佳記餐廳 (已結業)

幫屋企人買蛋撻，D員工粗聲粗氣！！態度極之惡劣！！比錢幫襯好似當你乞衣咁！平時都好少去食佳記，因為價錢貴又唔係好食！！聽聞佢就結業真係好消息，唔洗貼錢買難受！！

不知所謂，同事落錯單同個客發脾氣！炳完重想發圍。要其他侍應勸先行開！唔怪得晚市水靜蛾飛拍烏蠅！老闆多得佢唔少。我一向唔寫食評都忍唔住手要打80字差評！！！！！！

差不多隔個星期我就黎食早餐，好搞笑，個個星期水準都有上有落其實係咪成日換廚呢？好似今日食就好 OK 啦，沙爹牛汁夠味米粉又爽口，大陽蛋不過熟流油算OK. 餐包有翻熱。次次都好似賭大細 ]]

約咗人去良景商場，之前好似無踏足過呢個商場，本來上Open Rice見有間推介日本刺身壽司，但去到原來堂食唔多方便，主要做外賣，所以無目的咁行，見到呢間佳記餐廳，當時六點半左右比較早，無乜人就坐低。卡位都幾好坐，燈光光猛，黑白雲石枱唔知點解望落去好污糟、油立立，於是自己清潔。餐牌見有扒餐，於是試吓鐵板黑椒雞扒同牛柳，問落單姐姐薯菜唔要薯條，要雜菜，佢答薯菜得薯條，於是專登叫多碟蒜蓉西蘭花。餐跟羅宋湯同餐包，正常無乜特別；黑椒雞扒份量都幾多，味道ok，牛柳叫五成熟，嚟到應該七成，但肉質淋身、鮮嫩，茶餐廳質素尚可。最驚喜係跟餐伴碟好多椰菜、半件蕃茄，同姐姐講唔同，早知唔使叫多碟菜。蒜蓉西蘭花細細碟，味道不錯。茶餐廳質素，價錢唔算平，但同朋友坐下傾下計尚可。

行完山要食番個下午茶才回家，叫了二份特餐，鮮茄濃湯牛肉通粉餐，配火腿炒滑蛋、丹麥牛油多士，蕃茄濃湯真的濃，炒滑蛋就唔較滑，可能油份較少。櫻花豬扒公仔麵餐 唔知點解叫櫻花豬扒，但豬扒的顏色就令我怕怕，呈橙橙哋色，我只吃了一半，奶茶還算合格，中規中矩。

朝早去左佳記食早餐，整體食物質素唔差，叫左B餐（沙嗲牛肉面+腸蛋）加杯野飲40蚊 ，價錢就唔算平。先講碗面沙嗲味都算重但牛肉既口感就差左啲，最滿意係炒滑蛋，茶餐廳質素算係好好食👍🏻

今日去咗佳記食個特餐。個餐有櫻花豬扒麵、丹麥牛油多士、兩塊火腿、炒蛋、嘢飲包埋杯熱奶茶。呢個餐最好食就係個櫻花豬扒，炒蛋夠嫩滑，個丹麥牛油多士偏甜。埋單50元。

天寒地凍, 一起身就餓, 拿拿聲落去食個暖笠笠早餐先平時只會響門口買佢既蛋撻食, 今日就入去試試佢早餐啦~~早餐黎講, 佢除左大路野之外, 仲有鮮茄牛通同白菌汁雞柳螺絲粉,係有D吸引既, 但可惜佢呢2個餐都唔可以轉第2種麵.......咖啡麻麻, 都幾苦下.......炒蛋算滑, 而佢跟餐既火腿只可以改腸仔, 如想改餐肉要加$6....份量多, 各樣野既比例都剛好食就食得飽既, 但就唔覺得滿足,唔係好食, 又未至於難食囉...不過應該無下次, 因為價錢相若但比佢好食既, 有好多選擇

差不多區區都有佳記，通常我都是光顧門口的麵包，但心血來潮很想吃西多士，便走進去嚐嚐!西多士沒有下午茶餐，只能單叫，才$26，但飲品要$21，所以我便沒有另叫飲品。西多士竟然有三層之多，每層都夾滿很多粗粒花生醬，絕不吝嗇。但是可能三層實在太厚，麵包邊的頗脆的，但是中間沒有太脆的口感，的確有點美中不足，但這個價錢來說還好啦~  而且下午茶它餐牌上仍有許多選擇，包點還是很出色的，又香又熱，坐下來吃個菠蘿油也不錯的!

幾經辛苦，終於行完山，梗要食個包醫下肚，經過良景市集，佳記包香撲鼻即刻利去買個包試下雞尾包椰絲餡足料，熱辣辣，2分鐘內食完由於肚餓關係，食到一半先記得影相請各位大大原諒，菠蘿包較雞尾包失色，翠華較好食

我对佳記歺厅的出品一向有伩心，他们的雞批真的与别不同，西酥脆的外皮是油亮亮的，咬下去出奇的松脆，不会硬实实的，馅料亦相当三丰富，較嫩滑的雞肉配上特製醬料，相当美味，有窑齒夾留香之感。而他们的脆皮菠萝包是超大size，价钱不贵，咬下去先脆后軟，因为多是新鲜出炉，一出炉不久就賣完。

呢日下午茶時間見有少少肚餓，就一個人走咗去良景市集，入面嘅佳記餐廳食下午茶。下午茶餐都有幾多選擇，見餐牌上面嘅麵包好吸引，於是就叫咗一份鮮牛油菠蘿包，配熱茶走，盛惠$25。鮮牛油菠蘿包好快就上枱，上枱時熱辣辣，表面香脆鬆化。入邊夾有一塊帶有鹹香嘅牛油。 甜甜嘅脆皮加上鹹香嘅牛油，真係既邪惡又美味。熱茶走，色澤帶金黄，顏色漂亮。口感順滑，味道相當唔錯。今餐嘅麵包及茶走知道都相當唔錯，我諗我久不久都會再返嚟幫襯。

星期日行完山路過良景邨, 因為體力消耗咗唔少加上肚餓, 所以揀咗間比較就腳嘅佳記餐廳。下晝三點嘅佳記一樣好多人, 不過餐廳入面有好多二人座嘅卡位, 所以都唔洗等位, 一行入去就有位, 但座位有啲迫。一坐底就叫咗個下午茶set, set入面有一碟ABC醬豬軟骨炒飯再加一杯冬OT, 承惠48蚊。ABC醬其實係印尼產嘅醬油, 之前聽過有人去印尼旅行都會突登買返一支返屋企, 但我自己就第一次食。炒飯一上嘅時候已經聞到好重嘅醬油香, 但賣相就麻麻。不過每一粒飯都沾有醬油, 而且配料例如豬軟骨、蛋、辣椒同埋蔥粒都唔算少, 都算過關。食落去飯粒唔會偏軟, 個質感以炒飯黎講啱啱好, 但由於落咗醬油嘅關係, 個飯都係偏咸。豬軟骨切得比較大粒, 大細同keyboard啲制差唔多, 如果切細啲會更加好。如果唔食辣嘅話, 記得落單講定走辣椒。整體可以接受。凍檸茶都ok, 算係比較大杯, 質素就係普通茶餐廳嘅水平。上openrice先知原來呢間係連鎖店, 佢除咗餐廳樓面, 其實佢都有賣面包。有唔少包例如菠蘿包睇落都唔錯, 如果下次有經過佢嘅分店, 都會買黎試下。

在屯門行完菠蘿山，落返良景找地方吃晚餐，印象中商場內雖然選擇多，但那些地方非常難找，所以經過市集的佳記，看到多款晚餐選擇，有合口味的，就決定進去試試。我點了一個勝瓜海鮮湯飯，朋友點了雜菌雞柳飯，但發覺大部份侍應的態度是奇差，很沒禮貌，點餐溝通時有些誤導，又落錯單，之後還將張單飛到枱面😑，端上食物時又什麼也不說，放在枱邊，但我們也沒計較了，也說聲謝謝，最後原來連收銀的態度也有問題😪。其實餐廳食物質素本身真的不錯，又足料，勝瓜海鮮湯飯有青口，帶子，魷魚，蝦，雜菌，勝瓜，湯亦好味，飯粒粒分明，不硬亦不太軟，大大碗我竟然吃得完。試了朋友的雞柳，很滑嫩，他也讚不絕口。如果侍應態度好些，應該更加吸客。

職員態度勁差。短髮佩戴黑色框架眼鏡第一次叫外賣送到上門，職員已經黑口黑面！到隔左一星期後再叫外賣，又係呢個職員，她在門外叫外賣，我大叫等陣（拿錢），前後唔夠兩分鐘，打開門她又係黑口黑面，把食物放在地上，我問她幾錢，唔願答，要我問三次先終於答，然後我話食物放地上，她仲要態度勁差話等得耐。我覺得唔願送外賣咪同自己公司反應唔好做囉