佳記甜品

營業中

休息中

🚢B仔涼粉 $86佢哋有一系列以店鋪“B仔”命名嘅款式每次只要一家人去都會嗌呢個分因為如果得2個人真係無可能食得哂🤣結構其實都好簡單 就係好多涼粉上面鋪滿生果有木瓜 密瓜 西瓜 香蕉 蜜桃 奇異果 哈密瓜 大樹菠蘿 同埋荔枝包菠蘿  上面仲有啲椰果粒粒底下就係兩份浸著黑糖糖水底因為都疊得幾高所以食嘅時候都有啲技巧通常我哋都會不起啲生果去另一個碗先 以防佢跌咗落張枱度浪費！見好多人話覺得唔貴因為自己平時喺屋企唔會切生果 當佢果盤就一流但因為我哋平時喺屋企都會切生果 所以就覺得都有少少貴不過嚟嗌佢就當有啲儀式感 始終水果新鮮 大大碗都幾開心🧡🥭芒果西米露 $36基本上嚟到叫你鍾意嘅食材都唔會中伏西米露大大碗脆卜卜芒果新鮮鮮甜唔會有渣渣份量亦好多 唔似某啲俾幾舊hea你重點嘅椰汁底雖然質地偏稀但帶濃濃椰香味 甜度亦適中食完都唔會覺得太膩

之前成日聽人地講元朗的B仔雞翼尖最好吃今日入元朗 當然要來試一試仲以為B仔就是舖名 原來佳記甜品先係⋯好彩有朋友帶路 如果唔係 真係唔識搵😂第一次來 環境可能唔係好理想樓下已經坐滿人 原來樓上都有位👉🏻雞翼尖$20真係好嫩 入口即化的感覺 好香 少少辣 連平時唔鍾意吃雞翼尖的我都覺得好味👍👉🏻燒賣#10就是好普通的燒賣+豉油👉🏻芒果西米露$32芒果有少少酸 西米煮得岩岩好 唔會太甜👉🏻西瓜西米露$29試左朋友的西瓜 反而仲甜過我叫的芒果😂

講起元朗名物就一定會提起B仔涼粉或者佳記甜品，不過個人認為B仔涼粉其實係一間畀糖水耽誤咗嘅雞翼尖鋪~去過幾次，最令我回味嘅唔係佢個涼粉，而係佢嘅蒜蓉香辣雞翼尖！ 🧡蒜蓉香辣雞翼尖（$20）每次必點！雞翼尖煮得好入味，好淋好滑，好重蒜香同泡椒味，辣得好過癮，食落超惹味！而且價錢唔貴，值得encore！ 🧡爽滑腸粉+美味魚蛋（$10+$10）腸粉嫩滑爽口，加埋啲醬好好味！魚蛋就正正常常！ 🧡椰汁西米露（$20）之前有試過佢嘅招牌涼粉，唔係特別好食，今次就嗌咗最normal嘅椰汁西米露，都係麻麻地，西米糊糊地，煮得過爛咗~大家都係對佢嘅糖水唔好期望過高~

呢度雞翼尖出哂名，鹹、蒜香、辣，幾多人都炒佢。久不久就要來吃吃，好好味，雞翼尖的雞肉滑滑的，如果買回家送啤酒一流！ 甜品都出名，本身就是甜品店。最愛芒果口味，呢度嘅芒果特別香。

連打8號風 額外賺多日時間😉呢間好耐同好多人知就唔再評分睇番手機啲相 發現上星期既外賣唔記得post🗣呢排忽然醒起好耐無食B仔涼粉 雖然一直覺得似食生果盤多過涼粉 但有時多人就會想order大大盤分享過下癮同埋佳記出名既唔係涼粉 而係雞翼尖🤣 懷念雞翼尖 就一次過買哂 🥡🥰

入得元朗食糖水，十個有九個都話想試吓遠近馳名嘅B仔糖水。咁佢話曬都咁出名，又上曬電視，咁就試吓啦！！叫咗佢個B仔船，其實即係香蕉船，佢有一球雪糕，我揀咗曲奇味，係正常雪糕味。佢條蕉都幾熟，係okay嘅。到佢碗上面嘅其他生果，有椰果、蘆薈、西瓜、蜜瓜、桃等等。不過其實有唔少都係罐頭嘅嘢，唔好expect到有咩好味道，都係一般嘅正常嘢，想食生果就唔洗特登去了。冇錯嘅，佢個份量確實幾大，不過價錢都唔平。質素一般。

話說同班朋友踩單車，目的地係屯門，由上水踩到元朗之時，當然要搵地方抖一抖回吓氣大家都第一時間諗到B 仔涼粉，正當頭痕緊部單車泊係門口會唔會比人偷走，店內啲姐姐大派定心丸，叫我哋放心泊係門口，無人敢偷的…大家二話不說就坐低點嘢食▶️蜜瓜涼粉 - 份量足夠，蜜瓜甜味十足，涼粉亦夠凍，消暑解渴之選▶️紅毛丹涼粉 - 味道酸酸甜甜，口味清新，配涼粉非常之夾▶️菠蘿冰 - 正正常常，純粹解渴之選總結：甜品選擇眾多，質素味道還可以啦，值得一讚係啲姐姐好殷勤！

元朗好出名嘅甜品店➖佳記甜品 B仔涼粉🥭❄️🍧B仔涼粉真係好多年前就聽過 但咁多年嚟都無食過😂之前有嚟元朗都無試 今次心血來潮 終於去試下 大約夜晚9點鐘去到 啲位都坐滿曬 好受歡迎 等外賣嘅人都有好多🤫〰️腸粉$10 咖哩魚蛋$10呢到夾埋都係$20 成日食開甜嘢就會想食下鹹嘢 對於b仔有賣鹹嘅熟食好開心😂😂仲要價錢唔貴味道又好食😚〰️芒果西米撈 $36呢個同普通嘅芒果西米露唔同 多左個芒果沙冰底 夏天食認真一流！❄️一開始未倒西米落去 就係食緊沙冰 要食左一半先有空間撈埋啲西米 可以用飲管吸 好方便 係可以吸埋啲西米㗎🥰仲有幾舊又甜又大舊嘅芒果👍🏻〰️芒果糯米卷 $41有6件 糯米皮好薄 芒果又係勁大舊同新鮮！！！外皮仲有椰絲👅食落好香好滿足〰️紅豆糕 西米糕 $8一件最後外賣左幾件糕點 估唔到連傳統糕點都有賣 屋企人話幾好食 不過食唔到馬豆糕 賣曬☹️👉🏻其實有少少想食佢最出名嘅B仔涼粉 但比同行嘅人阻止左☹️話一定會食唔曬 見到實物之後覺得又幾有道理😛不過下次都想試下 話曬係招牌嘛！💰 $121 (2人)食物質數 ⭐️⭐️⭐️⭐️環境舒適 ⭐️⭐️⭐️抵食指數 ⭐️⭐️⭐️⭐️⭐️推介指數 ⭐️⭐️⭐️⭐️#hkcp_元朗

每次去開元朗都會專登去佳記買馳名嘅B仔雞翼尖同糖水。今次黎到當然唔可以錯過啦😋見好多人係門口等外賣，拿拿林行埋去落單。今次同樣係嗌左蒜蓉辣雞翼尖，另外嗌左個鮮什果黑珍珠。▪️蒜蓉辣雞翼尖 $22蒜蓉辣雞翼尖俗稱「B仔雞翼尖」，煮得非常入味，雞翼尖非常淋身，好輕易就可以吐到啲骨出黎。撈埋佢嘅蒜蓉辣汁非常惹味，蒜蓉份量多，而且辣度對於我黎講岩岩好，過癮！▪鮮什果黑珍珠 $40侍應姐姐好貼心，將椰奶分開裝起，話如果即日唔食放雪櫃第二日食，唔落椰奶就唔會變壞👍🏻不過我都係即日就食🤣什果有芒果、西瓜、哈密瓜同火龍果。每款生果都好新鮮，其中西瓜夠哂甜仲起沙添！芒果亦都好清香冇酸味👍🏻糖水底唔會太甜，唔會遮蓋左什果本身嘅甜味👍🏻️📍佳記甜品Kei Kee Dessert元朗教育路大坑渠側

差唔多2年冇泥啦~ 今係好耐冇入元朗而每次入元朗都必食佳記 😋😋 (其實有冇人好似我咁 係叫佢B仔 而唔知佢真名叫佳記🤣🤣)今日同埋屋企人泥 可以order多d 試下唔同既野不竟之前成日2個人去 冇唔到太多野 🥺🥺今次唔同啦~芒果河粉河粉其實係椰子汁做既一條條 (扮河粉)好爽口 &咬口芒果甜 夏日炎炎 真係清涼嘅美食🥰b仔船好多生果+椰果+蘆薈食生果為主 好似冇咩技巧可言 麻麻地~榴槤pancake 2舊大大舊既pancake🤗包住cream同榴槤😳😳好邪惡呀~但又好好味🥄😙😙榴槤味超濃郁 冇慳料架雞翼尖 招牌之一😋 超重蒜味又帶點香辣 好好味腸粉 & 豬皮 腸粉混醬 好正😋👍🏻 豬皮好入味~

🤔 元朗｜佳记甜品（B仔凉粉）｜丁丁探店地址：元朗教育路大坑渠側人均：40 HKD-超级多人跟我推荐B仔凉粉但纯粹就是网红店来的他家的特色B仔凉粉就是量大（实惠）两三个人点一份都不一定能吃完…-「木瓜凉粉」吃不下B仔凉粉我就点了低配版木瓜凉粉我觉得味道应该是没差…就靠淡奶的味道木瓜倒是也蛮新鲜就也没有很好吃-「蒜蓉香辣鸡翼尖」有一说一鸡翼尖意外的好吃！辣度刚刚好蒜蓉也很香卤到非常入味了这个非常推荐！

甜品款式多,但樣樣都好普通,最出名大大兜涼粉其實係食罐頭生果,都唔明點解咁多人食,另一樣招牌雞翼尖曾經有人見到成桶跌左落地執返起扮冇事,完全妄故食客既衛生,而且對住條臭河,有時甚至會見到小強橫行,差差差!!!

唔好睇呢到一碗，其實我叫左兩款甜品，一款係椰汁西米露，一款就係我最愛既芒果河粉💕🙈我兩溝黎食！哈哈好夾呢😍因為個河粉好爽口，有咬口，芒果甜🥰不過依量好似少左，以前食好多🥺

元朗B仔涼粉的名氣太嚮，令我真的一度以為“B仔涼粉”就是舖頭的名字，每次入元朗都想要來吃一下，這次大家都有各自想吃的，就沒有叫B仔涼粉，畢竟那麼大一盤，還是比較適合和朋友一起分享。但我仍是選了個什果涼粉來解饞，想不到水果也是滿滿當當的，根本就是縮小版的B仔涼粉了吧。除了B仔涼粉，雞翼尖也是這裡的招牌，重蒜味又帶點香辣，很刷嘴。還有其他一些甜品也有提供，味道也不錯。不過這次遇到的點餐姐姐的服務態度真的有待提高，一坐下來就問我們吃什麼，雖然明白或許是想要有效率，但並不是人人都對你們家餐牌倒背如流的，說先看看餐牌再點餐也不用先給我們白眼再走開吧。本來根據味道是應該給的，不過服務扣分，只能給ok了。

༺ 佳記甜品 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 係夏日炎炎嘅日子🌞，當然要食翻d清涼嘅美食啦✨！今次嚟到元朗一間甜品店，每次入到黎必定要食嘅一間店🌟。～B仔涼粉🍧～一出黎就見到一座水果山！佢有好多種水果，有西瓜🍉，蜜瓜，木瓜，香蕉🍌，大樹菠蘿，荔枝，奇異果🥝，水蜜桃🍑，菠蘿🍍，底下就係涼粉。每一種水果都好甜，食落去啖啖肉，好滿足❤️。～蒜蓉香辣雞翼尖🐥～每次黎到都必須叫嘅招牌小食，食落好有蒜蓉味👅，之後慢慢辣味再上，成隻雞翼尖超入味👍🏻，不知不覺間就食晒😋。～魚蛋，腸粉，燒賣🍢～呢三個就係每個人嘅童年回憶👧🏻，腸粉好滑同好入味👍🏻，真係一口一啖，燒賣同魚蛋就不補不失啦，普普通通😌。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳🛎：佳記甜品 (元朗)地址📌：元朗教育路大坑渠側營業時間⏰ ：星期一至日12.30