俺流塩らーめん (新都會廣場)

營業中

休息中

去到排一陣間唔算等好耐然後又張菜單可以自己TICK如果有唔明可以問職員解釋態度好好解釋好詳細我地3個人點左3碗拉麵+一碟炸雞3碗麵都唔同味道本人覺得 湯底濃郁拉麵本身夠霖 而且好彈牙豚肉好好味吃起來 很有日本風味最緊要係 碗麵好大碗而且拉麵份量超多所以一定夠曬飽而且唔覺油膩食完之後唔多點飲水應該無咩味精碟炸雞好酥脆調味啱啱好 可以同拉麵一起食非常夾大家不妨可以試試 價錢方面 我覺得合理因為碗麵真係好大 好好夠飽碗麵真係大過塊面

今日同媽咪出荃灣拜山，本身媽咪想食味千（佢係忠實fans😂，好難迫到佢食其他拉麵)。但因為巴士係葵芳站落，所以就係番呢頭搵野食。係新都會行左陣街，睇水牌見到呢間鋪係日文名，就諗應該都有拉麵食，所以就決定食呢間。午市黎講都唔算等好耐，等兩三張檯就有。等入座既同時，侍應會比menu同order紙我地睇定、剔定要食啲咩。佢地既拉麵都有十零款可以揀，麵質、蔥、筍都可以選擇，但就唯獨得男盛拉麵可以揀熟成／辣塩湯。入座之後，第一眼就留意到檯面啲調味料🤔。除左有一般既辣油、胡椒粉個啲，最特別係有三樽野，分別係黑蒜油、梅子醬同柚子胡椒。我估係要黎加落湯到，等湯底既味濃啲，所以我加左最大路既黑蒜。另外試左少少個柚子胡椒，覺得太鹽，都係乖乖地食番黑蒜油🤣。媽咪嗌左「黑蒜熟成濃湯拉麵」，我就揀左「俺流男盛拉麵」，因為見佢最多料。湯底好香濃，麵都好彈牙🍜。最感動既係溏心蛋係一隻，唔係半隻🤩，平時啲拉麵都係得半隻。至於啲叉燒都ok，不過我本身就麻麻地叉燒，唔鐘意食到肥肉。碗麵仲有兩大舊炸雞，真係好大塊。啲色有啲淺，唔太似唐揚炸雞。不過因為上菜個陣直接浸左落湯到，個皮已經唔脆😭，啲雞另上會好啲！整體黎講係中上水平

睇戲前， 見到門口排隊， 咪諗住一試睇住muen同整容d 字， 感覺都吾錯點知碗麵一黎到， 見到個樣已經扣晒分隻蛋點解吾砌開， 即刻開返openrice 睇下d 相問心， 如果有做功課， 我真係吾會食食落d 味道真係好一般， 收$73蚊真係吾值可能有一半係舖租啦但一定冇下次

成日都要排隊嘅拉麵鋪。。。。次次同老公見到到咁多人都會走，今日老公遲左收工，所以我排隊先。排到了我啦，老公就岩岩趕到，very good yeah ~~座位唔太舒服，比較迫，如果坐電梯口的話就真係慘啦！其實坐得舒唔舒服都好重要，如果坐得辛苦的話，食都食得唔輕鬆。第一次食，拉麵黎講價錢算低。味道方面係ok嘅， 合格中上的，份量也足夠，大衆化價錢。不過哩到其實唔係好岩我口味。。。老公食，辛辣鹽味拉麵。10蚊加多樽梳打我食嘅係男盛拉麵仲有餃子，都幾好食

成日經過新都會廣場都會見到呢間拉麵店排曬隊，今次係友人話一起食拉麵，所以我地都成爲排隊的一份子la！排左大概25mins，就可以入座la，排隊的時間有凳提供，感覺上都唔會等太耐。入到去，看左餐牌選擇都幾多，最後我地一起都食辛辣拉麵，本生我係一個唔多好拉麵的人。所以無抱太大的期望，因爲拉麵比我的感覺就是咸同濃味。食完呢個拉麵之後，我覺得拉麵都唔係太差！麵質我選擇左偏軟，偏軟的麵質很對我的胃口。加上湯底唔咸加上有點辛辣，感覺就很開胃，好快就食曬。

見到呢間拉麵店有唔少人排隊，就排埋一份試下。排隊期間已經俾定menu我地揀定食咩。拉麵選擇都算多，最後友人揀咗俺流熟成濃湯拉麵，我就揀黑蒜油熟成濃湯拉麵。再加$10 檸檬茶同蜜瓜梳打。蜜瓜梳打似糖水，好伏俺流熟成濃湯拉麵湯好濃，但唔油膩。黑蒜油熟成濃湯拉麵加上黑蒜，味道較俺流熟成濃湯拉麵濃郁，加上有少量檸檬絲同蔥絲中和，唔算太油膩，不過鍾意食清淡啲嘅我較鍾意俺流熟成濃湯拉麵，友人亦好快食完麵揀咗普通硬度，入口彈牙。流心蛋夠暖又夠流心最怕食到外暖內凍嘅流心蛋豚肉鬆軟，不過份量亦較少。豚肉應該放返係面，沈底，差啲以為無肉食。

鮮味蛤蜊濃湯拉麵- 奶白色的湯底鹹香，微稠，不膩- 清新的京蔥薄片中和了部分黏膩感，看到芝麻但味道不算突出- 蛤蜊尚算新鮮但未算鮮味，未算飽滿但亦非瘦弱，小部分有沙- 幼拉麵配海鮮，如沐海風般清爽- 溏心蛋黏稠流心，討好

呢間拉麵每次經過都好多人排隊今次去前面都起碼有十個人等緊但非常之快有得入座係等位期間可以寫定野食 慳番啲時間大約5分鐘到 已經黎左個胡麻雞肉沙律 全名唔記得左係咪咁叫都幾好 雞肉細細粒連沙律食 唔洗切但因為上次我地係食拉麵既時候 發現湯底有柚子估唔到今次沙律又有之後黎左拉麵 當然麵有好多柚子因為覺得柚子有啲影響左個湯底（個人認為）所以麵拎左大部分柚子出黎而我叫左個叉燒飯 啲肉好隨機 有啲好韌有啲比較好咬另外仲叫左個玉子餸飯佢上面仲鋪左大量蔥 無咩汁 比較寡食半碗就已經食唔落雜菜餅真係麻麻地 食落仲好粉未熟得晒咁不過整體不錯

每次都很多人排隊，今晚落大雨終於有機會試叫咗鹽味拉麵和男盛拉麵這裡的湯底不像平常拉麵店那麼杰和油怕肥膩的人值得一試原味湯底比較清我個人比較喜歡男盛拉麵似豬骨湯底都不錯叉燒好食，厚身但不乾但溫泉蛋有點失望，沒有蛋香味。這拉麵店最特別之處是有幾款醬料給你當你個湯底食到悶時，就可以加入不同漿料有黑蒜，梅子，胡椒柚子和辣醬選擇每款和湯底本身都能夠帶出不同化學作用，很有趣

今日同朋友來到新都會廣場見到開係地下中間位置既一間拉麵舖，覺得幾吸引就入左去食。店內人流挺多，晚餐時段店面外都一直會有數人排隊等待用膳。今次選擇了蜆肉濃湯拉麵以及黑蒜油熟成濃湯拉麵；蜆肉濃湯拉麵蜆肉甚多，但濃湯卻有點太咸；而當中兩款我比較喜歡黑蒜油熟成濃湯拉麵，黑蒜油不會太咸，對比起蜆肉濃湯拉麵多一陣蒜香，而她的叉燒冧而不肥，半熟蛋亦能保持蛋香；所以比較建議黑蒜油系列的拉麵。

喺東京試過呢間拉麵店覺得好高質，經過葵芳見到有分店就緊係衝入去食啦。去到嘅時候見到舖面同日本嘅有幾分相似，檯上面一樣有黑蒜醬、柚子醬、辣椒油、胡椒粉等等嘅調味料。叫咗個俺流塩湯拉麵，追加咗一隻溏心蛋。塩湯味道頗淡，即使加咗黑蒜醬都無乜味；叫嘅時候有得揀拉麵軟硬度，我揀咗「普通」，嚟到變咗超硬麵條...配菜都算多，最開心係有平時香港食拉麵好少見到嘅菠菜。成餐飯得隻溏心蛋同叉燒叫好味少少，叉燒鞋身但好入味，幾好食，不過下次都係叫返雞湯拉麵。

和老公放工後拍拖拖，他突然想吃拉麵，見到這間店都有些人排隊，估計應該不錯。晚飯時間我們等了約20分鐘就入到去。因為我沒太好胃口，不想吃濃郁的拉麵，見到期間限定的青檸雞肉冷麵，正合我心意！吃下也不負所望，雞肉新鮮和滑嫩，麵質爽囗。青檸汁酸酸甜甜的，又凍冰冰的，吃下很舒服！很清新！老公揀的撈拉麺剛剛相反，味道濃，多配菜，其實都幾好食的。最欣賞是麺質十分爽囗，又有炸蒜和生雞蛋，撈在一起吃很香！叉燒也味道不錯！

掛住日本有主店就為之正宗？很久沒有再吃味千拉麵，想不到今日又回到了味千的懷裏。拉麵店位於新都會廣場的地下，正正位於兩條電梯的中間位置。老實說，位置真的很不討好，上蓋地方沒遮沒掩，左右兩邊的人群都在上上落落，沒私癮也有欠衛生。俺流塩有很多間分店，之前都是在商場內見過，但從來沒打算光顧，只是這次遇上人龍，而且在人龍不絕的影響下，便羊群心理起來了！加上店外的拉麵海報的確有點吸引...好吧！就試試吧！翻了翻菜單，拉麵的款式有很多，口味也分很多，而且價錢不貴，賣相也很不錯！還聽聞在東京渋谷有主店～忽然間覺得找對了！店內有提供檸檬冰水，檯面擺了幾款調味料，可任意加入麵條中調味。拉麵放到檯面上的一刻，吸引力極高，賣相超好的！循例先喝一喝湯...對不起自己！中伏了！！晴天霹靂...什麼鬼的熟成湯？大量豬骨熬製？這湯與味千拉麵的湯有什麼分別？在發現味千拉麵所用的不是純豬骨湯後，便沒有再光顧了！感謝俺流塩將我帶回了過去！加上吃過了日本正宗豬骨湯後，我想這基本的豬骨湯味道，我還是懂分別的啦！太失敗了！怪便怪自己有羊群心理，以為有人龍的地方便不會伏罷了！除了湯頭是不行外，麵條還是可以的，最少不會有梘水味，叉燒

今日難得諗住同男朋友試吓呢間朋友力推既拉麵店，點知個感覺好差囉⋯⋯食物質素一般，青檸雞冷麵冰都無一粒，總括黎講，無我朋友講到咁值得一試囉！環境氣氛一D日本feel都無，仲要不斷聽到D「叮叮聲」，唔講仲以為去咗茶記呀🤦🏻‍♀️⋯⋯人哋一X堂都叫日文啦，咁先叫日本風架嘛！咁啱我哋坐喺廚房附近，不斷聽到入面既人嘈到出國際，有冇諗過會嘈到D客架我真心唔會有下次囉！都唔係日本拉麵style，香港茶記style叮叮叮！好失望

在大埔及葵芳分別見到呢間拉麵店排長龍等位，一於同男友試下係咪咁好食男友點的拉麵好抵食，有兩大件炸雞、叉燒及溏心蛋。我試左黑蒜油叉燒拉麵，兩款也好味，黑蒜油湯底好香好濃味。小食餃子味道麻麻地，外皮唔脆，味道好怪。隔離枱的食客叫左青檸味既雞肉冷麵，聽到佢話唔好食，似食緊白烚雞肉，青檸味既麵唔好食，我心諗好彩我冇試，入坐前都有少少心郁想試，好彩冇試呢款