佳佳甜品

營業中

休息中

突然好想食糖水，就算大排長龍都要排隊去食佳佳甜品嘅 蛋花馬蹄西米露。本身好鍾意馬蹄既爽脆口感，再加埋啲蛋花，成個甜品嘅口感好豐富。之前係九龍城甜品舖亦都食過呢一個甜品 。相比之下，佳佳既味道冇咁好。不過如果二十幾蚊可以食到呢啲比較考工夫嘅甜品，我覺得性價比超級高!

星期六去開佐敦，去左試夜晚好多人排隊既佳佳甜品。我叫咗芙蓉西米露，再加三粒湯圓，大概廿七蚊。糖水唔係特別好食，但湯丸就size適中加幾好食。如果隊太長就唔好特登排隊。。🤣🤣

同朋友們係廟街食完飯大家都想食下糖水傾下計。大家都唔係好食甜野唔想食西式甜品，想食下中式糖水！其實中式糖水真係買少見少！然後朋友就帶左我地去佐敦既依間！我地早去，唔洗等位 環境都係乾淨精緻有花心思裝修！都算坐得舒服，唔會太逼！餐牌就大大張係牆上，有得加湯圓，蕃薯之類～我地大家都點左熱芝麻糊拼核桃糊，落完單好快就有得食！沒想到拼埋一齊係咁好食！好香好滑而且唔會太甜！好似好健康咁而且價錢唔貴！絕對可以推薦大家！好滿足既飯後甜品！！！

佐敦最有名的甜品店定屬佳佳甜品,雖然每次都要排隊,但其實店的面積幾大,大多排十分鐘就可以了。糖水的種類比起新式的糖水鋪一定來得小,但要從佳佳的糖水選項選擇其實都不易,因為款款都好吸引。今日和朋友點了冰糖燉木瓜和凍蛋花馬蹄西米露。冰糖燉木瓜清甜滋潤,木瓜足料,糖水清甜,炎炎夏日可以飲上一碗真的覺得很爽。凍蛋花馬蹄西米露口感豐富, 而且十分冰凍, 是個消暑好選擇。佳佳雖已是名店,但價錢合理, 品質穩定, 店員態度亦友善, 不會因為不愁無生意就態度惡劣, 真在值得一讚。

係附近食完飯，當然直落食埋糖水先夠友人就帶小編去到呢間米芝蓮既中式糖水，即使係平日都會出現人龍糖水既款式唔多，以中式糖水為主🍵一行2人就叫左個核桃糊拼芝麻糊同杏仁糊拼芝麻糊，友人仲加左湯丸，湯丸係芝麻味芝麻味香濃，而核桃味都好濃實，兩者夾埋都好細膩，而食落都好香滑，沒有沖粉個種粉味而且岩哂補腦又護髮杏仁味幾突出，加埋香濃既芝麻味，食落清甜香滑而湯丸皮薄不痴牙，芝麻餡亦好香濃總括黎講：呢間米芝蓮糖水真係平靚正，CP值絕對高🍳🍴味道: 9/10👩👨服務: 9/10🏠💺環境: 9/10💰💸抵食: 9/10總消費: $55 (2人)

食完鍋心粥底火鍋個肚脹卜卜，第二個胃叫囂中，需要揾甜品塞滿佢😜，於是去附近嘅佳佳甜品食中式糖水。八點半左右過到去，難得唔駛點排隊，等咗一兩分鐘就入得。比起上一次嚟（幾年前）糖水加咗價，叫做喺咁咦加少少啦，不過都是街坊價，大約二十幾蚊，仍然抵食👍🏻芝麻糊（熱）👏🏻香👏🏻滑👏🏻甜度適中真材實料😋KO晒👊🏻👊🏻👊🏻用粉開個啲即食糖水👊🏻👊🏻👊🏻聲稱人手即磨但用粉溝成嘅舖頭

四個朋友打完羽毛球，去食糖水。百合綠豆沙（凍）22元，足料，綠豆被煲到起沙，甜味適中，清熱。粒粒紅豆併涼粉22元，份量多，紅豆甜，涼粉爽。蛋花馬蹄西米露（凍）22元，馬蹄粒份量很少，西米完全唔見有，蛋花份量正常，水多料少。總結：糖水凍食透心涼

同老公食完晚飯，喺佐敦行下街拍下拖啦，記得細個住佐敦時，喺佳佳舊鋪坐街邊位食甜品入到舖位時，場上就會貼左多種甜品任君選擇，環境闊落，使用木枱木凳，營造着一種古舊味道，而且店員招呼周到，可以讓客人自由選擇座位。今晚，我地叫咗一碗芋蓉蓮子西米露，香芋味濃郁，蓮子煮得軟糯，甜到剛好，仲要用懷舊嘅碗裝住，真係另有一番風味。令一碗係凍嘅木瓜雪耳糖水，可以消暑，又夠滋潤，我就係最鍾意依間糖水唔會死實實甘甜，飲落好清爽，雪耳冧滑，木瓜新鮮美味。

夜左嚟食 唔知係咪weekend唔夠分 辣味還可以但係番薯唔夠淋湯圓未到OK 之前夜晚來食 味道好好多番薯要夠林 味道真係好緊要努力 💪🏻 下次應該好啲兩點後真係冇咁多人好評

作為油尖旺街坊，時不時有光顧佐敦的佳佳糖水。但都是堂食。未試過外賣。以前我和家人堂食過芝麻糊加湯丸，蕃薯糖水，紅豆沙等，水準都OK。前天路經佳佳，外買了紅、綠豆沙各一紙杯。是給家人吃的。但他們等到今天才吃。他們發現兩個外賣紙杯差不多全部都是豆水。只有很少的豆。我印象中的紅、綠豆沙，應該有些豆吧。難道豆都全煲成水？又或者凡外賣的，求其撈大煲中最頂的豆水？又或者今天標凖版本的紅、綠豆沙，已演變成只有豆水？

同朋友喺尖涉咀食完飯，好想食糖水，朋友帶左我黎一間傳統糖水店，雖然無華麗裝修、糖水種類又唔多，但勝在坐得舒適、乾淨、中式糖水好有水準，傾錢又好平民！我叫左個春蛋燉雪耳糖水（熱），雪耳煲到起哂膠，感覺好滋潤，甜度剛剛好👍好適合女士！

我同男友都好鍾意食食食🤤初初拍拖都會排定哂成個月行程，邊日去邊度食新嘢咁😍但早排大家忙左就成日食來食去都係嗰幾間冇咩新意😫最近我地就決定要重新出發😂😂😂繼續我地嘅美食之旅😍呢間入選米芝蓮嘅糖水店就係我地其中一站喇👍🏻我揀左粒粒紅豆涼粉 $22😍 睇相都睇到佢幾大粒幾飽滿😍仲嗒落起哂沙，痴線‼️洗唔洗咁正呀‼️ 花奶加涼粉不嬲都係好拍檔💯 食完有少少唔夠喉呀🤤男友就揀左相對出名啲嘅核桃露 $24👍🏻 滑得來睇到核桃小顆粒😍相信真係即磨🤤 足料兼補腦🤓近排考試季節好啱食餐牌上仲有好多唔同嘅選擇😍我已經諗定下次去要試咩了🤤

堂食太多人等位啦，所以叫咗熱冰花燉雞蛋外賣返屋企慢慢嘆，外賣要加一蚊，包裝好嚴實一啲都唔hea 喎雖然有米芝連推介，但大部分糖水都係2X蚊，算係好經濟實惠。冰花燉雞蛋24蚊，質地滑嫩，蛋味好香，冰糖份量啱啱好，甜而不膩，十分推薦

自己一直以來都係佳佳甜品嘅忠實擁躉，由舊鋪16蚊食到新鋪二字頭，每一次經過都會去食返個芝麻糊或者芋蓉西米露，就算落雨都會排隊，就算飽到食唔落都會買個外賣返屋企再慢慢啖。但係老公今次買咗個外賣，真的十分十分十分的失望。老公一入門口交我手，我呆左「哈？個外賣兜變甘細啦」係，佢細到同水杯甘大。算啦，物價上升，縮下小都係營商手段。一打開個杏仁糊，喂，唔系啊嘛，七成滿。好，我又當阿姐失手筆少左，開埋個芝麻糊，過份左囉，都係七成滿，即刻問而家幾錢碗，呢度兩碗$48，我明佢唔算好貴，但你滿心歡喜打開得七成滿真係好嬲架嘛。不如你再訂細D個兜，裝滿D環保D啦。下次自己去食，唔再買外賣。

糖水來說 小編較多選擇中式既👵🏽.米🐷蓮推介呢間既芝麻糊同白果薏米腐竹糖水除左呢兩款 其他選擇都係唔錯嫁💁🏻‍♀️話哂都係讀書果間食到依家📚.今次食百合綠豆沙💚食落一啲都唔hea 綠豆起沙都不在話👍🏻仲有淡淡既陳皮味 🕺🏻令綠豆沙無咁寒涼👵🏽👵🏽👵🏽😆加上百合令成碗糖水多啲咬口👯‍♂️食得出係用心既製作同非常足料$22 黎講CP值算好高 ⬆️所以唔難見到好多食客會叫多過一碗糖水🥣🥣🥣.人均消費： $22 推介指數：👅👅👅👅👅👅👅👅（8/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻🤙🏻（8/10）