佳佳甜品

營業中

休息中

近排天氣有點冷，食咗兩次外賣佳佳傳統中式糖水。第一次：薑汁番薯加湯丸，心急食唔記得影相，薑湯就真係好夠薑好正，食咗成身暖晒，湯圓就麻麻地，細細粒，皮又厚。第二次：我自己食腐竹薏米糖水，家人食合桃露加芝麻湯圓。薏米腐竹糖水好杰身，係將啲腐竹煲到溶晒果隻，薏米唔算多，唔會過甜，是我喜歡的味道。家人同我意見不一樣，佢覺得湯圓好吃，我試了幾啖合桃露，幾香但有點太甜，都係薑汁番薯最驚喜。外賣用紙杯值得一讚，唔使製造咁多塑膠垃圾。

佳佳甜品涼涼地天氣 最岩食暖笠笠糖水呢間好出名既中式糖水舖 實至名歸既米芝蓮💕合桃露(熱) $28花生糯米麥米粥(熱) $25講味道同懷舊感真係排隊等都係值得🥰合桃露 滿滿既合桃味 甜度適中 超滑順好暖胃❤️‍🔥 性價比真係超高!!!!!!! 花生糯米麥米粥第一次食呢款中式糖水好有咬口 幾飽肚 有少少似八寶粥既感覺講起都好想再去食🥺

難得一家人補吃生日午飯，之後來到佳佳吃甜品。當現在日式、西式、台式甜品店開到成行成市，傳統的中式糖水反而來得珍貴💎💎💎我們各人點了自己喜歡的甜品：合桃露加杏仁茶 x 2合桃露加芝麻糊/湯圓分上木瓜燉雪耳冰花燉雞蛋簡單來說，就是好味到停不了，大家靜靜的就很快吃完了。佳佳糖水的甜味是舒服可口的甜，不是死甜，吃了暖暖的糖水感覺很滋潤，最適合在冬天乾燥的天氣來吃。🥰🥰🥰小小備注：芝麻湯圓的芝麻餡有點苦澀，和期望有點不一樣🙃

専誠遠道而來，失望而回😢一直認為最好食嘅白果腐竹糖水，今日專誠而來，竟然加水溝淡😨 一再細嚐，我仍然希望係錯覺，但相比以往真係淡左太多，然後聽到此款糖水已經賣完，相信係今日太好賣，所以店方希望賣多幾碗，希望此情況不會繼續😓坐未夠半小時，已將近12點，希望回下氣抖抖，有位戴眼鏡小姐非常冇禮貌話要收工，5分鐘內第2次趕我地走，其實門面講明收12點，客人只要唔超出收工時間便可。本來我可以走嘅，但此人太冇禮貌（落單期間禮貌已經好差，已經唔想講太長篇幅），我向她説明以上觀點，12點前會走，誰知道回應不可以，要提早清潔，我已無意與她理論，當我準備離去，她竟然怒目相向，還向前台收銀處相信是負責人投訴！好吃的糖水老舖雖不多，如果仍維持如此服務，又不能保持食品質素，相信很快會被淘汰！

今晚同閨蜜食完晚飯後，蠢蠢欲動想食甜品，於是搜尋附近的糖水舖，發現這間食評不錯，當然要試下啦去到糖水舖門口見到人山人海，一邊是排隊堂食，另一邊是等外賣，有一刻想放棄不排隊的。但望到舖內有2樓，而且香港人出名食得快，所以決心排隊等下，好彩不負眾望，等了十分鐘後便有位了。我們更安排坐2樓呢糖水選擇不算少，以中式為主，我們點了：紅豆沙拼芋茸西米$25 - 紅豆起沙，蓮子煲得好淋，整體不會太甜，口感香滑，好味蕃薯糖水$25 + 3粒湯圓$7 - 薑味好香濃，蕃薯煲得香淋，味道不太甜。湯圓皮好滑，芝麻餡好香，好好食芝麻糊拼核桃露$28 - 芝麻同核桃味道好香濃，不會誰搶誰的風頭，味道好夾，口感好滑不似開粉沖!

佐敦巷仔一間小小糖水舖，當年登上#米芝蓮必比登推介 後一夜成名，被加租以致兩次同區搬鋪。已翻食近10年，味道一直不變，絕對是best in town。腐竹白果薏米糖水(9.5/10)真正得腐竹糖水，是把腐竹煮到全溶，成為香濃柔滑的糖水本身，絕不是腐竹還腐竹，糖水還糖水那種。白果和薏米都很好。除了佐敦糖水雄尚且可比，其他應該無對手，全港第一。———————————————————————————⭕️ig@fastfoxfoodie總評：Overall: 9.5/10腐竹白果薏米糖水，以及各種糊類，都是best in town，已多年翻食 ✅ 💵Budget: $30 pp 📍 佳佳甜品佐敦寧波街29號地舖

天氣一凍就想食糖水，一諗就諗起佳佳喇，所以放咗工幾攰都要搭車出嚟食番碗糖水先😋我就最鐘意食芋茸、芋泥咁，當然要食番碗芋茸蓮子西米露啦，外面好少有芋茸嘅糖水，通常都係一粒粒嘅芋頭西米露。尼碗糖水甜度剛剛好，但如果芋頭味再濃啲就更加perfect喇😌而朋友就點咗碗芝蔴糊，佢話碗芝蔴糊好香同好有芝蔴味，好好味最後再外賣咗碗芝蔴糊同番薯糖水，番薯糖水好夠薑味，加埋落碗芝蔴糊度變兩溝原來仲正呀😍可惜掛住食冇影相😝

第一次幫襯，開頭都驚有d伏，雖然唔係咩貴嘢，但因為個肚唔滿足先想食糖水，如果難食，都真係會失望叫左兩款糖水，一款椰香紫米露$33，一款芋蓉西米露$25，每款各＋$7有三粒芝麻湯丸！價錢黎講合理，出面大致都係咁上下價！味道方面大家都滿意，紫米露好足料好香紫米又不失椰味，夠「潔」身，唔會水稀稀，整體甜度偏向少甜，幾好芋蓉西米都好味，無紫米咁「潔」屬正常，好大杯，$24好抵食芋頭味好香，都好味！湯圓薑味好濃三樣我地都覺得好滿意

中式糖水宜家真係買少見少， 就算幾飽都好，我只要行過經過一定會買返碗黎食。芋蓉蓮子西米露係我每次都必食既～凍熱都一樣咁好味！芋蓉香滑，但略嫌西米少左dd.初嘗粒粒紅豆涼粉，好似怪怪地咁，以為會唔習慣，點知佢又幾好食ga wo。紅豆依然保持到一粒粒嘅形狀而又唔會完全爛曬，好味～至於冰花燉蛋，就真係有點失望啦，超普通，味道又比一般，同埋唔多夠滑～另外一提，佢地既湯丸真係好好好好好味呀！但皮好煙韌，芝麻好香口！一定要加呀～唯一美中不足既係，外賣既份量好似比堂食少。堂食會更開心呢～

疫情底下，好多食肆都收十點，糖水舖都不能幸免。久而久之，大家都習慣左早啲食完晚飯就番屋企。今晚屎忽痕，想食糖水，一於善待自己，食間好正嘅中式糖水舖！（最緊要係佢收夜晚12點！）🔹凍百合綠豆沙：雖然係十月尾，但香港仍然係有啲熱，所以整番碗凍綠豆就爽啦！「清甜」呢兩隻字係呢碗綠豆沙到搵到，佢唔會係果種一般用糖逼隻甜味出黎嘅甜品，而係食到綠豆同百合嘅清甜味，加上有少少西米粒伴隨，有啲軟綿綿口感富豐下👍🏾 🔹熱芝麻糊拼杏仁露加芝麻湯圓：作為一隻貪心的小狗，叫糖水就少不免要雙併！一黑一白，芝麻糊溝杏仁露，既有芝麻濃香味，亦有杏仁嘅獨特香味，加埋芝麻湯圓有啲野𡁻下，滿足感大大提升！㊙️湯圓皮煙煙韌韌，好食！（好多人外賣拎走）

上網搵緊佐敦有咩美食推介嗰陣時就發現好多人都發呢間佳佳甜品舖歷史悠久又好味咁就梗係要買返去試吓🤣🤣.揀咗碗楊枝甘露其實分量比我想像中細碗🥶唔係太食得飽都係過下口癮.味道就一般般可能係未食之前期望太高覺得食入口同普通嘅楊枝甘露差唔多🥶不過可能係舖頭食個風味又會唔一樣

百吃不厭，佳佳好味道食咗咁多年，佢都依然冇變，唯一變嘅，就真係越來越多人食啦都明白，因為佳佳咁多年都保持到食物水準嫁！我最鍾意就係食佢個合桃露完全食得出佢唔係用粉去撈，而係生磨合桃露。我今次試咗兩球，因為想食埋芝麻糊兩種Mix埋，啱啱好，不過我就覺得佢唔夠熱另外朋友仲叫咗個涼粉紅豆，涼粉我又咬口，紅豆份量都好多，總之就好好食啦！凍食呢個就perfect~不過你都唔洗諗可以坐得耐，因為好多人係出面，一食完你就要走喇！

去佐敦食完飯，想食碗糖水暖下胃！一定係揀佳佳甜品呢度分地下同一樓，樓下門面光鮮佈置中式，樓上閣樓大啲靜啲但冇裝修，如果6-8位通常坐樓上！我哋叫咗芝麻糊加湯圓同蕃薯糖水加湯圓蕃薯糖水夠曬薑芝麻糊夠香濃滑漏食完大滿足

今天難得同朋友到佐敦食晚飯，當然要順道去"佳佳"食埋糖水喇！🥣🥣🥣💖呢間都不用多介紹，扺食！好食！總之 "發哥都話正喇！" 👍👍😎今時今日都仲有咁抵食，咁足料，咁好食嘅中式傳統糖水，真係抵佢日日滿座！👍👍👍🥳🥳🥳💖 🥣 紅豆糯米麥米粥 $24 + 3粒湯丸 $7✨ 紅豆半起沙，麥米有咬口，湯丸又軟又滑，非常滿足！👍😋💖 🥣 濃薑蕃薯糖水 $24 + 3粒湯丸 $7✨ 超濃薑糖水，驅寒一流，蕃薯煲得入味夠淋，超正！🔥😍💖 🥣 白果薏米腐竹 $24✨ 白果、薏米足料，煲得又香又淋，腐竹煲爛，非常香口！👍🥰

Kaikai featured as Michelin Dessert Shop, and i would say it’s honestly worth the title haa, it’s so so popular esp in late supper time, luckily no need wait for long for take away haaAlmond Soup is good, but walnut soup just way one level above almond soup i would say lolll, the texture is good tooWalnut Soup is lovely and smooth with strong walnut flavor, i simply love ittt haa, the taste like another good dessert shop Hoi Kee Walnut Shop, though here you don’t get walnut diced as in Hoi Kee,