傳承清湯腩專家

營業中

休息中

老實講  呢間都食左好多次  最近名氣越大  就感覺有少少回塘由於唔想排隊  所以通常4-5點去食  以前都仲可以撞下手神有冇崩沙腩爽腩家陣就唔洗駛  呢個鐘數肯定淨返最普通的牛腩  有時河粉都賣完  5點幾就咩都冇講返個牛腩河  河粉唔突出但不過不失  湯底係呢間鋪的靈魂  食碗河最好就係個湯牛腩其實普普通通  冇咩味但肉質唔錯  必定會加牛丸  有次去潮汕牛丸冇貨 質量差天共地不過最近D牛丸都差左  冇之前咁正  呢間鋪如果唔洗排隊都值得一試

兩碗麵，一碗雙併粗麵，一碗三併幼麵，都係嚟自同一間食店，價錢都係一樣，你會點揀？當然，你可以take both，但前題係你要食得落兩碗至得，或者好似我咁，分開兩日嚟試。警告：以下內容超長，慎入！話說上個月起社交平台唔只一次見過呢間標榜新鮮騸牯牛做食材嘅小店介紹，咁啱我每星期都有兩日出旺角，既然一場嚟到，時間又許可，無理由唔試埋先至走；又既然上次試過佢嘅筋腩麵，味道唔算太差，咁無理由唔試多啲佢哋其他嘅美食，話唔定會搵到好美味嘅嘢食，好啱心水嘅美食呢！結果，皇天不負有心人，真係畀我試到好美味嘅食物，係邊樣食物咁好食？請繼續細心閱讀落去，自然會見到答案。吸取第一次要在酷熱天氣下，起門口排隊超過半個鐘先至有得食嘅經驗，我唔再起佢12點半，開門無幾耐就排隊，而改起下午1點半後鐘先至到，心諗飯市時段都過咗大半啦，無理由仲咁多人卦？但結果大失所望，一樣咁多人，一樣要排超過15分鐘，接近半個鐘，好彩我唔趕時間，咁當然要排啦！終於到我可以入去啦！一坐低，我未開口，個店員已經同我講話崩沙腩同爽腩已經賣哂，我同佢講：得得得，我唔係叫呢啲，我要碗牛脷麵加粉腸（講真，出面麵店，我就見唔到有牛脷同粉腸啦，唔知各位

標榜新鮮騸牯牛，果然係與別不同，牛味十足而且有彈性，煮理過後淋軟。1340到店，等了10分鐘可進埸，不過崩沙腩牛爽腩已經賣曬，(1230開店，店員建議排隊等開門，有機會食到)。唯有叫佢圖一牛坑腩麵，牛坑腩好食淋軟，加$12有三條牛蒡，牛蒡粉粉糯糯的，麵就正常比較幼。相比起圖二牛腩麵加$12粉腸賣相更吸引，牛腩大嚿口感十足，粉腸一樣淋身入味，視覺份量比較多。值得讚許牛骨湯底鮮甜好味，我差唔多飲晒成碗湯。期待下次牛爽腩牛坑腩。溫馨提醒座位超級擠迫，10個座位左右，而且冷氣不足。食麵有免費支裝水提供，要自己自取。

早幾日出旺角，記起最近網路上經常介紹呢間麵店，咁梗係要嚟拜會下啦！我嚟到嘅時間12點幾，店舖啱啱開門冇耐，店外已經有10幾人排隊，雖然大熱天時啫，但一場嚟到，我又唔趕時間，排就排啦！結果排咗半個鐘至入到去。呢間麵舖，舖仔細細，無得畀你面對面咁坐，只有兩排一邊面壁，另一邊背對背，中間有條通道咁坐，起等個麵嚟嘅期間，我仔細數過，只係得14個位，比好多日本拉麵店坐位仲要少。望個餐牌就知呢間嘢係食牛，淨係牛腩都有幾種選擇，網片推介嘅騸牯牛腩我就無幫襯，穩穩陣陣叫咗個牛腩牛筋麵，而且比較經濟，但都要$64，以我嚟講算係貴，但我見到好多人都一係叫崩沙腩，一係叫牛坑腩。Order之後約3分鐘，碗麵就嚟到，當然係手機食先啦！最面係牛腩同牛根，下面係生菜，最底係個麵。為咗拍攝效果，我將啲麵翹起，再補拍一張。先講個麵，係無鹼水味嘅全蛋麵，呢種麵比較好食，而且幼麵能吸收更多湯汁，所以講常第一次我都會叫幼麵。呢間店標榜係用新鮮牛肉，我食落又食唔到以前牛肉嘅鮮味，牛肉同牛筋都燜得好腍，牛筋腍得嚟有啲煙韌，感覺真係用清湯燜煮，因為食唔到香料味，而且無論牛腩抑或牛筋，顏色都偏白，同一般粉麵店好唔同，可能呢個係清湯腩

網上見lee間清湯腩好多好評，專登過去食，間鋪開12點半，12點10分去到已經有人排緊隊，叫左最出名ge崩沙腩米粉同牛骨湯，見佢賣到82蚊碗，期望好高，點知食落真係勁失望，到底係香港人跟本唔識食定網上全部係寫手，咁ge質素收82蚊，唔能係ar........d牛腩無咩牛味，勁痴牙，食落口感可以話係鞋......佢用ge米粉係普通茶記質素，硬硬地，仲要排住隊去食痴拿線，牛骨湯又係無咩牛味，可能真係期望太高

果然是第一流的清湯牛腩！這間位於旺角的「傳承清湯牛腩專家」，很早之前已列入我的想食清湯腩店家清單之內。這天在閒日的九唔搭八下午茶時段終來幫襯，但仍要等超過15分鐘才有位。一如老饕消息所言，下午約兩點後已沒有崩沙腩、牛坑腩和爽腩等特別部位，我也只好點了普通的清湯牛腩牛筋麵。結果真的沒有令我失望，湯鮮甜，普通牛腩的肉質口感俱佳，不會過瘦，牛筋屬老人家也能輕鬆吃下的軟度，總體來說是我近年在九龍吃過最好的清湯牛腩，不過份量略少，吃得未夠過癮。下次我應會在店家剛開門時來，這樣才有機會吃到我想吃的爽腩😋由於此店店面細，坐得唔會太舒服，且只有一名樓面員工，招呼清理一腳踢，所以難免執唔切枱，影響人流運轉，這亦是要改善的地方吧。

個日好想食香港傳統美食 ─ 牛腩麵🐮 睇「香港牛腩粉麵關注組」見到有網友極力推介，就決定放假去試試佢😜我地大概2 點去到，見到門口已經打哂蛇餅，我就覺得冇揀錯，咁多人排，一定係好野🤣 最後等咗45 分鐘終於入到去，好期待🤩 本身我地係出面排隊已經諗好要食牛爽腩同崩沙腩，但坐低叫個時店員話牛爽腩已經賣哂🥲所以就改左叫牛坑腩～清湯崩沙腩河粉 $82嗌咗冇耐就上枱，佢個湯底望落去好似平平無奇，但飲落鮮味非常，一試就知唔係味精湯係真材實料煮出嚟嘅湯底。崩沙腩肉質鮮嫩，而且半筋半肉，食落有咬口，配埋河粉，好正🥹成碗湯都俾我飲哂🤣清湯牛坑腩河粉 $70牛坑腩雖然價錢平過崩沙，但味道一啲都唔輸蝕，啲牛腩好新鮮，肥，肉同筋mix 得啱啱好，冇等頂！👍🏻雖然呢間價錢比普通牛腩麵係貴咗啲啲，但絕對係值，一分錢一分貨，食過真係返唔到轉頭😋**提提大家如果想食真係要早啲嚟，因為佢地啲牛腩每日限量發售，賣哂就冇㗎啦🥲我食到一半就連崩沙腩都賣哂🫨今次食唔到牛爽腩就當留返啲遺憾，下次早啲嚟再試🫶🏻🫶🏻

平日around 13:00去食排左一陣唔算耐好多方便都feel到廚師係幾咁有性格 🤷🏻‍♀️Menu好restricted, 佢冇寫嘅combo就冇得雙拼例如 牛腩牛筋有得拼，牛肚牛腩就冇 🤷🏻‍♀️叫左一碗崩湯腩米 一碗崩湯腩河嚟左兩碗河粉 問我地O唔OK咁我哋唔ok geh所以樓面叫師傅再煮唔知師傅嬲定對次序有堅持最後等番5-6碗(即係遲過我哋嚟嘅人都已經有嘢食先到番我)味道就ok la,唔係話好驚艷🤷🏻‍♀️ 如果要排好耐就未必值了總括而言，附近有更好選擇🤷🏻‍♀️

我是不❤️吃🐂🐮的，但只❤️吃🐂肚肚。係咪好矛盾呢？所以每次陪🏠吃🐂腩粉麪，都只會吃金💰肚。今日第一次光顧這家小店，排左25分鐘度才安排入座。𥚃面是counter 枱，最多能容納十人。我叫了碗牛肚🐷粉腸米粉。🏠叫了碗🐂坑腩加8⃣️粒淨🐂丸。個🐮肚（腍中帶爽），個湯清中帶甜，合我口味。但個🐷粉腸（苦苦地），所以吃淨了。😅至於個🐂丸我只吃了一粒，它不是不好吃。只是我feel到佢有🧄味，所以我🙅‍♀️。（因我跟🧄頭是敵人）總的來說，這小店😋。我會再幫襯你的。

前幾日中午有時間就去左廣華街一間新進清湯腩麵店，之前有上網望過，間舖頭開左兩年到，係一間人龍店。好多時晏少少啲爽腩、腩頭個啲晏少少都已經賣晒。當日12:30去到個時都已經排晒隊，好彩排左大約半個鐘到可以坐底叫野食。清湯爽腩伊麵碗麵上到檯第一下個感覺係,啲牛腩份量都幾足，跟住即刻試一試啖湯，個湯頭好清，夠熱，有牛味。爽腩半肥瘦，口感爽滑。食得出係靚既。唔係急凍貨可以媲美。個調味唔濃，變左係食到牛腩既油香同牛味。食到一半就開始加少少佢地既辣椒油，辣椒油夠香，夠惹味。令到碗麵既味道提升到另外一個層次。喜愛度(5分為滿分): 4崩沙腩牛丸河崩沙腩牛丸河都係同一個湯底，所以唔再復述喇，直接入主題。今次個崩沙腩偏肥，牛油香好濃。腩身好滑。但係有幾件有啲啲痴牙。整體來講算好食但係個人會覺得爽覽好食啲。牛丸係肉騸牯牛肉打造既。好食，好有質感，唔係一般d普通機器打既牛丸。絕對可以一試。喜愛度(5分為滿分): 4整體而言，個收費確實係比一般牛腩麵店既貴。但係佢牛腩既質素係對得住個價錢。至於係咪叫抵食就真係因人而異，始終每個人口味唔同，唔代表冰鮮牛冇好既出品。但未試過新鮮騸牯牛腩既話係絕對可以一試。

啱啱收工食正腩尾，變晒柴皮～！下次早啲要嚟食頭腩，冇理由咁差嘅，只係唔啱時候 ja. 都夜晚七點幾，我估計要 11 點排頭位就有好嘢食，坑腩、爽腩，正宗乜腩都有，牛沙瓜都有得食～！

アフタヌーンティータイムは左側の軽食店を選びましたが、外に並んでいる人が多いのが分かります。 私が入ったとき、預言者は、ベンシャブリスケットと埋められたシュアンブリスケットが乾燥のために売られていたことを知りましたが、シケンブリスケットと埋められたビーフブリスケットしかありませんでした。スープのベースが、普通の麺屋の牛胸肉や川のスープとは明らかに違います。 スープのベースは少し青みがあり、MSGのスープとは思えないので、かなり飲んでしまいました。 それでも太鼓腹ですが、肉はとても柔らかく、口当たりも良く、牛肉のような味がします. 価格/性能比は比較的良いです.比較的高い。

今日專登嚟旺角食牛腩😂🤣呢間傳承一直都係我想去食嘅名單之中😂😂今日去之前都擔心要唔要排隊無位坐，又好好彩地直接入到店舖不用排隊就係有座位食，因為佢店舖座位比較少，但係非常之乾淨整潔裝修好有feel，店員姐姐非常友善👍🏻我今次叫咗牛筋牛腩河粉、朋友叫咗牛腩、牛丸、粉、腸河粉😂嚟到勁大碗我哋已經急不及待第一啖飲佢嘅湯😍初頭見佢嚟到時碗湯清清淡淡諗住死啦會唔會冇味道，但第一口已令我哋非常驚喜😍超級有味道濃味👍🏻非常之正佢嘅牛腩店員姐姐話有啲肥，但其實食落係爽嘅肥膏，所以你唔會覺得呢個牛腩好油膩，反而肉質非常軟腍，就算佢黐牙都唔覺得佢鞋😂呢一間我一定會encore嘅牛腩河

下午茶時間選擇左呢一間輕食，點知外面都好多人排隊。入到去先知原來崩沙腩同埋爽腩已經賣晒，唯有食坑腩同埋牛腩河。湯底的確同普通出邊粉面鋪牛腩河湯底唔一樣。湯底有少少藥材味飲起身的確唔似係味精湯，所以我都飲咗好多。雖然係坑腩但係肉質都好嫩同埋好爽口好有牛肉味，性價比相對比較高。筋腩河，個人太推介，牛肉食起身好韌，的確麻麻，筋就好霖😝

自從群記執咗笠試咗好多間清湯腩，網上見大家都咁讚又去試吓可能係期望過高但係又冇失望嘅！但始終冇比較冇傷害，都係一碗中上嘅爽腩粉腸就係好普通嘅粉腸價錢合理嘅暫時來講仲未搵到好食過佢，但係同群記比較始終爭兩班