侘寂．鮨處 (已結業)

　　香港和食琳瑯滿目，何以做到突圍而出？ - 保留傳統也。所謂傳統，之曰正宗保留其當地之原汁原地，不賣弄、不花巧、不做作、不偏激；洽到好處、簡潔點綴，淡淡帶出師傅在和食上花的心思，足以見其功力及底蘊。所謂和食，追溯當地文化，以「時令」及整體配搭為賣點；　在日新月異的香港，多少為了糊口；多少為了突出自我逐而改變傳統，走創作路線、又或中西英美法日歐韓來個大合併，為求殺出血路，最終為追逐潮流而忘掉本質。以「鮮味」（珍味）作賣點的日本餐，說到底還不是魚生及壽司，但何以做得出色，把淡而無味的刺身增添色彩，千篇一律的串燒帶來驚喜？侘寂鮨處座落蓮花宮西街面向蓮花宮，位置偏僻，卻別有一番隱世小店之感，洽巧今天人煙渺渺，老闆聰師傅更特意在門後迎接，我感受到，　人情味和「心」之製作，就正正是這餐的調味品。食品:鮟鱇肝　＄98水之王大吟釀 ＄260原條羽太刺身 ＄580馬肉刺身 ＄280赤座蝦刺身 ＄158大TORO壽司 ＄118蝦蛄壽司 ＄88/1件寒鰤壽司 ＄98牡丹蝦壽司 ＄88串燒牛舌 ＄68串燒和牛肩 ＄118芝士年糕 ＄48鹽焗銀杏 ＄68赤座蝦湯 / 羽太魚湯 - FREETOTAL ＄226

好朋友推介下，上星期三同老公來晚飯，訂了counter 位就是想食阿聰師傅Omakasan。Toro,中toro,魚㬵都十分新鮮肥美，幾種白身魚都很爽口鮮甜，只有小肌魚比較不是我的口味但我老公就幾鐘意。吃完十多樣的魚生及sushi 後想來一點熱食。聰師傅推介燒Angus beef 再加一個汁煮蘿蔔。牛肉外面微焦，生生地正合我口味！但最後來的汁煮白蘿白原來才是surprise!厚厚的但勁入味！甜點的祡蘚紅豆卷應該是自家做，我那份都給勁愛紅豆卷的老公全吃掉！真是要多謝聰師傅！是晩吃得飽飽又好味！

*編輯請注意我之前 submit 錯了一個食評到灣仔那間wabi sabi, 其實是想寫大坑這間 wabi sabi, 請不要approve 另外一個食評. 造成不便, 敬請原諒.一月一日來這裡新年大餐, 起初怕是隱世小店會難找, 但其實就在蓮花宮對面, 很快就找到了.店面不算大也不算太小, 大概10張桌子, 環境寬敞又唔噪, 適合約會傾計. 重點是, 食物很用心有誠意, 用料非常新鮮! 我諗因為租金相對比銅鑼灣呀, 尖沙咀等便宜, 所以同價錢可以吃到質素較好的食材! 吃了一個用料上盛的壽司定食,:前菜是小龍蝦拌上有點兒wasabi味的醬料, 是很開胃的appetizer. 還有溫泉蛋! 半熟蛋黃加上微咸的 sauce, 好味! .主菜壽司來了!- 海膽又鮮味又甜, 令我想起在築地吃的海膽! 老板說因為新年, 在日本那邊也難取貨, 價錢貴了很多, 但他也堅持從北海道入最好的! 因為客人吃過一次不好吃就不會來了, 讚 !- 第一次吃三文魚腩, 真係好好好 creamy! 好肥美 !- 帶子都有份量, 好鮮甜- 一向都愛 toro , 平是去其他壽司店連普通 tuna 都好易出事, 但這

一到聖誕節或任何節日,作為服務性行業一員的小弟,根本不可能於假期正日放假,因此被白領族女友囉嗦整星期, 終於可在BOXING DAY這個跟聖誕有小許關連既日子放假, 決定吃好一點當作補償...住銅鑼灣多年 很多食物已沒新鮮感可言, 見這店剛開業不久 飲食男女介紹 食評也不錯, 即管試試 ...既然到日本餐廳 一向與女友愛坐壽司吧 一來喜歡看著美食,胃口大增,二來也喜歡看到師傅的細心看到餐牌 款式挺多 侍應介紹 可由師傅發板 有純壽司/純刺身/會席(即包括熟食) 二話不說女友已選會席,一於就選$1200 會席兩個,用不著煩自己的腦袋,讓我簡說一下- 先來一個刺身拼 : 有 北寄貝 (超巨型,之前從沒見過 鮮甜無比) 海膽尢魚 (海膽新鮮!!!) 吞拿魚 吞拿魚下顎肉 (這個值得一提,入口即化 與大拖羅有過之無不及 ) 劍魚腩

第一次登食評，長話短說，見某週刊介紹講到好高，即刻訂位試吓新嘢，我係食嘢嘅人，唔食環境嘅，所以嗰啲唔評論，我嗰晚叫omakase，佢有六種，分別係八百丶一千丶千二(淨壽司或淨魚生)，我兩位點了千二嗰隻但想有點魚生有點壽司，侍應話幫我安排，但問我有什麼一定要食，我已有點愕然，不是應該師父發辦嗎？然而我猜她是一番好意吧，咁我話uni同牡丹蝦啦(諗死都實有㗎啦）。點埋支sake仔，滿心歡喜等食好嘢，唔，冇啲海帶呀牛篣呀咁嘅，算啦，等咗大概五分鐘，嚟第一樣嘢，我坐喺壽司吧，咦，乜唔係喺前面嚟師父俾嘅咩，攪乜係喺後面嚟，仲一嚟就三舊壽司，白身魚，ok，我未見識過，就問師父（嗰兩句係我倆該晚第一次交談，亦係唯一一次）好少見喎，嚟壽司先嘅？佢話，你哋唔係食壽司咩，我澄清咗，佢話唔好意思，再攪過，咁我咪食嗰三舊嘢食住等啦，質素一般，wasabi當然係兩溝但粉多堅生葵少，見師父做緊嘢，有啲忙，但又冇魚生俾我嘅？我已略感不妙，再過七八分鐘，係啦....! 我瀨嘢啦! 佢成盤魚生用雪墊底上呀陰公 ! （當然又喺我後面嚟）有六種生嘢，包括鰤魚bully、左口、平貝、牡丹蝦丶吞拿及中拖羅，每樣兩三四舊不等啦除咗

Wabi Sabi 是一種日本美學的態度,回歸欣賞事物本質的樸素美感ｏ放在用餐上，就是希望透過食材和烹調讓大家嘗到味道，本質的味道ｏ餐廳佈置簡約、潔淨，位子不多ｏ洗手間在餐廳旁, 寬濶 ....... 未說食，先說這好像有點那個, 但這小空間比酒店級還要棒, 要先讚!Menu 內容並不豐富，重點是小黑板上的當日推介ｏ小店幾乎每晚有鮮活海產空運到港,比較少見的白貝和鮮鯖魚也有供應ｏ午市套餐在百餘圓的範圍內,當日我光顧的午餐時段，眼見其它顧客點的套餐相當豐富，下次必定一試ｏ一頓窩心的午餐由蛤蜊、鯖魚和白貝刺身展開 ...... 鯖魚是鮮的，一般店子只提供醃酸的，遇到未醃過的我必定點ｏ當午吃的魚香十足，光身魚經冷藏再運港的通常欠了點香，這幾片卻還油潤，愛!點了沙律，份量足，醬油也可以ｏ小圓臉店員推介和牛面頰串燒，我一向不愛和牛的豐脂，但見她非常誠懇就點了一串０肉質非常嫰滑，不錯ｏ北寄貝刺身非常精彩! $158 一只超級大的! 自問為食，也算食遍四海, 此北寄貝也算是人生到此吃過至大的一只ｏ貝身夠厚大, 鮮甜美味, 一個人獨享絕對是味覺滿點!小店也提供馬刺，我點了寿司 ......解凍是剛好

今日同男朋友3週年,諗住出去食飯慶祝下啦....我地兩個都食日本野既FANS...當然日本菜就係我地目標啦,哈哈*!!!去食放題環境又太嘈,野食有時真係好似食垃圾咁,咁岩有FD打黎話上星期2係大坑食過一間日本餐都OK,聽完即刻呆一呆,事關我住左大坑2年,點解我都唔知既? 一於去望下環境啦, 原來正正係蓮花宮門口對出,唔怪得之啦,因為我地一般都行外街,冇兜入黎呢邊, 門口仲有得免費泊車...正*!!!門口都係好正宗既日本餐廳,簡簡單單,都幾OK,一入門口果然有驚喜,放左好多一條條唔同既活貨係度,哈哈...唔洗淨係睇MENU嗌野食啦...週年紀念緊係要飲酒慶祝下啦...不過原來選擇都好多下,唔係咁識揀,之後佢地介經左枝好似叫天巧既比我地,價錢又OK..一於試下!!!飲落又幾OK喎,唔似以前出面飲過果D好似得個濃字,好啦...係時候嗌野食啦,師傅介紹左一條叫平目既魚比我地食...都幾岩我同我男朋友口味,,,,唔太淡,油香岩岩好...最得意係隔離檯條魚上左菜之後,個咀同個魚尾就係咁郁,全場都埋左去八一八...哈*估唔到會新鮮得咁緊要...之後就到海螺刺身啦...清清地,都幾好食...值得一提係

星期日午餐通常同家人去酒樓或茶餐廳開餐，今日老公話要去天后蓮花宮西街探朋友，朋友樓下有間新開嘅日本餐廳，lunch佢食過，幾ok。我哋揸車去到附近就見到有街位泊車，側邊正是 Wabi Sabi 日本餐廳。入到去見到環境都好清靜、舒適，而且已經有幾枱客人坐底，決定一試！原來間餐廳午市套餐星期一至日都有供應。我哋叫咗自選魚生定食(可簡一件 Toro、海膽同帆立貝), 美國安格斯牛肉定食，同豚肉生薑燒定食；D魚生好新鮮同夠份量，而牛肉亦很 juicy , 不過燒豚肉就稍為乾咗少少，味道亦 ok。成個餐有前菜、沙律卷 、麺豉湯、煮蛋同甜品，食完非常滿足！亞仔就加 $15 飲埋咖啡，佢話都好唔錯，同coffee shop 有得比！最後埋單每人平均約 $120，計落唔使搵位同人迫，又有免費泊車，總算是個舒適又實惠嘅午餐！

Wabi sabi星期五晚，例牌約左啲girl fd出黎飯局，但次次諗去邊食都R頭，平嘅又要你6點到，8點走，稍為好食啲、坐好啲都一定full，今次有fd建議去天后銅鑼灣道，話條街都有一排餐廳，應該都揀到，由於大家都想食日本野，但發覺原來得一兩間，而且都幾貴，正想轉地頭，比我地見到蓮花宮對面有間日本餐廳叫wabi sabi，望落環境都吾錯，又有位，都吾洗諗啦！間鋪原來新開，食物種類都幾多，一坐落送上一碟前菜，吾錯，幾好味，心諗食物應該吾差，最後點左汁煮油甘魚頭、汁煮蘿蔔、龍蝦沙律，焼物就點左牛舌、南瓜、冬菇、雞腎、三文魚皮、魷魚，另外三文魚、呑那魚、劍魚腩壽司，仲有黑豚內蕃茄卷、芝士年糕、甜品係柚子雪芭。飽到呢！食物水準算中上，總括四個女人評語：汁煮蘿蔔超好味，我地仲番叫多碟，必食！龍蝦沙律整法好新鮮特別，燒三文魚皮，出面好少食過，都好正，不過細塊左小小，燒魷魚、黑豚肉蕃茄卷都好得，壽司ok,喜出望外嘅係芝士年糕同柚子雪葩，我地本來想encore，但真係好飽。埋單時更喜出望外，每人吾洗$300。臨走時經理sell我地個set lunch,$78竟然有黑豚肉，8件壽司set可以叫toro