傳承清湯腩專家

營業中

休息中

牛腩為香港茶餐廳～粉面店～大排檔～酒樓～快餐店常見食材·處理方法有好多種·常見用咖哩～藥材～清湯等等…今次帶大家黎到旺角介紹一間對牛腩對湯底有要求既小店👍真係唔試唔知好味道👏🔸🔸🔸🔸🔸14:30-17:00為下午茶時間 送罐裝汽水及雀巢檸檬茶👏醫護有8折🗣醫護有8折🗣醫護有8折🗣(重要事要講三次)🔸🔸🔸🔸🔸清湯爽腩河粉💰$64 紫菜💰+$8 魚片頭💰+$8先飲淡清湯已經知咩料·(濃而不濁～清而不寡)味道香濃湯底清·無油膩感·用上牛骨～藥材長時間烹調·飲落無味精(罐檸檬茶擺到尾尾先飲😂)師傅對湯底有研究唔係馬虎野👏爽腩牛味香濃·爽口食落唔痴牙👍有口感亦唔會太肥·好食😋師傅仲會切走埋脂肪位👏魚片頭夠厚身·咬落彈牙·重魚味好難得因為坊間一般叫急凍貨·無咩味道·食得出傳承除左牛腩湯底主角有要求之外對其他食物都一視同仁🥳紫菜份量多唔知以為加底😂味道好濃唔會煮到淋哂咁 抵佢+$8😜河粉偏厚身小小·食落爽口彈牙·配上清湯味道好夾🔸🔸🔸🔸🔸好味指數(7級最佳)▁ ▂ ▃ ▄ ▅ ▆ ▇——————————————————☻非專業食評·純個人口味☻小編第一次俾7級好味·首先佢講明採用新鮮騸牯牛(騸牯

廣華街傳承腩專門店久仰大名，今日過嚟試佢嘅淸湯筋腩河⋯可能期望越大，失落也越大，牛腩係可能，但唔係傳說中嘅咁好味，最敗筆係黐牙，最高分係佢個湯底，食完冇口渴感覺，試過就算，返食指數唔高⋯ 😅😅😅#傳承 #旺角 #清湯牛坑腩

牛骨濃湯加鮮牛腩專門店無論在用料和味道都很好!只係湯底比較清淡可能因為想突出返牛腩既鮮味唔好被蓋過爽腩伊麵 爽腩爽彈，牛味濃帶點肉的鮮甜 牛骨湯，用8至10斤牛骨熬2個多小時 湯底飲得出保留牛的香味入口勁彈牙，帶點膜夾肉，牛味比一般腩位濃得多坑腩加牛丸伊麵腩位切成薄片，鋪滿碗面 入口是陣陣牛肉甘香，非常軟腍牛丸以牛筋牛肉加冬菜打成 肉質結實帶陣陣牛香又夠彈牙有肉汁消費$150地址: 旺角廣華街2-20號翠園大樓2期地下6號舖

擒日突然諗起，好想食！今日Lunch就同同事嚟食！13:15到，一個客都無，之前食過一次，不過係同事買外賣，今次係第一次堂食！入到去，舖頭細細，枱係2邊，大約12個位左右！今次叫左個崩沙腩米，堂食真係唔同好多，熱肋肋食好好味！不過呢度得罐裝飲品係差啲！😋😋😋😋😋係最好味 🥰係推介崩沙腩米$68😋😋😋😋-肉多林，但肥肉尾太多，少啲就好！個清湯堂食真係好好味，一定唔好加辣椒油，好夠味！上次外賣食爽腩平均啲，之係有4個客都係叫爽腩，相信大家都係覺得爽腩好味啲添！

都係睇片介紹所以去試，叫左一碗坑腩麵、一碗爽腩麵（原先想要崩沙腩但賣哂，當時約2點），還加了$8兩粒牛丸一上枱牛腩賣相係靚仔嘅，第一時間試左啖湯先，有牛味之餘帶種甜味（類似紅蘿蔔嘅甜），飲完都無口喝坑腩牛味重肥瘦均勻夠淋，爽腩較為有頭牛味都夠（真係唔明d人話完全無肉味，咁食bubu唔知佢覺得有無味），2碗牛嘅份量都足夠，對得住個價錢，而牛丸爽彈有牛味仲要咬開入面有肉汁，非常好食下次會早d去試崩沙腩同最貴嘅腩頭，希望佢地攞返多d貨

睇咗啲comment 同佢個招牌，抱有期望，一定唔係難食，但真心咁嘅質素完全與價錢不乎。個侍應hea 到完全唔想做咁，難怪隔離排長龍，呢間店我入坐時全店只得兩位客人。似乎呢個舖好快會換新店。

昨日有個前輩同我講旺角有間牛腩粉好掂好好食，於是我就問佢攞左地址，今日放工即刻9衝去試試佢，第一次試就試試佢最貴果個騸牯牛腩河粉。首先講講騸牯牛係咩先，喺食之前我係冇乜印象係乜黎，就當我係完全唔識啦，上網查過：騸牯牛，是山東牛與和牛的混種閹割牛公公，而爪邊正是最受歡迎的部位，食落比本地肥牛更有嚼勁，油花更棉密均勻。今晚入到麵店，人唔係太多，不過坐位都係得十個八個位，等左一陣，一大碗騸牯牛腩粉送到，牛腩湯清得黎帶點甜，味道我覺得有少少似越南生牛肉河既湯，至於個騸牯牛腩就口感有d似平時食開火鍋果d本地牛，但係個肉質嫩少少，同埋肉與肉之間有均勻既肥膏同筋分佈，個人覺得相當不錯，絕對可以一戰，不過價錢就比較貴左少少$108，下次會再黎試試佢爽腩同崩沙腩，鍾意食牛腩既朋友可以去試試佢！

本身都鐘意食清湯腩，經過見到呢間好似新開未試過，當然要入黎試下。時間係星期日下午6點左右，一入餐廳店員就話餐牌頭3樣已經賣晒，如果想食崩沙腩、爽腩、牛筋既朋友就，就要注意下喇。餐牌上有樣野令我好驚訝，就係有牛鞭食，我朋友仔仲話下次要試下。清湯坑腩河 (加牛丸)坑腩肉質好稔，咬落仲有好香油脂香味滲出黎，夾雜香濃既牛味，非常唔錯，值得推介。而另外加配既牛丸亦好彈牙有牛味。清湯牛腩河牛腩相對比坑腩冇咁出色，肉質都好稔，但就小咗果陣油脂香，牛味就比較重，但都好食唔錯。總結：絕對會再幫襯。

暫時係我覺得最好食嘅騸牯牛腩，偏有咬囗，重騸牯牛味，湯重牛味偏油，衣個價錢合理牛丸都係重牛味彈牙，墨丸同魚片頭都係好嘢個咖喱似阿差咖喱，濃味得嚟唔杰，微辣整體水準好好👍希望佢keep到

📍傳承清湯腩專家 (旺角)旺角廣華街2-20號翠園大樓2期地下6號舖刁鑽脆筋腩$28。下午茶時段去嘅：下午2:30至5:00。最近見到牛腩關注組有唔少人講呢個部位。咁啱經開旺角，見到呢間小店有呢個優惠，$28有得食，咁都幾抵，結果我就入去試吓先😁份量都算叫多，起碼有十件。老實講，真係第一次食，味道方面都OK，食落有啲似筋包住軟骨，口感都算唔錯👌個清底都夠清甜，我真係飲曬啲湯先走😂BTW，呢個優惠幾抵食，但餐牌上嗰啲就真係貴左少少😆

事先利申：非打手 亦係第一次打食評！！同女友兩個 星期六 係旺角搵食 見到格離阿木台灣面好多人排隊 但食過 覺得真係好一般 就去隔離呢間自稱清湯腩專家試食叫左爽腩河同埋崩沙腩+牛丸河 首先要讚 兩位待應姐姐態度100分👍跟住兩個面上枱時 色澤光鮮 分量充足 可惜食完先覺得應該幫佢留個好評推廣下 無拍照🙇爽腩同崩沙腩 都非常香口同重牛味👍👍辣椒醬 香而不辣 可能吾岩嗜辣之人 但我覺得同牛腩好襯 吾搶味👍👍大家可以試試價錢雖然吾平 但物超所值 一定會覆桌 見到星期六隔離吾好食既都咁多人排隊 所以決心上黎幫手宣傳下💪💪

網上見到旺角一間專門食清湯腩嘅舖頭 工作關係經常都係旺角 唔知係咪我同佢無緣 每次行過都唔見佢有開門 激發起我更加想食嘅念頭 所以有日放假就帶埋媽咪去 媽咪都勁鐘意食牛腩 叫咗個崩沙腩河粉同坑腩粗麵 上枱都見佢切得幾靚 但係食落口完全無牛味 湯底分唔到食緊清湯定清水 個麵好似煮咗好耐咁發哂而且痴埋一舊 勁失望 仲要特登放假出嚟食 真心唔覺得唔值60幾蚊一碗咁嘅價錢 去返一間普通麵檔食嘅牛腩都好食過佢

最近，好多人係不同既網頁，都post牛腩，崩沙腩，爽腩既相，有讚有彈，都好有興趣去試下果啲有人講過既牛腩專門店。經過旺角，記得有人介紹過呢間牛腩店，不過網上無乜資料，可能太新，去買啲牛腩外賣試下都好。一入到去，立即覺得有啲伏，大約6-7點鐘左右，呢啲食飯時間，既然一個人都無，仲要係，由我開始睇menu (無乜選擇），到我外賣攞走，都無人黎幫襯，隔離幾間食店係排哂隊既！無崩沙腩，話賣哂，晚市都未開始就無哂🤔😅咁我買左168蚊既爽腩外賣。回到家，一打開，我以為係叫左碗例湯番屋企飲，用筷子搞下，裏面係有牛腩的，不過，肥到呢，有5成係肥膏，2-3成係根，得2成係見到肉，成碗湯油到爆。之後係OpenRice 都見到有食評係差不多既comment，早啲睇到就唔使中伏啦！唉！168蚊買碗咁既野，好心就做好啲，唔怪得之無人幫襯。

第一次寫食評，今次真心嬲到要出post！呢間野質素極參差。第一次食成舊水既騸牯肥牛河，係好食既。第二次再叫，騸牯肥牛變到又瘦又韌，反而老公叫個碗爽腩伊麵有水準，肥瘦適中帶啲爽口筋膜，湯底清甜，幾唔錯。今次決定all in，滿心期待叫個淨爽腩，點知個女侍應一上菜就將啲滾湯倒落我大髀！!痛到我慘叫！即刻入廁所沖水洗傷口，出到黎望住碗168蚊既所謂淨爽腩，有5成係肥膏、3成係筋膜、2成係又瘦又無牛味既肉，湯就筆到滿瀉(所以倒瀉哂囉)，總之視覺上就係一碗肥膏湯....畀成百七蚊，換黎一碗垃圾；交出信任，換黎既係背叛同肉體上既傷害，仲整污糟埋我條新牛仔褲.....呢間野我永不回頭。

聽同事講廣華街開左間唔錯食清湯腩嘅小店，放完復活節假想食light d 嘅lunch就決定去試試！ 小店嘅樓面唔大，得十幾個位。去到仲未有招牌爽腩所以就叫左碗清湯牛筋拼牛腩河粉。個湯真係好似佢話齋「濃而不濁 清而不寡」，非常清甜。牛腩大件得嚟好嫩口，唔會有好多筋一d都唔韌。牛筋超正，大大嚿好有膠質超張口，最啱要嚟補充骨膠原！如果食得辣嘅可以試埋佢果兩款秘製辣醬，要來點牛筋唔錯㗎！清湯筋腩質素唔錯而且廚房出order嘅速度好快，係快靚正lunch嘅唔錯選擇。如果加強marketing嘅話，客流量應該會更多！