佳佳甜品 (已搬遷) 新店位置

昨天和媽媽路經此地,就來這裡品嚐這兒的甜品,之前吃過合桃糊,今回就試了以下兩款。芝麻糊$12: 夠滑又不太甜杏仁糊$14 清香幼滑的杏仁味,不會有那怪怪的"膠"味

見咁多好評於是走尼試下,有好多想食但耐何自己個胃唔妥協,只好點平時小食既腐竹白果薏米糖水(熱),喝一啖已感覺唔錯,有腐竹既豆香味,白果份量也不少,雖然沒數過幾粒,但相信也有7至8粒(其他店通常3幾粒),薏米份量稍嫌過多,有成3份1碗或再多些,結果我食剩好多薏米,下次要叫少薏米至得.

食完麵就行去食糖水, 哈哈叫o左芝麻糊, 綠豆莎同付竹薏米白果~真係三樣都好好味呀~今日氣溫比較高, 但都影響唔到糖水的好味程度呢~一定會再食~ =P

3月中仍然咁凍, 得十幾度, 要食碗糖水暖身先, 我當然叫了我喜歡的熱腐竹白果薏米($12), 熱辣辣的, 好暖胃, 好足料, 有幾多白果同薏米, 不過可能今次早去到(大概8:30pm), 所以腐竹都未煲到好爛, 而且有些白果仲有d有苦味!!??老板娘依然全程黑口黑面, 全無服務可言, 最搞笑係全店得兩張檯有客人(我們係其中一檯), 但佢唔記得另外檯已付了錢, 人地食完起身走時又問人俾左錢未?? 幾瘀呀!!真無記性, 我都見到佢俾左錢啦, 老板娘....不計服務, 總括來說, 這裡的糖水係唔錯@_@P.S. 我女友竟然係天寒地凍食凍紅豆沙($12)!

天氣轉涼, 又係坐街邊小店食糖水既時候,食完彌敦粥麵, 返屋企前就去佳佳食熱的糖水暖暖胃..我食左碗熱腐竹白果薏米, 腐竹煮到溶晒, 好香的腐竹味,好正…我女友食紅豆, 紅豆起沙又有些少蓮子和西米,不錯呀!! 以前食過糊類和綠豆沙都不俗呀,每碗都係$12-15, 外賣加$1呀P.S.如果老板和老板娘nice些少會更好

我食o左蓮子紅豆沙, ok, 但又唔係話好到會專登再o黎食, d 蓮子好鬆化!! 而且紅豆都好好味, 好淋, 紅豆沙原來仲有好好好少西米( 可能係之前'不' 過西米露o掛~) 不過$12 坐街邊又好似唔係o甘值.....p.s.阿姐好好人~

2月27日每次與一班食友吃罷晚飯後,再下一城去吃甜湯是指定動作,選這裡來吃,相信是因為我們太多人了,坐在街上吃較方便吧!十多人叫食,阿姐又無用紙筆落單,好不容易才叫齊需要既甜湯,我要了蕃薯溝綠豆,蕃薯就一般啦,綠豆沙就比較好,煲到真係好起沙,唔太甜,都唔錯,如果再熱番少少就更加正喇!見到有食友叫燉木瓜和燉雪耳,好像幾對辦咁,下次試下呢款先.

今晚去呢度食芝麻糊$12,個人認為只是一般貨色,沒什麼特別,石磨坊好佢好多!

上次食過我嘅 favourite 芝麻糊後, 一直好想試下杏仁糊(我亦好鍾意食杏仁) .今晚放工, 忍唔住走去食. 杏仁糊好白, 食落好有杏仁香,唔太甜, 不過唔夠滑. 下次我會叫合核糊, 上次試了一口, 覺得幾"正"

星期日吃完新羅寶韓國菜之後,便到這裡吃糖水.我叫了芝麻糊,而辣椒女就叫了杏仁露. 芝麻糊是夠滑而不夠香,杏仁露是夠香而又不夠滑，但兩者夾埋就幾好。芝麻糊很多地方也有,但已吃不到小時候的那種感覺了,真可惜.在油麻地那裡,相信是一個不錯的選擇.下次要試試KC 吃過的春蛋燉雪耳,看落都幾好.

星期日經過又食又踏單車之後尾站完成新羅寶韓國菜大隊便黎到佳佳埋尾.排開長方形的枱大家圍起來.裝修有點像大良八記有點舊舊的.之前食左好多野唔係幾想再食的糊搞到個肚更加漲而且同的朋友講過唔知邊間木瓜雪耳好食更加唔想的甜品太甜返屋企又飲水.於是叫了木瓜雪耳.用了一盅上枱糖水呷了一口,有薑味...應該所有熱的糖水除左糊之外都用呢隻,我都幾鍾意個甜味淡淡的, 返屋企唔駛再飲水.木瓜仲有得食冇煲爛...食落有木瓜味唔錯.雪耳唔會好黃的次貨...食落幾滑.料就俾足...唔會好少料多糖水.返到屋企都唔駛飲少少水便ZZZzzzz埋單$14...平得黎好食.下次會試下的糊.阿姐好好人...換哂的散紙不佑幾歡迎.

I have been a customer of this dessert place since I was a kid. The desserts here are really great compare to most of the popular, and so called "excellent", dessert stores in HK. Moreover, the price is very affordable and the service is warm. A kind of rare-to-find dessert it serves is taro root sago soup. I used to order this every time I came when I was little. Now, I like the bean soups better, as the store uses quite a generous amount of beans to make them and the soups are cooked to the c

同食友踩完單車，在新羅寶吃完韓國菜，雖然是十分飽，但照例是又會拉隊去吃甜品。傾下傾下，大家竟然對這間小舖有興趣，所以就罕有的連續兩天幫襯同一間舖頭。一行十幾人，少少的舖面當然是容納不來，阿姐立即加開五張檯，一字排開坐在路邊就搞掂。昨日吃了杏仁露加芝麻糊，今日因為飽，不能再吃糊類，就要了春蛋燉雪耳。因為剛賣清，要再整，所以差不多是最後一個有得食。不知是否剛剛煲起，碗燉雪耳是非常的熱，連我慣吃熱東西都吃不消，唯有慢慢的吃。雪耳幾多，亦煲得腍又軟滑，糖水亦清甜亦夠火侯，加埋兩隻鵪鶉蛋，都不錯；席間有訪問食友對杏仁露及芝麻糊的意見，麵包超人的回應是杏仁露香而不滑，芝麻糊是夠滑而不香，兩者夾埋會好一點。之後買了一碗杏仁露溝芝麻糊給太座，吃了一點，果然是沒有昨日那麼香。埋單兩碗都是14蚊，外賣要加一蚊，都算抵食。真的是飽到寫完食評仲飽緊！

今日下晝在新興棧食完好足料的及第粥後，行過這裡，見仲可以再吃一點，加上天氣陰陰涼，食電熱糖水真係唔錯，就來幫襯了。五點幾，人都不少。呢度只係一間小小的轉角舖，得四張檯，仲要一張在街邊，兩張在後巷，環境一般。未坐下走去舖面看看，餐牌上的都是傳統的幾味糖水糊類。見阿姐幾好人事，就問下有咩介紹，佢話杏仁露新鮮熱辣，芝麻糊又受歡迎，所以就整碗黑白試下。不過就唔係芝麻糊同豆腐花，而係杏仁露同芝麻糊。用羹攪一下，糊杰身，自家即磨，夠滑度，黑白兩色亦甚美。味道濃滑，杏仁露在上，夠香味又不太甜，芝麻糊亦香，兩種糊配合得不錯，阿姐無介紹錯。一向飲慣熱湯，故三兩下手勢已食完碗糖水，阿姐仲問係唔係唔夠熱，我笑說好吃才吃得快者。埋單14蚊，物有所值，值得一試。

蓮子紅豆沙加百合綠豆沙$12，非常足料，高水準，不太甜，品質與銅鑼灣的一品齋很相若，但此店就比較光猛和整齊。