佳記甜品

營業中

休息中

喺附近食完泰國嘢，心血來潮想食食好多年冇食嘅B仔其中一樣名物—— 蒜茸香辣雞翼尖$22 以前去朋友屋企玩到深夜，口痕嘅話就會揸車落元朗買幾份一齊食。咁多年冇食，味道依舊，一入口會食到甜味，辣味會隨之而嚟，勁惹味，我諗我一個人可以食起碼兩碟。另外仲叫左個芝麻糊$21，幫手解下辣，又可以美顏、滑腸通便、預防便秘。非！常！濃！稠！真！材！實！料！芝麻味好香，磨得好滑！唔會好甜，有質素！Menu:咁多年，味道不變👍

西瓜涼粉西瓜肉整成波波，賣相得意。但西瓜無雪凍，果肉唔甜～涼粉味道亦普通。芒果西米露芒果份量多，果肉甜。椰汁西米露味道正常，甜度適中。雞翼尖偏辣，要不停飲水😂 無想像中咁好食

佳記甜品B仔涼粉成了馳名香港的特色甜點，大盆盛裝多樣繽紛水果佐上仙草涼粉，堆疊成一座小山，視覺與味覺都被滿足，獨特風味的「蒜茸香辣雞翼尖」吃過教人難忘，香辣夠勁的雞翼尖，欲罷不能地一隻接一隻，實在好味。南北杏雪耳燉木瓜，味道清甜。湯圓加番薯糖水，番薯大大嚿分量十足。湯圓甜度適中。　　

去得元朗就一定要吃的B仔！B仔涼粉具多生果，有西瓜、蜜瓜、大樹菠蘿、夏蜜瓜、荔枝、蘆薈等等，消暑一流，五至十個人也夠吃雞翼尖蒜辣味簡直是味覺的一流享受，非常過癮，每次都要兩盤才夠

黎到元朗每次都會去B仔食雞翼尖每一次都唔會失望！ 雖然環境一般，坐得比較迫同埋好嘈，但食物既味道還是值得一等。雞翼尖一如既往夠蒜味夠哂辣！ 非常入味，真係每次入黎都要食！由於雞翼尖太辣，所以要叫碗芒果涼粉解下辣芒果夠甜，涼粉夠爽👍🏻以前有時唔想食涼粉就會叫西瓜西米露，解辣都係一流👍🏻

#雪糕涼粉 👅 8/10 $30好味 但係建議大家唔使加太多花奶因為多啲雪糕食到後面溶溶地已經甜到痴線了我加左兩匙羹花奶覺得係甜左少少🐽🐽🐽.味道👅：7.8888/10賣相👀：8/10扺食💰：8.5/10 .#芒果涼粉 👅8.5/10 $34好大份…連👦🏻都食到差啲食唔曬好彩芒果好食🤓幾驚會食到啲酸嘅芒果🥭😂.#爽滑腸粉　👅9/10 $10個芝麻醬超級香👀👀香到痴左線👀🥹強推！！#爽滑腸粉　👅9/10 $10個芝麻醬超級香👀👀香到痴左線👀🥹強推！！

由細細個已經聽過好多次B仔涼粉好多次啦但係我就一次都冇去過始終因為元朗實在太遠啦住九龍嘅人基本上好難會嚟一次😆咁啱呢幾日我都要入嚟天水圍就順便行遠少少過嚟食埋個B仔涼粉啦望一望個餐牌，原來佢唔係剩係得涼粉嫁種類都仲有好多又有各式各樣嘅小食因為啱啱食完飯所以我哋四個人就叫咗一個甜品就算啦咁我哋就叫咗個B仔西米露真係冇諗過咁大碗勁足料呀😱😱😱同埋入邊勁多生果有西瓜，菠蘿，哈密瓜，木瓜，香蕉，龍眼太多實在數唔晒啦所以咁大碗我哋都食唔晒😂😂😂

元朗必食b仔涼粉原來b仔涼粉真名係佳記甜品🙈難得入元朗緊係要食雞翼尖 $22必食，好食到停唔到連相都無影😂😂😂😂😂重蒜頭再加啲辣椒酸酸甜甜非常開胃， 真係一隻接一隻咁食停唔到😋😋😋芒果西米撈 $38一嚟到見到咁得意，搭住咗嘅？🤔原來上面係沙冰芒果，下面嗰兜就係西米露首先上面嘅芒果沙冰實在太滿啦，一定用畀咗支飲管飲咗幾啖先，之後就將啲西米露倒落到！😆之後用飲管飲😋可惜啲芒果有啲酸花奶涼粉 $21涼粉大大粒同埋好爽口，我覺得比平時嘅涼粉實淨啲

老公有日入元朗特登買b仔岀名既蒜辣雞翼尖，仲買左蘿蔔豬皮同腸粉蒜辣雞翼尖係佳記最岀名既小食好香蒜蓉同辣椒mix埋既味每隻都勁入味，超正希望佳記可以係九龍區開分店，哈哈😆

入得嚟元朗，好多朋友都會即時諗起 - B仔涼粉。大家都講到好好食咁。我出入元朗好多次，都仲未朝聖過，點講得過去，今日約咗大食朋友一齊挑戰佢。.🍚B仔涼粉佢個涼粉真係好大，如果3 - 4人一齊分會比較好。個涼粉上面真係有好多生果，有西瓜、涼粉、哈蜜瓜、椰果、大樹菠蘿、桃、荔枝、荔枝、海底椰、蜜瓜、香蕉、蘆薈等等，而涼粉都夠凍，配上淡花奶食真係第一次。每一款生果都好新鮮，份量不會時多時少，雖然內裡生果是平價貨，仲有罐頭貨，但每款生果都從來不酸，認真底讚。.總括然而，一分錢一分貨，可以喇。

對上一次食B仔涼粉都成四、五年前最近見天氣熱，所以想去食返個B仔涼粉解下暑😋其他小食就第一次試～💟B仔涼粉$89雖然唔係第一次食，但主角上枱時都好心心眼😍好colorful 🌈而且有好多種生果，一次過食到蜜瓜🍈、哈蜜瓜、西瓜🍉、木瓜、龍眼、菠蘿🍍、水蜜桃、香蕉🍌全部切好哂，啖啖肉，食落真係好嘆😆仲有d椰果、蘆薈同海底椰🥥海底椰好味👍清清地，夾埋落去食好正〰️而底下就係涼粉，另外有碗花奶可以配埋食😛份量都幾多下，一開始姐姐見我地兩個人叫咁多野食，都怕我地食唔哂🤭我覺得淨係呢盤野3個人食都得💟蒜蓉香辣雞翼尖$22呢到其中一樣好出名既野，本身就麻麻地雞翼尖😂但食落真係好好味，個汁好惹味，呢到既雞翼尖比起平時既大隻，所以食落多d野咬😋比較有口感，可以慢慢啜🤤好come 食💟牛肉燒賣$10 5粒 💟魚蛋$10 8粒呢兩樣都係正常味道，魚蛋就比較細粒💟鹵水雞翼$22 4隻都整得幾入味，鹵水味道唔錯，但一樣價錢同雞翼尖比較既話，呢樣就失色d，會寧願叫多個雞翼尖慢慢啜🤣💟🥥🥛椰汁鮮奶$28呢樣外賣拎走飲無影到相，但味道好真材實料，好實在既椰汁加鮮奶味道，唔係淡味溝水個d，感覺好新鮮❣一路食凍既生果

今日食完晚飯覺得唔夠飽🙈就去咗食個B仔涼粉🐒🐒住元朗應該冇人唔識呢一間野🤭🤭每次去都好多人，今日我哋去都已經要上2樓先至有位食嘢😀外賣都有好多人排隊💛佢哋最出名就是佢哋嘅雞翼尖同埋B仔涼粉🫶🏻不過今日我哋就叫咗其他嘢食😋😋⭐️西瓜西米露⭐️❣︎❣︎D西瓜每粒都好大粒，而且成碗西米露都唔會太甜❣︎❣︎⭐️蘆薈馬蹄露⭐️♥︎♥︎蘆薈好爽口👍🏻蘆薈加埋馬蹄露有一種古早的味道🫶🏻蘆薈仲好有益添💕加埋一齊超解暑好啱夏天食🌞🌞⭐️腸粉燒賣魚蛋⭐️依個腸粉是必食的因為我每次都覺得佢好滑，魚旦是正常味道，燒賣都很好吃的唔會好粉💛💛💛

B仔早排因為疫情好一段時間冇開喇, 見佢呢期開返又咁多人幫襯就吸引左我去食喇！呢期唔知點解成日都想食芝麻糊, 所以呢個係我必選項目之一😁1/ 凍芝麻糊 $21芝麻味濃, 非常杰身, 但夠香唔夠滑，芝麻打得唔夠幼細😕😕so far還可以既2/ 楊枝甘露 $37我拎左返屋企後一直放係雪櫃內, 拎出黎食時先發現原來都幾大碗@@, 內裏都幾真材實料好多配料, 芒果都有幾多件下, 料既數量對得住個價錢, 但有個問題係佢的芒果好奇怪，一的好酸但一的好甜,但酸真係好難頂，食到我完全想放低唔食😅

本來開開心心在元朗體育館打咗疫苗，經過呢間舖頭想話買個甜品飯後食，本來係買咗芋頭西米露同椰纖果杏仁豆腐，記得收咗我$51 ，返到屋企冇諗咁多就直接擺落雪櫃，結果食完飯九點幾打開個外賣，發現兩碗都係西米露。本來想食杏仁豆腐覺得好失望，於是乎就打佢哋舖頭電話希望有人送外賣可以交換，不過一直打佢哋電話都冇人聽。於是乎就決定第二日去佢哋舖頭講返睇吓佢哋點樣處理，結果去到發現琴日外賣開單嘅人同今日唔同，佢阿姑話唔係佢，我就話琴日係另外一個人，我買外賣係要一碗西米露一碗杏仁豆腐，結果俾咗兩碗西米露俾我，我仲比相佢睇。個阿姑就話咁補返俾你囉，以為咁順攤補俾我，結果等緊嘅時候一直喺度責罵我，鬧我點解琴晚唔攞返黎玩，仲話而家邊個錯都唔知，講到我似個騙子咁，去呃佢一碗杏仁豆腐。😤😤😤😤好激氣於是同佢講，我返到屋企打開咗個碗西米露你仲想攞返黎買俾第二個咩？同埋點解係你哋嘅錯要我夜晚10:00拎過去換？🙄🙄仲話如果嗰個係咁樣嘅話唔知點做生意，咁你自己做嘢出錯嘅話仲怪得邊個，如果你哋班友成日出錯，唔好話做生意，等執啦！不過我冇講出嚟，個啊姑鬧人然之後就一直怪我唔琴晚拎返去換！！超想爆粗！如果大家唔係佢嘅死忠fa

真係好少入元朗，今次嗌外賣拎走，楊枝甘露同雞翼尖。楊枝甘露真係好足料，同埋裡面d柚子係一d甘苦味都冇，粒粒飽滿大大粒，芒果肉都好足，啱我口味雞翼尖越食就越上癮辣辣地好惹味！下次都會專登入去食。