傷心酸辣粉 (西洋菜南街) (已結業)

之前食過幾次, 味道唔錯!  夫妻肺片，爽口，不過切得較為幼身。小食口水雞，小辣，雞肉不至於很滑，但味道可以。呢個就係傷心酸辣粉，小辣，上面有好多花生、菜、酸菜...一路食你會感覺到身邊嘅人會開始'傷心'起來...要欏紙巾出來，當然我亦係其中啦，越食越傷心，越食越過引 追加半隻口水雞，由於食小食及酸辣粉都係辣，所以口水雞走辣，睇落同食落都似麻油雞，都好味。

呢間酸辣粉間唔中都會去食～次次都係叫小辣的。。但係個辣度真係唔太穩定了，今次阿姐一放低碗粉 我就見到個湯底好似特別紅咁，一食落去就知佢今次重手左了。。 好彩叫左杯凍奶茶 邊食邊飲都冇乜問題。食食下見到對面同側邊嘅食客碗小辣都到左。。。淺色好多 攪到我下次都唔知叫bb辣定叫番小辣好了。味道佢係幾好的，不過對於唔係食得太辣既我黎講，每次黎食碗酸辣粉都有d覺得黎博咁 （博佢唔會重手落多左辣）。希望佢會穩定d。

1。服務態度今日係25/9落好大雨，我同班朋友(3個靚妹仔)一齊食呢間野，因為淋左啲雨，所以個身濕左小小。我地入到間餐廳，佢安排左張枱比我地坐低，咁岩對正個風扇位，吹到我地應一應。因為淋左啲雨有啲凍，所以我地好好禮貌想佢熄左佢。點知個(員工)呀嬸話佢好熱，又話我地成個廚房都好熱，所以唔可以熄。當時佢身上著住件一睇就好薄嘅衫，同時間餐廳冇咩客人完全唔忙，成班仲不停玩手機，而且當時都有開住冷氣。重點個風扇係貼係牆上掛到好高，而佢企嘅位置同廚房係係牆後面，根本冇可能吹到，所以我地覺得佢係有心唔熄。唔夠一分鐘，坐係我地隔離枱(一位比我地早黎嘅情侶)個女再次要求熄風扇，可能個呀嬸知佢明明聽到頭先我地問過都再叫，所以佢睥左佢一下，再口窒窒話佢好熱。之後佢女嘅開始串串地講咁我依家凍你熄唔熄，呀嬸又話我地好熱，個女就話咁一係你固定左佢去另一面囉，呀嬸話佢咁高我固定唔到，個女就話咁你熄左佢囉，之後個呀嬸就口upup自己好熱就熄左個風扇。我真係好多謝個女俠義相助，同時我覺得個呀嬸好有問題，但睇佢個樣應該係高級，所以其他職員唔出聲。2。食品佢地最近加左價都算，佢餐單送一個叫粉紅佳人嘅啫喱，食完真係畢生難忘。

很想吃川菜，今晚難得要在外面吃，於是便到此店。前些時候經過都滿座，今晚只有小貓三四隻，於是一於好少理便衝進去。坐下叫了套餐 (泡椒米線加麻辣雞)個碗很大，米線份量極少，韮菜要生吃，未煮，芽菜也有，全碗米線鹹到痺，根本吃不下。若成日吃，相信健康都有問題。碟雞也吃得不痛快，成口碎骨。成個餐成為$51.00。回到家後還要吃兩個飽才夠飽。下次no way!

去太子好多時懶得諗會直接去華星食茶餐就算，今次想食下其他野，在成條食街逛咗一次，好多選擇，最後點咗食酸辣野。其實傷心酸辣粉唔止一間，但咁耐以來都未食，因為個名令我卻步，食完會傷心咁慘....但次次經過都見有唔少人食，所以今次要試下。揀咗個二人C餐，包兩碗傷心酸辣粉、一碟青瓜、一碟豬肚絲、一碟口水雞，同埋優惠價兩杯飲品（熱飲加2蚊、凍飲加3蚊）二人套餐C內的口水雞（BB辣），接受到的辣二人套餐C內的豬肚絲（BB辣）話BB辣，食落好辣....原來唔止BB辣，食到我留晒鼻水，口唇麻晒；要求換過，最後呢.... 都只係倒咗D 汁，加多咗青瓜絲二人套餐C內的青瓜（BB辣）二人套餐C內的傷心酸辣粉（BB辣），走酸 ～ 薯粉又幾好味，不太辣，合我口味。二人套餐C內的酸辣粉（中辣），走酸 ～ 見到都覺得好辣見隔隔離檯有位獨女一個人叫一碗好多餸嘅粉外，仲有一碟唔知乜東東，再見到樓面放底一大碟口水雞，碟雞有半隻，好吸引，所以我地學人加半隻口水雞 不過呢..... 好似成個套餐碟碟都差不多味。 所以只能好偶爾食，如果唔係真係幾悶。樓面人手三個，負責埋收銀同送外賣，眼見個個做到氹氹轉，但服務有禮又殷勤。

Lonely lonely Christmas...好傷心，兩個麻甩佬平安夜，寂寞難奈咁行吓街，好傷心咁入咗依間酸辣連鎖小店！唉，我都話對連鎖冇乜好感㗎啦！既然天氣凍，明知唔好食，但都第一次試吓啦！我哋叫咗個《精選二人套餐》，當中有《皇牌口水雞》，《豬骨湯麵》，《傷心酸辣粉》，《滷水拼盆》，《紅油蒜茸青瓜》。因為我唔喺好食得辣，所以大部分都小辣。先講口水雞，雖然唔喺咩雞味十足，但唔算好肥，冇乜肉！但辣椒油都味道都算十足，都辣得幾過癮，但香味唔夠！倒返轉頭講個辣字，就唔算好特別！《豬骨湯麵》真喺差咗啲，中式做法，唔覺有豬骨味，酸味都淡，麵底唔彈牙，冇咩好特別嘅味道，好一般！《滷水拼盆》一上枱就好失望，份量太少，唔大件，味道又唔夠！牛肚切得咁薄，本來喺爽口彈牙嘅事，攪到不知謂。不過咁講，138 蚊嘅套餐，又唔應該期望得咁高！《紅油蒜茸青瓜》喺做得比較好食，因為食到青瓜嘅鮮甜味同好重嘅蒜香味！咬落索索聲，都幾好味！因為冇食《傷心酸辣粉》，所以唔寫！總體嚟講，喺咪好唔好食呢？又唔算好特別，只喺一般般！因為個豬骨湯改咗黃麵底，加咗10蚊，都唔抵，總共 148蚊，一般囉！

招牌伤心酸辣粉加椒盐軟骨。酸得不夠纯，有点搶喉。辣是麻辣，不过不失。非常暖胃，冷天吃好。今天3O度，帶條手帕，同伱的伴侣抹抹汗，定必不会令他/她伤心。至于服务员，一定是最底工资，点有笑容! 苦字一个。所以路过吃吓冇防。

今日喺呢頭附近做完野鬼咁肚餓~好想快D搵個地方醫肚~抬頭望到呢個熟識的招牌~記得喺MK那邊的分店食過~諗到佢D辣已經流晒口水~!所以入去開心下~店舖地方唔係好大~D枱擺得好迫~想做多一兩枱生意都可以理解,為左唔同其他客人迫,我呎D米之連唯有坐左去另一邊的位置一坐下發覺都几熱,可能係空調的位置唔到位,見坐落左就唔想再郁,心諗坐一陣會好D好快就下了決定~叫佢個口水鷄同酸菜米線,再加客皮蛋服務員問我口水鷄同皮蛋要几辣,我呢D辣精緊係話要大辣LA~好快就有野食上枱~~勁興奮大辣口水鷄 – 嗯..D 汁多到好似撈湯咁~鷄就只得6,7件,真係唔知邊D先係主角~鷄件以骨位居多~唔係咁食得出佢的鷄味~只係食到D汁的咸味~噢~我要大辣唔係大咸啊~有點失望酸菜米線 – 唔記得叫佢少米線TIM..米線份量真係好足夠~唔會太淋,唔錯~酸菜加左落D湯到變得唔係咁酸,仲相當清淡~大辣皮蛋 – 理應唔會有任何閃失的款式~點知結果同口水鷄一樣~只係食到D汁的咸味~有理由相信因為蒜椒都切開放得太耐,失去左佢本身的辣味,而且加左太多豉油,所以變得只得個咸味,噢…我係要大辣唔係大咸啊~!!食食下真係出汗~ 我好明白唔係因為

很久沒有食酸辣粉, 記得以前在花園街側邊的小食店煮得很好味,雖然是站著吃, 但我都有幫襯過幾次今日想回味, 但同行男友當然想坐得舒服點, 走來這店試試諗住地舖, 有冷氣, 有位坐, 可惜事前沒有上來看過食評 (真心重要!)是次試過之後, 終於知道點解喊臉多過笑臉幾倍入到店內, 因為唔想搭檯, 所以選了一張近廚房的二人檯不過有點窄, 大碼人應該坐不下坐了一分鐘, 覺得有點不對路, 好似沒有冷氣, 只有"風"於是無奈地轉檯, 與其他食客同檯, 心想....都是快吃, 沒關係吧坐低後, 望到隔離檯的冷氣位滴水, 已經有d唔開胃而且坐了一會, 冷氣都好像唔"冷"囉~算, 真係好耐無食過, 於是落單落單的哥哥....好像新來似, 邊入單落電腦, 就行黎問我地每樣餸的辣度, 點解唔起落單時問埋呢?新黎的給予機會喇~算可是.....第一道菜上檯, 驚喜非常, 先說明: 我們點的全是散叫, 不是二人餐或套餐$16 時令油菜, 只得生菜, 沒有其他菜可選 (好的, 沒問題)哥哥送來的, 竟是四瓣生菜切件, 即八小件, 看得我同男友眼都突埋菜....真的有這麼貴嗎?! 我是給正價的喔!於是問問落單的哥哥:

又黎食傷心酸辣粉，下午茶時段黎有茶餐，一個小食配一碗粉都係三十幾蚊，幾抵架。發覺自己都幾唔食得辣，今餐全部都要bb辣。麻辣脆耳肚絲豬耳比例較多，仲有少少青瓜絲，幾爽脆，少少辣過引。鹵水併盤無上次食咁鹹，但依然滷得入味，好食。酸辣粉，bb辣都幾辣下喎，少少鹹菜同花生，紅薯粉彈牙，唔錯。加錢要左餐飲，凍熱檸茶，都係唔好飲嘅，但都入得口，好過上次飲泥水。

我點了麻辣脆豬耳、傷心酸辣粉套餐，朋友點了豬軟骨傷心酸辣粉，大家同是點了小辣和凍檸茶，不過一來到便見高下，朋友那碗的紅色很明顯比我那碗紅，一試之下，他那碗的小辣比我的辣很多，粉不夠彈牙，花生算是整碗的救主，而裏面的肉過熟。不是午飯繁忙時間，顧客並不算多，但店員服務不殷勤，大大力放下2碗粉，我那杯凍檸茶的匙還附送了芫茜。

口淡淡就想食碗酸辣面刺激一下, 這次優勝者- 傷心酸辣粉再次出現, 但有點失望. 招牌酸辣牌第一次吃, 除了比正常酸辣粉貴成$4之外, 找不到其他唔同.何謂招牌?放在那裡?是肉碎多了嗎? 好一大堆疑問.酸辣粉份量少, 如沒有跟套餐不到下午茶時段已經餓肚子了.裡面有脆花生, 芫茜碎可帶出香味.酸辣粉是薯粉, 好有口感. 如浸多5分鐘進食就更入味!還有丁點肉碎讓酸辣粉冇咁寡.味道帶酸, 要了BB辣~下次會吃回正宗酸辣粉, 再研究一下分別在那裡~..

下午茶時間黎到西洋菜南街, 見到傷心酸辣粉有下午茶餐就入左去雖然係下午茶時段, 但都唔少人既, 主要有2個男店員負責, 落單到上菜都好快手口水雞酸菜米線(小辣)口水雞好油,辣油仲多過雞肉,雞係凍既,花生就幾香口酸菜米線望落無酸辣粉咁油,但一路食都有好多油浮上黎,湯好似清湯咁無味,酸菜味道普通,米線偏"林"傷心酸辣粉自由度好大, 酸辣粉同水口雞都可以揀辣度,不過成餐飯超級油, 真係無下次...

傷心酸辣粉，尼聽個名好似好得人驚，食完會喊哂咁，所以係香港興左咁耐，我一次都唔敢食。自問自己可以吃小辣，但如果會辣到喊，又未有呢種能耐。結果次次經過佢既門口，雖然好似好吸引，但都係冇勇氣嘗試。一次偶然，行過差不多回家，肚子有點餓，不如買碗返屋企外賣囉，至少就算係屋企辣到眼耳口鼻歪哂個樣都唔會嚇親人呀=]好啦，買左碗，細膽要左碗bb辣，咁都已經二十一大元。一打開，酸味撲鼻，好似唔係好辣喎。一口吃下，又幾好味，不太辣而帶大量的酸，對喜歡酸的我來說，挺合我口味。結果一個月吃了三次。第一、二次都很不錯，吃完都很滿意。不過到第三次，叫了個二人餐，就是圖中的那個，兩碗粉加三碟小食，所有東西都是同一樣味道的汁，吃多...會怕了。這餐飯無論是雞、青瓜、粉還是豬都是一樣味，就質地口感不同。噢，吃多真的又悶又怕，自此，這家店跟我的食單說再見了。

好記第一次食酸辣粉 , 係個胃頂唔順 , 嘔返晒出黎 ... 皆因o個次o係街邊立食 , 回想佢煮o既過程 , 一匙一匙調味劑 , 醬油 , 辣油 , 加 d 湯 , 薯粉 , 配料o個啖超濃郁o既 " 湯" , 簡直好似味精撈薯粉一樣食完o個次之後 , 一段好長o既時間唔敢再食酸辣粉直至傷心酸辣粉開完一間又一間 , 越黎越多朋友話好食我又好想再試下喎 , 始終我都好鍾意食辣野 =p呢間分店都食過好幾次 , 下午茶時段 , 之前食口水雞餐 , 都幾抵食 碟雞有冇肉就要睇下好唔好彩喇 , 有次真係成碟都吞唔到三啖 @@"口水雞 d 汁好好味 , 可以連埋d 花生撈埋晒落個粉度食 今日黎就食滷水拼盤餐 , 都幾多送喎 , 紅腸牛肚鴨胸各 4 片味道唔錯 , 係薄左 d 囉 , 雞腳太硬 , 浸落個粉度食就差唔多酸辣粉又係次次唔同質素 , 有時叫 bb 辣都好辣 , 有時完全唔辣有時太硬有時太淋 , 有時好多配料 , 有時得 d 莞茜蔥 ,不過 , 勝在湯底無經驗所得o個種濃到 " 那" 喉o既時道可能佢都係咁多味精 , 只係我見唔到佢煮 ?? 睇唔到就當無啦 ## 除左酸辣粉 , 呢度個手