俺流塩らーめん (新都會廣場)

營業中

休息中

今天去了葵芳新都會廣場，幫太太拿東西，肚餓吃碗拉面醫肚，看見有很多人吃，就入去試下，叫了碗辛辣熟成濃湯拉麵$63，價錢不算太貴，湯頭不會油油的，我略嫌不夠辛辣，還加了他們的XO辣醬，但湯底夠味美，面選擇了普通，面質有彈性吃一碗也夠飽了，份量不算少追加了一隻溫泉蛋$10，蛋心夠流心，軟熟也有少許甜味裝修也很日式，還有冰水設備

自從下載了葵芳新都會my living pass之後為了儲分都會首選在新都會用饍新都會新裝修，多了食肆可以慢慢選擇，食完又可以逛街再儲double分！今日選擇了拉麵！這間拉麵店經常都有人排隊不要被人龍嚇到，食客們好合作，食完拉麵好少會逗留好耐所以好快就可以安排入座，最多都只是等15分鐘左右排隊的時候就會派餐牌及點餐紙可以選擇拉麵種類、麵的軟硬度、要／不要䓤、要／不要荀還可以選擇追加食物其實拉麵種類都算多可以足次試不同的味道！今日試了俺流男盛熟成拉麵因為它的配料夠多，可以一次過試完叉燒、炸雞、溫泉蛋麵選擇了普通，不軟不硬就最好的選擇叉燒都好好味不過炸雞還是散叫好，浸過湯底後最好快點進食，否則外面層皮就好快會變稔濃湯底，合我心意最重要是溫泉蛋是不是好吸引呢～另一碗是黑蒜油熟成濃湯拉麵材料差不多一樣有溫泉蛋有叉燒但個湯相對上較濃聽聞黑蒜有豐富的營養價值難怪好多餐廳都會特意出黑蒜料理其實還有好多醬料放在枱上給顧客選擇如果覺得不夠味，想再濃一點的可以再加黑蒜蓉不過我覺得都足夠濃了加不加就看個人喜好總括而言這間拉麵店是值得一試及再光顧👍🏻

叫左最多送果款拉麵, 熟男特盛拉麵什麼的。入面有炸雞, 叉燒, 同蛋, 炸雞好大舊, 啖啖肉又唔算油膩, 叉燒係燒過, 有d 炭燒味, 仲要係厚切! 蛋係半熟, 唔算好流心, 一般。麵質叫左幼d ge麵, 唔會太飽肚, 湯應該係豬骨湯底, (佢menu無寫), 奶白色, 唔會太咸。我試哂佢幾隻醬, 柚子胡椒好咸!!! 有少量柚子味, 少量胡椒味, 如果唔係咁咸, 照計係ok  ge。再試梅子醬, 又係咸到痴線.... 另有黑蒜醬, 呢個最正常, 幾濃ge蒜味, 唔怕咸。辣醬我無試。最後我都是揀左落醋, 最正常最夾.... 個人認為唔好落佢d 醬仲好....另外叫左煎餃, 佢外型唔似一般餃子, 似係一朵花仔, 但無左下面果截,  入面有菜有肉, 唔夠熱, 但唔會太油, 味道ok ge。呢度以價錢來計, 係幾抵,因為樣樣野都大大碟。我地碗麵仲要加左底, 完全食唔哂law

葵芳新都会广场刚装修完不久，今天又刚好要到富衞帮朋友交保费，顺便下来吃碗拉麵，以盐味拉面主打的拉面，下午三点，人不是很多，直入，拉面选直面，挂汤能力不强，小小弹牙，汤底有淡淡的的鸡汤香味，感觉很清爽，水凖还是不错的，就是位于扶手电梯底吃拉面，感觉怪怪的

行完葵廣，唔想食小食做晚餐，就黎左隔離個商場搵野食。見到呢間拉麵店咁開揚係兩條電梯中間，價錢唔算好貴，就決定試一試。雖然都打蛇餅，但好似排左十零分鐘到就入到了。枱上放左三罐醬料，分別係柚子胡椒、黑蒜蓉同梅子覺得柚子胡椒係最值得試，因為真係幾特別，食落係胡椒嘅微辣，同時帶有柚子香氣。建議試呢個醬可以放少少係個匙羹上面，再一邊食麵，每次食麵舀起嘅麵條同湯底都會沾到少少醬料，咁就可以試清楚佢嘅味道。如果唔係落哂成罐醬料都未必試到有分別。俺流熟成濃湯拉麵 $58熟成湯 – 用壓力煲快速煲煮豬骨、雞殼等熬成湯底的確好濃郁，但真係好咸，咸到飲左五、六杯水，返到屋企都係咁繼續飲。拉麵配料較少，雖然知道價錢唔算貴，都唔能夠要求太多嘅，筍非常好食，建議加！唔好蝕底玉子 $10賣相幾吸引嘅溏心蛋，軟硬適中，蛋冇特別調味，所以都係正正常常咁嘅味道。叉燒一片 $13塊叉燒係凍嘅，難道係當冷盤？🤔厚薄算適中，唔算好硬，但食落真係普普通通，唔算好特別。覺得13蚊一塊叉燒有少少貴，因為根本食唔出有特別方式烹調。

今晚難得約到個成日要加班既fd去葵芳新都會食飯,一於試下大家都未食過既俺流塩らーめん。雖然唔識讀，但成日見到好多人排隊，應該都幾好食。排隊既時候，職員會問你幾多位，然後派一個mune同每人一張既點餐紙（好似一蘭咁）。排我前面有10個人左右，但係間餐廳既翻枱速度好快，等左10-15分鐘就入得。我同朋友都未諗好食啲咩，已經被安排入座。最我叫左"俺流熟成濃湯拉麵"，追加左一片叉燒，而朋友就叫左"黑蒜油熟成濃湯拉麵"。感覺上，我覺得有蒜味同無蒜味既分別不大。但重口味既朋友堅持蒜味比較好食。食完野先見到枱面有三種醬料,分別係"黑蒜蓉","柚子胡椒","梅子醬"。唔知道"俺流熟成濃湯"加左"黑蒜蓉",會唔會變成"黑蒜油熟成濃湯"呢？小食之中，"大阪燒餃子"味道正常，而"玉子大阪燒"就最有驚喜。睇圖片/上枱時，以為係類似章魚小丸子的食物。一夾開先知道原來個餡係原隻雞蛋。雖然第一次咁食法係有新鮮感，但係我始終喜歡食有章魚做餡果一款多啲。因為18只有一1粒。埋單$243，2碗拉麵+1片叉燒+2個小食+2罐汽水。唔算貴，一試無妨。

呢間係葵芳長期啱嘅人龍店， 難得有一日平日放工冇咩人排隊， 即刻衝咗去食。 等位嗰時已經畀點菜紙我哋寫， 入到去就即刻有得食， 非常善用時間。裏邊有好多唔同嘅醬料同調味料， 可以配搭唔同味道嘅拉麵，個人幾鍾意佢個柚子胡椒，幾香。我叫咗個黑蒜油拉麵， 但黑蒜油味唔太濃， 味道麻麻。朋友叫咗個招牌男盛拉麵， 呢個反而個湯底幾好味， 好濃郁嘅豬骨湯， 但係個炸雞放咗落啲湯度 ， 變到軟淋淋咁，唔好食囉 。我哋另外叫咗個炸雞同埋餃子， 兩個都係冇乜特別啦中規中矩咁樣。 下次如果唔使排隊都可以encore嘅，如果要排隊就咪搞啦

今日一個人等男朋友，所以自己先行醫肚。12點幾過左葵芳搵野食，lunch 時段，勁多人排隊，佢門口已經用左排隊嘅水牌，分隔左三行。排滿人，見到都怕怕。所以去行左陣。過咗巔峰嘅lunch，我接近兩點鐘左右再行返轉頭，見到大約排五個人左右我就決定咗去排隊等。大約等左10分鐘左右有位可以入去啦。我點左一個黑蒜湯底嘅拉麵同埋炸雞一份。個湯底我覺得好好食唔錯我仲唔差唔多飲晒，但係個雞就一般般冇特別。黑蒜湯底湯底嘅拉麵，可以揀啲麵嘅軟硬度，要唔要蔥蒜等等， 我自由選擇因應自己個人口味。個面入邊仲有日本叉燒同埋流心蛋一隻。講到隻留心蛋，真係不得了，未咬落去已經感受到入邊充滿蛋漿，感受到入邊係空心，唔係熟左既實心。咬左一小口，就見到入邊啲蛋漿流出來。D staff 總要好細心，見到客人準備起身會提客人拎齊野，好彩有個男服務員哥哥提我，唔係我就留低左部iPad啦🙏🏻🙏🏻

成日都唔知呢間嘢叫咩名，次次經過都話下次要試下。今日終於試到喇。原來呢度出名嘅係鹽味湯底嘅拉麵，所以就決定試一試佢。個湯底睇落去好似冇乜顏色咁，點知原來佢個味道都幾濃郁。面底就冇得揀粗幼同硬度，但係呢隻麵嘅質感同味道都唔錯。不過嗰塊日式叉燒就差緊啲，唔係好夠林身，仲窿窿地。

今晚和老公撐枱腳，見到拉麵店竟然不用排隊，所以便到來吃。每次經過這間店，都見到好多人排隊，好想來試很久。我的辛辣拉麵味道不算太辣，叉燒不會很肥，不錯。老公的濃湯拉麵味道淡淡的，他說麵也很彈牙，不過不失。這裏的拉麵，可以自己加黑蒜蓉、柚子胡椒、梅子、辣油。老公說柚子胡椒的味道很清新，可以一試。我加了少許黑蒜油，味道不算很濃，但是都有蒜蓉的香。喜歡吃蒜蓉的人可以試吓。

新都會廣場大番新，加入左好多新食肆，日式拉面店係其中一間。今日午飯見排隊人數不多，就試一試有幾好味啦三個人各自叫左碗拉面 - 個人認為食拉面最緊要係個湯底！黑蒜熟成濃湯拉面，湯底最好味；俺流柚子拉面，湯底好清新，唔油膩，如果柚子味濃d會開心d, 不過就無左食拉面個種越濃味越好味嘅感覺; 辛辣鹽湯拉面，呢個湯都幾好味不過食落無咩層次感，好似普通辛辣面湯底。而拉面都可以選擇硬度，可以選擇要唔要蔥同埋筍。每碗拉面配有一隻流心蛋（一般）同埋一片叉燒（真係得一千零一塊），咁嘅價錢又有少少貴喔。我地另外仲叫左客炸雞，新鮮炸起，幾好味

今日我同我既小王子黎到新都會廣場搵野食，因為我地兩個都病病地，所以就決定食d清少少無甘熱氣既野，甘岩就見到有間拉麵店，甘我地就去左排隊。一入到去，環境都唔錯，我地一人叫左一碗拉麵，對我地即將黎到即拉麵抱住極高嘅期望，我地叫左一碗xx味噌拉麵同一碗xx鹽味拉麵，兩碗麵一黎到緊係要要試下頭啖湯啦，一試就不得了，我嗰碗味噌直頭係無味嫁，一田嗰d13蚊4包既麵豉湯仲重味過佢碗野十倍，甘可能有d中意食淡味啦，唯有自己加味，但係都唔係成碗麵得一千零一塊叉燒阿大佬，仲要兩碗都係得丁屎甘大塊既叉燒，就係面頭嗰塊，無其他餸嫁啦，孤寒到咁既地步既拉麵，仲要收加一，埋單180蚊，真係一定無下次之餘，仲要將我openrice既第一篇食評獻比佢，同時亦會記得下次食飯前開個openrice睇下各位前輩既食評，希望唔好再中伏

食豬骨湯底的拉麵像太過主流，所以今次揀左俺流柚子拉麵($72)，可惜我覺得非常一般。整體上整個拉麵都有淡淡柚子的味道，但湯底比較清淡。 配料方面溫泉蛋效果不錯。但叉燒只有一塊，亦比較細塊。今餐並不能完全填飽肚子，唯有下次試試其他拉麵鋪頭吧。

📢有驚喜嘅拉麵😋➖➖➖➖➖➖➖➖➖➖➖➖➖➖➖➖➖➖粉麵嚟講講除咗米線之外小編都好鍾意食拉麵🍜今日晚餐好早就嚟到食， 食完出到去發現出面都有好多人排隊😱#黑蒜油熟成濃湯拉麵 ($72)😋好味指數：(8/10)+$13追加叉燒🐖一嚟到已經聞到好香嘅黑蒜味🤤食落去黑蒜味都濃，不過唔會覺得太咸😋如果嫌黑蒜味唔重嘅話， 側邊有啲調味料，入面都黑蒜可以落咖😙重點係飲咗好多湯都唔口渴😍麵質同分量都ok，不過叉燒偏瘦只有一塊，完全唔夠喉囉🙄另外🥚夠晒流心🤤👍🏻.#明太子芝士燒餃子 ($38)😋好味指數：(7.5/10)一共有6件餃子😚好多時候食咗嘅芝士餃子都係裏面有芝士🧀不過呢款價錢就唔同啦，上面鋪滿咗厚厚嘅明太子同芝士一齊燒，食落去好重明太子味，而且芝士仲多到可以拉絲添😆不過餃子唔係好大隻， 皮都比較厚😢#橙味梳打 ($18)😋好味指數：(7/10)凡惠顧拉麵或丼物可以加十蚊換購汽水或梳打💁🏻飲落去嘅味道就係芬達再加多啲氣🍊.⭐溫馨小提示📌餃子記得襯熱食🔥唔係啲皮就會痴埋一齊同埋唔好食咖喇😘📌收加一服務費

咁大個人未食過咁難食嘅拉麵🤢...所有食材都係凍嘅😑...啲叉燒食落去感覺好似食緊柴皮咁😖，等同於湯渣嘅瘦肉一樣嘅感覺😭！仲有個炸雞同埋留流心蛋係極之難食，以後唔會再幫襯！😤😤