃了一碗水準不錯的糖水,想寫幾隻字間甜品店喺佐敦,原來都有唔少人品評過,小弟吃了一碗蕃薯糖水,蕃薯未至於糖心,不過都幾甜同幾淋,口感不俗!糖水下了很重份量的薑,通常要這樣才覺得是在吃蕃薯糖水,火喉十足,因為糖水比較混濁,不是普通溝埋就算的貨色!做街坊生意,小店一間,水準不錯,靠得住!

7/6(六) 9pm吃飽飽才不過八時多,踱步到佐敦.順應要求,嚐甜.到了默默耕耘的糖水店--佳佳甜品.屹立於佐敦經年,當然有其過人之處.我倆吃了碗腐竹糖水$12及加$4有三粒的寧波湯丸.腐竹糖水色如豆漿,入口不至順滑得很;勝在頗香!白果薏米口感略欠;而芝麻餡的寧波湯丸皮薄餡靚,外皮煙韌,芝麻餡甜度恰好,質地粗中帶香滑,不錯不錯!值得一讚是其生薑糖水味道不搶,方其彰顯兩者之特性.此外,老闆娘整晚板著臉,而老闆倒友善的!樸實不華的一家老甜店!

聞名不如見面，假日下午在佐敦行完書室，很想吃糖水，尤其是芝麻糊，於是尋找這間朋友介紹的糖水店。坐下我叫了一碗熱芝麻糊，朋友叫了一碗熱綠豆沙。先講綠豆沙，綠豆味香，但略嫌太水，欠缺臭草，加上內裡有西米，始終不太像綠豆沙。至於碗熱芝麻糊簡直一流，端出來在枱上已經聞到好香的芝麻糊味，色澤黑中帶少許芝麻油所反射的灰色光澤，很夠油潤，足以證明這是生磨的芝麻糊，並非像坊間的用粉開。入口芝麻味香濃，而且稠度適中，很幼滑。吃完後那芝麻的香味仍然停留在口中，我搭了兩個站的地鐵，口中的芝麻味才開始變淡。連我朋友不愛吃芝麻糊的都後悔叫了綠豆沙而沒有叫芝麻糊呢！下次要試杏仁糊及合桃糊！

2007年12月24日行過見到咪入去試下, 叫左芝麻糊同合桃糊, 味道稀.一定無下次.

看戲完畢，沿路行落佐敦搭車返家。未搭巴士前，想起佳佳甜品，是夜寒風陣陣，吃碗熱辣辣的糖水便最?。跟男友各要了杏仁糊和芝麻糊。杏仁糊偏稀，杏仁芳香撲鼻，還吃到濾不清的「杏仁沙」，不錯；芝麻糊夠稠幼滑，芝麻味香濃，只是甜度偏淡，在一片加價風氣下依然賣$12，真係難得。

食完拉麵, 竟然見到呢間朋友J 介紹了糖水鋪, 走0黎叫了個蕃薯糖水($12) 試試.蕃薯好粉, 好香甜,「湯底」甜度適中, 薑味極濃, 愈食喉嚨愈燒得勁, 冬天食好0岩, 相信食完大閘蟹之後食仲0岩. $12 一碗, 好抵!呢度唯一唔好就係要mou 街食, 可惜唔係住0係附近, 唔係我一定唔會堂食, 會買外賣. 不過點都好, 多謝J 的好介紹! 有機會會返0黎試試芝麻湯丸!

吃完蘋果走過對面永安百貨買東西,怎知遇上週年大特惠,選了貨品也要排長龍付款,還是放棄吧!打木人巷般走出大門後,看到佳佳的招牌,"我要吃紅豆沙"的念頭使我走了過去,管他要坐街邊沒空調。探頭向廚房內阿姐點了紅豆沙加湯丸,等吃期間望望其他食客的芝麻糊好像頗杰身,腐竹意米也濃得像豆漿,似乎不錯。等了好一會兒,我的紅豆沙湯丸來了!紅豆沙煲到起沙,紅豆也相當淋,有果皮香又不太甜,食完整碗也不會甜到發膩!碗中也發現粒粒西米,相信是令紅豆沙更加糯口而下的,西米也煮得透明沒有小白點,口感柔軟,要是可以多加一點給我就好了。三粒體積不大的芝麻餡寧波湯圓,浮沉在紅彤彤的紅豆沙中,顏色成了強烈對比。外皮軟糯,黑芝麻餡味道香濃,甜度比紅豆沙高,配味道不太甜的紅豆沙很好吃,也證明了湯圓還是要配熱糖水才好吃的道理。化了閃閃眼影妝的阿姐禮貌很好,每次跟她對話時,她也是微笑著;因為湯丸要煮,她也特意從廚房走出來跟我說:不好意思,你要等一下哦!送上湯圓時也會說:不好意思!要你等啦!有下次!

食完粟米班塊, 本來係去另一店食甜品, 點知星期日休息, 唯有轉移陣地來這裡. 大熱天時, 行幾步已經汗流浹背. 本來打算好好的涼著冷氣去食冰凍甜品, 結果變成街邊食熱辣辣糖水.記得之前來的態度好好, 但係是次好像麻麻, 要求開風扇都有點怨言. 其實那時沒有其他客人, 開開風扇唔會太麻煩吧?坐定就要了四碗糖水分吃.蓮子紅豆沙$12: 8分, 煲到起沙, 不太甜, 夠火候, 傳統, 但係做得幾出色.百合綠豆沙$12: 8分, 沒有臭草, 只有百合, 感覺上都係玉葉的勝一籌. 當然, 這裡的綠豆沙都已經相當不錯, 又係火候剛好.白果意米腐竹糖水$12: 9分, 最好的一樣, 腐竹煲到差不多溶化在糖水內, 奶白色的, 熱天飲又幾好下火的.香滑芝麻糊$12: 6分, 最差的一樣, 芝麻糊幾稀, 亦都唔夠香滑.或者都係秋涼再來先係上算.

最後一站，來了這裡吃甜品。天氣涼涼的，坐在路邊的四人摺檯，感覺不錯。在餐牌中押寶，要了杏仁露及核桃露，應萬無一失。這裡的糊全是自家用機磨，吃落濃滑有質感。本喜歡杏仁糊多於核桃糊，但是晚卻陰錯陽差，調轉了來吃。合桃糊頗香，沒有焦味，不錯。埋單32蚊，結束了這趟尖咀遊食之旅。

慕名而來，失望而回也。招呼差，預。但估唔到糖水都差！叫芝麻糊同蕃薯糖水。芝麻糊質地其實算唔錯，夠滑唔鞋口。可惜有味，不可接受啦。蕃薯糖水一般水準，勝在夠薑味，ok 啦！糖水舖，仲有好多選擇。p.s. 阿姐計數好有問題，小心找錯錢！