傷心酸辣粉 (西洋菜南街) (已結業)

一個人，想平平地吃一餐，就揀左佢。$34就有一碗飯+餸，真係超級抵吃！原本想叫$38，一個餐，加小食。但7:30pm，10款左右既小食，已經冇曬，得返時菜本身想吃牙簽雞上次吃完，覺得幾好味

傷心嗎傷心食酸辣粉喇由小學食到現在十多年了😁講緊係酸辣粉彈牙既粉...可能係辣所以第一淡就咬同吐左出來🤣不過有樣野想講係好惹味😆總言之食香口既野 來呢到喇不過好油喔

打左電話去太子分店諗住嗌外賣Keep住都係響一下就cut左線，唔係直接打唔通果隻渦！..............................然後的打去旺角分店問，佢答我：好生意咪唔通囉！跟住我再打多幾十次太子分店都係一樣再打去旺角分店，佢話聯絡左太子分店經理然後我再打去太子，一樣！唔想做生意咪汁左佢囉，放個電話出泥俾人打又教唔接電話？ 我打左差唔多成百次電話好冇！

食飯時間在下午茶時段，永遠都有不錯的選擇，呢日去左傷心酸辣粉，不單止有粉麵食，亦都有好多不同的套餐，價錢又好平😚呢日就點左個好邪惡的食材, 哈哈哈，就係秘製東坡肉飯($28)，呢個價錢加埋杯野飲，真係抵到爆。東坡肉係超肥既，有d肥膩感。套餐可以加錢加小食，見個餐只係$28太平了，所以加多$10點多個小食牙籤雞，雖然加$10，不過份量都唔細舊，都有成5舊雞，唔鞋口，好味👍🏻當點完餐之後，同事來信息問我見唔見抬面有個QR CODE? 我話見到，佢叫我SCAN之後，就有份小食送。我即刻SCAN左之後，原來係送黑木耳。太好了，多一份小食，夾埋都只係$38，真係不得了😍

本人好中意食酸辣粉~我記得好幾年前, 最初我岩岩接觸酸辣粉,其中一間就係酸心傷辣粉,嗰陣酸辣粉喺HK仲未咁成行成市?但後來愈來愈多, 我食過其他啦, 再食佢..佢嗰排又好似愈來愈差咁..食過2次覺得唔好食後,幾年都冇食佢了~呢日LUNCH經過太子呢間, 見到都幾多人食~都咁多年冇食了, 試下佢有冇變丫?所以就入左去食了~佢有好多款酸辣粉餐, 都係$54,我叫左麻辣肚絲酸辣粉。麻辣肚絲酸辣粉 ($54)麻辣肚絲係豬肚來, 切成一條條幼絲,拌上麻辣醬料,配埋青瓜絲,好食!酸辣粉我覺得進步左(比起我當初覺得差而捨棄佢嗰時)而家我覺得都幾好食!薯粉好好咬口!唔係林PATPAT嗰D!最正係佢D花生! 堅香又脆!量又多!薯粉大大碗, 食到好飽..BTW, 坐低嗰時見到呢個..因為本身我都有因為其他餐廳裝左呢個APP,立即SCAN一SCAN佢個QR CODE..咁就有多碟涼拌黑木耳食了$54來講, 都幾好食, 食到好飽!!但唔包餐飲就真係差DD..食到辣, 就會想飲野,加多罐汽水就過$60了,就覺得貴左DD了~臨走見到呢個, 係豬手來,但叫二師兄的手,好搞笑。

又是沉悶的上班天，中午相約吃點辣的刺激一下。傷心酸辣粉算是比較安全的選擇，早已成為連鎖店的它，有較穩定的質素。-口水雞酸辣粉套餐酸辣粉上配料頗多,花生/炸菜/肉碎/莞茜薯粉煙韌，份量十足，感覺是吃不完。怕太辣叫了BB辣，結果太不辣了，不酸不辣的酸辣粉其實就不太過癮。口水雞份量都可以，這價位自然不會有雞味；蔥花莞茜芝麻花生增添了香氣；辣油雖然很多但並沒有刺激麻辣之感，一樣是吃得不夠爽。平平淡淡的一餐，這個價位這個份量這個質素，合理。

今日途經金魚街,又要落地搵野食,好食又一餐,唔好食又一餐,咁要揀間好食d嫁喇,事源今日好想食辣野,就入左黎傷心酸辣粉,每次叫口水雞,都好似係一場賭注,睇下抽到雞既邊一忽,有時抽到雞脾會好開心,雞夠嫰滑👍🏻雞胸都好,啖啖肉👍🏻但係有時抽中d雞背呀,雞翼呀咁就慘,食兩啖成碟雞無晒,得番碗米線,以今次,我都係賭仔心態,叫左口水雞！再加麻辣米線,多花生😏由於太辣,我自己多數都會叫凍奶茶/椰奶,一路飲奶解辣,一路慢慢品嚐果種辣既過癮😆

#fridayla_princeedward⠀⠀⠀⠀⠀⠀⠀⠀⠀⠀⠀⠀⠀⠀⠀自從翻開深圳食野之後，已經迷上川菜個種麻辣口味，⠀⠀⠀⠀⠀⠀⠀⠀⠀⠀⠀⠀⠀⠀⠀雖然本身唔食得辣，但偏偏越食越痛快😭😭⠀⠀⠀⠀⠀⠀⠀⠀⠀⠀⠀⠀⠀⠀⠀早兩日就試咗呢間大家都好熟悉既傷心酸辣粉😎😎⠀⠀⠀⠀⠀⠀⠀⠀⠀⠀⠀⠀⠀⠀⠀原來佢地除咗酸辣粉以外，連雞煲同烤魚都有做！基本上你念得出既菜式，佢地都有🤣真喺誠意十足！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*️⃣《傷心酸辣粉》始創於2008年，創業初期，只有一家開設於深水埗的百餘呎小店，店子雖小，依然吸引大批客人光顧。時至今天，已甚具知名度，只要一提到重慶酸辣粉，就總會令人聯想起。⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣重慶辣雞煲💲238💭叫咗小辣，但都唔喺頂得好順😢💭d雞都幾新鮮大件，而且入味💭肉質就唔算嫩滑，但好惹味💭最適合配話梅雪碧！⠀⠀⠀⠀⠀⠀⠀⠀⠀⠀⠀⠀⠀⠀⠀2⃣貢菜皮蛋💲36💭貢菜皮蛋唔算好辣😝😝💭如果可以再麻油d再蒜d就好3⃣蒜泥白肉💲52💭食蒜泥白肉最怕厚切同少蒜💭佢呢款第一

行行下太子想食辣野，平時呢間傷心酸辣粉見就見得多，平時食街邊既酸辣粉都食唔少，今日終於有機會坐定定試下佢。由於我同朋友都係第一次食呢間， 所以我地唔知道佢有啲咩嘢食 咩餸喺出名，咁我地最後就嗌咗一個二人套餐方便快捷！除咗每個粉都有得揀辣度之外，每個餸都可以，所以怕太辣但又想食辣既朋友就唔洗擔心喇~可以粉麵揀小啲辣，啲餸揀辣啲 咁就可以滿足晒你所有願望喇一入到去其實冷氣唔係好大，仲驚食辣嘢會覺得好熱，好彩食食下都ok因為佢啲辣唔係令到人出曬汗嘅辣，而只係口腔上既刺激！其實呢個二人套餐真係幾抵食，滿足晒貪心既食家幾經辛苦我地從云云既選擇當中挑選出三個餸，分別係口水雞、木耳同豬耳皇牌口水雞：啖啖肉，越食仲越惹味（推介！）紅油黑木耳：佢同譚仔唔同 呢個偏向只係得辣，就唔酸既，佢既紅油都覆蓋得好足，每片木耳都能夠有足夠既味道，配薯粉都好夾紅油脆耳：雖然佢同木耳個名都係叫「紅油xx」，但我食得出佢地有不同既味道，豬耳呢個「油」比較多 味道較木耳淡，相對地豬耳亦就無咁入味，不過佢既軟骨係真係好脆，硬度可以媲美雞軟骨至於酸辣粉方面，我嗌咗酸辣 小辣。佢呢隻辣唔似南記酸得咁出面，佢既辣有啲餘韻，湯唔重味

最近研究到一個抵食的食法，食齊粉麵、雞煲和蔬菜，而且各種營養齊全。兩個人點一份重慶麻辣雞煲（$138/半隻）share，一人一個自選粉麵，兩碟菜，份量非常豐富。先說雞煲，以明火打邊爐的模式端上。可選 bb辣，不過也相當夠刺激，煲內不難發現一條條大辣椒。濃裂的醬汁也不能遮蓋雞肉的嫩滑。煲內的洋蔥蒜粒也不要錯過，它們吸盡醬汁精華，令人回味無窮。粉麵方面，我們點了椒麻湯米線和小寬麵（各$30）。麵條入味，質感不錯。辣度還好，不至於食到「很傷心」。特別欣賞那球椒麻茸，非常惹味，令人有追食的衝動。餐牌上也有不少蔬菜類的選擇。想吃青菜就要留意選例牌的時令油菜（$22），因為餐牌上另有其他菜款要$50的，例如手撕包菜、蒜茸炒生菜。建議要求走蠔油，就可以得到清淸的灼菜。如果沒有走蠔油，每條菜都拖過油，會太油膩。另外黑木耳也是很有益的蔬菜，所以也點了一份 bb辣的紅油黑木耳（$29），很爽口開胃。唯一要注意的是鋪面較小，枱面空間也不大，小心點到一枱都是食物喔！

好耐冇食過傷心酸辣粉啦，咁啱今日行咗全日就想搵個位坐低。想起附近有間傷心酸辣粉，而且下午茶時間做到六點，咁就入去啦。嗌咗口水雞酸辣粉配凍奶茶～口水雞份量都多，而且係好厚嘅雞胸肉。口水汁好食，小鹹少麻辣，好岩我口味。只係雞皮厚左少少......相反酸辣粉就好失望，雖然已經叫咗中辣，但係又唔辣又唔酸麵質偏腍偏軟，最重要係辣汁完全入唔到去薯粉入面，湯底好似清湯加紅油咁，極度失望。唯一可取之處係佢嘅花生好熱辣辣剛剛烤焗過，十分脆口。奶茶叫咗少冰，但係都係有半杯冰。碎冰好快就溶搞到啲奶同茶好快變得好浠，一啲都唔好飲。

🐠正宗重慶香辣烤魚 $238(大辣+$2)飲品係唔跟既 不過跟set叫會平啲Set包左三個配菜 可以自己揀返本來個煲已經有少量百頁結 蓮藕 木耳豆卜 呢啲吸味既野😜我叫左大辣 睇落好多辣椒 其實係唔辣但就幾香既 幾重口味 配薯粉都好食由於條魚被辣椒包圍 有啲難夾😛--👂🏼紅油脆耳 $46(大辣+$2)🍢鮮椒爽脆生腸 $39🧀黃金芝士豆腐 $36--由於兩人食驚唔夠飽 叫左三個小食推介🧀黃金芝士豆腐 點泰式辣醬好食😋兩人仲飲左三杯檸茶 好誇張😂--嫌食酸辣粉冇新意 都可以試吓呢度既烤魚或者雞煲架😘

愛吃辣的原因，大概離不開愛重口味食物。傷心酸辣粉也我其中一間最喜愛的吃辣首選地。 今次晚上來到太子店的傷心，就試了招牌烤魚。烤魚真的很吸引，先烤過的魚放上孜然粉等的香料調味，再配上大量重慶辣椒和辣椒汁調味，慢慢加熱，煲著來吃，冬天吃著它，真的暖笠笠。 烤魚窩內還配有芽菜、蓮藕、金菇、雲耳、百頁結等素菜，沾上麻辣汁吃非常好吃！ 🐟正宗重慶香辣烤魚🌶（＄238) 想划算一點，可以選擇烤魚套餐，可從A,B,C,D款式中各選一項，還包了2杯飲品呢！ 👉🏻配牛柏葉、豬紅、生菜、薯粉 另外再點了2個套餐，同朋友share來吃！ 🐷蒜泥白肉套餐（$62） 蒜泥超好味，撈粉食一流！ 🍜配晶絲薯粉（加$5） 晶絲薯粉比普通薯粉幼細一點，但同樣非常吸味，配上榨菜、肉醬等配料非常惹味！ 🐄夫妻肺片套餐（$62） 牛肚片、牛𦟌片味道一流！選中辣味道剛剛好！ 🍜配重慶炸醬涼麵（加$5） 炸醬涼麵也是我非常喜歡的，麵條爽滑，配上自家製肉醬味道不錯！ 👉🏻套餐送小食 🐷香脆豬肉卷 🍡黃金花枝丸 估唔到套餐仲可以有埋小食，

單點: 水煮魚晚上除了指定個人套餐及二人套餐等, 店家還有一些可以單點的吃供選擇。今天單點了水煮魚, 店家是用最便宜的龍俐柳作主材, 配上青瓜, 闊條紅薯粉, 芽菜等等調味料味道足, 麻辣也很有份量, 不過油可以減些更佳說到這家店, 店里的辣度比別家勁, 份量也比旺角兩家的多, 愛吃四川菜的人可來試試雖然單點不是很划算, 但若果選套餐還是不錯的午市套餐約HKD50, 晚市約HKD60左右, 包一杯飲料

原本今日約左中學同學去打波，但點知落好大雨，俗語話打波先黎落雨，唔通連個天都唔鐘意我。回想中學時期，放學後多數都係留低學校打陣波先返屋企，打完波我地都鐘意去食傷心酸辣粉，今日終於有機會邊食酸辣粉邊傾下往事。我地兩個人叫左二人套餐，選擇左兩碗酸辣粉，口水雞下例，干撈牛肚，紅油黑木耳。皇牌口水雞肉質十分之嫩滑，雞皮薄唔肥膩，加埋麻辣醬汁味道簡直係完美食到唔停口，食過其他餐廳既口水雞始終都係傷心酸辣粉的比較出色。干撈牛肚，只有辣味，其他不予置評⋯⋯紅油黑木耳，酸酸辣辣，口感不錯，爽口多汁又入味。酸辣粉煮得太淋，而且湯好淡，今次失水準椰奶簡直係食辣野既好伴侶見到枱面貼的推廣期小食好似都好吸引，於是叫了一份，果然不俗，炸得脆，甜薯本身甜味足。