佳佳甜品

營業中

休息中

約左老友happy Friday gathering, 係佐敦食完晚飯再落下場食糖水。佳佳係米之蓮之選，試完真心覺得係實至名歸。第一輪，每人叫一款，落單再送到好快，我試芝麻糊拼杏仁露，甜度適中、唔會太甜。因為我唔鐘意太甜，會膩同滯，但完全唔會仲好香濃好滑冇渣。食多2 碗都冇問題。紅豆沙拼芋茸西米，老友贊正！第二輪，都係每人叫一款，白果薏米腐竹，薏米煮到晶凝通透，好靚好有咬口，腐竹煮到化唒係個糖水度，融為一體，好正呀！因為飽飽地所以冇加蛋，如果唔係就完美了！楊枝甘露，老友都係俾贊，下次到我試下

佳佳甜品～我細細個就食佢架啦😛係好耐好耐之前佳佳甜品仲係條巷仔旁邊開檔既時候…..就已經幫襯😗最鍾意當然係芝麻湯圓！對上一次食係幾時？已經一啲印象都冇⋯今晚收工突然好想食中式糖水，造就左今晚呢餐佳佳～見到有得叫兩溝就溝溝佢啦！芝麻糊+合桃露加湯圓$33湯圓還是OK的～芝麻咪濃，口感滑滑的～芝麻糊都算香滑，不錯！合桃露相比之下就較淡～係佐敦呢頭，想食中式糖水選擇唔多，佳佳都算係坐得鬆動，價錢都算合理。

《製》佳佳甜品《品》【芝麻糊】$24▪️芝麻味明顯但未算濃，具其甘苦，但重度芝麻痴未滿足。▪️色澤灰黑，非濃墨之色，勝在甜度夠低，適口；▪️質感順滑夠稠，無結塊問題，但非老饕鍾愛的沙沙口感。▪️不俗，但米芝蓮甜品而言，未算驚艷▪️最大弊病是不夠熱辣，徒溫熱，非冒煙，未夠療癒。—————————————————————————【芝麻湯圓】$7▪️不算大，皮餡比例1:1，餡更多、整體更大，會更滿足▪️皮筋道軟糯，耐嚼而不黏牙，口感頗佳▪️麻蓉夠沙，濃苦更勝芝麻糊，水準發揮，可以一試。—————————————————————————🗺️佐敦寧波街29號地舖

假期前夕的晚上🌃絕不能錯過吃甜點的胃口😻爲辛苦勞碌的一星期畫上句號作最完美的結束🔚喜歡吃中式甜點的我-懂吃的人必然選擇黑芝麻😼▪️芝麻糊拼杏仁露加蛋$26+$3烏黑黑的黑芝麻糊·磨得香滑而濃郁😍淡淡都是充滿芝麻香的香氣.細膩的口感讓人幸福起來😎🤤配合杏仁糊絲滑細緻的甜蜜滋味🤫令人更完美結束疲累的心情😎加蛋更增加口感的層次😎

芝麻糊&腐竹糖水加蛋🌟------------------------------極力推薦！✨✨✨芝麻糊稀糊嘅程度啱啱好👍🏻磨得好滑芝麻味好重😍😍😍而腐竹糖水稍遜但都不過不失😋😋白果薏米幾有咬口可惜嘅係今次冇叫到寧波湯丸🙁😝唔係就更加好食😗😛

相信大家對佳佳都毫不陌生，去開佐敦食完飯如果有肚既話一定會去食埋個靚糖水。呢間鋪頭食左無數次都係會回頭，個人鍾愛佢既「糊」 無芝麻糊核桃糊杏仁糊等等全部都好好味，皆因佢啲糊全部磨到好細膩，食落滑溜溜，最重要係唔會太甜，飯後黎一碗真係好正好滿足！顺带一提，之前去開土瓜灣見到佢地開左一間分店，好似叫「佳佳二姐甜品」，上次去食覺得不及總店，糖水太甜食完覺得好口渴，所以都係乖乖地去總店食，排一陣隊都係值得既～

喺佐敦食完飯唔夠滿足，要整返個甜品先食過佐敦咁多間甜品，都係最鍾意舊式甜品舖- 佳佳甜品因為行到過去都已經9:30食唔切，所以變咗買外賣番屋企食<紅豆沙拼芋蓉西米$24>外賣盒加一蚊都系廿四蚊算系咁個外賣盒幾靚紅豆沙略嫌煲得唔夠耐，無起沙芋蓉味好正，幾濃郁，仲食到好多細細粒的芋頭，岩曬芋頭控份量夠曬多，食完飯食唔曬成盒，個底好深

落雨經過，見到 “佳佳” 門外大排長龍，於是就過去湊下熱鬧排埋一份，等咗十幾分鐘左右，就獲安排入去就座。坐低先發現原來食店已經榮獲幾年米芝蓮推介。第一次食米芝蓮推介嘅中式甜品店，呢度環境光猛闊落，坐得都幾舒服。賣嘅嘢，獨沽一味，只有傳統嘅中式糖水，選擇唔算好多，當中有綠豆沙、紅豆沙、杏仁露、芝麻糊、合桃糊、番薯糖水、薑汁湯丸、楊枝甘露等等...幫襯嘅人流絡繹不絕，非常之受歡迎! 今次揀左芝麻糊同杏仁露嚟試下，味道唔錯。芝麻糊磨得非常幼細，芝麻味濃郁，啖啖芝麻香，口感棉密，甜度啱啱好，養生之選。杏仁露質感濃稠，入口順滑，食落口好香杏仁味，真係同時滿足味覺同嗅覺上嘅享受。

自從有個朋友帶我黎呢間佳佳甜品食過一次之後就成日都好想再黎。完全唔知原來呢間咁出名，好似冇人唔識咁，個個都話係一間好出名既中式甜品。平時我都鐘意食某一啲既中式甜品，不過好多時都勁甜，搞唔掂。見到餐牌都有啲款式外面冇乜機會食到，所以我叫左個未係其他餐廳食過既蛋花馬蹄露。好正，好清甜，好冰涼，超好味。

Mr. Jun第一次食米芝蓮推介嘅甜品店。我地去個日係平日晚上7點左右唔哂等有位坐。Mr. Jun 唔好中式甜品，所以點左生果類別嘅楊枝甘露Mango Pomelo Sago ($34) 。食到濃濃芒果味，西米就咁miu佢都得。Mrs. Jun 點左潤肺嘅杏仁芝麻糊Almond and Black sesame dessert($24)。芝麻糊好滑。兩碗都好好味細細碗，食得出真材實料，齒頰留香，差啲想叫多碗。係有啲貴，雖然係咁，一定會再返黎，而家過左幾日已經心思思想食。環境好乾淨整齊。

忽然之間好掛住中式糖水，於是放工就約咗同事一齊去佳佳食返碗正嘅糖水！我叫左番薯糖水加湯圓，而同事叫咗芝麻糊拼杏仁糊加湯圓食咗咁多次，都覺得佢好有水準。湯丸做得好好，皮薄餡靚！真係食三粒都唔夠喉!番薯糖水好夠薑汁！辣辣地咁好正呀！食完之後成個人勁滿足

佛誔假期前嘅夜晚最好食碗糖水燒夜, 岩岩向佐敦食完晚飯又唔堂食住, 決定到佳佳甜品外賣一碗湯水返屋企慢慢食.外賣紙杯夠厚好穏陣, 外面印住佳佳同店舖簡介好有心思. 叫左最愛招牌必食寧波薑汁湯丸, 已經食左好多年, 每次都可以保持水準, 不會失望, 一碗八粒皮薄多餡, 湯丸黑芝麻餡, 仲要唔爆口真系好好手勢. 湯丸皮囗感綿滑, 而黑芝麻餡流心, 糖水系用左蕃薯糖水底, 薑味夠濃. 食完一碗真系想食多碗, 下次要買埋合桃露或者芝麻糊先更滿足

同朋友係佐敦飲完茶,佢趕時間,冇食到飯後甜品就埋單,好似爭減啲,於是自己走去佳佳甜品嗌返碗糖水食下。叫咗個芋茸蓮子西米露,味道吾會好甜,西米通透,蓮子够稔,加上芋茸粉綿,食落幼滑起沙,有口感！食埋個甜品,滿足晒！

喜歡食中式糖食嘅朋友都一定有聽過佳佳啦今日試左芋蓉蓮子西米露個包裝upgrade之後第一次食，新包裝好穩陣呀，保溫之餘又唔會驚倒瀉，封得好密實架作為芋頭嘅fans，呢個芋頭十分正呀口感好綿密，芋頭已經煮到好軟，但咬落去仲會食到芋頭嘅口感，唔會煮到爛曬仲有蓮子口感都一流架，食落仲係爽脆有咬口，唔會太軟爛嘅同時又會食到蓮子香至於怕甜嘅朋友呢....呢款糖水係會比較甜㗎，所以如果好怕甜呢，就建議可以試其他款會好啲喇

呢個糖水舖起佐敦,平時我就最鍾意食完壽司郎然後行過去食呢間糖水舖架啦😍佢真係平靚正!而且專賣中式糖水,食完覺得勁養生😆即刻冇左食甜野嘅罪惡感!大家不妨去試試!木瓜燉雪耳 [$26]糖水十分足料,好多木瓜同雪耳🤤糖水飲落滋潤又消暑,木瓜十分鮮甜,雪耳咬落爽口.杏仁露 [$26]杏仁露飲落軟滑,而且聞落同飲落都好香杏仁味,一次過滿足杏仁控嗅覺同味覺上嘅享受😋冰花燉雞蛋 [$26]燉蛋十分軟滑,而且有淡淡蛋香味,甜而不膩😝粒粒紅豆涼粉 [$24]都係個句,佢真係用料十足!好多紅豆同涼粉!紅豆食落軟綿綿甜味十足,涼粉都好滑有dd苦澀味😍