佳佳甜品

營業中

休息中

💁🏼‍♀️中式糖水好多人都會諗起呢間位於佐敦既鋪頭 店舖更連續兩年獲得米芝蓮推介！*🌟合桃糊加芝麻糊 $24合桃香味突出 與芝麻糊互相輝影😋🌟芋茸蓮子西米露加湯丸 $29成碗都係芋茸 口感綿密 岩哂鐘意食芋頭既我😜湯圓細細粒 皮薄芝麻香👍🏻

同男朋友按完摩之後附近見到有佳佳甜品佳佳甜品多數都係食中式嘅甜品，一人叫咗一碗甜品：一碗紅豆沙，一碗合桃露。冬天食熱辣辣嘅甜品真係覺得好溫暖如果佢有得另外加芋圓就好了味道：4/5分服務：4/5分環境：4/5分抵食：5/5分

因為米芝蓮推介，所以去左試呢間甜品店。同朋友叫左芝麻糊同杏仁露。味道好好，但佢地做法係磨得好幼滑的。個人來講比較鍾意有番d 顆粒感的。另外外賣包裝值得一讚，佢個盒係有d 似雪糕盒，幾硬淨同密實。

今晚早了食飯 食完飯都唔夠八點 想暖下個身 於是直接行落佐敦去佳佳食糖水 可能早嘅關係 唔使排隊就入到啦✌🏻真好其實本身冇特別鍾意食中式糖水 但係呢一間係朋友介紹 試過一次之後發覺真係很好食 今次都係叫白果薏米腐竹糖水 男朋友就叫芝麻糊加湯圓侍應都好快送上😀熱辣辣糖水就到啦兩碗都好美味 腐竹糖水味道唔會好甜 而且很綿很香 入口好順滑 而芝麻糊味很濃 而入口又會覺有渣 質感亦唔會好稀 加埋湯圓更圓滿 看似簡單既糖水感覺用左好耐時間煲同用心去煮😻食完真的好滿足 成個身都暖哂😋😋下次會繼續再來試其他糖水😀

今日同男朋友兩個人食完飯經過見好耐冇食過呢間中式甜品嘅糖水於是就入咗去食真係冇食過呢間糖水好耐，叫咗個合桃試吓但朋友叫咗紅豆沙湯圓，我水準可以保持到但係夥計同收銀姐姐塊面唔係咁好睇服務性行業俾啲笑容，我咁敢講如果係外面睇到可能未必會入嚟食好彩唔係成日食

🇭🇰香港捐窿捐罅記 香港最好食既中式糖水，邊個話米芝蓮一定係貴🤪近排好多活動都係九龍發生😏，行過見佢咁多人排隊食，就試下係咪真係咁正，話說好多所謂既米芝蓮名店😀其實質素都非常參差所以都唔建議大家跟住米芝蓮去食🙂講返中式糖水，唔知大家有冇發現，飲中式糖水係要飲熱嘅，飲落去口感比較滑，而且食材味道更突出🌝 最重要係飲落去感覺好舒服😂Btw 我記得好耐之前某雜誌都訪問過佢哋，而且而家喺台灣好似有兩間分店💪-🌰核桃露🌰（$24）好香核桃味，而且入口口感超滑🤩而且甜度適中🙋🏻‍♂️唔會過甜🤪認真望仲見到細細粒核桃🌰最重要係可以補腦🧠亦係三種糖水入面最好食🙋🏻‍♂️.🎱芝麻糊🎱（$22）佢哋最出名嘅一個糖水🎱芝麻有經過人手炒香🤪 再磨成糊🙋🏻‍♂️但係食落唔係好香，冇我想像中咁重芝麻味😭但係都比坊間好好多，算係中上嘅水平😾.⚾️杏仁露⚾️（$22）呢個食落有少少失望，味道偏淡😣好似唔係好足料咁，比其餘兩個失色不少大家唔使叫，真係麻麻地😗總結來說 中式糖水來講係幾高質，足料，值得去食-🎈 香港, 佐敦寧波街29號, 號地下平均傷害：$24好味值：7/10

同朋友食完晚餐見到時間尚早，難得相聚，當然要食埋下場—-糖水💙嚟到佐敦搵甜品，正好搵到間中式甜品，立即入去搵位試吓中式甜品！一行五人分到一張圓枱，見到餐牌選項唔係好多，但係經典嘅甜品一定有！咁啱我哋五個都食唔同嘅糖水，咁就五碗都可以試吓味🤣🤣🤣💙黑芝麻糊最傳統嘅味道，香味好重，重點係仲有啲顆粒感，唔似出邊街即食嗰啲咁！💙杏仁霜個人唔係太鍾意杏仁嘅味道😂😂但係朋友都覺得杏仁霜質地好滑，好順口，非常潤喉💙核桃露同前兩款一樣，都係好綿、好足料，個人第一次試核桃露，食落有一陣淡淡的花生香💙蛋花馬蹄露清熱之選，入口有一粒粒嘅馬蹄粒，好爽口，蛋花都好綿密💙番薯糖水三舊大大嚿番薯好足料！配上薑汁糖水，好暖胃飽肚餐廳雖然人多亦都好多人排隊，但係侍應都唔會話趕你離開還枱💙（食完坐咗一陣，都唔好意思霸人地張枱咁耐）朋友相聚，糖水為伴。

早咗放工經過佳佳，平日總係排滿長長嘅人龍，今日市面冷清，心情平平買返個外賣糖水調劑下。我揀咗芝麻糊拼核桃露，外賣加一蚊，紙杯包裝簡潔精美，係我食過嘅糖水鋪中包裝最靚👍🏻雖然保溫效果平平，但紙製起碼比膠或者發泡膠環保。可惜打開已經有少少令人失望，份量大概係紙杯嘅六成滿，堂食嘅靚靚雲石紋完全唔見，芝麻糊同核桃露溝到完全融為一體。芝麻味道依然香濃，但核桃露嘅味道已經完全被掩蓋，而且整體偏甜，水準畋失，有啲失望，睇嚟糖水都係堂食新鮮原汁原味最好😢

香滑芝麻糊 $22芝麻味唔算太濃🤔第一啖會有芝麻既甘味，其後消失💨整體味道唔會過甜👌🏻芝麻糊質感順滑，易入口👏🏻呈糊狀，唔會太稠或太稀🥣整體而言，質素唔差，但未至於驚艷（可能其名聲太大，令我期望過高🧐）試過新蒲崗既華園甜品、紅磡既芝麻綠豆甜品屋等，只有芝麻綠豆甜品屋令我食一啖就眼前一亮、有想再encore既衝動🏆美味度👅： 7/10性價比💸： 6.8/10Encore👩🏻‍🍳： 6.5/10

佳佳甜品出食係薑汁蕃薯，不過，天氣咁熱。V仔最like 食腐竹糖水。要食到好味嘅腐竹白果糖水唔係有好多間，除佳佳甜品就得廟街X記喳喳同佢有得比。濃濃既豆香同白果，唔係間間都有。不過。今次買晒得芝麻糊同雪耳

特式平價傳統中式糖水店和朋友晚飯過後，還是依依不捨，想繼續聊天。最適合必然是到甜品糖水店坐下，我們晚飯地方旁邊有一間佳佳甜品。眼見店內也有不少的客人，我們等了大約20分鐘便可入內。這間店裝修比較有特色。但看起來十分整潔。可選擇的糖水水不是太多，都是中式糖水，只有十多款。而且價錢也不貴，每款也只是20多元。我叫的是粒粒紅豆涼粉，兩款數量不少，紅豆很大粒。老公叫的是核桃糊拼芝麻糊，食落去好滑，嗅落去好香。而佢特別嘅地方係連放糖水嘅澳門都係傳統嘅公雞碗，夠晒有傳統風味

佳佳係我最愛的中式糖水店 沒有之一 佢嘅姜湯丸 核桃露 黑芝麻糊 農姜蕃薯糖水 白果薏米腐竹真係無得頂呀今晚試左新嘢 冰花燉蛋 d蛋真係好滑 因為太多想試 我地兩個人叫左3碗 價錢又實惠 味道好好味

兩個女仔 三碗甜品是日常價錢適中 位置寬 唔逼寧波薑汁湯丸💕薑汁非常濃 入口熱辣辣辣的感覺 喝了幾口就感覺成身暖暖的 不過真的有點辣 但係就非常適合冬天飲 而且湯丸里的芝麻炒得很香濃 好滑 湯丸皮彈牙 😍😍非常值得再回頭紅豆拼芋頭 普普通通 芝麻糊杏仁露 可能都係芝麻高質 所以成晚甜品都好香

2019年10月6日（星期日）古語有云：「甘之如飴」，可見自古以來大家都喜愛甜食。再者，金秋十月食糖水就格外滋䦞！❤️一星期內連續幫襯咗兩次，就係鐘意佢地甜甜蜜蜜，食完開開心心！傳統糖水應有盡有，琳琅滿目；梗係要試平時難得食到嘅蛋花馬蹄露（$22）馬蹄爽脆又有蛋香，直接演繹何謂馬蹄「沙」！冰花燉蛋（$24）白果薏米腐竹+湯圓（$30）白果腐竹同薏米係絶配，香、甜、滑；加埋煙靱湯圓高質抵食！芋茸蓮子西米露（$22）目測係最受歡迎嘅糖水，芋香奶香不在話下，蓮子的鬆軟才是最吸引！中式糖水真材實料，無花巧，價廉物美；成功俘虜一眾糖水迷嘅❤️

佳佳甜品經常黎宵夜既地方，小編工作係佐敦個頭，收工肚餓成日都要四圍去搵好野食，😍而哩間係小編經常同同事去食既地方。夜晚經常都排長龍，好彩今次第左15分鐘入得😋-芋茸蓮子西米露+湯丸$29好香濃嘅芋頭味，芋頭迷必備，但係小編覺得今次奶味太重，湯圓方面$7有三粒，入面係有芝麻餡，食晒成碗就覺得好滿足，呢個係小編最鍾意黎食既甜品👍🏻👍🏻紅豆沙拼糯米麥粥+湯丸$29紅豆味唔算太甜，麥粥清清地，有口感，煙韌適中，小編年紀老啦，要開始食熱野養生，都係中式甜品好😘冰花燉雞蛋$22雞蛋燉都好滑，甜度適中，好好食呀😋👍🏻 最高為（5/5）味道⭐⭐⭐⭐⭐️價錢⭐⭐⭐⭐⭐️環境⭐⭐⭐⭐⭐服務⭐⭐⭐⭐推薦星數⭐⭐⭐⭐⭐