佳記甜品 (已搬遷) 新店位置

因有家住天水圍的男朋友，小妹間中也會到元朗走走，每次去到元朗，也會心心走到佳記甜品（b仔），但吃的從來都不是涼粉/有名的翼尖反而每次要喊著要吃的是..........（先來賣個小關子吧）---每次來到都是人頭湧湧，只是俩口子的我們，大多也是要搭檯看看餐牌吧，有很多選擇呢但我只鐘情於.....無錯，就是b仔的腸粉深得我心有米香得黎又超滑身，每次都要多麻醬-而男朋友則愛他們的豬皮醬汁惹味夠爽口因為好快有下場就無嗌其他食物了滿足曬我地既心癮都只係HKd$26

今日去完荃灣食生日飯，幾個friend話再去食B仔涼粉，嘩～食完放題邊食得落呀～不過生日個friend大曬，所以捨命陪君子～揸車去到B仔，落車等左一陣就有位，坐底左，生日大曬friend就order左招牌甜品-B仔涼粉，仲有辣辣雞翼尖同腸粉～～每人畢左一碗之後，仲剩番半湯碗，真係好大碗，d生果都好足料～十年如一日～冇乜變過～而辣辣雞翼尖一樣咁入味，大家雖然飽，但辣到停唔到口～腸粉又係滑到不得了～臨走唔抵得仲買左包腸粉比老公做宵夜添～～

來到元朗，又怎能不吃我的最愛？佳記甜品最深得我心的不是其糖水/甜品，而是它的小食。 一向吃開大坑渠旁的總店，又新街分店去的次數，十隻手指數得晒。這邊寬敞點、乾淨點。對食客來說，環境較佳。 蒜茸香辣雞翼尖 $17 - ★★★☆☆  由$12食到$17，十年有多，份量雖少了，但這個價錢在現今社會還算是抵吧？蒜辣味一如香辣，愈吃愈辣，是其過癮之處。但雞翼尖略嫌不夠入味。 魚蛋 $9 - ★★★☆☆  $9/8粒，非常抵吃，而且是最港式風味的陳皮魚蛋。這款魚蛋肉質較結實，不能用「彈牙」來形容。但勝在魚味夠濃，還帶點陳皮香，是香港人對街頭小吃的集體回憶。現在愈來愈少食店賣這種魚蛋了，趁還有得吃就要好好珍惜。

元朗一日遊, 試盡元朗大小美食, 食完飯之後再去元朗限定的B仔涼粉, 食完飯已經約7成飽, 也知道b仔涼粉份量極多, 需幾個人先可以食到, 我們只有2人, 所以點了一個什果涼粉, 還有一個蜜瓜涼粉, 以為份量與一般糖水鋪一樣不會很多, 點知黎到有點surprise, 份量都很多, 一份涼粉已足夠兩到三個人食, 所以我們最後食剩很多什果涼粉, 所有生果都是新鮮生果制, 但有雪藏味, 芒果不像泰國般的甜, 有點酸, 涼粉有一點甘味蜜瓜涼粉, 蜜瓜是新鮮蜜瓜, 但有雪藏味, 涼粉也一樣帶有一點甘味, 兩個涼粉都很冰涼, 但如果你問係咪真係咁好食, 其實好普通既生果+涼粉, 同其他糖水鋪唔係差好遠, 但份量就真係好多建議一份涼粉2-3人食, 甚至可以當一人Dinner!

傳說中係電視成日聽到嘅b仔涼粉難得入元朗 即刻去試試！首選當然係b仔涼粉啦...其實係有點高估自己同友人嘅能力..又有點低估佢嘅份量... 係涼粉嘅上面 鋪滿各種水果，連大樹菠蘿都有 ，呢碗適合4個人食！ 真係大得誇張！ 水果好新鮮！ $78幾抵之後由於高估左自己嘛，所以叫左蒜辣味嘅雞翼尖（因為見到好多枱都有叫）份量真係幾多，兩個人夠食，不過唔太合我胃口，食左幾隻就冇食仲有藍莓芝士脆脆餅，一份兩件， 最後我打包左，因為真係食唔晒！ 呢個幾好味！凍餅黎，有脆脆係入面，層次豐富左

元朗b仔好出名，細細個成日食，大個左之後因爲成日飛都無食過了。今次番黎重拾童年回憶。一坐底朋友未到阿姐已經好急咁要你點野，我都明既，香港咩都好趕嫁嗎餐牌好似無咩點變，野就貴左小小。點左一碗芒果撈撈細個最愛食。係外國無嫁！真係傳統既香港甜品好感動！食頭幾啖都好好味，不過食到一半呢，口感有d怪，一粒一粒既西米硬硬地，好似未熟咁？又好似係結左冰果種感覺，不過整體都好好食！到左第二叫左腸粉！依舊好食，不過份量小左。整體算係咁啦，糖水鋪黎講，咁多年都仍然屹立不倒，真係有番咁上下味道先得既

20170401(星期六)--是夜約晩上九時，到佳記排隊買外賣雞翼尖，前面約有十數個人排隊外賣，大部份人也是跟我一樣，買雞翼尖做外賣。等了約十分鐘，雞翼尖送上了。雞翼尖($17)用紙包著，外用一個膠袋，熱度十足。回家後，雞翼尖仍有微温，粗略估計，雞翼尖約有二十多隻，大小不算平均，偶有加細碼的出現，入口很辣，有蒜香味，雞翼尖炆得夠腍，好吃。$17份量不少，味道好，相信大部份人也知道佳記除了甜品，必吃的還有蒜辣雞翼尖。

好日都唔入一次元朗，入到去點可以唔食b仔雞翼尖。b仔雞翼尖一向夠辣易入口，咬下咬下好易就咬曬一大碟。豬皮好稔，蘿白入口即溶。西瓜冰有原粒西瓜肉，d汁都係西瓜打出黎，唔係溝水開出黎架！

其實係B仔真係幾時都唔係為左個糖水，雖然B仔涼粉甘大堆，甘多生果真係幾抵食同吸引。但其實最吸引既始終都係D咸食，由其是係個雞翼尖，每次黎到元朗都一定要去一去先安心，雖然好多人就話退步左，但我就覺得都係甘好食，個汁夠惹味就唔駛講，最正係D雞翼尖唔會林BABA，變哂一PAT膠甘。另外其實D腸粉都唔錯，對比係出面D小食店，佢都算係幾滑，而且唔會好重粉味，連埋D豬皮同埋豬皮汁食仲好食，大家下次去B仔，都記得試下佢D咸食喇。

元朗，對於我這個市區人來說，極少踏足。今天因為朋友帶隊去龍鼓灘行山，所以順便來試一下元朗出名的甜品店。晚上10點，想不到仍然人頭湧湧，外賣的和堂食的都需排隊。這里燈火輝煌，熱鬧非常。趁排隊的時候，站在門外無聊，便拿餐牌先研究一下等陣吃什麼好。不看不知道，一看嚇一跳，足足兩版紙的甜品，估計超過2百種吧，這種陣容真是非一般甜品店能及。打正旗號B仔涼粉，我想應該必食吧。第一次光顧的我也不容考慮太多，決定了B仔涼粉。朋友在為我們分開三碗，份量的確充足，有西瓜、蜜瓜、哈蜜瓜、大樹菠蘿、木瓜、奇異果、海底椰、香蕉、蒟蒻，當然少不了涼粉。分了三碗之後，仍有一半有多，五顏六色，色彩繽紛。令人垂涎。這些生果並非虛有其表，吃起來口感特別新鮮，而且件件經過細心裁切，價格也算親民。難怪那麼聞名。

來到元朗食甜品， 一定要試吓B仔涼粉, 未食過b 仔就好似去咗巴黎， 而無去過巴黎鐵塔一樣. 十分少見 ！ 其實我已經食了數十次， 但每次來到都有一樣的感覺，嘩！ 咁大碗，兩個一定食唔晒, 咁多生果， 幾十蚊， 點整呀！ 每次來到都重複又重複這番話 ！ 真係好抵. B 仔涼粉係招牌貨， 唔知一日賣幾多個呢？ 我眼見，平均三台人就有二台人食B 仔涼粉！皆因抵食夾大件，生果有大樹菠蘿，蜜瓜， 哈蜜瓜，龍眼， 奇異果， 西瓜， 木瓜， 等等. 而大部份生果都係是新鮮的，只是少部份係罐頭，例如龍眼. 新鮮美味嘅生果配上涼粉 ！十分滿意！

老店來了價錢非常合理足夠人手招呼座無虛席，人山人海，幸而座位比較多，不需等位紅毛丹大菜糕，紅毛丹入面加菠蘿，大菜糕清甜榴槤布甸，喜歡榴槤的人，絕對可以一試蜜瓜涼粉

係元朗個邊BBQ，好似都係未夠飽咁，咁就去食下甜品消下暑。黎到元朗，點可以唔試下B仔涼粉既野？！我知道B仔人流不嬲都多，等阿等，等阿等。皇天不負有心人，終於有位，我地即刻叫左兩個最大size既生果涼粉，大家share黎食嘛！好豐富，好多生果阿！因為大家都BBQ完其實食唔到太多，但真係冷冷涼涼咁，好爽阿。再加埋煉奶，成個涼粉再升華！不過等位方面同執枱真係好慢，D姐姐都無乜禮貌，可惜個個都太忙唔得閒應人。希望下次去有改善到。

好多人排隊🙈拎左飛周圍行陣，點知過左🙈好彩阿姐好人比我入😂坐係張枱個客好快走左，之後得我同女朋友兩個唔洗同其他人對望😂兩個人叫左B仔涼粉，諗住多啲生果抵食啲，點知之前掃街食左好多，淨番少少，such a waste🙈果涼粉好大，3/4個人食都得，超多生果，都幾生鮮😋大樹菠蘿都有😋😋不過唔知係咪未當造，西瓜、蜜瓜、哈蜜瓜都唔係好甜🙈不過整體都好好食，只係兩個人的飯後甜品有啲多左🙈下次都係要b仔船好啲😂

滿溢的鮮甜水果鋪滿粒粒爽滑涼粉🍉🍈🍌🍍 大得足夠5人分享! 西瓜、木瓜、蜜瓜、哈蜜瓜、香蕉、椰果、蘆薈、大樹菠蘿、龍眼、奇異果、罐頭黃桃，水果應有盡有，任君選擇 辣得過癮，喜歡吃辣的人應該覺得不夠辣，對我來說則已經足夠，吃到舌頭火熱但未到麻的地步，還可以吃得出其他味道。蒜味夠香，用上許多許多蒜蓉。雞翼尖炆得超級林，但又不會爛，外型非常完整。$16爽豬皮、$16林甜蘿蔔、$8八粒咖哩魚蛋，簡單的港式街頭小吃，勝在有親民價錢。$8四條腸粉也是，做到不削已很好，甜辣醬芝麻足夠，但麻醬欠奉，對於喜歡麻醬的我來說難免失色。很多特別是元朗人會認為雞翼尖比涼粉有名，於sweet tooth的我來說，超多水果的涼粉仍然是一再encore B仔的原因。