來發館火鍋刺身點心專門店

營業中

休息中

It takes some walking to get to this place. It felt like it was in the middle of no where at night when everything around it were closed. It was a super large venue and a quiet weekday.We started with some sashimi: thick-cut salmon and scallops (they were more like “blocks” than “slices), and a massive order of geoducks (I wasn’t sure if it was 1 or 2 orders). All sashimi were nicely chilled and fresh.Then we moved onto the regular hot pot things. We had the century old eggs and parsley soup bas

難得同阿妹半年見一次面，食飯就不能左慳右慳！雖然知道來發館打邊爐既價錢比一般餐廳酒樓還要貴但貴在物有所值，什麼任飲任食簡直行埋一邊！果日晚上7時到達餐館，侍應問我地有冇book枱……那刻啞口無言，幸好職員話仲有枱空左出黎，否則就只能呆等，勸喻各位前往食店進食前必須預約！同阿妹一坐下……就先落醬油等等配料……然後點選湯底，當晚選擇皮蛋湯……火煱餸菜則慢慢選擇，在等待湯底來臨時，雖然說有十分鐘左右，但當我同阿妹言談之間十分鐘時間其實好快渡過，火煱來到了……其實本身火鍋湯底配料都比較多，建議各位人數少既，等待湯底到達後先選擇餸菜我同阿妹點選了七 八款火煱餸菜包搭 牛肉 豬豚肉 豬紅 蝦滑 雜菜藍 鯇魚片 等等還叫了 嘉士伯（超滑）一支 及其他日本啤酒當然還點選了一渣 類似健康飲品比阿妹言談之間時間好快過，轉眼間又食左3個多小時，同阿妹既親情真係盡在不言中……要細數此間餐廳的缺點，真的沒有……唯一敗筆之處就係支嘉士伯啤酒，唔係我杯茶……各人有各口味！阿妹對呢餐評分都頗滿意，阿哥就心滿意足！埋單大約接近700蚊！但是否值得則見仁見智！我覺得呢一場物超所值……阿妹又長大了！

今日同屋企人黎飲茶~佢地之前黎食過話LUNCH好抵食,$38有大大碟飯,今日就帶我黎。之前都有食過佢地既晚市火鍋同埋小菜,超有穫氣,今日就黎食下佢地既點心,睇下水準如何啦~馬拉糕,第一樣野上菜, EXPECT佢係甜品多D,哈。不過好軟熟,趁熱食先正~炸兩腸粉,好食!春卷真係好脆口,腸粉皮夠薄而且係熱的,加埋豉油,PERFECT!鳳爪排骨飯,正常!棉花雞,棉花好林,雞肉好嫰,唔錯唔錯!另外叫左碟菜。呢到上點心既時間都唔算快,應該係即叫即蒸既原因。不過即整既,熱辣辣出爐既永遠都係最好食!

假日同屋企人黎試下早茶，服務質素幾好，點心都係即叫即蒸，蝦餃 鳳爪 春卷 腸粉 生滚粥 都唔錯 燒賣 糯米雞 就仍有進步空間但五個人10個點心又係假日埋單298，抵食👍🏻👍🏻

雞煲有雞腎又有雞腸，如果可以問一問我們就不會浪費雞件都多的，而且好結實，好食。叫了一個手切牛肉，要$238 比想像中的薄，寧願要個牛肉拼盤會更抵食醬汁有XO醬，嘩貴嘢我當然要加多少少！地方大的，服務正正常常可以更好

星期日成家去食個晚餐，火鍋料都未到就發現個小食變壞左，通知左職員更換，到食飽都仲未換到。最後同餐廳經理講返個小食變壞同問可唔可以取消收小食費。點知個經理態度勁串咁講:「全間餐廳都係食呢款小食架啦，無得取消架！」完全無歉意仲要咁囂張，一定無下次！想比錢去氣嘅朋友歡迎去試試😌

食物的質素一般，羊肉片太蘇，手搓墨魚丸太硬無彈性。服務員的服務態度太差了，因為第一次叫服務員叫飲品時並不理會，要再叫多兩次才送達，第二次叫飲品時，亦是如是，當客人需要水的時候，更加態度傲慢，不加理會，更要叫多2-3次先送達，加湯時，更要三催四請才加以理會。這一次用餐體驗實在不太好，希望貴公司同食物質素而及服務人員態度，可以有所改進，而不是每次有客人來呼叫店員時，左閃右避，互相推卸，更要在客人面前講其他客人既壞話。

其實來發館雖然有啲唔多就腳不過都去過好幾次，因為食物質素真係正尤其是海鮮同手切牛肉真係冇得輸，今日食咗好少野因為lunch太晏食所以有啲飽，所以今日只係食咗生,手切牛肉,炸魚片頭同菜，生真係好食過好多大酒店非常之鮮甜，手切牛肉當然唔使講啦必食之選，其實佢刺身同海鮮真係非常之正同新鮮，我地好多時都會食象拔蚌刺身或者龍蝦刺身，佢地啲鮮蝦雲吞同韭菜餃都是大大粒好美味，炸魚片頭炸雲吞應該全部都是即炸每次都是熱辣辣，不過記得要訂枱如果唔訂枱分分鐘冇位要等。

由於這店真的是來過N次，所以菜式方面也沒有逐一拍照，唯一只是想說以下兩道有水準的食材。以火鍋店來說食材是非常重要，除了一些廚房熟食以外，其他食材其實都是大家自己10下10下，如果食材不新鮮，個廚師(自己)有幾叻都冇用。三文魚腩刺身相信大家都不陌生，在一間火鍋店來說真的是見慣見熟的必點菜式之一。但是這店的出品是三文魚魚腩刺身，我的解說會是三文魚扒刺身，其他的不用多說。這真的是一道每次encore不能不點的頭盤。手切牛肉當然是火鍋中的靈魂，相信大家對大大小小的火鍋店也有很多不同的經歷。牛頸脊本身入口會比較嫩滑，如果是牛頸的話會比較有口感但是牛肉味偏濃，這碟肥牛就是在這兩者之間，牛魔王們千萬不能錯過。😋順便一提，由於它和鄰居店屬姊妹店，所以如果想火鍋時炒兩碟小菜的話，也能點鄰居店的小菜，非常讚。

今天來飲茶，諗住嘆下，無咁攰。蘿蔔糕是不應配甜醬的，阿姐話話說點了蘿蔔糕，我地指住碟糕，問阿姐「有無甜醬」，阿姐話「有！」問得梗係要甜醬，唔係問黎做咩！見佢咁耐都未拎黎，再問一次，阿姐甜醬呢！阿姐答：「你問我有無，我話有。但你無同我講你要。」一件好少的事，拎番就得，亦無話你錯。不過，明明係你無拎過嚟，可以說成係我地無講過，咩道理。按阿姐道理，可能客人叫你寫單，可以全部唔要，因為淨係叫你寫，我無話要。除咗咁，d 碗仲好油。無下次😖

早前聽朋友講話大角咀呢間海鮮很新鮮，所以在假期和家人一起來嚐嚐到底有幾新鮮有幾好食？首先進去的時候，裏面員工好急趕，可能是因為太多人的關係，所以感覺服務麻麻。到我們坐下來的時候，開始看看我最愛的海鮮🦞，那裏員工都有介紹今天有什麼食材很新鮮，但態度還是一般般(有點hea同趕時間咁），那裏環境亦很嘈吵，如果需要環境服務質素好的，這間絕對不是直到食物陸續到達，我們見到都會有嘩嘩聲，因為海鮮都好足料同好大隻。最後當然，急不及待即刻即來吃啦，哈哈，整體黎講，除左服務一般，我覺得絕對係好食既

第一次來食係食小菜，真係一般，但朋友話打邊爐比較好，所今次選擇食火鍋，一早訂定枱， 即刻入座， 有海鮮拼盤，湯底都好普通，試左個芫茜皮蛋湯，有好多芫茜，起碼一隻皮蛋， 食火鍋一定要叫火肉，叫左個細牛頸肉，有濃牛肉味，叫左個水餃，原來有成個拳頭咁大粒， 好足料，下次來都一定要叫，其他配料都好抵食， 雖說冇叫海鮮拼盤， 但見隔離枱老人家有叫，個海鮮拼盤都好豐富， 其中有肉蟹，下次可以試下，總括來說， 湯底一般， 但火鍋配料新鮮，足料抵食， 如果飲一大枝朝日都係$15, 抵飲！！！

叮叮家人既大盛小飯堂，打邊爐有唔同既足料湯底，又有粥底邊爐(段位計)。諗起都口水流哂出黎。 首先醉雞湯底，成件雞都有，唔會話斬頭斬尾，真係有成隻雞比你。其後食到龍眼肉好有酒味。真材實料。 招牌四寶丸牛丸、墨魚丸、蝦丸又彈牙又爽。好似食神入面既雙刀火雞咁一路打，另外梅菜豬肉丸覺得好盞鬼，將肉餅變肉丸，OK喇，比十個趣佢。 即製響鈴出面一盒盒食得多，自己整又試過未？每舊形狀唔多似，唔係工廠式啤出黎，格外鬆脆。另外有個酸酸甜甜既醬汁，可以醮黎即食。 象拔蚌刺身首先要介紹番佢係條條收哂水，唔係斷斤計，佢話幾錢就幾錢。起碼新鮮，價位就你覺得值唔值，不過依度係新鮮到個膽生食冇腥味。 其餘叫既肥牛、海蝦、雞子同埋餃子都非常新鮮，都係一般既火鍋料。情深推介就緊係以上三款。 最後最後，依度閒日都坐無虛席，可能大角咀本身都少野食。但服務絕對係１粒星都唔值。完全因為有位短髮女職員佢行行企企，我地話個位太迫，佢話郁一郁，但佢完全冇意慾去行動，發現佢睇我地依邊場，但魂魄唔齊咁，後來發現我地前一枱係佢識既，之後收工坐埋落去食。 所以覺得員工唔醒目又ＨＥＡ，同埋衛生可以搞搞佢。咁就大把人爭住黎食。 ANY肥，我今日

食物係抵食既，食物質素好。廚房完全無問題。但無服務，永遠唔會幫你執野，你叫佢，拎埋俾佢，佢都要耍一耍你，擺埋一邊先，轉頭先搞。間舖都坐唔滿，真係睇唔倒有幾忙！#重點係，我地成枱7個人，兩個飲啤酒，一雙一雙叫，肯定只叫左6枝。最後埋單佢叫我睇單，我一睇發現劃左11枝啤酒。我同佢講，佢話啲筆痕由唔同人劃，有唔同色同唔似一次過劃。1）咁你叫我睇單黎做咩？2）唔拗，當俾乞兒，又唔係俾唔起。總結「無下次」大家如果去食既就睇實自己張單，每次佢劃時都要睇一次。汽水佢無劃多架，係啤酒先會。

中午時分黑色衫待應一個，送餐待應粉紅色衫兩個，黑色衫侍應態度超差，向收銀員投訴黑色衫待應態度，佢話黑色衫待應係老闆喎，不知所謂嘅一間食肆，想受氣嘅就嚟食啦來發館，真係差到一個點呀