來發館火鍋刺身點心專門店

營業中

休息中

諗住留港撐下香港食肆，點知侍應態度惡劣，大話連篇，幾個人俾個細爆我地，根本放唔到料入去，又話全舖得幾個大煲，轉頭又話入去洗一個俾我地，問多兩句又黑面，火鍋湯底無味，男廁有一大舊屎，唔會再去

做完運動好餓上open rice 搜尋到這家來發打邊爐好評，特登行過來，結果超級失望！ 點了本地手切牛和炸響鈴，沙爹湯底。本地手切牛切得好厚，好UN，試了幾塊根本咬不到，沒有心情影相，也沒有心情食，埋單走人，好失望。

今次去嘅小店，食物真係得令到不得了！起手我地點咗道金黃香脆嘅炸豆腐，外皮炸到曬嗰種鬆脆，但豆腐入面仲保持住嫩滑，啖啖口感對比，真係咁樣講得好岩：外剛內柔。添埋啲自家製辣椒醬，微辣帶香，夾埋食，咬落去香口過癮，絕對係小食魔人嘅心頭好。再點咗一道啲啱普羅大眾咀嚼的黑椒牛柳粒，我可以話你知，啲牛肉粒煮得外酥內嫩，牛味濃郁得嚟唔會過於肥膩。啲黑椒醬汁，香辣正宗，好過癮！簡直係香港味嘅代表作！一旦開動，手就停唔到！🍴至於甜品方面，我哋揀咗杏仁豆腐。若果講到口感，呢個杏仁豆腐真係做到雲裏霧裏嘅滑潤，淡淡嘅杏仁香味，唔會太濃郁得令人嘔心，甜味控制得宜，咪以為食完之後有種罪惡感。而家，我個嘴角都係有小小甜，一吓又諗起啲杏仁豆腐好想再食多啖！🍮最後，份量充足，滿足感十足。落嚟食一餐，真係食到盤底見，唔使太多嘜嗌，輕鬆又開心。至於裝修氣氛嘅話，小小嘅店鋪，裡面裝潢簡潔舒服，啲枱椅都放排得頗有心思，連帶咗啲家庭式嘅氣氛。員工服務都算熱情週到，等嘅時間唔會太耐，嘢食就至得快手快腳上枱。👍總結，喺呢間店食飯，真係有種溫馨又貼地嘅感覺，食落去又美味又過癮，下次有機會，一定會再光顧！

平時肥妹同朋友仔常常經過來發館於是約埋朋友仔夜晚黎試試環境闊落寬敞；空間感大餐廳早午市有點心供應；夜晚則有火鍋供應火鍋提供新鮮即劏海鮮例如象拔蚌，游水龍蝦等等而店內XO醬係自家製，滿滿蝦米好惹味✾ 藥膳沙魚骨猴頭菇湯 $96打邊爐都要補補，點左藥膳湯底湯料足料且帶有雞件，增添鮮味清甜滋補；醇香可口✾ 本地招牌手切肥牛（大）肥牛份量十足，色澤紅潤油花分佈靚，肉質鮮嫩且牛味濃厚充滿油脂甘香❤️✾ 竹簽海蝦 $62海蝦好生猛，上枱時蝦腳不停郁肉質鮮甜爽彈且滿滿蝦膏✾ 梅菜豬肉滑 $62梅菜蒸肉餅就食得多今次就試試梅菜豬肉滑打邊爐豬肉打至起膠帶絲絲肉絲且伴隨梅菜粒入口鹹香肉滑彈牙，口感豐富✾ 雜菜拼盆 $55皇帝菜｜生菜｜油麥菜滿滿一大籃蔬菜，碧綠新鮮✾ 竹蔗茅根 $40每日煲製，清甜滋潤清熱袪濕，每次打邊爐必點

我地去左飲早茶 叫左腸粉 排骨 鳳爪 灌湯餃 燒賣再加多三野左右 已經成400埋單..唔緊要(如果佢好食嘅話) 食落正正常常 途中見到隻小強喺枱面爬 咁啱有個侍應路過我就同佢講枱面有曱甴 佢話:冇辦法㗎喇食肆係有曱甴㗎喇 然後就走咗冇諗過幫我轉枱或處理 於是我急急腳食完走人!

雖然而家好多日式台式火鍋，但🐻始終鍾情於本土港式火鍋🇭🇰唔需要過多裝修，可以大大聲傾偈，開返支啤酒，同朋友開懷暢飲一番🤟🏻夠晒麻甩😆.位於大角咀嘅「來發館」，正正係大名鼎鼎大排檔「萬發海鮮菜館」旗下餐廳，品質有保證😌餐廳除咗火鍋外，仲有專屬魚缸提供即劏海鮮刺身🐟早午市更可以食埋點心，種類相當豐富😙.🍴鴛鴦鍋💰$78打邊爐最緊要就係靚湯底🍲揀咗香茜皮蛋+惹味沙嗲，兩款足料到你唔信😮先講香茜皮蛋，面頭鋪滿超多香茜，內裡有皮蛋、紅蘿蔔、馬蹄、粟米等，超豐富😆沙嗲湯底超濃郁，輕輕一撈勁多花生碎，仲有唔少豬皮🥜味道甜辣適中，勁香花生味😚.🍴特級手切牛頸脊💰$268（大）牛頸脊色澤紅潤鮮嫩，油花滿佈😍肉質鮮嫩爽滑，油香四溢，肉味相當濃郁😋而且手切下零舍有口感，好明顯同機切唔同😌.🍴老友鬼鬼💰$58高度推介❣️油炸鬼面頭塗上蝦滑，再拎去炸🔥就咁食又得，或者先浸落邊爐湯底再食又得😙油炸鬼門湯底精華後，特別係沙嗲湯，香脆得嚟又有沙嗲濃香，勁惹味🤪.🍴西洋菜餃💰$52餸子粒粒飽滿，餃子皮厚薄適中，餡料實淨捉料💕.🍴梅菜豬肉滑💰$62用匙羹整成一粒粒再烚熟，入口好滑口，豬肉鮮香再夾雜梅菜獨有香氣😚.可惜今次得

👍🏻惹味沙嗲湯鍋 $68味道就係典型港式沙嗲嗰種，辣辣地沙嗲味好濃，花生味都幾明顯，有好多花生碎粒，仲有幾舊豆卜整體味道比較重，啲嘢食淥完唔使點醬汁已經夠晒味，啱晒重口味人士🤪味道：7/10性價比：8/10-👍🏻本地招牌手切肥牛 $228/例牌唔似平時啲肥牛咁，呢個脂肪比例少啲，肉質有少許嚼勁但未算難咬牛味非常濃郁，滾十秒左右啱啱好，咬落仲有少少肉汁🤤味道：9/10性價比：7/10-👍🏻招牌四寶丸 $88/8粒分別有海蝦丸、墨魚丸、鮮牛丸同梅菜豬肉丸，每款都大大粒當中最特別係梅菜豬肉丸，十足十梅菜蒸肉餅咁，少見有特色牛丸札實牛味濃，蝦丸同墨丸都好足料，但個人口味就鍾意再彈牙啲味道：7/10性價比：7/10-👍🏻來發雲吞 $88/8粒雲吞超巨型脹卜卜，仲大粒過乒乓波😆皮薄，內餡好多蝦肉好爽彈，飽滿足料，值得一試！味道：8/10性價比：8/10-👍🏻即炸香辣魚皮 $42 & 脆炸響鈴卷 $42即叫即炸，上枱時超級熱辣，兩款都冇油益味又夠脆口，份量都幾多味道：8/10性價比：8/10-早市午市係食點心，夜晚做火鍋，除咗多款火鍋配料外，仲有即劏刺身例如象拔蚌，同埋游水龍蝦食醬芥每位$15，竟然

天氣越嚟越熱，但打邊爐對香港人嚟講係無分季節嘅！大角咀呢間港式火鍋，早午市食點心，夜晚搖身一變，火鍋時段有新鮮即劏刺身例如象拔蚌，游水龍蝦等，最啱約埋三五知己一齊嚟😆—————🍲湯底 - 鴛鴦湯鍋 ( $78 )可以揀香茜皮蛋拼沙嗲/清湯拼沙嗲，沙嗲湯底都幾濃，有滿滿嘅花生粒，本身入面仲有啲豬皮索晒湯底添！-今次人少少，就嗌咗以下幾款配料本地招牌手切肥牛 ( 例$228 )份量十足！肥瘦均勻，手切比機切口感更佳，而且塊塊都有番咁上下厚度🤓特選桂花蚌 ( $108 )爽脆彈牙夠鮮甜！竹簽海蝦 ( $62 )海蝦大大隻夠新鮮，上枱都仲郁郁吓🤣肉質爽口彈牙，用竹簽食夠方便！潮式三寶丸 ( $55 )白魚蛋、魚片頭同黑椒牛根丸，三款都大大粒又彈牙，牛丸夠紮實😋

小編 又係因為工作關係第一次一大班同行去呢間打邊爐🥘可能同行係呢間火鍋店嘅VIP 一入到去 感受服務員熱情嘅招待🔥去返正題先😂-小食沙薑雞腳🐔中規中矩薑蔥撈魚皮🐟爽脆炸雲吞🥠外脆內軟但係味道偏鹹-刺身象拔蚌刺身🐘👆個人認為全晚最強菜式新鮮爽口鮮甜-火鍋本地招牌手切肥牛（大）🐮焯十秒 鮮嫩有牛味好食！！！特別想提及呢幾樣菜其他火鍋料都係中規中矩環境衛生都可以接受個人評分3.99/5值得一去

雖然天氣漸熱，但香港人鍾意打邊爐係無分季節嘅😆最近小編就約埋朋友去咗一間位於大角咀嘅火鍋店打邊爐😋餐廳環境闊落，有圓枱有卡位，岩曬一大班人聚下👍🏻除左火鍋佢地仲有海鮮同刺身🦐海鮮每日返貨，種類又多，款款都好新鮮架_🥘惹味沙嗲湯 $68湯底方面有好多選擇，另外仲有重慶雞煲🐥今次揀既沙嗲湯味道濃郁，加左啲花生更滋味🥜入面仲有豬皮吸曬啲湯汁大滿足▪️肉類🔸特級手切牛頸脊 火鍋料款式選擇十分多，每碟都大大份😛 手切牛頸脊比起機切食落口感更佳，肉質夠腍身亦好Juicy🔸爽脆靚鵝腸新鮮鵝腸打邊爐必點，輕輕一淥就食得😌非常乾淨，食落爽口惹味▪️海鮮🔸美國桶蠔肉質肥美滑溜，蠔味濃郁沒有腥味， 值得一試🦪🔸竹簽海蝦生猛海蝦串上竹籤食用方便，肉質彈牙爽口，鮮嫩多汁🦐🔸特選桂花蚌 $88桂花蚌爽脆彈牙，極具鮮味 ▪️刺身🔸龍蝦刺身 時價上枱已經嘩一聲好吸引🦞用上游水鮮活龍蝦，即撈即劏😍肉質鮮甜，口感有彈性，可以點少少豉油一齊食🔸鱆紅刺身半條＄688師傅刀工好好👨🏻‍🍳 半條切出黎已經好多肉，鱆紅味道甘甜清爽，口感紮實帶咬勁，油份重油香濃郁🐟小編仲叫左其他火鍋配料:🐷鹿兒島黑豚肉 $88白柏葉 $45🥟精選三式餃

平時都有去開食下點心，直到有日有個姓周嘅女樓面出餐過嚟，發生嘅一連串嘅事，我就發誓以後唔會再去嘅間咩來發館 同佢另一間「萬發」。某一日，我因為都幾鐘意食佢地嘅皮蛋瘦肉粥，所以就自己一個人過去坐低叫咗一碗食。出嘢速度都算快，以往食呢一個粥，我哋都會問要唔要胡椒粉，然後我就話唔使，覺得都幾好，有得俾我揀。但係今次呢一個姓周嘅樓面（平時見到佢都黑口黑面）送過嚟，就已經落埋胡椒粉，因為我對胡椒粉敏感，所以要同佢講唔好意思我唔食得胡椒粉，想要換過一碗（其實都覺得好浪費，但係冇辦法我真係食唔到），佢竟然同我講話落咗少少咋喎，意思即係焗我要，我反問返佢，平時唔係都會問聲要唔要胡椒粉嘅咩？佢理都冇理過我就走咗，咁之後我就搵咗另一個夥計同佢講想要另一碗，另外個同事就好爽快話冇問題。到我差唔多食完嘅時候，因為我朋友啱啱食完飯，就話過嚟坐吓等我，佢入到嚟，飲咗我個杯茶幾啖，冇食過任何嘢，純粹等我。姓周嘅呢一個樓面拎晒碗碗碟碟過嚟開個位俾佢，我以為佢咁好心，都同佢講聲話唔使了，因為我都差唔多食完走，我朋友係入嚟純粹等我，所以示意佢可以收返啲碗碗碟碟，佢黑口黑面同我講啲嘢照放喺度。咁我都擔心佢難做，諗住快快脆

綜合收到情報，分析後到此一探，睇吓行動不便嘅，出入方唔方便，去廁所有冇困難，試試早茶預備明晚帶人嚟打打佢邊爐，試嘅途中已有念頭搵另一間，首先強調食物品質及味道係好嘅，但員工就有問題，尤其啲著西裝褸嘅領班，入到場冇帶位，自由揀位坐，接受，坐低冇人理，一般情況都係咁，爭取時間剔點心紙，到有人嚟開茶，要求畀多個空茶壼，到茶嚟到冇空壼跟𠹺，問問亞姐，佢攞咗剔好嘅兩張點心紙就去如黃鶴冇答覆，唯有自己搞掂啦！拎住個空茶壼未坐番低，畀個著“西裝褸”嘅女人截住，揸住個黑色夾單本，用落口供口吻，問我叫咗乜嘢食？吓？？？妳手上都有份點心清單，係想問乜嘢呢？咁話佢知兩張點心紙上便剔嘅都係，跟住點心只嚟咗，叫嘅8樣嘅其中3 樣，隔籬遲我入坐客人已經食緊同我未到嘅同款點心，追問啦！跟住另一個著背心嘅亞姐幫我追單，問我有乜未到？8樣只嚟咗3樣，攞起張清單，剔起未到嗰5樣去追，跟住只嚟咗兩樣，仲有3 碟呢？過一段時間再追問，佢話咪問咗“你爭啲乜未到囉”，？？妳攞住張剔住邊啲未到嘅清單，咁都仲瀨落我喥冇講爭乜嘢？佢跟住仲話你等得就等啦！唔等得就唔好要啦！嘩！唔要我就唔會多次追問啦？我都話番句，妳做得嚟就做啦！做唔嚟就

有朋友叫食飯...星期六梗係會出席~來發館第一次食...朋友發辦叫野食...叫左池魚同象拔蚌刺身~2款刺身都好新鮮同好有味道!!!以往都有D抗拒係火鍋店食刺身...因為驚唔新鮮同質素差...今次打破左我呢個一貫既想法~食完刺身當然到火鍋料出場...朋友叫左本地手切牛同牛頸脊...2款肉牛味都好重~肥瘦適中...5成熟岩岩好~不時叫雞子都係好細粒同好瘦削...今次呢碟好肥滿~黃沙潤顏色好新鮮...我overcook左佢都唔難食~新鮮雞什...宜家好少係出面既火鍋店見到...當然要叫黎食下~我本身唔係內臟愛好者...不過都試左...好濃味~!總括:環境就一般...都算乾淨...係有D迫~食物質素OK

朋友話呢到打邊爐好正，早排凍左d就黎試下。環境就一般，但都乾淨既。象拔蚌刺身份量都唔少，唔錯，幾爽口。其他打邊爐嘅食物質素就中規中矩，我諗呢度應該食海鮮出色d。

本人幫襯來發館差不多有10多年！今日食到一肚氣！佢哋話轉左老闆！竟然切蛋糕要收$80！其實我次次嚟呢度食生日飯都唔收切蛋糕費！員工仲同我講改咗新列！明明冇飲竹蔗茅根水！佢話我張枱有！仲要同員工爭吵左一輪！服務態度差！依家啲食物質素麻麻！價錢都唔平！下次唔再幫襯今日食得非常失望