修哥魚鍋烤魚店 (已結業)

職員態度極差，魚又瘦又細條，肥牛似橡根，指出後店員話几十蚊野，核梗架啦，上菜速度極慢，又唔耐煩。下次一定不會幫襯，希望大家不要上當，環境又差態度又差，令人失望。一定不會再幫襯

修哥見不少人食烤魚，就訂了座過來吃，來到七點都差不多滿座都不少人，差不多人人都吃烤魚，最後我們二人叫了尖椒和魚就要了魽魚再加菜和二個小食，烤魚來到再煮可以食，尖椒都不少都幾辣但太咸，可能為了煮出味來，魚肉好滑身不多骨，侍應介紹不錯，份量一條約斤幾都夠二人食，而底部加了菜，份量比我心目中少，都幾入味。小食叫了豬耳好薄身減少了口感，份量不多有點失望，肉鬆皮蛋豆腐幾好味，醬味夠味又不咸，掛在豆腐一起食好味，飲品要了烏龍茶，食晒都不用四百都幾飽肚都不錯。

今日想食健康啲，就試左個魚腩米線。首先，就等左好耐先有食物到，大概8分鐘。賣相就麻麻地。啲魚腩好似煮得太耐，不過勝在啖啖肉，而且都係有成3，4嚿！而且吾會好腥。貢丸有啲貴，得2粒，但係幾彈牙，好好食，如果有香菇粒會更香更好食。啲麵條非常失望，好似賣剩庶，超少又超碎，而且吾太有魚湯味。湯底都係成個麵嘅靈魂，不過就非常失望，似濃湯寶個種，沒有魚的鮮味，不是清甜的感覺。環境就比較舊式，價錢都算貴，而且飲料得汽水，選擇好少。

小的非常鍾愛加入鮮蕃茄的湯底，只要看到該食店有提供蕃茄湯乜乜物物的話，就會毫不猶疑地點選，不過很多時都會遇上加上大量茄膏的情況，而鮮茄卻欠奉，那討厭的色調，準會令閣下直倒胃口，而有些食店會好些，摒棄茄膏而選用鮮蕃茄，但可惜的是，大部份也是在煮好的湯底上加入略煮便奉客，這樣亦令到湯底完全沒茄味，幸好凡事總有例外，有部份食店在捨去茄膏而加入鮮茄之餘，還會壓碎蕃茄，令鮮茄汁跑進湯底融為一體，以下食店是其中一間。.這間食店除了全日有烤魚供應之外，午餐還有魚湯米線泡飯等供應，之前吃過她的蕃茄肉碎泡飯，那個蕃茄魚湯茄味不錯，因而此次之後，小的無論點什麼配料，也會加錢去變成湯底帶蕃茄味的。.還記得首次吃時，不知道盛在匙羹上的蔥混有芫荽之下，豪氣地全倒進泡飯內拌勻才吃，頭一口，那霸氣的臭青味直搗中樞神經，初時只是雛眉，繼而面容扭曲，結果那午餐是超慢動作地，避開混著恐綠的肉碎飯堆，勉強著把蕃茄湯喝掉，自此之後，走青成為在下最重點的要求。 #沒走青吃至面青青豬膶少米線加蕃茄走青雖然首次吃有陰影，但其實這裡的食品味道不錯的，尤其在下最喜歡的蕃茄湯底頗有水準，這次配上粉糯的豬膶作為配料，之前來了很多次也是吃泡

麻辣烤魚-大邊-小辣加全菜-金菇-蓮藕-大豆芽小辣對於我來講一d都唔辣😂但勝在條魚煎得夠香口，夾埋食好惹味涼拌秋葵，味道有點太酸，唔辣！炸蕃薯波波，呢個超好味，炸到好脆又冇油入面應該係芋泥，好食👍🏻脆皮豆腐，個皮係脆皮，但豆腐係布包豆腐，唔係滑豆腐😂涼拌土豆絲-解鎖新味道，小心愈食愈辣一隻雞煲-勁有家鄉味道，味道好懷念，係好好味咖，因為有朋友唔食得辣，所以冇要辣，如果要小辣或中辣，應該會十分十分十分好味

一直好鍾意食米缐，但一般所謂魚湯米缐，都好流！完全唔覺有魚係入面。叫佐個魚鮫米缐一攞出嚟已經好香，仲有胡椒味👍👍合共有四件魚鮫，豆卜 ，生菜好足料！好似酒樓一窩米缐份量。已經唔食早餐，連晚餐都食唔落😝下次二個人share 都得！

週日下午來到佐敦吃烤魚。由於不吃辣選擇了「酸菜味」烤魚，大邊，加薯粉$30 ，全菜$27。.午飯時間點烤魚需時25-30分鐘等待，店員也有提醒大家注意時間是否足夠。.份量也是挺大一條的。皮烤的非常脆可惜魚沒有其他選擇，但鯇魚本身非常多骨頭，因此較麻煩。全菜$27有蓮藕、金菇、京蔥、豆芽洋蔥等。份量頗多，挺划算的。再點了份薯粉 $30大大碗，非常QQ以上食物三個女生吃還是挺飽肚的。總體來說還是滿足的一餐，希望以後可以選擇較少骨頭的魚類。

試下朋友介紹的烤魚，時間仲早都仲有好多位！本身以為唔食得辣就可能比較少選擇，點知都仲有好多不辣選擇！蕃茄，酸菜，豆豉，雜菌！最後決定左選擇酸菜味大邊魚，有問我地要咩魚（有兩種魚，但忘記了叫咩名），脆皮豆腐，串燒羊、雞同牛。好快烤魚就到，酸菜好多好正啊，條魚應該炸過，d魚皮好香口，好怕食魚多骨，好彩朋人幫我分開哂🤣成條魚都算多骨，但勝在算滑同夠味啊！仲有好香既孜然味！三個人食大邊真係唔夠喉。唯有叫多份全菜，吸埋d湯汁黎食啦！炸豆腐熱騰騰岩岩炸起，金黃色好吸引，外脆內滑串燒就好似偏細，肉都硬硬地

食過無數次，今次第一次寫review ，都有差不多2年無黎，水準依然。待應姐姐們好nice 架。以前每星期最少黎一次🤣今曰同2個朋友黎，我自己每次都叫豆豉味，但友人們不喜歡辣，所以今次第一次試酸菜味大邊（即係有埋條骨），都一樣好味！但好似之前D碟頭大D。諗住唔洗加全菜都夠食，點知唔係幾夠🤣最終加左一份。放埋入D湯度超正呀！下次要叫份牛肉入去D湯度打邊爐，應該會好好味🙈個酸菜湯底配米線應該會好好味🤪條魚燒過先放入湯，入面有酸菜，大蔥，洋蔥，芫茜，以前有好多的😣另外我地仲叫左脆皮豆腐同串燒 牛、雞、羊（冇影相），脆皮豆腐D粉漿有D厚，之前好味好多，而串燒第一次叫，下次可以不要再叫🤣

少許感冒，想吃點湯的。選了這裡。蕃茄魚片湯泡飯。味道中上，喝到是魚湯，魚片也不腥。選外賣，因為店裡油煙味太重，所以通常外賣。份量也足。不要錯過任加的辣辣菜脯，好吃。

是晚2人行過都冇睇店名就入去試下心態咁叫左個香辣（微辣）大半條——佢有分原條。大半條。小半條（佢有圖解點為之大半小半..👍🏻再叫左安格斯牛（細）。不過佢魚冇得選擇咩魚。👎🏼配菜（芽菜。木耳。蓮藕。）都要另比錢加👍🏻條魚來到賣相都可以的。食落都唔差。不過條魚超多骨🤔...好味就打平手la😝安格斯牛都係正正常常咁上下...！有一到好佢尼到冇阻止你外帶飲品👍🏻👍🏻👍🏻👍🏻服務都合格...😊

今日，21/11/17, 約左朋友聚會食晚飯，有友人想食烤魚，咁就指定要去修哥食麻辣烤魚，其實我唔好食魚，不過佢想食好耐了，就決定去試下。去到時，大約7 點半，好多人係門口排隊，好彩我地預早卜左枱，如果唔係就唔駛食了。我地等齊人，就叫了全條嘅麻辣烤魚，蘿蔔，墨丸，金菇，薯粉，蕃茄，肥牛，椒鹽魷魚鬚。 * 麻辣烤魚好正，我叫了多麻少辣，好好味，條魚唔腥，都好滑，我都食到，好好味但唔知點解我地叫蘿蔔同墨丸，黎到係湯上已熟食，我地叫黎係打邊爐，點解會係熟食呢？係個問號❓但放落去麻辣湯汁再滾下，又真好食。魷魚鬚好食，唔太梗，味道好正我食左好多。肥牛好薄片，好食，好雪花，好好味。最差係蕃茄，因為佢地切到薄片，放入去滾兩滾都爛晒啦應該要切一件件會好d囉。**大家記得要預先卜枱，否則唔駛食。** 魚可以叫半條 or一全條，視乎你食得幾多囉，唔同價錢啫，我地4 人食左全條魚囉** 鐘意食魚同食麻辣一定要試，否則後悔。** 麻辣程度有得簡嘅，自己決定吧。** 佢d墨丸同蘿蔔熟左就咁湯上，都已經可以就咁食，亦都好食架。** 聽聞係李修賢開架，好有名嘅店，所以要試下。

Very hard to find... kind of place, but thanks to a friend who likes spicy food as well, I found this place. We ordered their popular spicy fish, and added cuttlefish balls, bread and potato noodle, lamb skewers and beer (dry d). Oh we had one cold appetizer too- think the name was wasabi sth... well quite good, but also on spicy side. Ok, so even though the fish itself is not the type of fish I like, I found it to be not so earthy and matching well to the spices in the hot pot broth. Black bean

下午心血來潮又想食雞翼，所以今日嚟左食魚湯米線平時依間賣烤魚既，經過友人介紹下，try左1次米線就成日對依間餐廳念念不忘了平時係食烤魚嫁，揾次可以try try 米線，有好多選擇，我最鐘意食依度既雞翼，新鮮炸的，熱嗱嗱，好味原來經友人細心計算下，雞翼米線加魚片頭係平d,同多一隻雞翼48元相反，魚片頭米線加雞翼就貴d51元，同小一隻雞翼，竟然係咁😅😅😅米線都好多菜同豆卜，加上魚湯，都不錯的，主角當然係雞翼喇👍🏻👍🏻雞翼加上調味料整，好香，脆卜卜，加上小小胡椒粉，更加香口。不過個米線湯底應該有加味精，因為食完會有點兒頸渴總括而言，都不錯，喜歡食雞翼既人可以try try

今次第二次食上次食咗雞煲今次食個魚鍋，我覺得唔錯，魚幾滑同埋d汁夠味，d串燒都好正，個雞煲都唔差，服務態度都好好，估唔到今天打八號波都照開舖，今日出面落住雨勁狼狽一入黎個員工已勁好比紙巾我抹，我覺得呢間真心值得一試，d人又好，嘢食味道方面都好