俺流塩らーめん (新都會廣場)

營業中

休息中

這天與朋友於葵芳新都會廣場逛街, 隨便選了一間食店吃, 怎料我與朋友都感到驚喜.俺流塩有多種拉麵可以選擇， 有男盛熟成拉麵, 黑蒜熟成濃湯拉麵等等, 而餐廳主打特別的鹽味拉麵，真係與別不同, 其他拉麵店很難找到。我點了個俺流黑蒜熟成濃湯拉麵, 味道香濃, 黑蒜味道好出, 好正, 還帶點醬油香味，义燒軟稔鬆化，份量好足, 湯底夠熱，可嚐到熱辣辣的滋味, 不得不讚。而朋友點了個柚子拉麵, 她邊吃邊讚, 於清湯中, 加入柚子汁, 有柚子的清新, 味道清爽, 感覺剛剛好, 沒有那種太濃烈的味道, 值得推介, 大家要試試。只吃拉麵, 略嫌單調了一點, 我們便點了一客唐場炸雞及明太子芝士燒餃子, 唐場炸雞好大件, 炸得脆口, 外皮脆到弹口,內裏還感到雞肉的汁流了出來, 超好吃, 下次再來一定要點。

🍜📸#tagnshare葵涌篇……………………💰鮮味蛤蜊濃湯拉麵 $88🤤 數一數中真係有十幾廿隻小蜆既限定款式拉麵⋯賣相真係唔錯😍蜆肉鮮甜，而且無沙👍🏻拉麵口感還好，湯底飲完有點渴，而且有點咸。大家可以加佢地既黑蒜醬，香而不咸！價錢都唔平gaa，份量偏少，男孩子應該唔夠飽🙌🏻.🙋🏻高妹小編……………………👇🏻地址👇🏻俺流塩らーめん (葵芳)葵芳興芳路223號新都會廣場地下117號舖.#hkig #hkfood #hkfoodie #foodpics #foodbloggers #香港吃貨 #uhkfood #foodig #香港美食 #葵涌美食 #手機食先 #相機食先 #相機先食 #hkfoodblogger #食好西 #hkfoodieblogger #likeforlike #葵廣 #葵涌廣場

路過商場的人望到很長的人龍,所以排隊一試。幸運地只是等了10分。但坐下不足五分鐘已見有20個人在等了。試了2款人氣拉麵，價錢公道，只是$59而已，也價錢合理。拉麵可選軟、硬或適中，也可選要不要䓤，很貼心。不過肉只得一片，分量較少。因了一半才記得影相,所以拉麵相不能參考唐揚炸雞飯等得比較耐嘅，不過上枱係熱辣辣，應該係即係炸嘅，好香好脆，而且有肉汁,不會太乾！每款氣拉麵可以$10加果汁梳打

放工的晚上，與同事結伴到新都會覓食，見到平日排長龍的拉麵店不用排隊，二話不說走了入去。我們每人點了一碗俺流熟成濃湯拉麵，附加了玉子，並每人$10加了橙味梳打及哈密瓜梳打。俺流熟成濃湯拉麵的湯頭濃郁香醇，令人回味無窮，點拉麵時可選擇拉麵的軟硬度，我選擇了普通的，但略嫌太軟（純粹個人口味），下次應會選擇硬的；玉子亦做到溫泉蛋流心效果👍🏻 拉麵店所有食物都十分讚，唯飲品是罐裝，令我有一點兒失望，不過都是日本罐裝飲品，味道不俗。總括而言，我十分欣賞這拉麵店的濃郁湯底，令人一試難忘

拉麵店的位置 在葵芳新都會廣場1樓 電梯下面， 並不難找。7時30分左右到達，門外已有20人左右排隊， 不過人龍消化速度極快， 15分鐘左右耳可以安排入座首先環境方面：店舖面積雖然不大， 不過坐位沒有擠迫的感覺，今次坐bar 枱位置，桌上已有開水，各式調味料，重點一點，調味料中有 黑蒜蓉， 非常惹味。選擇方面:大路口味的拉麵有提供， 例如黑蒜油鹽味拉麵等。 亦有比較特別的，例如䄂子口味拉麵和撈麵亦有。 小食方面亦有傳統的餃子， 沙律，大板燒等供應。 不愁沒有選擇。味道方面：今次我選擇了男盛拉麵， 太太選擇了柚子拉麵及 明太子芝士餃子。這個男盛拉麵不得之了， 份量十足， 有兩大塊炸雞兩塊叉燒 及溫泉蛋， 本人食量都算大， 這個拉麵非常飽肚。 奶白色的湯頭充滿豬骨濃湯的味道，拉麵非常彈牙，面質來說算是上品， 再加兩匙羹剛才提到的黑蒜蓉， 大滿足的一餐。太太選擇的柚子拉麵， 湯頭有雞湯的味道， 加上有䄂子的清香， 吃下去沒有死甜的感覺 ，而不想選擇太油膩的拉麵， 不失為一個好選擇。這個明太子芝士餃子， 頗為特別， 好像吃pizza一樣， 明太子及芝士的鹹香 取代了傳統豉油的鹹味， 是一樣非常

<葵芳拉麵好選擇>🍜😃呢間俺流塩開左好多分店 但全部都喺屯門大埔既遠地區 我自己唔太就腳 今日黎到葵芳店就試試佢 😃 同平時拉麵店一樣 自己點 無論湯底 麵硬度 要唔要葱等都自己點 !🍴辛辣熟成濃湯拉麵 63 蚊🍜🌶湯底偏多 有d 葱花洋葱調味 雖然叫辛辣 但辣度只算一般 🌶反而湯底既豬骨味香濃🐷 預 因為點左硬 所以爽口又有咬口 😃 流心既溏心蛋分開上 蛋皇都幾香滑🥚 叉燒有一大塊 肥瘦適中 口感偏硬 浸埋落湯底入面剛剛好 👍🏻🍴俺流熟成濃湯拉麵 59 蚊🍜 湯底幾香濃豬骨湯味 味道帶點米香 幾得意👍🏻🍜有少少葱花菠菜 做配菜 增加口感🌿 麵質偏爽口 連埋軟滑既溏心蛋🥚 同肥美既叉燒 整體唔錯 👍🏻😃🍴唐揚炸雞4 件 42 蚊🔥🐤呢個炸雞有4 大件 啖啖肉 雞肉都算幾嫩滑🐤 出面 炸得好香脆 點埋蛋皇醬仲正👍🏻Score 平均分 <7.6/10>Taste 味道：👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~

之前吃過過江龍拉麵店，來自東京澀谷的「俺流塩らーめん」，感覺不錯，家陣天氣冷得我滕滕震，再來吃熱辣辣拉麵就 perfect。 「俺流」查實是「我的潮流」的意思，創辦人「小林」先生首作是「熟成鹽湯」，用高壓將豬肉、雞骨、香蔥等材料餚成精華，做出濃稠湯汁。 葵芳分店和上次一樣，不乏捧場客，繼續多人排隊，我大約等了十五分鐘入座。 先吃前菜，來個期間限定的「海鮮野菜餅」$38 兩件即炸上枱，似天婦羅，將雜菜絲連同蝦等海鮮，撈入粉漿，炸成餅塊。 估計此餅在製法上該有一定難度，要用纖薄粉漿固定散碎的材料，亦正因粉漿不厚這優點，所以食的時候不會太油，亦夠乾身夠脆。吃這個餅可以點旁邊的酸汁，把僅餘的油膩感再踢走，也更醒胃。 另一前菜「日式胡麻雞肉沙律」$48，一大盤，不貴： 菜新鮮，完全不會又老又頹。佐配的日本芝麻醬份量控制得不錯，不會太濫，不多提。反而雞粒方面講兩句，因為雞是先煎過，所以上枱時「心仍是暖」，侍應也沒有放低就走，有溫馨提示小心熱，我當時心諗︰熱？原來是指雞粒。 枱上有不同的調味料︰黑蒜蓉、柚子胡椒、梅子醬，可以隨意加。我個人推介梅子醬配蔬菜，效果不俗。 期間限定的「鮮

今日晚餐唔想食得太豐富，咁就想食碗拉麵就夠喇，係葵芳，我淨係諗到依間係商場電梯底，日日都有人排隊既拉麵店。係排緊隊既同時，店員已遞上餐牌同點餐紙，一睇發覺佢依度既拉麵價錢比其他拉麵店平啲，我揀咗辛辣熟成濃湯拉麵，湯無想像中咁辣，味道濃郁又唔太咸，我幾中意，至於個麵就比較失望，係味千拉麵個啲有皂水味既麵，味道口感就緊係一般喇。最有驚喜既係塊叉燒，佢幾厚身，做到入口即溶既感覺，味道濃郁而唔肥膩，可惜只得一塊。我覺得依個價錢值得試下

Lunch @ 俺流塩らーめん 除非是等她開鋪的第一檯客 , 否則排長龍 , 是指定動作 .... Menu ~用來吃拉麵的醬料有 黑蒜蓉、梅子醬、柚子胡椒 ~ 俺流塩湯拉麵 : 根據餐牌的資料所示 , 此湯底是用了大量雞骨、豬骨、香蔥以慢火餙製而成 .... 先呷一口湯 , 味道溫和鮮香又帶點清甜 , 口味清新又不油膩 ~麵條的形狀既曲且直 , 麵質感煙煙韌韌又充滿彈性 ~日式叉燒 , 切得薄薄的 , 對我來說是偏瘦了一點 , 肉味比較淡而且味道一般 , 但跟湯頭和麵都頗配合 ~麵湯配着菠菜反而有點驚喜 , 感覺很健康 ~本篇完 ~

今晚一個人去食，排隊時已講咗一次係一個人，填埋張Order form，等咗成15分鐘有多先去到隊頭，其間佢仲問多我一次係幾多位，我就話1位，點知個職員就剩係比哂後面兩位三位嗰啲人入。等多10分鐘都仲係咁，火都嚟埋，問佢點解一個人食要等咁耐？明明有枱都比哂後面？佢先話唔好意思，唔知我係一位！我當堂呆哂，我話前後講咗2次，你都仲係唔知我幾位？跟住先話5分鐘內比個位我！仲要比我見到佢拎咗我張單後，寫完枱號就大大力掉去收銀機個單tray度！老實講，返工唔帶個腦，又要發老脾，不如唔好返啦！

一入門口諗住兩位入座，點知要我點餐先可以入去，大佬間餐廳得個幾個人食緊咁多位都要我門口點餐，感覺好差囉，如果間餐廳好多人就話啫。入到去點知先知原來係＋1服務費，心諗憑乜＋1服務費，啲店員又㩒電話，態度又唔好，我企左係收銀前面佢都可以喺度㩒電話。個面就更加好普通，味道賣相都係好普通，環境就冇辦法開係電梯底。總括嚟講我唔明呢間野憑咩收呢個價錢同＋1，一定唔會再去食。附近有更多更好嘅選擇，唔需要去呢間垃圾搵日本菜式。

今日同女朋友去葵芳街下街諗住買公司聖誕節抽獎禮物。行到攰諗住食拉麵，即刻有間拉麵出現係面前，二話不說行入去因為時間早，六點零鐘，完全唔使等位，因為佢間舖係電梯底，所以環境就一般啦，我地仲要坐係兩條電梯入口中間野食方面，我點佐個男盛拉麵，而女朋友點佐個辛辣熟成濃湯拉麵，小食點佐個海鮮野菜餅。面都幾特別，飲湯會發現咬到柚子皮，上網先知原來係呢間拉麵特色，雖然唔係覺得好重柚子味，但感覺好似無咁「流」，可能心理作用。另外枱面都有黑蒜蓉、柚子胡椒同埋梅子醬可以自己調味。野菜海鮮餅都ok,幾足料。女朋友就話佢個拉麵唔多夠辣，但味道都算ok. 整體可接受，但就唔會好好大驚喜，而最失色就係個環境，呢度真係要扣下分

俺流熟成濃湯拉麵 $58（需加一)-因為無數次中伏，依家黎到都只會點一號。食過第二款鹽湯，又貴又油，麵又唔掛唔到湯，感覺中伏。一號勝在價錢較平而且好食。平時食豚骨湯，愈食愈膩，冇辦法飲埋碗湯。而呢個鹽湯則相反，食第一啖覺得清淡無比，平平無奇，後來覺得咸咸地愈食愈上癮，最後仲要清埋個湯先安樂，重點係一啲都唔膩🙅🏻桌子上有其他醬汁可供添加，而食呢款湯我就認為原汁原味最滋味。鹽湯比較鹹，可能唔係人人都鐘意。湯底呈乳白色，經豬骨，雞骨同香葱所熬製，麵質彈牙，叉燒普通，食完有少少口渴既感覺。另外餃子都幾好食，一口一粒，沾上餃子汁真係無敵💁🏻‍♀️～唔想去葵芳掃街，食呢間都唔錯。

係葵芳行完新都會同葵涌廣場，見新開左間拉麵，可能時間尚早，我地入去既時候無乜人排隊。到我地食完出反黎勁多人排隊！先叫個小食先，海鮮野菜餅脆卜卜，佢裏面有魚餅粒，魷魚，蔥，蘿蔔一齊炸！旁邊有火箭菜，大蔥粒。個醬料好多油，不過唔點醬油都ok辛辣熟成濃湯拉麵 - 湯底好濃，雖然係辛辣，但其實都唔係好辣，佢有d柚子皮係湯到，幾特別拉面係幼身既，而面底軟身程度： 㨂左普通有一片厚切叉燒，叉燒一d都唔肥！另外佢同有以下三個醬料提供，我試左黑蒜蓉！食拉麵又點可以無蒜味呢！

又一間好食平價拉面葵廣食完小食，但又想食啲熱野暖肚，咁就去咗隔離新都會，開咗一間新既拉麵店，梗係要去試下啦價錢都係$59-$80左右，咁就試下佢既原味先啦！俺流熟成濃湯拉面($59) 個湯都幾重豬骨味，清爽唔油膩。拉面係黃色果種我最愛既麵質彈牙又有咬口。但呢個面就冇溏心蛋！所以我就另外加咗蛋 蛋好好食啊，好食到唔識形容整體性價比都幾高，可以再食。個大阪燒餃子都唔錯，有木魚，沙律醬係面，下面就普通燒餃子，多啲調味料令到口感更豐富，肉味都幾新鮮👌🏼