佳記美食 (軒尼詩道)

營業中

休息中

明明客人唔多，阿姐仍然好好火！我講唔啱個餸名都會比阿姐話！前面個女仔要西蘭花炒蝦仁走蝦仁，都一樣比阿姐話！叫左豆豉魚、紅棗蒸雞，係就係好大盒，𣎴過第二日換碟返叮，D餸全部變左一磚磚！個人經驗應該落咗豬油！個魚粉厚同油，味道偏醎，雞好硬又冇味。冇下次！

平食雙餸飯香港物價越來越貴，反工人工又追吾上通漲，有時出去食餐飯都一百幾十，食好d都幾百蚊，有時想平平地食個晚餐都要$70-80，所以而家多左好多雙餸飯店鋪，真係慳錢恩物今次試左佳記雙餸飯$34，有4隻炸雞翼，蕃茄魚柳，餸食落吾算差，魚柳好開胃，平平地飽肚又一餐

#辣椒紙吃在灣仔 #辣椒紙吃外賣-___________🏖店鋪狀況🏖___________現在香港每隔一條街就會出現一間賣兩餸飯的餐廳，更是有數間開了不少分店。今天🌶📝吃的就是【佳記美食】的兩餸飯，餐廳右邊佈滿一系列整齊排列的餸菜，客人可以直接選好外賣，而左邊則有供堂食的位置。- _____________🍽食物🍽_____________👯‍♀️ 雙餸飯 $36推介指數 ■■■□□這次選了菠蘿咕嚕肉和絲瓜炒肉片，份量非常多，食物味道不錯(當然不能跟大排檔的小炒去作比較)。咕嚕肉比較細粒不算乾柴，而且菠蘿份量比咕嚕肉多很多。絲瓜肉片有小驚喜，味道夠而且帶有少少薑味，絲瓜多汁，令人不抗拒點蔬菜。-________🌶辣椒紙總結📝__________整體：🌶🌶🌶環境：🌶🌶🌶員工：🌶🌶🌶食物：🌶🌶🌶(滿分為五隻🌶)- 總括，佳記美食算是其中一間廣為人知的兩餸飯餐廳，價錢份量還可以接受，如果想平平地或吃一個快飯可以參考一下。-______________________________ 📍 佳記美食灣仔軒尼詩道229號怡明閣地舖每人消費：$36/人-________________________

今日下午3點幾買左盒3餸飯（咖哩雞椒鹽蒸肉餅），一返到屋企4點幾打開發出酸臭，食左一口咖哩有酸味連薯仔都有酸味，連蒸肉餅都有怪味，估唔到佢地變左味都照賣，下次唔會再去。

今日lunch想食的簡單d，最後同同時一齊買2餸飯返去食，依間都算多人排隊，餸的選擇都多，應該有10樣左以上，唔止咁，佢比份量（飯同餸） 的一樣好多，多到食飽左都未食哂，仲要只係$36，抵食！

之前幫襯過幾次，份量大味道ok今次買三盒兩餸飯外賣，其中兩樣餸變酸：豆卜冬瓜，蘿蔔牛腩，兩樣都酸咗😣梅菜扣肉得肥膏，無肉😢得蕃茄魚同蒸蛋比較好食希望老闆注意下品質

佳記美食，曾經係一間令我公司同事食指大動，不懼炎炎夏日咁花費30分鐘去買佢嘅雙餸飯，但可惜最近兩次食個質素好明顯大幅下降，佢同超人燒鵝個角色慢慢地交換左佳記美食 (軒尼詩道) (灣仔)灣仔軒尼詩道229號怡明閣地舖味道: ⭐️價錢: 💰💰抵食指數: ⭐️⭐️雙餸飯 $36 每加一餸$9佳記美食正式跌出我公司雙餸飯嘅神壇👋🏻 原因有幾點：最首要係啲餸菜由有味道變到無哂味 得色香以無味，食落口乜都口淡淡😔個日都過得唔開心其次員工態度差，我同另一位同事一次過買六個飯 一早講明六個飯 咁每個飯又要等第一個員工裝餸 我又要睇訊息去講出黎，點知最尾個員工係咁鬧話我地唔一早諗好 又要等黎等去 阻住做生意 鬧一次唔夠 鬧兩次其三係價錢距離同質素唔成正比，雖然距離就都好睇客人住邊，呢到就私心少少，我來回行30分鐘等10分鐘，咁就40分鐘，價錢又貴過其他雙餸飯，距離又遠，所以講完！

呢間佳記，第一次聽佢個名嗰陣，係因為同事經常大讚，話佢係附近最好食嘅雙餸飯沒有之一。食過兩三次，的確係唔錯嘅。不過，佢最近嘅水準每況愈下。上一次食，覺得差咗，以為係個別情況，心諗：「咁啱呢次失水準啫。」今次再食，都幾肯定佢質素已經保持唔到。$35雙餸飯，加$4有個湯。先講個湯。青、紅蘿蔔，仲有粟米🌽，睇落好足料，以為真材實料煲出嚟，點知飲完第一啖已經「小」出嚟：「仆你個乖，味精湯嚟嘅！」（咁嘅價錢其實有乜出奇，筆者認真大驚小怪🙄）雙餸飯，筆者揀咗鹹蛋肉餅，加類似東坡肉/梅菜扣肉。根據最近兩次經驗，佢啲餸嘅味道淡咗好多。個鹹蛋肉餅，連個鹹蛋黃都唔夠味，更加莫講話個肉餅，好彩塊肉餅唔乾唔柴，如果唔係真係擺唔落口。至於嚿扣肉，一層瘦肉、一層肥膏，相當分明。可惜瘦嗰部份，有啲柴、有啲硬。連以前盛讚嘅同事都話失色咗好多：「蒸蛋都冇乜蛋味，個飯都偏硬咗少少。」整體而言，再配唔上附近最好食雙餸飯嘅美譽！就好似有暗黑界謝安琪之稱嘅友田彩也香一樣，本來實用度極高，堪稱完美：一對識勾人魂魄嘅雙眼、白皙滑溜嘅肌膚、相當勻稱嘅身形、前凸後翹嘅線條美等等。可惜近呢一兩年，唔知係咪受到年過三十嘅心理關口影響，明顯

這晚夾餅的阿姐，有点像泰國人的一位，做事馬虎，態度惡劣，她罵客人為什麼最初沒有講清楚order，其實是她自己一開始就沒有聽真客人的order。老闆可以考慮嚴格監控她的表現，她會幫店趕客的！

灣仔返工，想食平啲，就可以食下雙餸飯，$37就可以嗌兩個餸，又有埋湯XD今次呢間雙餸飯餐廳係同事推薦嘅，一嚟近，二嚟價錢也平，我嗌咗青椒炒豬肚同咕嚕骨，份量對一個女仔嚟講都多！整體嚟講，餸菜都好味，湯都淡同無咩味，而職員可能因為太忙，服度態度也有待改善~

夜晚9點見周圍得呢間舖頭仲開舖，d餸賣相吸引又大份，就買咗個黃色雞（本來以為係咖喱雞）同甜豬排雙餸飯外賣😐翻到屋企一試個黃色汁，咦？酸既!?本來以為個豬排係糖醋，所以撈埋d汁變酸都正常。後來食食吓發現個豬排根本唔酸，反而個雞無咖喱味，仲有少少發酸…一咬個薯仔就唔掂喇，原來已經變壞發酸…d酸味就係嗰度嚟🫠以後都唔會再幫襯呢間嘢，小心食壞肚舖頭只係接受現金支付，員工找完錢再裝飯盒，好似唔係好衛生🤔

灣仔抵食大份雙餸飯 呢排禁堂食 而且近年開左大量主打方便平價雙餸飯 可以話係雙餸飯嘅戰國時代 緊有一間喺左近 搞到我都成日食 簡單記錄下.成日做野路過 都見到好多人排隊 吸引我試左幾次佢地種類都幾多 大概有20多款2餸 $36 送凍飲汽水奶茶湯 $8多一個餸 👍🏻蕃茄炒蛋 比例上蛋比茄多 偏甜👍🏻咕嚕肉 炸粉唔厚 唔鬆散 啖啖肉 汁重糖👌🏻蒜蓉豬扒 4-5件豬扒 蒜蓉味唔重 勝在肉多👌🏻豆豉斑腩 貌似冇咁油 唔算重口味 斑腩都大嚿👎🏻京蔥牛肉 京蔥大嚿 蔥偏生 勁辣 牛肉少 伏呀👍🏻麻婆豆腐 呢次比左半盒我 仲要好食 爆抵👍🏻咖喱雞 咖喱汁幾送飯 雞入味👌🏻蘿蔔牛腩 小癡牙 牛腩唔多入味 蘿蔔冇渣🤔鹹蛋肉餅 勁滑身 勁大嚿 但同樣食得出加咗肥豬肉打出嚟 食多兩舊一定肥仔 成日見到人地點 雙餅飯 可見吸引力.簡單講整體味道 其實唔差 份量都幾多價錢算平 仲要幾好食 但好多餸都好油 點菜想健康啲又好似冇咁抵.份量方面講多少少（圖入面2-4餸都有 大家可以睇睇份量）有時真係好睇姐姐心情平時雙餸飯啱啱好一盒叫多個餸 可能放滿一整盒但有時又三個餸迫係同一盒見到網上有朋友仔教落可以先點兩個餸先

依家咁嘅市道仲搵到一啲良心嘅餐廳。佳記從來唔會因為市道差而將貨就價，佢哋價錢合理食物質素高。例如：菠蘿咕嚕肉，咕嚕肉皮脆肉嫩，麵粉唔會太厚食落啖啖肉。苦瓜鑲肉球，苦瓜不會太苦肉球內有紅蘿蔔粒配搭恰當。蘿蔔炆牛腩牛筋，牛筋冧而不韌又入味⋯⋯每天都有數十款菜式給大家選擇。另外不得不提凍檸茶，茶濃而且檸檬厚切有四片。（雖然跟餐加三元，但一啲都唔馬虎。）

上班前諗住食碗崩沙牛腩粉，點知執左沿途行過見到多選擇嘅两餸飯又有位坐就試下。（平時見尼啲餐廳就多，自己入去食都真係無諗過）咁入去點餐比錢，再自己揾位坐，確實經濟，三十六蚊包飲品，灣仔區好難揾到（除左大歡戈）見佢啲肉餅整整齊齊就點左內餅拼蕃茄魚柳，諗住難食都有啲汁撈下飯有晒心理準備就開餐，食啖肉餅好軟滑一啲都唔（鞋），事關店舖用左70-80％肥加20％肉去蒸，但又無豬肉香，明顯無人選擇而被冷落一角，導致放得咁整齊搏到我同情心去選擇左佢，想不到我只係食左佢中間嘅咸蛋黃。好彩蕃茄魚算穩陣，預期中撈飯食可以放得入口，白飯就普通到唔普通，仲有少少乾，整體上唔可以話難食，只價錢反映質素，人家都想以量取勝，我用餐半小時，目測有20人買飯，扣除成本，應該這門生意都不易賺錢，成本／售價控制非常重要。本人工作有時要銷售飯盒，大慨50蚊一個，啲客人都相當有要求又話貴又話少選擇，真想讓他們出去食一個又平又多選擇嘅飯盒，你就知身在福中不知福

呢間啲嘢食其實OK 㗎，價錢平，選擇多，份量大，$36兩餸一湯，喺灣仔佢區去邊度搵丫！不過呢，雖然知道喺廚房又熱又焗，但係你處理食物期間唔戴口罩，咁樣好唔衛生喎！你仲大膽到冇戴口罩都照拎餸出嚟唔幫你影返張靚仔相都對你唔住啦！眼不見為乾淨，你咁樣唔戴口罩大搖大擺行出嚟，你以為自己係明星咩😂（唔知點解uploade唔到照片）強烈建議食肆東主好好改善員工嘅工作環境，等佢哋有一個舒適嘅環境去工作，大家同心抗疫，香港加油💪🏼