傳承清湯腩專家

營業中

休息中

事先利申：非打手 亦係第一次打食評！！同女友兩個 星期六 係旺角搵食 見到格離阿木台灣面好多人排隊 但食過 覺得真係好一般 就去隔離呢間自稱清湯腩專家試食叫左爽腩河同埋崩沙腩+牛丸河 首先要讚 兩位待應姐姐態度100分👍跟住兩個面上枱時 色澤光鮮 分量充足 可惜食完先覺得應該幫佢留個好評推廣下 無拍照🙇爽腩同崩沙腩 都非常香口同重牛味👍👍辣椒醬 香而不辣 可能吾岩嗜辣之人 但我覺得同牛腩好襯 吾搶味👍👍大家可以試試價錢雖然吾平 但物超所值 一定會覆桌 見到星期六隔離吾好食既都咁多人排隊 所以決心上黎幫手宣傳下💪💪

網上見到旺角一間專門食清湯腩嘅舖頭 工作關係經常都係旺角 唔知係咪我同佢無緣 每次行過都唔見佢有開門 激發起我更加想食嘅念頭 所以有日放假就帶埋媽咪去 媽咪都勁鐘意食牛腩 叫咗個崩沙腩河粉同坑腩粗麵 上枱都見佢切得幾靚 但係食落口完全無牛味 湯底分唔到食緊清湯定清水 個麵好似煮咗好耐咁發哂而且痴埋一舊 勁失望 仲要特登放假出嚟食 真心唔覺得唔值60幾蚊一碗咁嘅價錢 去返一間普通麵檔食嘅牛腩都好食過佢

最近，好多人係不同既網頁，都post牛腩，崩沙腩，爽腩既相，有讚有彈，都好有興趣去試下果啲有人講過既牛腩專門店。經過旺角，記得有人介紹過呢間牛腩店，不過網上無乜資料，可能太新，去買啲牛腩外賣試下都好。一入到去，立即覺得有啲伏，大約6-7點鐘左右，呢啲食飯時間，既然一個人都無，仲要係，由我開始睇menu (無乜選擇），到我外賣攞走，都無人黎幫襯，隔離幾間食店係排哂隊既！無崩沙腩，話賣哂，晚市都未開始就無哂🤔😅咁我買左168蚊既爽腩外賣。回到家，一打開，我以為係叫左碗例湯番屋企飲，用筷子搞下，裏面係有牛腩的，不過，肥到呢，有5成係肥膏，2-3成係根，得2成係見到肉，成碗湯油到爆。之後係OpenRice 都見到有食評係差不多既comment，早啲睇到就唔使中伏啦！唉！168蚊買碗咁既野，好心就做好啲，唔怪得之無人幫襯。

第一次寫食評，今次真心嬲到要出post！呢間野質素極參差。第一次食成舊水既騸牯肥牛河，係好食既。第二次再叫，騸牯肥牛變到又瘦又韌，反而老公叫個碗爽腩伊麵有水準，肥瘦適中帶啲爽口筋膜，湯底清甜，幾唔錯。今次決定all in，滿心期待叫個淨爽腩，點知個女侍應一上菜就將啲滾湯倒落我大髀！!痛到我慘叫！即刻入廁所沖水洗傷口，出到黎望住碗168蚊既所謂淨爽腩，有5成係肥膏、3成係筋膜、2成係又瘦又無牛味既肉，湯就筆到滿瀉(所以倒瀉哂囉)，總之視覺上就係一碗肥膏湯....畀成百七蚊，換黎一碗垃圾；交出信任，換黎既係背叛同肉體上既傷害，仲整污糟埋我條新牛仔褲.....呢間野我永不回頭。

聽同事講廣華街開左間唔錯食清湯腩嘅小店，放完復活節假想食light d 嘅lunch就決定去試試！ 小店嘅樓面唔大，得十幾個位。去到仲未有招牌爽腩所以就叫左碗清湯牛筋拼牛腩河粉。個湯真係好似佢話齋「濃而不濁 清而不寡」，非常清甜。牛腩大件得嚟好嫩口，唔會有好多筋一d都唔韌。牛筋超正，大大嚿好有膠質超張口，最啱要嚟補充骨膠原！如果食得辣嘅可以試埋佢果兩款秘製辣醬，要來點牛筋唔錯㗎！清湯筋腩質素唔錯而且廚房出order嘅速度好快，係快靚正lunch嘅唔錯選擇。如果加強marketing嘅話，客流量應該會更多！

一個星期內幫趁咗2次第一次3月尾經過廣華街見到門面寫住獨沽一味賣牛走入去試吓本人未食過九記 華姐 只食過生龍生龍就絕對唔會特登去幫襯 但呢間可以回頭呢個崩沙腩伊有驚喜望落不論係湯定腩油脂偏多多就自然牛香都濃啲伊麵並冇唔熟或者怪味嘅情況出現 湯底飲牛腩鬆化冇渣冇黐牙另一次就幾日後 今次嗌坑腩伊相比起牛脂多啲嘅崩沙腩呢個坑腩肉味多啲 牛脂香味弱啲肉質都鬆化嘅 但有少少渣伊麵湯底水準同上次差唔多第一次幫襯嗰陣有小插曲有2位中高齡人士落單 嗌咗崩沙腩由於崩沙腩有連住少少牛脂位大叔食咗大半投訴話呃秤畀晒啲肥佢咁佢食乜收銀姐姐好好脾氣同佢講 店主都解釋咗大叔堅持嗌多碗冇肥嘅崩沙腩於是照落單 出到嚟大叔又鬧過姐姐話冇完全冇肥嘅崩沙腩 要肉就要普通牛腩大叔先死死氣要牛腩（嘥咗碗崩沙腩）奉勸大家怕肥嘅唔好食崩沙腩麵鋪嚟講地方的骰lunch time有機會要排隊

今日約咗中骨醫睇頸椎舊患，事前已經知道預約咗都要等，準點到診所姑娘建議我落樓下行下或先食啲嘢，好彩我未食午餐！😜無意中見到呢間新店才開了半個月，標榜每日供應新鮮牛，餐牌上有「騸牯」牛，如發現新大陸！👍😍咁大個女未試過「騸牯」牛肉，牛魔王嘅我立馬入內，驚執輸！💪🏻😜「騸牯」肥牛河粉 👍😋😋😋「騸牯」肥牛好有牛味，口感腍滑。店主講得冇錯，湯底濃而不濁，清而不寡，河粉亦好滑溜！冇得輸！👍💯下次要試佢嘅鎮店之寶「清湯騸牯牛爽腩」！💪🏻😍😍

讚1.牛腩份量都足既2.環境幾企理彈1.湯，唔合格，油膩唔清，無牛味；腩係偏韌，入口唔鬆，同埋肉味好淡；最大問題係伊麵，入口係夾生既2.價錢貴，一碗由五六十到百幾不得，如果真係用靚牛既，呢個價好合理，但呢度既水準未收得呢個價